Колокольцев Владимир Александрович
| Колокольцев Владимир Александрович | ||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
.jpg) | ||||||||||||||||||||||||||||
|
| ||||||||||||||||||||||||||||
| 21 мая 2012 (уялга дүүргэгшэ 8—18 мая 2018, 15—21 января 2020, 7—13 мая 2024) |
||||||||||||||||||||||||||||
| Засагай газарай түрүүлэгшэ |
Дмитрий Медведев Михаил Мишустин Андрей Белоусов(уялга дүүргэгшэ) Михаил Мишустин |
|||||||||||||||||||||||||||
| Юрэнхылэгшэ | Владимир Путин | |||||||||||||||||||||||||||
| Урид ажаллаһан хүн | Рашид Нургалиев | |||||||||||||||||||||||||||
| 2011 оной мартын 24 — 2012 оной майн 21 | ||||||||||||||||||||||||||||
| Урид ажаллаһан хүн | тушаал эмхидхэн байгуулагдаа, тэрэ өөрөө Москвагай ГУВД-гэй даргын зэргээр | |||||||||||||||||||||||||||
| Халан абагша |
Виктор Голованов (уялга дүүргэгшэ) Анатолий Якунин |
|||||||||||||||||||||||||||
| 2009 оной сентябриин 7 — 2011 оной мартын 24 | ||||||||||||||||||||||||||||
| Урид ажаллаһан хүн |
Владимир Пронин Александр Иванов (уялга дүүргэгшэ) |
|||||||||||||||||||||||||||
| Халан абагша | тушаал үгы хэгдээ, тэрэ өөрөө Оросой Холбоото Уласай Дотоодын хэрэгүүдэй яаманай Москва хотоор гол хүтэлбэриин даргын зэргээр | |||||||||||||||||||||||||||
.svg){kind=small} Орловой можодохи Дотоодын хэрэгүүдэй хүтэлбэриин
дарга  |
||||||||||||||||||||||||||||
| 2007 оной январиин 12 — 2009 оной апрелиин 14 | ||||||||||||||||||||||||||||
| Урид ажаллаһан хүн | Леонид Пашин | |||||||||||||||||||||||||||
| Халан абагша | Юрий Савенков | |||||||||||||||||||||||||||
|
|
||||||||||||||||||||||||||||
| Түрэһэн үдэр |
1961 оной майн 11 РСФСР-эй, СССР-эй, Пензын можын, Доодо Ломов тосхон. |
|||||||||||||||||||||||||||
| Наһанай нүхэр | Вера Ивановна Колокольцева | |||||||||||||||||||||||||||
| Үхибүүд |
хүбүүниинь: Александр басаганиинь: Екатерина |
|||||||||||||||||||||||||||
| Нам | намай гэшүүн бэшэ | |||||||||||||||||||||||||||
| Болбосорол | СССР-эй Дотоодын хэрэгүүдэй яаманай ВЛКСМ-эй 60 жэлэй нэрэмжэтэ Гүрэн түрын бодолгын дээдын һургуули | |||||||||||||||||||||||||||
| Эрдэмэй зиндаа | хуули эрхын эрдэмэй доктор (2005) | |||||||||||||||||||||||||||
| Мэргэжэл | хуули эрхын мэргэжэлтэн | |||||||||||||||||||||||||||
| Ажаябуулга | дотоодын бодолго, олониитын аюулгүй байдал | |||||||||||||||||||||||||||
| Шагналнууд |
|
|||||||||||||||||||||||||||
| Сайт | Министерство внутренних дел | |||||||||||||||||||||||||||
| Алба хэһэн жэлнүүд | 1982 онһоо | |||||||||||||||||||||||||||
| Хамаадалга |
 СССР →  Орос Улас |
|||||||||||||||||||||||||||
| Сэрэгэй түрэл янза |
.svg){kind=icon} СССР-эй МВД Оросой МВД |
|||||||||||||||||||||||||||
 РУВИКИ.Медиа дахи Медиафайл | ||||||||||||||||||||||||||||
Колокольцев Владимир Александрович (1961 оной майн 11-дэ түрэһэн, Пензын можо, Нижний Ломов, РСФСР, СССР) — оросой гүрэн түрын ажаябуулагша, хуули хамгаалгын зургаануудай хүтэлбэрилхы хүдэлмэрилэгшэ. 2012 оной майн 21-һээ - Оросой Холбоото Уласай Дотоодын хэрэгүүдэй сайд[1]. Оросой Холбоото Уласай Сагдаагай албанай генерал (2015)[2]. Оросой Холбоото Уласай дотоодын хэрэгүүдэй зургаануудай габьяата ажалтан. Хуули эрхын эрдэмэй доктор (2005). 2012 онһоо - Оросой Холбоото Уласай Аюулгүйн Зүблэлэй саг үргэлжын гэшүүн.
Анхандаа — 2009 оной сентябриин 7-һоо 2011 оной мартын 24 болотор - Москвагай Дотоодын хэрэгүүдэй гол хүтэлбэриин дарга. 2011 оной мартын 24-һөө 2012 оной майн 21 болотор - Оросой Холбоото Уласай Дотоодын хэрэгүүдэй яаманай Москва хотодохи Гол хүтэлбэриин дарга[3].
Намтар
Владимир Колокольцев 1961 оной майн 11-дэ Пензын можын Нижний Ломов хотодо ажалшанай бүлэдэ түрэһэн юм. Пензын можын «Власть труда» гэһэн фанерэ хабтагайн заводой дулаасуулгын цехтэ ашаа тээдэг машинын жолоошоноор, һородог түхеэрэлгын машинистээр хүдэлмэрилөө. 1979 ондо сэрэгтэ татагдажа, СССР Афганистан хоёрой хилэ дээрэ хилын харуулай сэрэгүүдтэ алба хаагаа.
Дотоодын хэрэгүүдэй зургаануудта 1982 ондо Колокольцев албанда ороо. Хари гүрэнүүдэй гадаадын харилсаанай Москвада байрладаг түлөөлэлгэнүүдые хамгаалха милициин таһагта алба хаагаа. 1984 ондо Москва хотын Гагаринай хороогой гүйсэдхэхы хорооной дотоодын хэрэгүүдэй хүтэлбэриин шалгалтын-харуулай милициин амяараа батальоной һалаагай захирагшаар томилогдоо.
1985 ондо СССР-эй Дотоодын хэрэгүүдэй яаманай ВЛКСМ-эй 60 жэлэй нэрэмжэтэ Гүрэн түрын бодолгын дээдын һургуулида орожо, 1989 ондо тэрэниие эрхимээр дүүргээ.
Дээдэ һургуулияа түгэсэһэнэй удаа Москва руу бусаад, ниислэл хотын Кунцевын хороогой гүйсэдхэхы хорооной Дотоодын хэрэгүүдэй хүтэлбэриин гэмтэ ябадал мүрдэлгын таһагта бүрин эрхэтэ шууд мүрдэгшөөр ажаллажа эхилээ. Һүүлээрнь Москвагай милициин 20-дохи таһагай даргын орлогшоор, удаань милициин 8-дахи таһагай даргаар томилогдоо.
1992 ондо Колокольцев Оросой Дотоодын хэрэгүүдэй яаманай Москва хотодохи Гол хүтэлбэриин Гэмтэ ябадал мүрдэлгын хүтэлбэриин 2-дохи таһагай бүрин эрхэтэ ахамад шууд мүрдэгшын тушаалда шэлжэн ороһон юм. 1993 оной эхиндэ Москвагай милициин 108-дахи һалбариин даргаар томилогдоһон байна.
1995 ондо Түбэй захиргаанай тойрогой 2-дохи РУВД-гэй Гэмтэ ябадал мүрдэлгын хүтэлбэриин таһагай даргын тушаалда томилогдоо. 1997 ондо Колокольцев Оросой Холбоото Уласай Дотоодын хэрэгүүдэй яаманай дэргэдэхи Москвадахи РУОП-ой нютаг можын 4-дэхи таһагай дарга болоһон байна. Оросой Холбоото Уласай Дотоодын хэрэгүүдэй яаманай Эмхидхэмэл гэмтэ ябадалтай тэмсэхэ талаар Гол хүтэлбэриин дэргэдэхи Эмхидхэмэл гэмтэ ябадалтай тэмсэхэ талаар Түбэй нютаг можын хүтэлбэриин Зүүн-Урда захиргаанай тойрогой талаар шууд мүрдэлгэ-бэдэрэлгын бюрогой тушаалда Колокольцев 1999 ондо томилогдоо юм.
Оросой Холбоото Уласай Дотоодын хэрэгүүдэй яаманай Түбэй федеральна тойрогтохи гол хүтэлбэриин шууд бэдэрэлгын бюрогой 3-дахи таһагай даргаар Колокольцев 2001 ондо томилогдоо. 2003 ондо бюрогой даргын орлогшоор томилогдоһон байна. 2007 оной январь һарада Орловой можодохи Дотоодын хэрэгүүдэй хүтэлбэриин даргаар томилогдоо[4][5]. Тэрэнэй ажаллажа байха үедэ Амбан захирагшын нэгэдэхи орлогшонор Кочуев Сошников хоёрто, мүн тиихэдэ можын захиргаанай хэсэгүүдэй дарганарта гэмнэлгэ хэгдэһэн байха юм[6]. Мүн лэ «воробьёвой» гэжэ нэрлэгдэдэг гэмтэ ябадал үйлэдэгшэдэй эмхидхэмэл бүлгэмэй (ОПГ-гэй) эдэбхитэй зарим хабаадагшад баригдажа, түрмэдэ һуухаар сүүдлэгдэһэн юм. 2009 оной апрель һарада Оросой Холбоото Уласай Дотоодын хэрэгүүдэй яаманай Гэмтэ ябадал мүрдэлгын департаментын даргын нэгэдэхи орлогшоор томилогдоо[7].
2009 оной сентябриин 7-до Оросой Холбоото Уласай Юрэнхылэгшын зарлигаар Колокольцев Москвагай Дотоодын хэрэгүүдэй гол хүтэлбэриин даргаар томилогдоо[8]. Тушаалһаа буулгагдаһан Владимир Прониниие Колокольцев халаһан юм. Тэрээнһээ урда тээ, «Царицыно» ОВД-гэй дарга Денис Евсюковой Москвагай дэлгүүр соо буудалга хэһэнэй һүүлдэ, апрелиин 28-да Пронин тушаалһаа абтаһан байгаа. Колокольцевой томилогдохын урда тээ ГУВД-гэй даргын уялгануудые дүрбэн һара шахуу болзорто нэгэдэхи орлогшо Александр Иванов дүүргэжэ байһан юм[6].
2010 оной июниин 10-да Колокольцевто милициин генерал-лейтенантын нэрэ зэргэ олгогдоһон байна»[9].
Оросой Холбоото Уласай Юрэнхылэгшын 2011 оной мартын 24-нэй зарлигаар[10] Колокольцевто сагдаагай албанай генерал-лейтенантын нэрэ зэргэ олгогдожо, тэрэ Оросой Холбоото Уласай Дотоодын хэрэгүүдэй яаманай Москва хотодохи Гол хүтэлбэриин даргаар томилогдоо һэн.
Оросой Холбоото Уласай Юрэнхылэгшын 2012 оной майн 21-нэй зарлигаар Колокольцев Оросой Холбоото Уласай Дотоодын хэрэгүүдэй сайдаар томилогдожо,[11][12], тэрэнэй хүтэлбэри доро хуули хамгаалгын байгуулгые хубилан шэнэдхэлгэ үргэлжэлөө.
2020 оной январь һарада Оросой Холбоото Уласай Засагай газарай тушаалһаа буулгагдаһанай һүүлдэ Михаил Мишустинай толгойлһон Засагай газарай шэнэ бүридэлдэ сайдай тушаалдаа 2020 оной январиин 21-дэ Колокольцев дахин томилогдоһон байна. МВД-гэй толгойлогшын тушаалда 2024 оной майн 14-дэ шэнээр томилогдобо[13].
Ондоо тушаалнууд
- Манаран бадайруулдаг бодосуудтай тэмсэхэ талаар Гүрэнэй хорооной түрүүлэгшэ (2016 оной декабрь һараһаа, тушаалараа);
- Засагай газарай дэргэдэхи Хуули хазагайруулга һэргылхэ талаар комиссиин толгойлогшо (с июня 2012 оной июнь һараһаа).
- Оросой Холбоото Уласай Юрэнхылэгшын дэргэдэхи Эдилгэ абалгада эсэргүүсэхэ талаар зүблэлэй болон Оросой Холбоото Уласай Юрэнхылэгшын дэргэдэхи Бэеын тамирай соёл ба тамир хүгжөөхэ талаар зүблэлэй гэшүүн (хоюуландань — 2012 оной июль һараһаа).
- Оросой Холбоото Уласай Сэрэгэй-үйлэдбэриин комиссиин гэшүүн (2014 оной сентябрь һараһаа)[3].
Хэһээлтын хэмжээнүүд
2018 онһоо хойшо Колокольцев США-гай хэһээлтын хэмжээнүүд доро оронхой, харин Украин Уласта 2022 ондо дайшалхы үйлэ хэрэгүүдэй эхилһэнэй һүүлдэ — Канадын, Еврохолбооной, Ехэ Британай, Швейцариин, Австралиин, Японой ба Шэнэ Зеландиин хэһээлтын хэмжээнүүд доро. Хэһээлтын хэмжээнүүд доро оронхойшье һаа, 2018 ондо американ визэ «ядамаггүй» абажа, Нэгэдэмэл Үндэһэтэнэй Эмхиин (ООН-ой) хэмжээ ябуулгануудта хабаадахаяа Колокольцев Америкын Холбоото Штадууд руу ошоһон байна. Колокольцев түрүүтэй Оросой Холбоото Уласай Дотоодын хэрэгүүдэй яаманай бүлэг түлөөлэгшэдтэ Америкын Холбоото Штадууд 2022 ондо визэ үгөөгүй, тиимэһээ тэрэ ООН-ой гэшүүд болохо гүрэнүүдэй сагдаагай албанай хүтэлбэрилэгшэдэй хуралдаанда ошожо шадаагүй. ООН-ой гэшүүд болохо гүрэнүүдэй сагдаагай албануудай хүтэлбэрилэгшэдэй IV хуралдаанда хабаадахаяа 2024 оной июнь һарада Колокольцев Нью-Йорк ниидэбэ. Америкын Холбоото Штадуудай Гүрэнэй департаментын мэдээсэһээр, Оросой аюулгүйн албанай хүтэлбэрилэгшэдтэ хабаатай хэһээлтын хэмжээнүүд саг зуура тогтоогдоһон байгаа. США-гай ООН-дохи түлөөлэлгэтэ газарай тайлбарилан мэдээсэхэдээ, уласхоорондын энэ эмхиин штаб-байра түхеэрхэ тухай хэлсээнэй ёһоор визэ үгэхэ уялгадаа харюусалгатайгаар ханданабди гэжэ оносолоо. ООН-ой хэмжээ ябуулгануудта хабаадаха бүлэг түлөөлэгшэдтэ визэ үгэхэ уялгаяа США-гай Гүрэнэй департамент мэдэрээ[14].
Шүүмжэлгэ
- НТВ телесубагай «Мүнөөдэр. Дүнгүүдэй программа» гэһэн дамжуулгада 2013 оной февралиин 10-да сурбалжалагша Кирилл Поздняковтой хөөрэлдэхэдөө, хүндэ гэмтэ хэрэгэй түлөө ба алууршад дээрмэшэдые хэһээхын тула Орос гүрэндэ тархиин сааза бусаалгые буруушааха ямаршье шалтаггүй байнаб гэһэншүүгээр Колокольцев хэлэхэдээ, иигэжэ мэдүүлээ:
|
Тархиин сааза буруушагшадай сухал хүргэхэеэ түбэгшээнэб, теэд сайд шэнги бэшэ, харин юрын эрхэтэнэй һанамжаар, тиимэ гэмтэ ябадал хэһэн этэгээдүүдые [иигэжэ хэһээхэдэ] нэгэшье буруу юумэ харанагүйб | 
|
Набережные Челны хотодо 8 наһатай Василиса Галицынае хулуугаад алаһан, үшөө нэгэ басага Чечен Уласта хулуужа хорооһон ушарнуудай үргэн олониитэдэ мэдээжэ болоод, айхабтар ехэ шууяанай дүлэн соогуур энэ мэдүүлгэ хэгдэһэн байгаа. Иигэжэ хэлэһыень «Яблоко» нам эрид буруушажа, сайдые тушаалһаань буулгаха тухай дурадхал сайт дээрэнь бии болоо һэн[15], гэбэшье, энэ дурадхалыеньшье, өөрынгөө һанамажа хэлэхэ сайдай эрхыешье дэмжэһэн зон үсөөн бэшэ байгаа.
- Колокольцев — хуули эрхын эрдэмэй доктор, диссертациин сэдэб — «Үндэһэтэнэй аюулгүйн гол бодолой хэмжээндэ Оросой гүрэн түрын ашаг һонирхол хангамжа» (2005)[16]. Диссернет эмхинн хэһэн шүүмжэлэлэй ёһоор, Колокольцевой докторой солын диссертаци соо ондоо дүрбэн диссертациһаа буулгажа бэшэгдэһэн хэһэгүүд бии[17].
Гэр бүлэ
Һамгатай, хоёр үхибүүтэй.
- Һамганиинь — Вера Ивановна Колокольцева.
- Хүбүүниинь — Александр Владимирович Колокольцев (1983 ондо түрэһэн), олзын хэрэг эрхилэгшэ[18].
- Басаганиинь — Екатерина Владимировна Колокольцева (1988 ондо түрэһэн), МГИМО дүүргэгшэ.
Кинодүрсэ
Тагнуулшадай ябадал харуулһан «На углу, у Патриарших» фильмдэ багахан хубиин бүрин эрхэтэ шууд мүрдэгшын дүрсэдэ Колокольцев 1994 ондо буулгабарида ороһон юм[19].
Нэрэ зэргэнүүд
- Милициин генерал-майор (2008 оной мартын 5).
- Милициин генерал-лейтенант (2010 оной июниин 10).
- Сагдаагай албанай генерал-лейтенант (2011 оной мартын 24)[20].
- Сагдаагай албанай генерал-полковник (2013 оной июниин 12)[21].
- Оросой Холбоото Уласай Сагдаагай албанай генерал (2015 оной ноябриин 10)[22].
Шагналнууд
- гүрэнэй
- «Эсэгэ ороной үмэнэ габьяатай байһанай түлөө» III ба IV шатын орден.
- Оросой Холбоото Уласай дотоодын хэрэгүүдэй зургаануудай габьяата ажалтан[23].
- «Ниитын журам сахилгада шалгарһанай түлөө» медаль.
- Александр Невскиин орден (2014)[24].
- албан зургаанай
- «Дотоодын хэрэгүүдэй яаманай хүндэтэ ажалтан» гэһэн энгэрэй тэмдэг.
- «Албандаа габьяата зоригтой байһанай түлөө» медаль (МВД).
- «Албандаа шалгарһанай түлөө» I и II шатануудай медаль (МВД).
- «Тон һайнаар алба хааһанай түлөө» III шатын медаль.
- «Хүтэлбэрилхы ажаябуулгада габьяатай байһанай түлөө» II ба III шатануудай медаль (ФСКН) .
- «Оросой МВД-гэй 200 жэл» медаль (МВД).
- «Дайшалхы эб нүхэсэлэй түлөө» медаль (ФСО).
- «Туһаламжа үзүүлһэнэй түлөө» медаль (ГФС).
- «Гүрэнэй онсо шухала объектнүүдые түймэрэй аюулһаа һэргылгэ хангалгада онсо хубита оруулһанай түлөө» медаль (МЧС).
- «Дайшалхы эб нүхэсэлэй түлөө» медаль (МВД).
- «Оросой МВД-гэй 200 жэл» гэһэн энгэрэй тэмдэг.
- шажанай
- Гэгээн хутагта Сергий Радонежскиин II шатын орден (Үнэн алдартын ород шажанай байгуулга, 2012 он)[25].
- Гэгээн Үнэн ашагта агууехэ хаан тайжа Димитрий Донскойн I шатын орден (РПЦ, 2022 он) — шажан гүрэн хоёрой хоорондохи харилсаа бэхижүүлгэдэ оруулһан хубита анхаран ба түрэһөөр 60 наһанай ойн баяртай дашарамдуулан[26].
- нютаг можын
- «Москва хотодо эрхим бэрхээр алба хэһэнэй түлөө» XX жэл (2011 оной майн 17).
- «Москвагай 850 жэлэй дурасхаалда» медаль.
- Нижний Ломов хотын хүндэтэ эрхэтэн.
- Орловой можын хүндэтэ эрхэтэн (2018)[27].
- «Карел Уласай үмэнэ габьяатай байһанай түлөө» (2020 оной июниин 8) — Карел Уласай болон тэрэнэй ажаһуугшадай үмэнэ габьяатай байһанай, уласай ниигэмэй-эдэй засагай хүгжэлтэдэ горитой ехэ хубита оруулһанай ба Карел Уласай байгуулагдаһаар 100 жэлэй он баярта бэлдэлгын талаар Гүрэнэй комиссиин бүридэлдэ эдэбхитэйгээр ажаллаһанай түлөө[28].
- хари гүрэнүүдэй
- «Достук» орден (2021 оной октябриин 12, Кыргыз Улас)[29].
Ажаглалтанууд
- ↑ Правительство РФ подало в отставку
- ↑ Указ Президента Российской Федерации от 10.11.2015 г. № 554 «О присвоении специального звания Колокольцеву В. А.»
- ↑ 1 2 Энциклопедия ТАСС, 2024. Колокольцев, Владимир Александрович. Министр внутренних дел РФ
- ↑ Указ Президента Российской Федерации от 15.01.2007 г. № 33 «О начальнике Управления внутренних дел по Орловской области»
- ↑ В УВД Орловской области назначен новый начальник // Пресс-служба УВД, 17 января 2007
- ↑ 1 2 Баршев В., Передельский Д. и др. Город принял // Российская газета, № 4991 (167), 7 сентября 2009.
- ↑ Указ Президента Российской Федерации от 08.04.2009 г. № 365 «О назначении на должность сотрудников органов внутренних дел Российской Федерации»
- ↑ Указ Президента Российской Федерации от 07.09.2009 г. № 1013 «О начальнике Главного управления внутренних дел по г. Москве»
- ↑ Главе ГУВД Москвы Колокольцеву присвоено звание генерал-лейтенанта. РИА Новости (2010-06-11). the original on 2012-04-10 2010-09-21 үдэртэ хандаһан.
- ↑ Указ Президента Российской Федерации от 24 марта 2011 г. № 350 «О присвоении специального звания высшего начальствующего состава сотрудникам органов внутренних дел Российской Федерации и назначении на должность сотрудников органов внутренних дел Российской Федерации»
- ↑ Указ Президента Российской Федерации от 21.05.2012 г. № 645 «О Министре внутренних дел Российской Федерации»
- ↑ Владимир Колокольцев назначен министром внутренних дел РФ
- ↑ Президент подписал указы о назначении членов Правительства Российской Федерации и директоров служб (2024-05-14).
- ↑ РБК, 26 июня 2024. Колокольцев прибыл в Нью-Йорк для участия в полицейском саммите для стран ООН
- ↑ Алексей Мельников: Колокольчик смертной казни | Партия ЯБЛОКО. the original on 2013-04-05 2013-03-28 үдэртэ хандаһан.
- ↑ Глава МВД представил Владимира Колокольцева личному составу // vesti.ru, 7 сентября 2009.
- ↑ «Сплошные совпадения» генерала Колокольцева привели в Петербург // Фонтанка.ру
- ↑ ВЕДОМОСТИ — Сын министра внутренних дел оказался бизнесменом
- ↑ На углу у Патриарших. Актеры и роли
- ↑ Указ Президента Российской Федерации от 24.03.2011 г. № 350 «О присвоении специального звания высшего начальствующего состава сотрудникам органов внутренних дел Российской Федерации и назначении на должность сотрудников органов внутренних дел Российской Федерации»
- ↑ Указ Президента Российской Федерации от 12.06.2013 г. № 556 «О присвоении воинских званий высших офицеров, специальных званий высшего начальствующего состава, высших специальных званий и классных чинов»
- ↑ Указ Президента Российской Федерации от 10.11.2015 г. № 554 «О присвоении специального звания Колокольцеву В. А».
- ↑ Министр внутренних дел Российской Федерации Генерал полиции Российской Федерации Владимир Александрович Колокольцев
- ↑ https://мвд.рф/upload/site1/minister1(2)-240xx314.jpg Фото Министра внутренних дел РФ генерала полиции Российской Федерации В. А. Колокольцева с орденскими планками
- ↑ В неделю по Рождестве Христовом Предстоятель Русской Церкви совершил Божественную литургию в Успенском соборе Московского Кремля
- ↑ Состоялась встреча Святейшего Патриарха Кирилла с министром внутренних дел России В. А. Колокольцевым
- ↑ Владимир Колокольцев стал «Почетным гражданином Орловской области». "ВЕЧЕРНИЙ ОРЁЛ". Орловская электронная газета (2018-12-21). 2019-04-26 үдэртэ хандаһан.
- ↑ Указ Главы Республики Карелия от 8 июня 2020 года № 58 «О награждении государственными наградами Республики Карелия»
- ↑ Колокольцев Владимир Александрович
Ссылкэнүүд
- Энциклопедия ТАСС, 2024. Колокольцев, Владимир Александрович. Министр внутренних дел РФ
- Биография на сайте МВД России
- Досье Владимира Колокольцева на сайте «АиФ»
-240xx314.jpg){kind=link}
| Оросой Холбоото Уласай хүсэндөө байгаа Засагай газар | |
|---|---|
| Түрүүлэгшэ | |
| Нэгэдэхи орлогшо | |
| Орлогшонор |
|
| Сайдууд |
|
- «Эсэгэ ороной үмэнэ габьяатай байһанай түлөө» 3-дахи шатын орден зүүгшэд
- «Эсэгэ ороной үмэнэ габьяатай байһанай түлөө» 4-дэхи шатын орден зүүгшэд
- Александр Невскын орден зүүгшэд (Оросой Холбоото Улас)
- «Ниитын журам сахилгада шалгарһанай түлөө» медаляар шагнагдагшад
- «Москвагай 850 жэлэй дурасхаалда» медаляар шагнагдагшад
- «Албандаа габьяата зоригтой байһанай түлөө» медаляар шагнагдагшад (МВД)
- «Албандаа шалгарһанай түлөө» I шатын медаляар шагнагдагшад (МВД)
- «Албандаа шалгарһанай түлөө» II шатын медаляар шагнагдагшад (МВД)
- «Тон һайнаар алба хааһанай түлөө» III шатын медаляар шагнагдагшад
- «Хүтэлбэрилхы ажаябуулгада габьяатай байһанай түлөө» II шатын медаляар шагнагдагшад
- «Хүтэлбэрилхы ажаябуулгада габьяатай байһанай түлөө» III шатын медаляар шагнагдагшад
- «Оросой МВД-гэй 200 жэл» медаляар шагнагдагшад
- «Дайшалхы эб нүхэсэлэй түлөө» медаляар шагнагдагшад (ФСО)
- «Дайшалхы эб нүхэсэлэй түлөө» медаляар шагнагдагшад (ФСБ)
- «Туһаламжа үзүүлһэнэй түлөө» медаляар шагнагдагшад (ГФС)
- «Дайшалхы эб нүхэсэлэй түлөө» медаляар шагнагдагшад (МВД)
- «Шалгарһанай түлөө» медаляар шагнагдагшад (Оросой мүрдэлгын хороон)
- Оросой Холбоото Уласай дотоодын хэрэгүүдэй зургаануудай габьяата ажалтан
- «Достук» гэһэн кыргыз орден зүүгшэд
- «Москва хотодо эрхим бэрхээр алба хэһэнэй түлөө» XX жэл гэһэн шалгарһанай тэмдэгээр шагнагдагшад
- Дотоодын хэрэгүүдэй яаманай хүндэтэ ажалтан
- Гэгээн хутагта Сергий Радонежскиин II шатын орден зүүгшэд
- Гэгээн Үнэн ашагта агууехэ хаан тайжа Димитрий Донскойн I шатын орден зүүгшэд
- Мэдээжэ хүнүүд алфавидай ёһоор
- Оросой Холбоото Уласай Дотоодын хэрэгүүдэй сайдууд
- Мишустинай толгойлһон Засагай газар
- Медведевэй толгойлһон Засагай газарай хоёрдохи бүридэл
- Медведевэй толгойлһон Засагай газарай нэгэдэхи бүридэл