Дегтярёв Михаил Владимирович

Сүлөөтэ Нэбтэрхы Толи — Википеэдиһээ
Михаил Владимирович Дегтярёв
Михаил Дегтярёв официальный портрет.jpg
Флаг
Оросой Холбоото Уласай Тамирай сайд
Флаг
 2024 оной майн 14-һөө
Юрэнхылэгшэ Владимир Путин
Урид ажаллаһан хүн Олег Матыцин
Флаг
Оросой Олимпиин хорооной юрэнхылэгшэ
Флаг
 2024 оной декабриин 13
Урид ажаллаһан хүн Станислав Поздняков
Флаг
Хабаровскын хизаарай Амбан захирагша
Флаг
2021 оной сентябриин 24
 — 2024 оной майн 14 (Уялгануудые саг зуура гуйсэдхэгшэ 2020 оной июлиин 20 — 2021 оной сентябриин 24)
Юрэнхылэгшэ Владимир Путин
Урид ажаллаһан хүн Сергей Фургал
Халан абагша Александр Никитин (Уялгануудые саг зуура гуйсэдхэгшэ, тушаалаараа)
Дмитрий Демешин
Флаг
Гүрэнэй Дүүмын Бэеын тамирай соёлой, тамирай, аяншалгын болон залуушуулай хэрэгүүдэй талаар хорооной түрүүлэгшэ
Флаг
2016 оной октябриин 5 — 2020 оной июлиин 20
Урид ажаллаһан хүн Дмитрий Свищёв
Халан абагша Борис Пайкин
Флаг
Оросой Холбоото Уласай Гүрэнэй Дүүмын VI[1] ба Оросой Холбоото Уласай Гүрэнэй Дүүмын VII[2] зарлалнуудай ЛДПР намай тобьёгоор һунгагдаһан һунгамал
Флаг
2011 оной декабриин 21 — 2020 оной июлиин 20
Флаг
Самара можын Дүүмын ЛДПР намай тобьёгоор һунгагдаһан һунгамал
Флаг
2007 оной мартын 11 — 2011 оной декабриин 21
Флаг
Самара хотын дүүмын Октябриин һунгуулиин 9-дэхи тойрогһоо һунгагдаһан һунгамал
Флаг
2004 оной июлиин 5 — 2007 оной мартын 11
Түрэһэн үдэр 1981 оной июлиин 10
Самара хото, РСФСР, СССР
Эсэгэ Владимир Иванович Дегтярёв
Эхэ Светлана Михайловна Дегтярёва
Наһанай нүхэр Галина Викторовна Дегтярёва
Үхибүүд дүрбэн хүбүүтэй
Нам Суг хамта ябагшад (2001—2003)
Ниитэ нэгэн Орос (2003—2005)
ЛДПР(2005 онһоо)
Болбосорол Самарын гүрэнэй агаар замбуулинай ехэ һургуули (СГАУ)
Оросой Холбоото Зэбсэгтэ Хүсэнүүдэй Юрэнхы штабай Сэрэгэй академи (ВА ГШ ВС РФ)
Оросой Холбоото Уласай Юрэнхылэгшын дэргэдэхи арадай ажахын болон гүрэнэй албанай академи (РАНХиГС)
Дэлхэйн соёл болбосоролой дээдэ һургуули
Эрдэмэй зиндаа хуули эрхын эрдэмэй дид-доктор
Ажаябуулга гүрэнэй алба хаагша
Шажан мүргэлдэ хамаадал Үнэн алдарта шажан
Шагналнууд
Сайт Официальный сайт Правительства Хабаровского края
Логотип РУВИКИ.Медиа РУВИКИ.Медиа дахи Медиафайл

Михаи́л Влади́мирович Дегтярёв (1981 оной июлиин 10-да Куйбышев хотодо түрэһэн) — оросой гүрэн түрын, гүрэнэй бодолгын ба олониитын ажал ябуулагша. 2024 оной майн 14-һөө Оросой Холбоото Уласай Тамирай сайд[3]. 2021 оной сентябриин 24-һөө 2024 оной майн 14 болотор Хабаровскын хизаарай Амбан захирагша, 2020 оной июлиин 20-һоо 2021 оной сентябриин 24 болотор - Уялгануудые саг зуура гуйсэдхэгшэ[4][5]. 2021 оной ноябриин 15-һаа - Оросой Холбоото Уласай Гүрэнэй Зүблэлэй гэшүүн. Хуули эрхын эрдэмэй дид-доктор (2020). 2024 оной декабриин 13-һаа - Оросой Олимпиин хорооной юрэнхылэгшэ[6].

VI ба VII зарлалай Гүрэнэй Дүүмын һунгамал (2011 оной декабриин 21 – 2020 оной июлиин 20). Гүрэнэй Дүүмын Бэеын соёлой, тамирай, аяншалгын болон залуушуулай хэрэгүүдэй талаар хорооной түрүүлэгшэ (2016 оной октябриин 5 – 2020 оной июлиин 20)[7]. VI зарлалай Гүрэнэй Дүүмын Эрдэм ухаанай болон арга зүйн талаар хорооной түрүүлэгшын орлогшо (2011 оной декабриин 21 – 2016 оной октябриин 5)[7].

ЛДПР-эй Дээдын Зүблэлэй гэшүүн (2013-2017) ба VII зарлалай Гүрэнэй Дүүмын ЛДПР-эй фракциин Президиумэй гэшүүн (2017-2020)[7][8].

2021 онһоо – ЛДПР-эй Хабаровскын хизаарай нютаг можын таһагай түрүүлэгшэ, 2023 ондо энэ тушаалда дахинаа һунгагдаһан[9].

Фехтованяар тамирай мастер, фехтованяар Бүгэдэ Оросой болон уласхоорондын мүрысөөнүүдэй илагша, Самара хотын болон Самара можын олон удаа илагша[7].

Оросой Холбоото Уласай теннисэй холбооной толгойлогшо Шамиль Тарпищев 2024 оной октябриин 17-до Оросой Холбоото Уласай Олимпиин хорооной юрэнхылэгшын тушаалда Михаил Дегтярёвые дурадхан дэбжүүлһэн байна[10].

Намтар

[Заһаха | үндэһэн бэшэгые заһабарилха]

Эртын жэлнүүд[Заһаха | үндэһэн бэшэгые заһабарилха]

1981 оной июлиин 10-да Куйбышев хотодо эмшэдэй гэр бүлэдэ түрэһэн[7]. Эсэгэнь – Владимир Иванович Дегтярёв (1949 ондо түрэһэн), нарайлалгаар мэргэжэһэн эмшэн, Ороcой Холбоото Уласай габьяата эмшэн, «Самара можын зүрхэ эмнэлгын клиникын диспансер» гэһэн гүрэнэй элүүрые хамгаалгын эмхи зургаанай эмшэн[7][11]. Эхэнь - Светлана Михайловна Дегтярёва (1953 ондо түрэһэн), хотын үбшэнүүдые аргалалгаар мэргэжэһэн эмшэн, Самара хотын «4-дэхи хүтэлбэриин эмнэлгын газар» гэһэн хубиин эмнэлгын нэгэдэлдэ хүдэлмэрилһэн[7][12].

Болбосоролой ба эрдэм ухаанай талаар ажаябуулга[Заһаха | үндэһэн бэшэгые заһабарилха]

Дегтярёв 1998 ондо Самарын Уласхоорондын агаар замбуулинай лицей эрхимээр дүүргээ, 2004 ондо Самарын гүрэнэй агаар замбуулинай дээдэ һургуули түгэсөө. Энэ дээдэ һургуулидаа 2004, 2005 онуудта инженерэй болон олзын хэрэг эрхилэлгэ эмхидхэдэг хүтэлбэрилэгшын мэргэжэлнүүдтэй боложо гараһан[13].

Тэрэ 2012 ондо Дэлхэйн соёл болбосоролой дээдэ hургуули хуули эрхын мэргэжэлээр дүүргээ[14].

Дегтярёв 2015 ондо Оросой Зэбсэгтэ Хүсэнүүдэй Юрэнхы штабай Сэрэгэй академидэ сэрэгэй түсэблэлгын асуудалнуудай талаар нэмэлтэ программаар һуралсал гараһан байна[15].

2017 ондо Оросой Холбоото Уласай Юрэнхылэгшын Арадай ажахын болон гүрэнэй албанай академидэ (РАНХиГС-да) Дегтярёв һуралсал гаража, «гүрэнэй болон нютагай засагай хүтэлбэриин мэргэжэлтэн» болоһон байна[7][16].

Дегтярёв 1999 онһоо радиостанциин агентээр, аяншалгын агентээр, хуби ниилүүлһэн «Билайн-Самара» бүлгэмэй инженерээр, (АСЭУ) СГАУ-гай «Элшэ хүсэнүүдэй автомат системые байгуулга» тэнхимэй инженерээр хүдэлмэрилөө.

2000, 2001 онуудта Владимир Потанинай буян үйлэдэлгын жасын холбоото уласай программын стипендиат[17].

Дегтярев 2004 ондо СГАУ-гай элшэ хүсэнүүдые байгуулгын автомат системэнүүдэй тэнхимэй аспирант болоо, харин 2008 ондо техническэ эрдэмэй дид-докторой нэрэ зэргэ эрин бэдэрэгшын тогтоһон байдалтай болоо. РИНЦ-эй мэдээгээр, тэрэ эрдэмэй 22 тунхаглалгатай, тэрэ тоодо ухаалан зохёогшын 5 үнэмшэлгэтэй[18][19][20].

Дегтярев аспирантурада һурангүйгөөр 2019 оной октябриин 25-һаа РАНХиГС-ын Гүрэнэй болон нютагай засагай хүтэлбэриин тэнхимэй дид-докторой нэрэ зэргэ эрин бэдэрэгшэ байгаа[16].

«Тамирай һалбарида хоригдоһон зүйл хэрэглэлгэтэй тэмсэхэ арга хэмжээнүүдые захиргаанай-хуули эрхын талаар гуримшуулха гадаадын дүршэл» гэһэн диссертаци РАНХиГС-да профессор И. В. Понкиной эрдэмтэ хүтэлбэри доро 2020 оной майн 27-до холоһоо ажаллаха гуримаар Дегтярёв хамгаалһан юм[21][22].

2020 оной июниин 29-дэ хуули эрхын эрдэмэй дид-докторой эрдэмтэ зиндаа Дегтярёвто олгогдоо[23].

Олониитын ажаябуулга[Заһаха | үндэһэн бэшэгые заһабарилха]

Михаил Дегтярёв Александр Овечкинтэй 2018 ондо.

2009 оной октябриин 23-да Дегтярёв Самарын можын фехтованиин холбооной (ФФСО-гой) юрэнхылэгшээр һунгагдаа[7][24][25]. 2018 оной апрелиин 12-то Оросой хоккейн хүтэлбэрилхы зургаанай бүридэлдэ һунгагдаһан байна[7][26].

2013 оной декабриин 25-һаа — Оросой Холбоото Уласай Юрэнхылэгшын дэргэдэхи Ниитын хэрэглэмжын авиаци хүгжөөлгын асуудалнуудай талаар комиссиин гэшүүн[7][27]. 2018 оной февралиин 10-да Оросой Холбоото Уласай Юрэнхылэгшын дэргэдэхи Ниитын хэрэглэмжын авиаци ба ГЛОНАСС-та үндэһэлжэ, унаа тээбэриин-мэдээсэлэй арга зүй хүгжөөлгын асуудалнуудай талаар комиссида дахин оруулагдаа[7][28].

2013 оной декабриин 12-һоо — Оросой эрдэмэй жасын харгалзалгын зүблэлэй бүридэлдэ[7][29]. 2018 оной декабриин 13-да Оросой эрдэмэй жасын харгалзалгын зүблэлэй бүридэлдэ дахин оруулагдаа[7][30].

2014 оной ноябрь һарада Дегтярёв Оросой инженернүүдэй холбооной дид-юрэнхылэгшээр һунгагдаа юм[7][31].

2017 онһоо — Оросой Холбоото Уласай Юрэнхылэгшын дэргэдэхи Бэеын тамирай соёл болон тамир хүгжөөлгын зүблэлэй гэшүүн[7][32]. 2018 оной октябриин 30-һаа — Оросой Холбоото Уласай Юрэнхылэгшын дэргэдэхи Бэеын соёл болон тамир хүгжөөлгын зүблэлэй тамирай һалбарида хуули тогтоомжо мүлин һайжаруулха талаар ажалай бүлэгэй толгойлогшо[7][33].

Оросой Үнэн алдартын шажанай байгуулгын харгалзалга доро байгуулагдаһан Уласхоорондын ниитын эмхи болодог Ород арадай Бүхэдэлхэйн хуралай (соборой) хүтэлбэрилхы зургаанай бүридэлдэ 2019 оной апрелиин 10-да Дегтярёв ороһон байна[7].

Замбуулинай ажаябуулгын талаар «Роскосмос» гэһэн Гүрэнэй хамжаанай дэргэдэхи Ниитын зүблэлэй гэшүүн[7][34].

Номууд[Заһаха | үндэһэн бэшэгые заһабарилха]

  • «От самодержавия личности к самодержавию императора»;
  • «Пророк в своём Отечестве»;
  • «Пророк 2.0»

гэһэн номуудые зохёон бэшэгшэ.

Һүүлшын хоёр номынь Владимир Жириновскидо зорюулагдаһан. Эрдэмэй хэдэн статьянуудые зохёон бэшэгшэ[35][7].

Гүрэн түрын ажал ябуулга[Заһаха | үндэһэн бэшэгые заһабарилха]

Михаил Дегтярёв Москвагай мэрэй тушаалда 2018 ондо дэбжүүлэгдэхэ үедөө

2001 онһоо 2003 он болотор - «Суг хамта ябагшад» гэһэн Самарын нютаг можын залуушуулай хүдэлөөнэй таһагай түрүүлэгшэ[7]. 2003 оной сентябрь һарада «Ниитэ нэгэн Орос» нам болон «Залуушуулай ниитэ хамтарал» гэһэн хүдэлөөндэ (хожомынь МГЕР) ороһон байха юм[7]. Лента.ру сайтын сэдхүүлшэн Илья Азартай хөөрэлдэхэдөө, инженерээр хүдэлмэрилжэ байхадамни, юрэнхы захиралай бүхы ажалшадые суглуулжа, энэ намай бүридэлдэ орохо хэрэгтэй гэжэ хэлэһэн хадань намай гэшүүн болооб, «би эсэргүүсээгүйб, юундэб гэхэдэ, энэ намые Путин дэмжэжэ байгаа, тиигээд би тэрэ үедэшье, мүнөөшье юрэнхылэгшэдэ анханай ямаршье муу һанаатай байгаагүйб,» тиигэбэшье «би тэндэ хоёр жэлэй туршада байгааб, тиигээд тэдэ намайе гаргаха һэдэлгэ хоёр дахин хээ» гэжэ тэмдэглэбэ[36].

2003 оной сентябрь һараһаа 2005 оной декабрь һара болотор «Ниитэ нэгэн Орос» намай «Залуушуулай ниитэ нэгэдэл» гэһэн хүдэлөөнэй Самарын таһагай хүтэлбэрилэгшын орлогшо, хүтэлбэрилэгшэ, Самарын можын Дүүмын дэргэдэхи залуушуулай парламентын гэшүүн, 2004 оной май һарада залуушуулай парламентын түрүүлэгшын орлогшоор һунгагдаа. Самарын можын залуушуулай нэгэдэлнүүдтэ хабаадаа[7][37][38].

2004 ондо Самара хотын Дүүмын һунгамалаар Октябриин 9-дэхи тойрогhоо hунгагдаа[7][39].

ЛДПР намда[Заһаха | үндэһэн бэшэгые заһабарилха]

2005 оной ноябрь һарада ЛДПР намай Волго шадарай хизаарай харгалзалагша болон Гүрэнэй Дүүмын һунгамал Юрий Коган тэнсүүлэгшын (координаторай) тушаалда шэнэ хүниие бэдэрхэдээ, энэ тушаалые, онсолходо, Дегтярёвто дурадхаһан[7][40][41]. 2005 оной декабрь һарада Дегтярёв ЛДПР намай бүридэлдэ ороо. 2006 оной апрелиин 15-да ЛДПР-эй Самарын нютаг можын таһагай тэнсүүлэгшээр һунгагдаһан юм. ЛДПР намые толгойлон ударидагша, Оросой Холбоото Уласай Гүрэнэй Дүүмын һунгамал Владимир Жириновскиин туһалагша байһан[7].

2007 оной мартын 11-дэ ЛДПР намай Самара можын таһагһаа ниитэ можын һунгуулиин тойрогоор дүрбэдэхи зарлалай Самарын можын дүүмын һунгамалаар һунгагдаа[42]. Самара можын дүүмын саг үргэлжэ ажалладаг һунгамал, элүүрые хамгаалгын, хүн зоной тоо бүридэл болон хубилалтануудайнь ба ниигэмэй бодолгын талаар хорооной түрүүлэгшын орлогшо, соёлой, тамирай ба залуушуулай бодолгын талаар хорооной гэшүүн, Самара можын Залуушуулай нютаг можын һунгамалнуудай суглаанай түрүүлэгшын орлогшо. ЛДПР-эй фракциин гэшүүн[7].

2009 оной май һарада Дегтярёв Самара можын Залуушуулай нютаг можын һунгамалнуудай суглаанай түрүүлэгшын орлогшоор һунгагдаһан байна[7].

2013 оной июнь һарада ЛДПР намай ниислэлэй таһаг Дегтярёвые Москвагай мэрэй һунгалтада хабаадахыень дэбжүүлээ. Москвагай мэрэй тушаалда дэбжүүлэгдэһэн ниислэлэй бүхы түүхэдэ эгээл залуу кандидат ба «болор мэтэ сэбэр» хүн гэжэ Дегтярёвые Жириновский дурадхаһан юм[43].

Оросой Холбоото Уласай Юрэнхылэгшын тушаалда 2018 оной һунгалтада ЛДПР-һээ дэбжүүлэгдэхэдээ болохо хүн гээд Дегтярёвые 2016 оной март һарада Владимир Жириновский нэрлээ һэн[44].

Самарын хотын тойрогой толгойлогшын һунгалтада[7][45] 2006 ондо ба Москвагай мэрэй 2013 оной,[7] 2018 оной һунгалтануудта Дегтярёв хабаадаһан юм[7].

Һунгалтануудта хабаадалга[Заһаха | үндэһэн бэшэгые заһабарилха]

Гүрэн түрын бодолгото дэбшэлтынгээ үедэ дүрбэ дахин хотонуудай болон нютаг можонуудай толгойлогшонорой һунгалтада хабаадаа.

Гүрэнэй Дүүмын һунгамал[Заһаха | үндэһэн бэшэгые заһабарилха]

2011 оной декабриин 21-һээ Дегтярёв — VI ба VII зарлалнуудай Гүрэнэй Дүүмын һунгамал[7].

2011 онһоо 2016 он болотор — VI зарлалай Гүрэнэй Дүүмын Эрдэм ухаанай ба арга зүйн талаар хорооной түрүүлэгшын орлогшо[7].

Тобьёгой холбоото уласай хубиин бүридэлдэ VII зарлалай Гүрэнэй Дүүмын һунгамалаар Дегтярёв 2016 ондо һунгагдаад, Бэеын тамирай соёлой, тамирай, аяншалгын ба залуушуулай хэрэгүүдэй талаар хорооной түрүүлэгшээр томилогдоһон байна[7].

Хабаровскын хизаарай Амбан захирагша[Заһаха | үндэһэн бэшэгые заһабарилха]

Михаил Дегтярёв Владимир Путинтай ажалай хэрэгээр уулзалгын үедэ, 2021 оной февралиин 16
Михаил Дегтярёв Хабаровскын хизаарай Амбан захирагшын тушаалда орожо байна, Хабаровск, 2021 оной сентябриин 24

Урид ажаллажа байгаа Амбан захирагша Сергей Фургалай түрмэдэ хаагдахада, 2020 оной июлиин 20-до Оросой Юрэнхылэгшэ Владимир Путин Дегтярёвые Хабаровскын хизаарай Амбан захирагшын уялгануудые саг зуура дүүргэгшээр томилоо[7].

2020 оной июлиин 21-дэ Дегтярёв Хабаровскын хизаарай Засагай газартай танилсаа[48].

Амбан захирагшын уялгануудые саг зуура дүүргэгшын тушаалда Дегтярёв эрид бууруушаагшадта шэрүүн хандаса шэлэжэ, тэдэнэртэй гаража уулзахаяа арсахадаа, «сонхо доогуур хашхаралдажа байгшадтай гаража уулзахын орондо хүтэлбэрилэгшэ хүнэй хэхээр юумэн үнэн дээрээ эндэ яһала бии» гэһэн шалтагаан урдаа барижа, мүн баһа эрид буруушаагшадтай гаража уулзахамни хүнүүдтэй харилсахын «тааруу хэмжээн» гэжэ тоолоногүйб гээд мэдүүлһэн юм. Томилогдоһонойнгоо һүүлдэ долоон хоногой үнгэрхэдэл, июлиин 26-да, Дегтярёв анха түрүүшынхиеэ эрид буруушаагшадта гараа һэн[49]. Зүндөө болоһон эрид буруушаалгые эхинһээнь мэхэлэн тухирагшад толгойлоо гээд һүүлдэнь Дегтярёв хэды дахин дабтажа хэлэһэн байна[50][51].

Арадай зүблэлэй байгуулагдаһан тухай 2020 оной августын 18-да Дегтярёв соносхоод, Хабаровскын хизаарай эрид буруушааһан ажаһуугшадые тэрээн руу дуудаа.

Томилогдоһонойнгоо һүүлдэ Амбан захирагшын уялга саг зуура дүүргэгшэ тэрэнэй урда тээхи ноёной бүлэг суг ажалтан саашаа ажалаа үргэлжэлүүлхэ гээд мэдээсээ[52]. Удаадахи һарадаа Хабаровскын хизаарай сайдууд ажалдань зорюута һаад татана гээд гомдолоо мэдүүлээ, мүн Засагай газарай түрүүлэгшын хоёр орлогшые, Амбан захирагшын зүблэгшые ба элүүрые хамгаалгын сайдые һэлгээ[53][54][55].

Хабаровскын хизаарай Амбан захирагшын һунгалтада хабаадахаар Дегтярёв 2021 оной июниин 19-дэ дэбжүүлэгдэһэн байна[56][57].

2021 оной сентябриин 19-дэ Дегтярёв һунгалтада шүүгээ, тэрэнэй түлөө 56,81 % һунгагшад дуугаа үгэһэн байна[58][59].

2021 оной сентябриин 24-дэ Дегтярёв Хабаровскын хизаарай Амбан захирагшын тушаалда ороо[60].

Оросой Холбоото Уласай Юрэнхылэгшын зарлигаар 2021 оной ноябриин 15-да Дегтярёв Оросой Холбоото Уласай Гүрэнэй Зүблэлэй бүридэлдэ оруулагдаа[61].

Оросой Холбоото Уласай Тамирай сайд[Заһаха | үндэһэн бэшэгые заһабарилха]

Оросой Холбоото Уласай Засагай газарай түрүүлэгшэ Михаил Мишустин Дегтярёвые тамирай сайдай тушаалда томилхоор 2024 оной майн 11-дэ дурадхаа. Оросой Холбоото Уласай Тамирай яаманиие толгойлоо һаа, тэрэнэй хүтэлбэри доро засагай энэ зургаан ниитэ олоной тамир хүгжөөлгын, гол түлэб гүрэн доторхи мүрысөөнүүдые һонирхолтой, үзэмжэтэй болгохо, тамираар бэеэ һоридог зонһоо түлбэри абалгые болюулха талаар ажал ябуулха гээд Дегтярёв найдуулһан байна[62].

2024 оной майн 14-дэ Оросой Холбоото Уласай Гүрэнэй Дүүмын һунгамалнууд Оросой Холбоото Уласай Тамирай яаманай толгойлогшын тушаалда Дегтярёвые баталаа[63], тэрэл үдэртөө Оросой Холбоото Уласай Юрэнхылэгшэ томилхо тухай зарлигта гараа табиһан байна[64].

Оросой Холбоото Уласай теннисэй холбооной толгойлогшо Шамиль Тарпищев 2024 оной октябриин 17-до Уфа хотодо бэеын тамирай соёл ба тамир хүгжөөлгын талаар зүблэлэй зүблөөндэ үгэ хэлэхэдээ,Оросой Холбоото Уласай Олимпиин хорооной юрэнхылэгшын тушаалда Михаил Дегтярёвые томилхо тухай дурадхал оруулһан байна. Зүблөөндэ хабаадаһан Оросой Холбоото Уласай Юрэнхылэгшэ Владимир Путин айхабтар анхаралтайгаар хаража үзэхөөр гээд энэ дурадхал нэрлээ[10].

2024 оной декабриин 13-да Москва хотодо үнгэргэгдэһэн Олимпиин жэл бүриин суглаан дээрэ Михаил Дегтярёв Оросой Олимпиин хорооной юрэнхылэгшээр һунгагдаһан байна[6].

Хубиин ажабайдал

[Заһаха | үндэһэн бэшэгые заһабарилха]

Һамганиинь — Галина Викторовна Дегтярёва[7], Самара хотодохи «Пузико» гэһэн хизаарламал харюусалгатай бүлгэмэй эжы болохоёо ябагшадта зорюулагдаһан дэлгүүрэй эмхидхэн байгуулагша (2014 ондо дэлгүүр худалдагдаһан байна). Дүрбэн хүбүүдээ хүмүүжүүлнэ. 2020 онһоо хойшо гэр бүлэтэеэ Хабаровск хотодо ажаһуугаа[65]. Англи хэлэ мэдэдэг[7].

Хэһээлтын уласхоорондын хэмжээнүүд

[Заһаха | үндэһэн бэшэгые заһабарилха]

Еврохолбооной хэһээлтын хэмжээнүүдэй тобьёгто оруулагданхай (2014 оной июлиин 26-һаа)[66][67][68], Австралиин (2014 оной августын 30-һаа)[69][70], Швейцариин (2014 оной августын 5-һаа)[71] и Канадын (2014 оной августын 6-һаа)[72].

2022 оной мартын 12-һоо хойшо Европын холбооной бүхы гүрэнүүдэй хэһээлтын хэмжээнүүдтэ хабаадуулагдана, 2022 оной сентябриин 16-һаа — Ехэ Британай, 2022 оной мартын 16-һаа — Швейцариин, 2020 оной октябриин 1-һээ — Австралиин хэһээлтын хэмжээнүүд доро ябана.

2018 оной июниин 21-һээ Украин Уласай хэһээлтын хэмжээнүүд доро, 2022 оной майн 3-һаа — Шэнэ Зеландиин хэһээлтын хэмжээнүүд доро ябана.

2023 оной февралиин 24-дэ Америкын Холбоото Штадууд Дегтярёвые хэһээлтын хэмжээнэй тобьёгтоо оруулаа[73].

Шагналнууд

[Заһаха | үндэһэн бэшэгые заһабарилха]
Оросой Холбоото Уласай Баталан хамгаалгын яаманай «Крым бусааһанай түлөө» медаль

Ажаглалтанууд

[Заһаха | үндэһэн бэшэгые заһабарилха]
  1. ↑ Нютаг можын № 64-дэхи бүлгэм (Самарын можо), тобьёгой № 1 дугаар
  2. ↑ Холбоото уласай тобьёг, тобьёгой № 6 дугаар
  3. ↑ Госдума утвердила кандидатуры министров (14.04.2024).
  4. ↑ Инаугурация Губернатора Хабаровского края М. В. Дегтярева.
  5. ↑ Михаил Дегтярев вступил в должность губернатора Хабаровского края.
  6. ↑ 1 2 "Михаила Дегтярева избрали президентом Олимпийского комитета России". 2024-12-13. 
  7. ↑ 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 Дегтярёв, Михаил Владимирович Архивная копия от 20 июль 2020 на Wayback Machine // Энциклопедия ТАСС
  8. ↑ В ЛДПР создан Президиум фракции Архивная копия от 17 февраль 2017 на Wayback Machine — Официальный сайт политической партии ЛДПР
  9. ↑ Михаил Дегтярёв переизбран координатором Хабаровского регионального отделения ЛДПР (2023-02-11).
  10. ↑ 1 2 "Путин назвал оправданной идею выдвинуть Дегтярева на пост главы ОКР". 2024-10-17. 
  11. ↑ Указ Президента РФ от 25 апреля 2011 г. N 523 «О награждении государственными наградами Российской Федерации» Архивная копия от 20 февраль 2019 на Wayback Machine — Официальный сайт Президента Российской Федерации
  12. ↑ Дегтярёва Светлана Михайловна Архивная копия от 22 июль 2020 на Wayback Machine // Kleos.ru
  13. ↑ Губернатор.
  14. ↑ Дегтярев, Михаил Владимирович.
  15. ↑ Дегтярёв Михаил Владимирович.
  16. ↑ 1 2 Заключение федерального государственного бюджетного образовательного учреждения высшего образования Российская академия народного хозяйства и государственной службы при Президенте Российской Федерации.
  17. ↑ Самарский международный аэрокосмический лицей г.Самара-Выпускники. edc-samara.ru. 2020-01-13 үдэртэ хандаһан.
  18. ↑ Биография губернатора Хабаровского края Михаила Дегтярева - ТАСС.
  19. ↑ *Патент на полезную модель № RU 49210 U1 от 10.11.2005. Автор(ы): Изжеуров Евгений Александрович, Дегтярёв Михаил Владимирович, дата прекращения действия патента: 31.05.2006
    • Патент на полезную модель № RU 82149 U1 от 20.04.2009. Автор(ы): Изжеуров Евгений Александрович, Дегтярёв Михаил Владимирович, дата прекращения действия патента: 17.04.2009
    • Патент на полезную модель № RU 121462 U1 от 27.10.2012 . Автор(ы): Изжеуров Евгений Александрович, Дегтярёв Михаил Владимирович, дата прекращения действия патента: 04.11.2012
    • Патент на изобретение № RU 2532736 C2 от 10.11.2014. Автор(ы): Изжеуров Евгений Александрович, Дегтярёв Михаил Владимирович, Ревякин Александр Владимирович, Федяев Игорь Михайлович, Колганов Игорь Николаевич, дата прекращения действия патента: 23.01.2015
    • Патент на изобретение № RU 2540315 C2 от 10.02.2015. Автор(ы): Изжеуров Евгений Александрович, Дегтярёв Михаил Владимирович, Ревякин Александр Владимирович, Федяев Игорь Михайлович, Колганов Игорь Николаевич, Сафин Артур Ильгизарович, дата прекращения действия патента: 16.03.2015
  20. ↑ Дегтярёв, Михаил Владимирович. 2020-07-22 үдэртэ хандаһан.
  21. ↑ Дегтярёв Михаил Владимирович Архивная копия от 22 июль 2020 на Wayback Machine // Российская академия народного хозяйства и государственной службы
  22. ↑ Дегтярёв, Михаил Владимирович. Зарубежный опыт административно-правового регулирования антидопинговых мер в спорте Архивная копия от 23 июль 2020 на Wayback Machine : дисс. … канд. юрид. наук : 12.00.14 / Дегтярёв Михаил Владимирович; [Место защиты: Российская академия народного хозяйства и государственной службы при Президенте Российской Федерации]. — Москва, 2020. — 213 с.
  23. ↑ Приказ ректора РАНХиГС при Президенте РФ от 29.06.2020 № 01-5480 «О выдаче диплома о присуждении ученой степени кандидата наук» Архивная копия от 22 июль 2020 на Wayback Machine
  24. ↑ Профиль на официальном сайте Самарской Губернской Думы Архивная копия от 4 март 2016 на Wayback Machine — Официальный сайт Самарской Губернской Думы
  25. ↑ Фехтование Архивная копия от 17 май 2017 на Wayback Machine — Официальный сайт министерства спорта Самарской области
  26. ↑ Глава комитета ГД по спорту Дегтярев вошёл в состав правления ФХР Архивная копия от 20 июль 2020 на Wayback Machine // ТАСС, 12.04.2018
  27. ↑ Состав Комиссии при Президенте Российской Федерации по вопросам развития авиации общего назначения.
  28. ↑ Указ Президента Российской Федерации от 10.02.2018 г. № 65. Президент России. 2019-03-11 үдэртэ хандаһан.
  29. ↑ Указ Президента Российской Федерации от 13.12.2018 № 715 «О попечительском совете Российского научного фонда».
  30. ↑ Президент определил новый состав попечительского совета РНФ. Российский научный фонд. 2018-12-14 үдэртэ хандаһан.
  31. ↑ Официальный сайт Российского союза инженеров.
  32. ↑ Указ Президента Российской Федерации от 27.12.2017 № 633 Архивная копия от 28 декабрь 2017 на Wayback Machine — Официальный портал правовой информации.
  33. ↑ Распоряжение Президента Российской Федерации от 30.10.2018 № 319-рп Архивная копия от 31 октябрь 2018 на Wayback Machine — Официальный интернет-портал правовой информации
  34. ↑ Общественный совет - Госкорпорация «Роскосмос». www.roscosmos.ru. 2020-04-12 үдэртэ хандаһан.
  35. ↑ Михаил Дегтярёв назвал Владимира Жириновского пророком (2022-02-21).
  36. ↑ Илья Азар «Россия будет флагманом борьбы с Антихристом». Интервью с кандидатом в мэры Москвы Михаилом Дегтяревым Архивная копия от 22 июль 2020 на Wayback Machine // Лента.ру, 16.08.2013
  37. ↑ Идущие вместе провели в Самаре заключительную акцию проекта Единение поколений
  38. ↑ Молодёжный парламентаризм в современной России Архивная копия от 4 март 2016 на Wayback Machine ГБУ СО «Агентство по реализации молодёжной политики»
  39. ↑ Итоги голосования на выборах депутата Самарской городской Думы по округу № 9 Архивная копия от 16 август 2016 на Wayback Machine // Официальный сайт Избирательной комиссии Самарской области
  40. ↑ Соколы заклевали варяга (2005-11-16).
  41. ↑ «Соколы Жириновского» нацелились на «медведя» (2006-02-02).
  42. ↑ Михаил Дегтярев.
  43. ↑ Жириновский выдвинул в мэры Москвы молодого депутата Дегтярёва Архивная копия от 4 декабрь 2017 на Wayback Machine// НТВ
  44. ↑ Жириновский пойдёт на выборы президента с четырьмя преемниками (2016-03-02).
  45. ↑ Общие сведения о кандидате на должность главы г. о. Самара Михаиле Дегтярёве Архивная копия от 9 июнь 2015 на Wayback Machine — Официальный сайт Избирательной комиссии Самарской области
  46. ↑ 1 2 3 "Биография врио губернатора Хабаровского края Михаила Дегтярева". 2020-07-28. Archived from the original on 2020-07-28. 
  47. ↑
  48. ↑ Врио главы Хабаровского края представили правительству региона. 2020-07-22 үдэртэ хандаһан.
  49. ↑ "Дегтярев впервые вышел к участникам акций в поддержку Фургала", Коммерсантъ, 2020--07-26. 2020-07-30. Archived from the original on 2020-07-28. 
  50. ↑ "Врио бьет по своим", Коммерсантъ, 2020-07-25. 2020-07-30. Archived from the original on 2020-07-29. 
  51. ↑ "Дегтярев заявил о провокаторах из Грузии на акциях в Хабаровске", Коммерсантъ, 2020-07-30. 2020-07-30. Archived from the original on 2020-07-31. 
  52. ↑ "Врио хабаровского губернатора Дегтярев сохранит команду Фургала", 2020-07-30. 2020-07-30. Archived from the original on 2020-07-25. 
  53. ↑ "Дегтярев уволил трех человек из команды Фургала", Коммерсантъ, 2020-07-24. 2020-07-30. Archived from the original on 2020-07-26. 
  54. ↑ "Дегтярев уволил главу минздрава Хабаровского края", Коммерсантъ, 2020-09-01. 2020-08-17. 
  55. ↑ "Дегтярев пожаловался на саботаж со стороны хабаровских министров", Forbes, 2020-09-01. 2020-08-12. 
  56. ↑ ЛДПР выдвинула Дегтярева на выборы губернатора Хабаровского края.
  57. ↑ Хабаровское отделение ЛДПР выдвинуло Дегтярева на выборы губернатора.
  58. ↑ Дегтярев победил на выборах главы Хабаровского края.
  59. ↑ Егор Измалкин. Дегтярев выиграл выборы губернатора Хабаровского края в первом туре.
  60. ↑ Дегтярев вступил в должность губернатора Хабаровского края.
  61. ↑ Указ Президента Российской Федерации от 15.11.2021 № 653 ∙ Официальное опубликование правовых актов ∙ Официальный интернет-портал правовой информации.
  62. ↑ Дегтярев рассказал, чем займется на посту главы Минспорта. РБК (12 05 2024).
  63. ↑ Госдума утвердила Дегтярева на пост главы Минспорта (2024-05-14).
  64. ↑ Президент подписал указы о назначении членов Правительства Российской Федерации и директоров служб (2024-05-14).
  65. ↑ Михаил Дегтярёв: горжусь, что я и моя семья стали хабаровчанами.
  66. ↑ Council Implementing Regulation (EU) No 810/2014 of 25 July 2014 Архивная копия от 18 август 2020 на Wayback Machine//EUR-Lex
  67. ↑ Михаил Дегтярев попал в «черный список» ЕС Архивная копия от 10 апрель 2018 на Wayback Machine//Коммерсант
  68. ↑ Дегтярев: «Санкции ЕС — это конец свободной Европы» Архивная копия от 30 июль 2014 на Wayback Machine//Известия
  69. ↑ Австралия обнародовала фамилии россиян из нового санкционного списка Архивная копия от 3 сентябрь 2014 на Wayback Machine//РБК
  70. ↑ Autonomous Sanctions (Designated Persons and Entities and Declared Persons — Ukraine) Amendment List 2014 Архивная копия от 3 сентябрь 2014 на Wayback Machine//ComLaw
  71. ↑ Правительство Швейцарии расширило санкционный список против РФ Архивная копия от 26 август 2014 на Wayback Machine//ИТАР-ТАСС
  72. ↑ Канада расширили санкционный список в отношении России Архивная копия от 25 август 2014 на Wayback Machine//РИА Новости
  73. ↑ The United States Takes Sweeping Actions on the One Year Anniversary of Russia’s War Against Ukraine (FEBRUARY 24, 2023).
  74. ↑ "Михаил Владимирович Дегтярёв", Официальный сайт Правительства Хабаровского края. 2021-06-24. Archived from the original on 2021-06-24. 
  75. ↑ Распоряжение Президента Российской Федерации от 4 апреля 2014 года № 96-рп. the original on 2014-10-09 2014-10-06 үдэртэ хандаһан.
  76. ↑ Распоряжение Президента Российской Федерации от 25 сентября 2014 года № 309-рп «О поощрении».
  77. ↑ Михаил Дегтярев.

Ссылкэнүүд

[Заһаха | үндэһэн бэшэгые заһабарилха]
"https://bxr.ruwiki.ru/w/index.php?title=Дегтярёв_Михаил_Владимирович&oldid=191790" хуудаһанһаа абтаһан