Шадаев Максут Игоревич

Сүлөөтэ Нэбтэрхы Толи — Википеэдиһээ
Рувикидэ иимэ обогтой ондоо хүнүүд тухай үгүүлэлнүүд бии Шадаев.
Шадаев Максут Игоревич
Максут Шадаев.png
Флаг
Ороcой Холбоото Уласай Тоо оньһото хүгжэлтын, хэлхеэ холбооной болон олоной харилсаанай сайд
Флаг
 2020 оной январиин 21
(уялга дүүргэгшэ 2024 оной майн 7-13)
Засагай газарай түрүүлэгшэ Михаил Мишустин
Андрей Белоусов (уялга дүүргэгшэ)
Михаил Мишустин
Юрэнхылэгшэ Владимир Путин
Урид ажаллаһан хүн Носков Константин Юрьевич
Түрэһэн үдэр 1979 оной ноябриин 11
СССР, РСФСР, Москва хото
Үхибүүд хоёр басагатай
Болбосорол Оросой гүрэнэй ниигэмэй ехэ һургуули
Шагналнууд
Орден Почёта RUS Medal of the Order For Merit to the Fatherland 2nd class ribbon.svg
Логотип РУВИКИ.Медиа РУВИКИ.Медиа дахи Медиафайл

Шадаев Максут Игоревич (1979 оной ноябриин 11-дэ Москва хотодо түрэһэн[1]) — оросой гүрэнэй ажаябуулагша, 2020 оной январиин 21-һээ Ороcой Холбоото Уласай Тоо оньһото хүгжэлтын, хэлхеэ холбооной болон олоной харилсаанай сайд[2][3][4]. Оросой Холбоото Уласай Гүрэнэй 2-дохи зэргын зүблэгшэ (2014). Оросой Сэдхүүлшэдэй холбооной гэшүүн.

Намтар

[Заһаха | үндэһэн бэшэгые заһабарилха]

Максут Шадаев 1979 оной ноябриин 11-дэ түрэһэн, зарим мэдээсэлнүүдээр Москва хотодо, нүгөө мэдээсэлээр - Нижний Новгород хотодо. Үндэһэ яһанай шэнжээр - Татар[1]. 1999 онһоо мэдээсэлэй болон харилсаа холбооной арга зүйн һалбариин хамжаануудта хүдэлөө.

2004 ондо М. Шадаев Ажалай болон ниигэмэй хүгжэлтын яаманай Москвагай гүрэнэй ниигэмэй ехэ һургуули (мүнөө Оросой гүрэнэй ниигэмэй ехэ һургуули) «социологи» гэһэн мэргэжэлээр дүүргээ. Энэл жэлдээ Оросой Холбоото Уласай Мэдээсэлэй арга зүйн болон хэлхеэ холбооной сайд Леонид Рейманай зүбшэлэгшөөр томилогдоо. 2006 оной февралиин 6-да Шадаев энэ зургаанайнгаа Гүрэнэй программануудай, инфраструктура хүгжөөлгын болон хизаарлагдамал арга хэрэглэлгын департаментын захирал болоо.

ЮКОС-һаа гарагшадай эмхидхэн байгуулһан, Америкын Холбоото Штадуудай Сан-Матео хотодо бүридхэлдэ абтаһан Илья Пономаревой «Arrava Internet Management» хамжаанай «Эйдвайзерс» түсэл 2000-2001 онуудта Шадаев хүтэлбэрилһэн байха юм[5][6][7]. 2000 оной июнь һарада тус хамжаан Оросой дэлгүүртэ ажалаа эхилһэн тухайгаа мэдүүлээ[8][9]. 2000 оной октябрь һарада Шадаев «Arrava Internet Management» хамжаанай холын хараата интернет-бодолгын талаар захирал байгаа[10].

2002-2004 онуудта Шадаев Анатолий Карачинскын IBS Group гэһэн томо хамжаанда интернет-шиидхэбэринүүдэй һалбариин олзын хэрэг хүгжөөлгын таһагай дарга байгаа, 2003 оной июль һарада олзын хэрэг хүгжөөлгын захирал болоһон байна[5].

2004 оной июль һарада Шадаев НИИ «Восход» гэһэн гүрэнэй засагай нэгэдэмэл үйлэдбэриин эмхиин захирал Леонид Юхневичэй зүбшэлэгшын тушаал эзэлээ[11].

2007 оной онтябриин 9-дэ Реймантай хамта Зөөри хүтэлбэрилгын талаар Холбоото уласай агентствын «Росинфокоминвест» (РИФИКТ) гэһэн венчурнэ жасын захиралнуудай зүблэлэй гэшүүн болоһон. Тэрэниие эмхидхэн байгуулгые Оросой Холбоото Уласай Мэдээсэлэй арга зүйн болон хэлхеэ холбооной яаман дэмжэн үүсхэһэн[12].

2008 оной май һарада Оросой Холбоото Уласай Мэдээсэлэй арга зүйн болон хэлхеэ холбооной яаманай орондо Игорь Щёголевой хүтэлбэри доро Ороcой Холбоото Уласай Тоо оньһото хүгжэлтын, хэлхеэ холбооной болон олоной харилсаанай яаманай байгуулагдаһанай удаа, Шадаев мэдээсэлжүүлгын болон мэдээсэлэй арга зүйнүүдэй талаар гүрэнэй бодолгын департаментын захиралай тушаал эзэлээ.

2008 оной намар Шадаев Оросой Холбоото Уласай Юрэнхылэгшын Захиргаанай хүтэлбэрилэгшэ Сергей Нарышкинай туһалагша боложо, Мэдээсэлэй ниитэ хүгжөөлгын талаар Юрэнхылэгшын зүблэлэй ажал эмхидхэлгын, мүн тиихэдэ биометриин нюурай үнэмшэлгэ зохёолгын түсэлэй түлөө харюусалгатай байгаа. 2009 оной февраль һарада Оросой Холбоото Уласай Юрэнхылэгшын хүтэлбэрилхы ажалшадай нөөсэдэ «түрүүшын зуунай тобьёгто» оруулагдаа. Шэнэ үеын нюурай үнэмшэлгэ болон визын баримта бэшэгүүдые үйлэдбэрилгэ, бэлэдхэлгэ, хиналгын гүрэнэй байгуулгын (ГС ПВДНП) зохёон бүтээгшэдэй зүблэлэй түрүүлэгшэ — ахамад зохёон бүтээгшэ байгаа[13].

2012 ондо Шадаев Оросой Холбоото Уласай Гүрэнэй Дүүмын Түрүүлэгшэ Сергей Нарышкинай зүблэгшэ болоо. «Хуули зохёолгын сахим зургаан» гэһэн түсэл бэелүүлгын түлөө харюусалгатай байгаа.

2014 оной февралиин 11-дэ Шадаев Москвагай можын гүрэнэй хүтэлбэриин, мэдээсэлэй арга зүйн болон хэлхеэ холбооной сайдай тушаалда томилогдоо. Тэрэ Амбан захирагша Андрей Воробьёвой ударидаһан Москвагай можын засагай газарай бүридэлдэ ороһон байна. Мүн тиихэдэ 2016 оной сентябриин 29-дэ Москва шадарай Засагай газарай Түрүүлэгшын орлогшо болоһон байха юм. Шадаевай ударидалга доро «Добродел» гэһэн портал – Москвагай можын гомдол болон дурадхалнуудай нэгэдэмэл дэбтэр ажаллажа эхилээ. 2018 оной сентябриин 14-дэ Москвагай можын Засагай газарай тушаалһаа бууһанай удаа Шадаев тэрэнэй шэнэ бүридэлдэ ороогүй, Амбан захирагша Воробьёвой ниитын зүблэгшын тушаал эзэлээ.

2017 оной май һараһаа Шадаев Оросой Холбоото Уласай Юрэнхылэгшын захиргаанай толгойлогшын нэгэдэхи орлогшо Сергей Кириенкын ниитын зүблэгшэ боложо, нютаг можын засаг зургаануудай ниигэмэй холбоонууд соохи мэдээсэлэй бодолго харгалзалха ажал ябуулаа[14].

Шадаев 2018 оной сентябриин 26-да «Ростелеком» гэһэн Хуби ниилүүлһэн нээмэл бүлгэмэй тоо оньһото талмайнуудай талаар дид-юрэнхылэгшээр томилогдоод, 2019 оной февраль һараһаа энэ тушаалые 100% хуби гүрэнэй мэдэлтэй «РТ Лабс» гэһэн Хуби ниилүүлһэн бүлгэмэй юрэнхылэгшын тушаалтай хослуулжа ажаллаа, тэрэнэй байгаа.

Оросой Холбоото Уласай Юрэнхылэгшэ Владимир Путинай зарлигаар 2020 оной январиин 21-дэ Ороcой Холбоото Уласай Тоо оньһото хүгжэлтын, хэлхеэ холбооной болон олоной харилсаанай сайдай тушаалда томилогдоо[15]. Шэнэ тушаалдаа ороһон Шадаевай Гүрэнэй Зүблэлэй зүблөөн дээрэ соносхоһон түрүүшын үүсхэл хадаа[16] сүүдэй шиидхэбэригүйгөөр эрхэтэд тухай мэдээнүүдые хуули сахигшадай мэдэлдэ онлайнаар олгохо дурадхал байһан юм[17], гэбэшье Песковой һэргылэнги харюу үгэһэнэй удаа, намайе буруу ойлгоо гэжэ Шадаев дуулгаа һэн[18].

2024 оной майн 14-дэ Гүрэнэй Дүүмын зүгһөө Ороcой Холбоото Уласай Тоо оньһото хүгжэлтын, хэлхеэ холбооной болон олоной харилсаанай сайдай тушаалда дахинаа баталагдаа[19], тэрэл үдэрынь Оросой Холбоото Уласай Юрэнхылэгшэ томилолго тухай зарлигта гараа табиһан байна[20][21].

Гэр бүлэ

[Заһаха | үндэһэн бэшэгые заһабарилха]

Хоёр басагатай[22][1].

Шагналнууд

[Заһаха | үндэһэн бэшэгые заһабарилха]
  • Хүндэлэлэй Орден (Орос гүрэн) (2010 оной ноябриин 18) — электронно мэдээсэлнүүдые эзэлэн багтаагша хари гүрэнэй нюурай үнэмшэлгэнүүдые саг соонь эрьелтэдэ оруулһанайнь түлөө[23]
  • «Эсэгэ ороной үмэнэ габьяатай байһанай түлөө» орденой II шатын медаль (2019 оной майн 29) — ажалдаа амжалта туйланай, олон жэлдэ үнэн сэхээр хүдэлһэнэйнь түлөө[24]

Ажаглалта

[Заһаха | үндэһэн бэшэгые заһабарилха]
  1. ↑ 1 2 3 Шадаев Максут Игоревич. Биография.
  2. ↑ Энциклопедия ТАСС, 2024. Шадаев, Максут Игоревич. Министр цифрового развития, связи и массовых коммуникаций РФ
  3. ↑ Путин назначил нового министра по цифровому развитию и связи // Cnews
  4. ↑ Новым главой Минкомсвязи назначили Максута Шадаева // РИА Новости
  5. ↑ 1 2 Максут Шадаев возглавил «РТ лабс» Cnews.ru
  6. ↑ Arrava намерена развивать электронный бизнес
  7. ↑ Фирмы Пономарёва: правда или вымысел?. Ридус
  8. ↑ PressRoom.Ru - ARRAVA: первый строитель реального бизнеса в Интернете (ARRAVA)
  9. ↑ Илью Пономарёва обвинили в предпринимательской деятельности
  10. ↑ В Рунет за советами «Консалтинг» Приложение № 201 от 26.10.2000
  11. ↑ Кто такой Максут Шадаев? «АиФ» 21.01.2020
  12. ↑ Венчурных денег прибыло – Газета Коммерсантъ № 189 (3765) от 16.10.2007
  13. ↑ Новости компании
  14. ↑ Региональным чиновникам подобрали интернет-штурмана // Коммерсантъ, 31 мая 2017
  15. ↑ Подписаны указы о назначении министров Правительства Российской Федерации // Президент России
  16. ↑ «Министр связи предложил открыть силовикам доступ к данным россиян» kommersant.ru от 29.01.2020.
  17. ↑ «Министр Шадаев предлагает открыть персональные данные граждан силовикам» vedomosti.ru от 29.01.2020.
  18. ↑ «В Кремле назвали новой инициативу дать силовикам доступ к данным россиян» «РБК» 29 января 2020.
  19. ↑ Госдума утвердила Шадаева на должность главы Минцифры (14.05.2024).
  20. ↑ Президент подписал указы о назначении членов Правительства Российской Федерации и директоров служб (2024-05-14).
  21. ↑ Указ Президента Российской Федерации от 14.05.2024 № 403 «О Министре цифрового развития, связи и массовых коммуникаций Российской Федерации».
  22. ↑ Биография нового главы Минкомсвязи Максута Шадаева - ТАСС.
  23. ↑ Указ Президента Российской Федерации от 18.11.2010 г. № 1443 «О награждении государственными наградами Российской Федерации» // Президент России
  24. ↑ Указ Президента Российской Федерации от 29.05.2019 г. № 240 «О награждении государственными наградами Российской Федерации» // Президент России

Ссылкэнүүд

[Заһаха | үндэһэн бэшэгые заһабарилха]
"https://bxr.ruwiki.ru/w/index.php?title=Шадаев_Максут_Игоревич&oldid=198885" хуудаһанһаа абтаһан