Оверчук Алексей Логвинович

Оверчук Алексей Логвинович
Оверчук Алексей Логвинович
Оросой Холбоото Уласай Засагай газарай түрүүлэгшын орлогшо
	2020 оной январиин 21; (уялга дүүргэгшэ 2024 оной майн 7-13)
Засагай газарай түрүүлэгшэ	Михаил Мишустин; Андрей Белоусов (уялга дүүргэгшэ); Михаил Мишустин
Юрэнхылэгшэ	Владимир Путин
Түрэһэн үдэр	1964 оной декабриин 9; СССР, Украин Улас, Житомирой можо, Коростышев хото
Болбосорол	К. А. Тимирязевай нэрэмжэтэ Москвагай хүдөө ажахын ехэ һургуули
Эрдэмэй зиндаа	Эдэй засагай эрдэмэй дид-доктор
	РУВИКИ.Медиа дахи Медиафайл

Оверчук Алексей Логвинович (1964 оной декабриин 9 түрэһэн, СССР, Украин Улас, Житомирой можо, Коростышев хото) — оросой гүрэнэй болон бодолгын ажал ябуулагша, эдэй засагшан. 2020 оной январиин 21-һээ Оросой Холбоото Уласай Засагай газарай түрүүлэгшын орлогшо (2024 оной майн 7-13-да уялга дүүргэгшэ)^[1]^[2].

Энээнһээ урид 2011 онһоо 2020 он болотор Оросой Холбоото Уласай татабариин холбоото уласай албанай хүтэлбэрилэгшын орлогшын тушаал эзэлһэн байна. Оросой Холбоото Уласай Гүрэнэй 2-дохи зэргын зүблэгшэ.

Намтар

Житомирой можын Коростышев хотодо 1964 оной декабриин 9-дэ түрэһэн намтартай.

К. А. Тимирязевай нэрэмжэтэ Москвагай хүдөө ажахын ехэ һуургуули 1986 ондо «эдэй засагай кибернетикэ» гэһэн мэргэжэлээр дүүргээ.

1986-1993 — Тимирязевэй нэрэмжэтэ Москвагай хүдөө ажахын академиин агропромышленна комплексын ажахын механизм һайжаруулгын эрдэмэй туршалга хэдэг зургаанай ахамад туһалагша эрдэмтэ, бага зэргын эрдэмэй ажалшан, эрдэмэй ажалшан, ахамад эрдэмэй ажалшан.

Тимирязевэй нэрэмжэтэ Москвагай хүдөө ажахын академидэ 1992 ондо «Организация управления кооперативной формы управления в АИК» гэһэн сэдэбээр эрдэмэй зэргэдэ хүртэхын хүдэлмэри хамгаалжа, экономикын эрдэмэй дид-доктор болоһон байна.

1993-1994 онуудта — Уласхоорондын суг ажаллалгын хүтэлбэриин ахамад мэргэжэлтэн, 1994—1998 онуудта — Уласхоорондын таһагай хэрэгүүдэй талаар хүтэлбэриин даргын орлогшо, 1998 ондо Газарай нөөсэ баялиг болон газар хубаалгын талаар Оросой Холбоото Уласай Гүрэнэй хорооной хүдэлдэггүй зөөри бүридхэлдэ абалгын ба газарай кадастрай гүрэнэй хүтэлбэриин хүдэлдэггүй зөөри эрхын гүрэнэй бүридхэлдэ абадаг хүтэлбэриин дарга (Роскомзем).

1998 — Оросой Холбоото Уласай Газарай бодолгын талаар, барилгын болон гэр байрын ажахын яаманай мэдээсэлэй-шэнжэлэлгын хүтэлбэриин таһагые даагша.

1998-1999 онуудта — Оросой Холбоото Уласай газарай талаар гүрэнэй хорооной хүтэлбэриин мэдээсэлэй-шэнжэлэлгын таһагые даагша.

1999—2000 онуудта — Оросой Холбоото Уласай газарай бодолгын талаар Гүрэнэй хорооной хүтэлбэриин мэдээсэлэй-шэнжэлэлгын таһагые даагша.

2000 оной август һараһаа — Оросой Холбоото Уласай газарай кадастрай албанай (Росземкадастр) хүтэлбэрилэгшын орлогшо, 2004 ондо хүдэлдэггүй зөөриин кадастрай холбоото уласай агентство (Роснедвижимость) болгогдоһон. Хожомынь Росреестр болгогдоһон Роснедвижимостьдо Михаил Мишустин гүрэнэй зургаанай хүтэлбэрилэгшын тушаал түрүүшынхиеэ эзэлээ, тиихэдэ Оверчук тэрэнэй мэдэлдэ ороһон байна^[3].

2000 онһоо 2007 он болотор бюрогой гэшүүнээр болон ООН-ой Европын эдэй засагай комиссиин газарай нөөсэ хүтэлбэрилхэ талаар ажалай бүлэгэй түрүүлэгшын орлогшоор һунгагдаһан байна^[4].

Тиихэдэ 2007 ондо Михаил Мишустинай хүтэлбэри доро эдэй засагай тусхай бүһэ нютагуудые хүтэлбэрилхэ талаар холбоото уласай агентствын хүтэлбэрилэгшын орлогшо боложо, мүнгэ һомологшодые татаха талаар ажал тэнсүүлэн байгуулдаг болоо һэн.

2008 онһоо 2010 он болотор Мишустинай ударидаһан UFG Capital Management гэһэн мүнгэ һомологшо хамжаануудай бүлэгтэ хүтэлбэрилхы ахамад тушаалнуудые эзэлээ.

Алексей Оверчук Евразиин эдэй засагай комиссиин Зүблэлэй суглаанда, 2020 он

2011 оной март һараһаа — Холбоото уласай татабариин албанай хүтэлбэрилэгшын орлогшо. Нэгэ хэбүүдэй хүтэлбэри болон уласхоорондын суг ажаллалгын ажаябуулга хинан шалгаха ба тэнсүүрхэ ажал ябуулһан байгаа. Холбоото уласай татабариин албанай хүтэлбэрилэгшын орлогшын тушаалда бусад хэрэгүүдэй хажуугаар мэдээсэлнүүдээр автомадай аргаар һэлгэлдэхэ тухай, Оросой уласхоорондын хэлсээнүүдые хэрэглэлгын асуудалнуудаар газар нютагай татабариин албанай ажал ябуулгада арга барилай һургаал болон эмхидхэл хангалгын ажал тэнсүүлэн байгуулдаг байгаа^[4].

2020 оной январиин 21-һээ Оросой Холбоото Уласай Засагай газарай Түрүүлэгшын орлогшо. Засагай газарта тэрэнэй харюусалгын оршом хадаа Евразиин нэгэдхэлгын асуудалнууд, уласхоорондын эмхинүүдтэй (СНГ, БРИКС, G20 г.м.) суг ажаллалгын болон Засагай газарай Түрүүлэгшын хабаадалгатайгаар уласхоорондын хэмжээ ябуулгануудые түсэблэхэ, эмхидхэхэ асуудалнууд болоно^[5].

2023 оной ноябрь һарада Оверчук Сан-Франциско хотодо үнгэрһэн Ази-Номгон далайн эдэй засагай суг ажаллалгын (АТЭС) саммитда Оросой түлөөлэгшэдые хүтэлбэрилжэ ошоо, гол хөөрэлдөөн уларил шэнжэлэлгын асуудалнуудта зорюулагдаһан байгаа^[6].

2024 оной майн 11-дэ Михаил Мишустин Засагай газарай Түрүүлэгшын орлогшын тушаалда Оверчугай дэбжүүлгэ дурадхажа, Гүрэнэй Дүүмын үзэмжэдэ шэнэ засагай бүридхэл оруулһан байна^[7]. Майн 13-да Гүрэнэй Дүүмэ тэрэниие энэ тушаалда зүбшөөбэ^[8]. Оросой Холбоото Уласай Юрэнхылэгшэ майн 14-дэ томилолго тухай зарлигта гараа табяа^[9]. Оверчук Евразиин орон зайда нэгэдэлгын һалбарида гүрэнэй бодолго, БРИКС-эй, Шанхайн суг ажаллалгын эмхиин болон Ехэ хориной бүлэгэй ажал ябуулга тэнсүүлэн зохисуулхаяа үргэлжэлүүлнэ^[10].

Шагналнууд

«Эсэгэ ороной үмэнэ габьяатай байһанай түлөө» орденой I шатын медаль (2017 оной июниин 12) — гүрэнэйнгөө урда ехэ габьяатай, олон жэлдэ үнэн сэхээр хүдэлһэнэйнь түлөө^[11]
«Эсэгэ ороной үмэнэ габьяатай байһанай түлөө» орденой II шатын медаль (2014 оной октябриин 25) — ажалдаа олоһон амжалтануудай түлөө, олон жэлэй туршада үнэн сэхээр хүдэлмэрилжэ, олониитын ажаябуулгада эдэбхитэйгээр хабаадаһанай түлөө^[12]

Гэр бүлэ

Эсэгэнь Оверчук Логвин Алексеевич (1932—2007) Бүхэроссиин хүдөө ажахын эдэй ажахын эрдэм шэнжэлгын дээдэ һургуулида хүдэлһэн байна. Оросой Холбоото Уласай Америкадахи элшэн сайдай яаманда хүдөө ажахын атташе ябаһан^[13]. Тэрэ 2007 оной июниин 25-да наһа бараад, Москва хотын Троекуровскын хүүр газарта хүдөөлүүлэгдээ^[14].

Эжынь Оверчук Нелли Александровна (1936—2009) Хүдөө ажахын нэгэдэлэй техникын болон эдэй засагай шэнжэлгын Бүхэроссиин эрдэм шэнжэлгын дээдэ һургуулида (ВНИИТЭИагропром)-до ажаллаа^[15].

Зөөри ба олзо оршо

2018 оной тунхаглалай ёһоор, тэрэ 2200 м² ниитэ талмайтай хоёр газарай хэһэг, 225,6 м² ниитэ талмайтай гурбан байра, нэгэ Форд Фокус гэһэн хүнгэн унаа тээбэритэй. Тэрэнэй олзо оршо 8 786 378 түхэриг байгаа^[16].

Һамганиинь 1 636 351 түхэриг олзотой, хамта дээрээ 96 дүрбэлжэн метр талмайтай хоёр байратай байгаа^[17].

Ажаглалта

Ссылкэнүүд

Алексей Оверчук на сайте Правительства Российской Федерации Архивная копия от 26 январь 2020 на Wayback Machine
Чем известен Алексей Оверчук // Коммерсантъ Архивная копия от 26 январь 2020 на Wayback Machine
Заместитель председателя правительства Российской Федерации Оверчук Алексей Логвинович на недавней встрече в Вашингтоне с заместителем главы госдепартамента США госпожой Венди Шерман. Фото Архивная копия от 16 октябрь 2021 на Wayback Machine

[1] Алексей Оверчук стал вице-премьером России // ИА REGNUM.

[2] Правительство России переходит в статус и.о. до назначения нового состава.

[3] Бессменный заместитель и давняя коллега: вице-премьерами стали двое подчиненных Мишустина // Московский комсомолец.

[cnews-4] ¹ ² Новым ответственным за ИТ в России стал давний коллега нового премьера // CNews.

[5] Распределение обязанностей между заместителями Председателя Правительства.

[6] ТАСС, 17 ноября 2023. Оверчук заявил, что тема Украины в начале саммита АТЭС звучала в основном фоново

[7] О чем говорит новая конфигурация российского правительства (2024-05-11).

[8] Госдума утвердила Оверчука заместителем председателя правительства (2024-05-13).

[9] Президент подписал указы о назначении членов Правительства Российской Федерации и директоров служб (2024-05-14).

[10] Михаил Мишустин утвердил распределение обязанностей между вице-премьерами (2024-05-17).

[11] Указ Президента Российской Федерации от 12.06.2017 № 266 «О награждении государственными наградами Российской Федерации» // Собрание законодательства Российской Федерации.

[12] Указ Президента Российской Федерации от 25.10.2014 № 680 «О награждении государственными наградами Российской Федерации» // Собрание законодательства Российской Федерации.

[13] Ю.Н. ВАВИЛОВ В долгом поиске // Книга о братьях Николае и Сергее Вавиловых.

[14] Логвин Алексеевич Аверчук // BillionGraves.

[15] Н. А. Оверчук «Совершенствование организационно-экономических форм агрохимического обслуживания сельского хозяйства» // Biblus.

[16] Алексей Оверчук // Finparty.

[17] Оверчук Алексей Логвинович // Деклатор.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

Оросой Холбоото Уласай хүсэндөө байгаа Засагай газар
Түрүүлэгшэ	Михаил Мишустин
Нэгэдэхи орлогшо	Денис Мантуров
Орлогшонор	Татьяна Голикова Дмитрий Григоренко (руководитель Аппарата) Александр Новак Алексей Оверчук Дмитрий Патрушев Виталий Савельев Юрий Трутнев (полномочный представитель Президента в ДФО) Марат Хуснуллин Дмитрий Чернышенко
Сайдууд	Владимир Колокольцев — внутренних дел Александр Куренков — по делам гражданской обороны, чрезвычайным ситуациям Михаил Мурашко — здравоохранения Сергей Лавров — иностранных дел Ольга Любимова — культуры Валерий Фальков — науки и высшего образования Андрей Белоусов — обороны Александр Козлов — природных ресурсов и экологии Антон Алиханов — промышленности и торговли Сергей Кравцов — просвещения Алексей Чекунков — по развитию Дальнего Востока Оксана Лут — сельского хозяйства Михаил Дегтярёв — спорта Ирек Файзуллин — строительства и жилищно-коммунального хозяйства Роман Старовойт — транспорта Антон Котяков — труда и социальной защиты Антон Силуанов — финансов Максут Шадаев — цифрового развития, связи и массовых коммуникаций Максим Решетников — экономического развития Сергей Цивилёв — энергетики Константин Чуйченко — юстиции