Белоусов Андрей Рэмович

Сүлөөтэ Нэбтэрхы Толи — Википеэдиһээ
Белоусов Андрей Рэмович
Андрей Рэмович Белоусов.png
Флаг
Оросой Холбоото Уласай Баталан хамгаалгын сайд
Флаг
 2024 оной майн 14-һөө
Засагай газарай түрүүлэгшэ Михаил Мишустин
Юрэнхылэгшэ Владимир Путин
Урид ажаллаһан хүн Сергей Шойгу
Флаг
Оросой Холбоото Уласай Засагай газарай Түрүүлэгшын нэгэдэхи орлогшо
Флаг
2020 оной январиин 21 — 2024 оной майн 7 (2024 оной майн 7-һоо 13 болотор - уялга дүүргэгшэ)
Засагай газарай түрүүлэгшэ Михаил Мишустин
Юрэнхылэгшэ Владимир Путин
Урид ажаллаһан хүн Антон Силуанов
Халан абагша Денис Мантуров
Флаг
Оросой Холбоото Уласай Юрэнхылэгшын туһалагша
Флаг
2013 оной июниин 24 — 2020 оной январиин 21
Юрэнхылэгшэ Владимир Путин
Урид ажаллаһан хүн Эльвира Набиуллина
Халан абагша Максим Орешкин
Флаг
Оросой Холбоото Уласай Эдэй засаг хүгжөөлгын сайд
Флаг
2012 оной майн 21 — 2013 оной июниин 24
Засагай газарай түрүүлэгшэ Дмитрий Медведев
Юрэнхылэгшэ Владимир Путин
Урид ажаллаһан хүн Эльвира Набиуллина
Халан абагша Алексей Улюкаев
Флаг
Оросой Холбоото Уласай Эдэй засаг хүгжөөлгын сайдай орлогшо
Флаг
2006 оной февралиин 8 — 2008 оной июниин 17
Түрэһэн үдэр 1959 оной мартын 17
Москва, РСФСР, СССР
Эсэгэ Рэм Александрович Белоусов (1926—2008)
Эхэ Алиса Павловна Белоусова (1934—2015)
Наһанай нүхэр Лариса Владимировна Белоусова (1961 ондо түрэһэн)
Үхибүүд Павел (1994 ондо түрэһэн)
Нам намай гэшүүн бэшэ
Болбосорол Ломоносовой нэрэмжэтэ Москвагай гүрэнэй ехэ һургуули
Эрдэмэй зиндаа Эдэй засагай эрдэмэй доктор (2006 он)
Мэргэжэл эдэй засагшан
Шажан мүргэлдэ хамаадал үнэн алдартанай шажан[1]
Шагналнууд
Сайт government.ru
Сэрэгэй албан
Нэрэ зэргэ Ангиин зэргэ зиндаа
Действительный государственный советник РФ 1 класса (Минобороны)г.png
Оросой Холбоото Уласай Гүрэнэй 1-дэхи зэргын бодото зүблэгшэ
Логотип РУВИКИ.Медиа РУВИКИ.Медиа дахи Медиафайл

Андре́й Рэ́мович Белоу́сов (1959 оной мартын 17-до түрэһэн, Москва хото, РСФСР, СССР) — оросой гүрэн түрын ажал ябуулагша, эдэй засагай эрдэмтэн. 2024 оной майн 14-һөө Оросой Холбоото Уласай Баталан хамгаалгын сайд[2]. 2024 оной июниин 11-һээ Оросой Холбоото Уласай Аюулгүйн Зүблэлэй саг үргэлжын гэшүүн[3].

2024 оной июлиин 3-һаа СНГ-гэй Баталан хамгаалгын сайдуудай зүблэлэй түрүүлэгшэ[4].

2020 оной январиин 21-һээ 2024 оной майн 7 болотор - Оросой Холбоото Уласай Засагай газарай Түрүүлэгшын нэгэдэхи орлогшо. 2012 оной майн 21-һээ 2013 оной июниин 24 болотор - Оросой Холбоото Уласай Эдэй засаг хүгжөөлгын сайд[5]. 2013 оной июниин 24-һөө 2020 оной январиин 21 болотор - Оросой Холбоото Уласай Юрэнхылэгшын эдэй засагай асуудалнуудай талаар туһалагша[6][7]. 2020 оной апрелиин 30-һаа майн 19 болотор - Оросой Холбоото Уласай Засагай газарай Түрүүлэгшын уялга дүүргэгшэ (Оросой Холбоото Уласай Засагай газарай Түрүүлэгшэ Михаил Мишустинай COVID-19 үбшөөр үбшэлхэ үедэ)[8][9][10].

«Оросой түмэр замууд» гэһэн хуби ниилүүлһэн нээмэл бүлгэмэй захиралнуудай зүблэлэй түрүүлэгшэ[11]. РАЕН-эй гэшүүн-корреспондент. Оросой эрдэмэй Академиин Үндэһэтэнэй арадай ажахы уридшалан багсаамжалгын институдай эрдэм ухаанай болон диссертаци хамгаалгын зүблэлэй гэшүүн[12][13]. «Уридшалан багсаамжалгын орёо ассудалнууд» гэһэн сэдхүүлэй эрдэм ухаанай-эрхилэлгын зүблэлэй гэшүүн[14]. Эдэй засагай эрдэмэй доктор (2006 он). Оросой Холбоото Уласай габьяата эдэй засагшан (2007 он). Оросой Холбоото Уласай Гүрэнэй 1-дэхи зэргын бодото зүблэгшэ (2011 он).

Намтар

[Заһаха | үндэһэн бэшэгые заһабарилха]

Уг гарбал ба болбосорол[Заһаха | үндэһэн бэшэгые заһабарилха]

Андрей Белоусов 1959 оной мартын 17-до Москва хотодо совет эдэй засагшан Рэм Белоусовай гэр бүлэдэ түрэһэн, Алиса Павловна эхэнь радиохимик байһан, хожомынь хоморой бодосуудай химиин талаар ажаллаһан[15]. Рэм Белоусов үнэ тогтоолгын ба хүтэлбэрилгын талаар совет эрдэмэй һургуули байгуулһан, «Косыгинай реформонуудые» [16] бэлдэгшэдэй тоодо ородог байһан, саашадаа СССР-эй эдэй засагай түүхын талаар ажал ябуулһан юм.

Андрей Белоусов физикэ-тоо бодолгын хоёрдохи һургуули дүүргээд, М.В.Ломоносовой нэрэмжэтэ Москвагай гүрэнэй ехэ һургуулиин эдэй засагай факультедтэ орожо, 1981 ондо «эдэй засагай кибернетикэ» гэһэн мэргэжэлээр эрхимээр дүүргээ. Һуралсалайнгаа үедэ, 1977-1981 онуудта, эдэй засагай факультедэй нэгэ таһагые даагша байһан Александр Анчишкинай ударидадаг эдэй засагшадай бүлэгтэй харилсажа эхилһэн юм[16].

Албан тушаалаар дэбжэлгэ[Заһаха | үндэһэн бэшэгые заһабарилха]

Дээдын болбосоролой диплом абаһанайнгаа удаа Белоусов СССР-эй Эрдэмэй академиин түбэй эдэй засагай-тоо бодолгын дээдэ һургуулиин аспирантурада һуралсалаа үргэлжэлүүлээ. Нэгэ зэргэ тэндээл эрдэмэй ажалай замаа эхилээ, түрүүн стажер-шэнжэлэгшын тушаалда, удаань Түбэй эдэй засагай дээдэ һургуулида Э.Б.Ершовой ударидажа байһан хүнэй-машинын системэнүүдэй хэб жэшээ бэлдэлгын лабораторидо эрдэмэй бага шэнжэлэгшын тушаалда ажаллаһан байна. ЦЭМИ-гэй захиралай орлогшын тушаал Юрий Яременко (1994 ондо Оросой эрдэмэй академиин академик болоһон)эзэлжэ байгаа[17].

1986 оной февраль һарада ЦЭМИ-гэй эрдэмэй хэдэн таһагуудай бааза дээрэ СССР-эй Эрдэмэй академиин Эдэй засагай болон эрдэмэй арга зүйн хүгжэлтые уридшалан багсаамжалгын институт (ИЭПНТП) байгуулагдаа. Институдай гол ажаябуулга хадаа эдэй засагай уридшалан багсаамжалга болоно. Белоусов энэ эмхи зургаанда ажаллахаяа ошожо, удаа дараалан бага шэнжэлэгшын, шэнжэлэгшын, ахамад шэнжэлэгшын тушаалнуудые эзэлээ. Тэрэнэй эрдэм шэнжэлэлгын гол зорилгонуудынь хадаа ехын эдэй засагай шэглэл багсаамжалга, мүн Зүблэлтэ засагай маягай эдэй засагай мүнгэнэй сэн бууралга болон доройтолго уридшалан мэдэхэ асуудалда шэглүүлэгдэһэн байна[16].

Белоусов 1988 ондо «Эрьесэ мүнгэнэй бии бололго ба тэрэниие хэрэглэлгын аргануудай хэб зохёолго (олон һалбаритаар хаража үзэлгэ)» гэһэн сэдэбээр диссертаци хамгаалһан байна. Гурбан жэлэй үнгэрхэдэ, 1991 ондо СССР-эй Эрдэмэй академиин Эдэй засагай болон эрдэмэй арга зүйн хүгжэлтые уридшалан багсаамжалгын институдай лабораториин даргаар томилогдожо, Э.Б.Ершовые һэлгэбэ. Белоусов 2006 он болотор энэ тушаал эзэлжэ, ондоо эмхи зургаануудта нэгэмүһэн ажаллаа. Гүрэнэй албанда ороходоол тус тушаалаа орхиһон байха юм. Белоусовай үүсхэлээр лабораторидо эдэй засагай тадаар шэнжэлэлгын сэдхүүл хэблүүлэгдэдэг һэн[18].

Байгуулагшынгаа, СССР-эй Гадаадын хэрэгүүдэй сайд байһан Александр Бессмертных гэгшын нэрээр заримдаа "Үхэлгүйшүүлэй бүлэг" гэжэ нэрлэгдэдэг байһан Гадаадын бодолгын эблэлэй шэнжэлэлгын бүлэг 1991 оной ноябрь һарада байгуулагдаба. Тэрэнэй ажалайнь түхэл - сэдэбтэ саг үргэлжын зүбшэн хэлсэлгэнүүдые, хөөрэлдөөнүүдые эмхидхэлгэ болоно. Удаань, нягталан бэшэлгэ хэжэ абаад, гүнзэгыгөөр шэнжэлжэ, зарим ушарта эрдэмэй ажалнуудай үндэһэ болгон хэрэглэгдэдэг һэн[19].Белоусов 1990-ээд онуудай эхеэр Үхэлгүйшүүлэй бүлэгтэ орожо, хэдэн сэдэб шэнжэлэлгэдэ хабаадалсаа. Тэрээнтэй хамта бүлгэмэй ажалда Андрей Клепач хабаадаһан. Хожомынь тэрэ Оросой Холбоото Уласай Эдэй засаг хүгжөөлгын яаманда Белоусовай орлогшо байһан[18].

Белоусов 1999 онһоо хойшо Эдэй засагай яаманай коллегиин зүблэлэй гэшүүн, хэдэн юрэнхы сайдай зүбшэлэгшэ байһан: Евгений Примаков, Сергей Степашин, Михаил Касьянов ба Михаил Фрадков (Касьяновай болон Фрадковой салингүй зүбшэлэгшын тушаалда).

2000 ондо Белоусов Ехын эдэй засагай шүүмжэлэлгын ба богони болзорой багсаамжалгын түб байгуулжа, тэрэниие толгойлоо. Тэрэнэй бааза дээрэ 2005 ондо «Оросой эдэй засагай удаан болзорой шэглэлнүүд: 2020 он болотор Оросой эдэй засагай хүгжэлтын гуримууд» гэһэн элидхэл хэблүүлһэн юм[18]. Тус элидхэл дотороо Белоусов 2008 оной дэлхэйн эдэй засагай доройтолго багсаамжалһан байна, тэрээнһээ гадна 2011-2012 онуудта эдэй засагай уналга ба 2015-2017 онуудта гүрэнэй хүтэлбэриин системын таһалдалга боложо магадгүй гээд багсаамжалаа[20][21].

2006 оной февралиин 8-да Белоусов наһанайнгаа намтарай шэнэ бүлэг эхилжэ, гүрэнэй албанда оробо. Оросой Холбоото Уласай эдэй засаг хүгжөөлгын сайд Герман Грефэй урилгаар орлогшынь тушаал эзэлбэ[22][23]. Нэгэмүһэн бусад бүхы тушаалнуудһаа бууба (ЦМАКП-ай юрэнхы захиралай тушаалда эдэй засагай эрдэмэй дид-доктор Е. А. Абрамова тэрэниие халаһан байна).

Тэрэл жэлдээ «08.00.05 — эдэй засаг болон арадай ажахы хүтэлбэрилгэ» гэһэн мэргэжэлээр «Оросой эдэй засагай һэргээлгын системын зүрилдөөнүүд ба ерээдүйн холын хараанууд» гэһэн диссертаци хамгаалжа, Белоусов эдэй засагай эрдэмэй докторой солодо хүртэбэ[24].

Яаманда Белоусов ехын эдэй засагай хэсэг, тэрэ тоодо хүрэнгэжүүлгын уларил һайжаруулгын, холбоото уласай зорилгото программануудые бэелүүлгын, Внешэкономбанкын хүрэнгэжүүлгын ажаябуулгын асуудалнуудые харгалзалдаг байгаа[25]. Тэрэнэй хүтэлбэри доро Ниигэмэй-эдэй засагай хүгжэлтын удаан болзорой Гол бодол (КДР-2020) ба 2009 оной декабриин 28-да баталагдан абтаһан «Худалдаа наймаан тухай» хуулиин түлэб зохёон бэшэгдэһэн байха юм[26]).

2017 оной ноябриин 29-дэ Түмэр замшадай хуралдаан дээрэ

2007 ондо, Оросой Холбоото Уласай Эдэй засаг хүгжөөлгын яаманһаа Грефэй ябахада, сайдай орлогшын тушаал эзэлжэ байһан Эльвира Набиуллина сайдаар томилогдоһон юм. Белоусов өөрынгөө тушаалда үлөөд, 2008 оной июлиин 17-до Оросой Холбоото Уласай Засагай газарта тушаалаараа дээшээ дэбжүүлэгдээ: юрэнхы сайд Владимир Путин тэрэниие Оросой Холбоото Уласай Засагай газарай аппарадай эдэй засагай болон мүнгэн һангай департаментын захиралаар томилһон байна[27]. Тэрэнэй урда тээхэнэ, 2007 оной зун, Белоусов получил звание Оросой Холбоото Уласай габьяата эдэй засагшан гэһэн хүндэтэ нэрэ зэргэдэ хүртэһэн байгаа[28].

2008-2012 онуудта Оросой Холбоото Уласай Засагай газарай эдэй засагай бодолго бэелүүүлгын түлөө Оросой Холбоото Уласай Засагай газарай Түрүүлэгшын нэгэдэхи орлогшо Игорь Шувалов[29], Белоусов ба Эльвира Набиуллина гэгшэд харюусалгатай байһан юм.

Оросой Холбоото Уласай Засагай газарта Белоусов бюджет зохёон бүрилдүүлгэтэй, гүрэнэй хүрэнгэжүүлгэтэй, хүрэнгэжүүлгын уларил һайжаруулгатай холбоотой асуудалнуудай түлөө харюусадаг һэн. Тэрэнэй ажаллажа байха үедэ шэнэ түсэлнүүдые бэелүүлгын талаар Холын хараа бодолто үүсхэлнүүдэй агентство байгуулагдаһан ба тэрээндэ үндэһэлэн, Оросто олзын хэрэг эрхилэлгын арга боломжо һайжаруулха зорилготой «Олзын хэрэг эрхилэлгын Үндэһэтэнэй үүсхэлые» эмхидхэн бэелүүлгэ эхилһэн юм[16][18][30].

Шэнээр һунгагдаһан юрэнхылэгшэ Владимир Путинай дэбшүүлэлгээр Гүрэнэй Дүүмэ май һарада Оросой Холбоото Уласай Засагай газарай Түрүүлэгшын тушаалда Дмитрий Медведевые баталба. Уданшьегүй Засагай газарай шэнэ бүридэл тунхаглагдаа һэн: Белоусов Оросой Холбоото Уласай эдэй засаг хүгжөөлгын сайдай тушаалда томилогдоо[5][17]. Гэхэтэй хамта, олондо мэдээсэл тараадаг эмхинүүдэй мэдээсэлээр, Оросой Холбоото Уласай Юрэнхылэгшын эдэй засагай асуудалнуудай талаар туһалагшын тушаалда Белоусов мүн лэ хаража үзэгдэһэн байгаа, тиигээшье һаа, удаань энэ тушаалда Эльвира Набиуллинае томилхо тухай шиидхэбэри абтаһан байгаа[31].

24 июня 2013 оной июниин 24-дэ Оросой Холбоото Уласай Түбэй банкын толгойлогшын тушаалда ошоһон Набиуллинагай орондо[32]Белоусов Оросой Холбоото Уласай Юрэнхылэгшын эдэй засагай асуудалнуудай талаар туһалагшын тушаалда томилогдоо[6][33].

2015 оной июниин 17-һоо 2017 оной сентябриин 29 болотор Белоусов хуби ниилүүлһэн «Газарай тоһоной „Роснефть“» хамжаанай захиралнуудай зүблэлэй түрүүлэгшэ байгаа[34].

2020 оной январиин 21-дэ Белоусов Михаил Мишустинай толгойлһон шэнэ Засагай газарта Оросой Холбоото Уласай Засагай газарай түрүүлэгшын нэгэдэхи орлогшоор томилогдоо[35].

2020 оной март һараһаа — «Оросой түмэр замууд» гэһэн хуби ниилүүлһэн нээмэл бүлгэмэй захиралнуудай зүблэлэй түрүүлэгшэ[36][37].

Оросой Холбоото Уласай Засагай газарай Түрүүлэгшэ Михаил Мишустинай COVID-19 үбшөөр үбшэлөөд аргалуулха үедэ 2020 оной апрелиин 30-һаа майн 19 болотор Оросой Холбоото Уласай Засагай газарай Түрүүлэгшын уялга дүүргэжэ байгаа.

Оросой Холбоото Уласай Баталан хамгаалгын сайдаар Белоусовые томилхо тухай 2024 оной майн 12-то Оросой Юрэнхылэгшэ Владимир Путин Федерациин Зүблэлдэ дурадхаа[38]. Майн 14-дэ Федерациин Зүблэл зүбшэлэлгэ үнгэргэжэ[39], тэрэл үдэртөө Оросой Холбоото Уласай Юрэнхылэгшэ томилхо тухай зарлигта гар табиһан байна[2].

2024 оной июниин 11-дэ Юрэнхылэгшэ Владимир Путин Белоусовые Оросой Холбоото Уласай Аюулгүйн Зүблэлэй саг үргэлжын гэшүүдэй тоодо оруулһан байха юм[40].

Минск хотодо үнгэргэгдэһэн Баталан хамгаалгын сайдуудай Зүблэлэй зүблөөн дээрэ 2024 оной июлиин 3-да СНГ-гэй Баталан хамгаалгын сайдуудай зүблэлэй түрүүлэгшээр һунгагдаа[4].

Гэр бүлэ

[Заһаха | үндэһэн бэшэгые заһабарилха]

Эсэгэ — Рэм Александрович Белоусов (1926—2008), эдэй засагшан, эдэй засагай эрдэмэй доктор, эдэй засагай түүхэ шэнжэлэгшэ[41].

Эхэ — Алиса Павловна Белоусова (Травникова) (1934—2015), химик мэргэжэлтэй, химиин эрдэмэй дид-доктор[42].

Нагаса аба — Павел Иванович Травников, агроном мэргэжэлтэй, Москвада Травниковай сэсэрлигэй һуури табиһан.

Хоёрдохиёо гэр бүлэ болоһон. Һамганиинь — Лариса Владимировна Белоусова (Авдеева) (1961 ондо түрэһэн).

Түрүүшын гэр бүлэһөө Павел (1994 ондо түрэһэн) гэжэ хүбүүтэй. Н. Э. Бауманай нэрэмжэтэ Москвагай гүрэнэй техническэ ехэ һургуули дүүргэгшэ[43].

Дмитрий дүү хүбүүниинь - Ехын эдэй засагай шүүмжэлэлэй ба богони болзорой уридшалан багсаамжалгын түбэй (ЦМАКП) хүтэлэгшэ шэнжэлэгшэ[15].

Албанай ангиин зэргэ

[Заһаха | үндэһэн бэшэгые заһабарилха]
  • Оросой Холбоото Уласай Гүрэнэй 1-дэхи зэргын бодото зүблэгшэ (2011).

Шагналнууд

[Заһаха | үндэһэн бэшэгые заһабарилха]
  • «Москвагай 850 жэлэй дурасхаалда» гэһэн медаль (1997).
  • Оросой Холбоото Уласай Юрэнхылэгшын баяр баясхаланай бэшэг — Оросой Холбоото Уласай Гүрэнэй зүблэлэй ажаябуулга хангалгада габьяатай байһанай түлөө (2005 оной сентябриин 1)[44].
  • Оросой Холбоото Уласай габьяата эдэй засагшан (2007 оной июниин 12) — гүрэн түрын эдэй засагай бодолго бэелүүлгэдэ ба олон удаан жэлнүүдтэ үнэн сэхээр ажаллаһанай түлөө.
  • Хүндэлэлэй орден (2009 оной июниин 14) — ажалдаа амжалта туйлаһанай ба олон удаан жэлнүүдтэ үнэн сэхээр ажаллаһанай түлөө[45].
  • «Агаарай сэрэгэй хүсэнүүдэй 100 жэл» гэһэн медаль (2012).

Эрдэм шэнжэлгын ажаябуулга ба толилолгонууд

[Заһаха | үндэһэн бэшэгые заһабарилха]

Эрдэмтэн солоороо Белоусов эдэй засагай доторой байгууламжа гуримшуулгын (структурализмын) һургуулиин түлөөлэгшэ болоно. Мүнөө үедэ (2019 оной ноябрь) һарын байдалаар Оросой эрдэм шэнжэлэлгын эшэ таталгын хэлхеэ гаршагаар Белоусовай эрдэм шэнжэлгын ажалнуудай (Хиршын хэлхеэ гаршаг) 18 болоно, бүхыдөө Эрдэмэй сахим номой сангай eLIBRARY  баазаар — 19[46].

  • 1995 — «Үйлэдбэриин зүблэлтэ системын байгуулгын доройтолго» статья - [47][48]«Бусад. Оросой шэнэ удха үүргые мэдэрэлгын уншаха ном» гэһэн согсолборидо.
  • 1999 — «Мүнгэн һангай урасхал гүйдэлэй нэгэдэмэл матрицанууд (онол аргын ба зэмсэгэй талаһаа хандалга)» Оросто зохёон байгуулха дүршэл тухай А. Р. Белоусовай ба Е. А. Абрамовагай хамтын ажал Social Accounting Matrix.
  • 2000—2001 — Доройтолгын һүүлэй үеын һэргэлгын нэгэдэхи шатын шүүмжэлэл ба оросой эдэй засагай удаан болзорой хүгжэлтын багсаамжалга тухай статьянуудай үлхөө Белоусовай хүтэлбэри доро ЦМАКП-ай шүүбэришэд «Уридшалан багсаамжалгын орёо асудалнууд» гэһэн сэдхүүлдэ бэлдээ[49].
  • 2003—2004 — Оросой эдэй засагай байгуулга болон хүгжэлтын шалтагаануудые шэнжэлхэ талаар олон хэсэг статья бэлдэхэ ажал Белоусов ударидаһан юм («Доройтолгын һүүлдэхи хугасаада Оросой эдэй засагай хүгжэлтэ (ехын эдэй засагай хараа бодол)»[50], «Оросой эдэй засагай дундада болзорой хараанда хүгжэлтэ: аюулнуудай шүүмжэлэл»[51] болон бусад).
  • 2005—2007 — «Оросой эдэй засагай гайхамшаг: өөһэдөө бүтээхэбди. 2020 он болотор Оросой эдэй засагай хүгжэлтын уридшалан багсаажалга» гэһэн ном зохёогшодой бүлгэм ударидаһан юм[52]. «Уридшалан багсаамжалгын орёо асуудалнууд» гэһэн сэдхүүлдэ энэ номой хоёр бүлэг амяараа статьянууд боложо хэблэгдэһэн байна[53][54].
  • 2006 — эрдэмэй докторой диссертаци дээрэ үндэһэлэгдэжэ, «Оросой эдэй засагай хүсэлдүүлэн һэргээлгэ: Доройтолгоһоо хүгжэлтэ тээшэ» гэһэн ном хэблэгдээ[55].

Ажаглалта

[Заһаха | үндэһэн бэшэгые заһабарилха]
  1. ↑ «Троицкая Православная Газета», № 86, апрель-май 2007, г. Троицк, стр. 4 «Дни рождения. Крестины». the original on 2013-12-03 2012-07-01 үдэртэ хандаһан.
  2. ↑ 1 2 Президент подписал указы о назначении членов Правительства Российской Федерации и директоров служб (2024-05-14).
  3. ↑ Путин включил Белоусова в число постоянных членов Совбеза (11.06.2024).
  4. ↑ 1 2 "Белоусова избрали председателем Совета министров обороны СНГ", 2024-07-03. 2024-07-03. 
  5. ↑ 1 2 "Кабинет заместителей. Новые лица правительства Медведева", Газета.Ru, 2012-05-21. 2012-10-07. Archived from the original on 2012-09-27. 
  6. ↑ 1 2 "Андрей Белоусов назначен помощником Президента", Официальный сайт президента РФ, 2013-06-24. 2013-06-24. Archived from the original on 2013-06-25. 
  7. ↑ "Улюкаев стал министром экономического развития, Белоусов - помощником президента", Вести.ру, 2013-06-24. 2013-06-24. Archived from the original on 2013-06-27. 
  8. ↑ Указ Президента Российской Федерации от 30.04.2020 года «Об исполнении обязанностей Председателя Правительства Российской Федерации».
  9. ↑ Мишустин заразился коронавирусом и временно сложил полномочия премьера.
  10. ↑ О признании утратившим силу Указа об исполнении обязанностей Председателя Правительства.
  11. ↑ Председатель совета директоров РЖД.
  12. ↑ Учёный совет. ИНП РАН. the original on 2012-10-11 2012-10-07 үдэртэ хандаһан.
  13. ↑ Диссертационный совет. ИНП РАН. the original on 2012-10-11 2012-10-07 үдэртэ хандаһан.
  14. ↑ Информация о журнале «Проблемы прогнозирования». ИНП РАН. the original on 2012-11-09 2012-10-07 үдэртэ хандаһан.
  15. ↑ 1 2 Всем хорош.
  16. ↑ 1 2 3 4 Белоусов Андрей Рэмович. РБК. the original on 2012-10-18 2012-10-14 үдэртэ хандаһан.
  17. ↑ 1 2 Биография Андрея Белоусова. РИА Новости. the original on 2012-10-18 2012-10-07 үдэртэ хандаһан.
  18. ↑ 1 2 3 4 "Всем хорош", Коммерсант. Огонёк, 2013-07-01. 2015-12-10. Archived from the original on 2015-12-11. 
  19. ↑ Аналитическая группа Внешнеполитической ассоциации ("Группа Бессмертных"). 2013-03-30 үдэртэ хандаһан.
  20. ↑ Борзова, Дарья. "О кризисе предупреждали давно", Zaks.ru, 2008-11-28. 2012-10-14. Archived from the original on 2015-12-22. 
  21. ↑ Белоусов, Андрей Рэмович Долгосрочные тренды российской экономики. — 2005. Архивировано из первоисточника 27 август 2018.
  22. ↑ Распоряжение Правительства Российской Федерации от 6 февраля 2006 г. № 133-р «О заместителе министра экономического развития и торговли Российской Федерации»недоступная ссылка
  23. ↑ Распоряжение Правительства Российской Федерации от 26 июня 2008 г. № 927-р «О заместителе министра экономического развития Российской Федерации»недоступная ссылка
  24. ↑ Белоусов, Андрей Рэмович (2006). Противоречия и перспективы развития системы воспроизводства российской экономики. disserCat. the original on 2012-08-17 2012-08-04 үдэртэ хандаһан.
  25. ↑ Белоусов, Андрей. 2012-10-07 үдэртэ хандаһан.
  26. ↑ Федеральный закон от 28 декабря 2009 г. N 381-ФЗ «Об основах государственного регулирования торговой деятельности в Российской Федерации». «Гарант.ру». the original on 2012-10-18 2012-10-07 үдэртэ хандаһан.
  27. ↑ Распоряжение Правительства Российской Федерации от 17 июля 2008 г. № 1019-р «О Белоусове А. Р.».
  28. ↑ Указ Президента Российской Федерации от 12.06.2007 г. № 750 «О награждении государственными наградами Российской Федерации Цыплакова С. С. и Белоусова А. Р.».
  29. ↑ О распределении обязанностей между Первым заместителем Председателя Правительства Российской Федерации, заместителями Председателя Правительства Российской Федерации. the original on 2012-10-18 2012-10-02 үдэртэ хандаһан.
  30. ↑ Андрей Белоусов назначен министром экономического развития РФ. Российская газета (2012-05-21). 2012-10-14 үдэртэ хандаһан.
  31. ↑ Максим Товкайло; Ольга Плотонова. "Новым министром экономического развития может стать Алексей Улюкаев", Ведомости, 2013-06-18. 2013-06-20. Archived from the original on 2020-05-16. 
  32. ↑ "Указ «О Набиуллиной Э.С.»", Официальный сайт президента РФ, 2013-06-24. 2013-06-24. Archived from the original on 2013-06-27. 
  33. ↑ Путин назначил Алексея Улюкаева главой Минэкономразвития.
  34. ↑ Помощник президента Андрей Белоусов возглавил совет директоров «Роснефти» — Интерфакс.
  35. ↑ Указ Президента Российской Федерации от 21.01.2020 г. № 25 «О Первом заместителе Председателя Правительства Российской Федерации».
  36. ↑ ТАСС, 13 марта 2020. Первый вице-премьер Белоусов возглавит совет директоров РЖД.
  37. ↑ Совет директоров РЖД наполовину обновится. В новый состав могут войти Андрей Белоусов и Максим Решетников. Ведомости (2020-03-10). 2020-03-11 үдэртэ хандаһан.
  38. ↑ Путин предложил назначить Белоусова министром обороны РФ (2024-05-12).
  39. ↑ СФ признал состоявшимися консультации по кандидатам в главы министерств и ведомств (2024-05-14).
  40. ↑ Путин включил Белоусова в число постоянных членов Совбеза (2024-06-11).
  41. ↑ Биография Р. А. Белоусова.
  42. ↑ Краткая биография А. П. Белоусовой. the original on 2013-03-18 2012-07-02 үдэртэ хандаһан.
  43. ↑ Выписка из приказа о зачислении в МГТУ им. Баумана.
  44. ↑ Распоряжение Президента Российской Федерации от 01.09.2005 г. № 395-рп «О поощрении».
  45. ↑ Указ Президента Российской Федерации от 14.06.2009 г. № 686 «О награждении государственными наградами Российской Федерации».
  46. ↑ Белоусов, Андрей Рэмович. Российский индекс научного цитирования
  47. ↑ «Иное. Путеводитель.». «Хрестоматия нового российского самосознания» (1995). the original on 2013-12-19 2012-08-04 үдэртэ хандаһан.
  48. ↑ Белоусов, Андрей Рэмович (1995). «Структурный кризис советской индустриальной системы». the original on 2013-12-19 2012-08-04 үдэртэ хандаһан.
  49. ↑ Архив журнала «Проблемы прогнозирования». Институт народнохозяйственного прогнозирования РАН. the original on 2012-10-18 2012-10-02 үдэртэ хандаһан.
  50. ↑ Белоусов, Андрей Рэмович (2003-06-01). «Развитие российской экономики в посткризисный период (макроэкономический аспект)». Институт народнохозяйственного прогнозирования РАН. the original on 2012-08-17 2012-08-04 үдэртэ хандаһан.
  51. ↑ Белоусов, Андрей Рэмович (2003-06-01). «Развитие российской экономики в среднесрочной перспективе: анализ угроз». Институт народнохозяйственного прогнозирования РАН. the original on 2012-08-17 2012-08-04 үдэртэ хандаһан.
  52. ↑ «Российское экономическое чудо: сделаем сами. Прогноз развития экономики России до 2020 года». — «Деловая литература», 2007. — 128 с. — ISBN 978-5-93211-043-0недоступная ссылка
  53. ↑ Белоусов, Андрей Рэмович (2006). Сценарии экономического развития России на пятнадцатилетнюю перспективу. Институт народнохозяйственного прогнозирования РАН. the original on 2012-10-18 2012-10-07 үдэртэ хандаһан.
  54. ↑ В. А. Сальников, Д. И. Галимов. (2006-04-02). Конкурентоспособность отраслей российской промышленности – текущее состояние и перспективы. Институт народнохозяйственного прогнозирования РАН. the original on 2014-05-24 2012-10-02 үдэртэ хандаһан.
  55. ↑ Белоусов, Андрей Рэмович «Эволюция системы воспроизводства российской экономики: От кризиса к развитию». — «Макс-пресс», 2006. — 396 с. — 500 экз. — ISBN 5-317-01601-0 Архивная копия от 16 июль 2020 на Wayback Machine
Предшественник:
Набиуллина Эльвира Сахипзадовна 		Оросой Холбоото Уласай Эдэй засаг хүгжөөлгын сайд

2012 оной майн 21 — 2013 оной июниин 24 		Преемник:
Улюкаев Алексей Валентинович
Предшественник:
Набиуллина Эльвира Сахипзадовна 		Оросой Холбоото Уласай Юрэнхылэгшын туһалагша
2013 оной июниин 24 — 2020 оной январиин 21 		Преемник:
Орешкин Максим Станиславович
"https://bxr.ruwiki.ru/w/index.php?title=Белоусов_Андрей_Рэмович&oldid=159382" хуудаһанһаа абтаһан