Голикова Татьяна Алексеевна

Сүлөөтэ Нэбтэрхы Толи — Википеэдиһээ
Татьяна Алексеевна Голикова
Tatyana Golikova official portrait.png
Флаг
Оросой Холбоото Уласай Засагай газарай Түрүүлэгшын орлогшо
Флаг
 2018 оной майн 18
(уялга дүүргэгшэ 2020 оной январиин 15—21, 2024 оной майн 7—13)
Засагай газарай түрүүлэгшэ Дмитрий Медведев
Михаил Мишустин
Андрей Белоусов(уялга дүүргэгшэ)
Михаил Мишустин
Юрэнхылэгшэ Владимир Путин
Флаг
Оросой Холбоото Уласай Тоололгын танхимай Түрүүлэгшэ
Флаг
2013 оной сентябриин 20 — 2018 оной майн 18
Засагай газарай түрүүлэгшэ Дмитрий Медведев
Юрэнхылэгшэ Владимир Путин
Урид ажаллаһан хүн Сергей Степашин
Халан абагша Алексей Кудрин
Флаг
Оросой Холбоото Уласай Юрэнхылэгшын туһалагша
Флаг
2012 оной майн 22 — 2013 оной сентябриин 20
Юрэнхылэгшэ Владимир Путин
Дмитрий Медведев
Владимир Путин
Флаг
Оросой Холбоото Уласай элүүрые хамгаалгын ба ниигэмэй хүгжэлтын сайд
Флаг
2007 оной сентябриин 24 — 2012 оной майн 8
(уялга дүүргэгшэ 2020 оной январиин 15—21, 2024 оной майн 7-һоо
Засагай газарай түрүүлэгшэ Виктор Зубков
Владимир Путин
Виктор Зубков (уялга дүүргэгшэ)
Дмитрий Медведев
Юрэнхылэгшэ Дмитрий Медведев
Владимир Путин
Урид ажаллаһан хүн Михаил Зурабов
Халан абагша тушаал усадхагдаа,
Вероника Скворцова Оросой Холбоото Уласай элүүрые хамгаалгын сайдай тушаалда,
Максим Топилин Оросой Холбоото Уласай ажалай ба ниигэмэй хамгаалгын сайдай тушаалда
Флаг
Оросой Холбоото Уласай мүнгэн һангай сайдай орлогшо
Флаг
2004 оной апрелиин 9 — 2007 оной сентябриин 24
Засагай газарай түрүүлэгшэ Михаил Фрадков
Виктор Зубков
Флаг
Оросой Холбоото Уласай мүнгэн һангай сайдай нэгэдэхи орлогшо
Флаг
2002 оной августын 26 — 2004 оной апрелиин 9
Засагай газарай түрүүлэгшэ Михаил Касьянов
Михаил Фрадков
Урид ажаллаһан хүн Виктор Зубков
Халан абагша Сергей Вязалов
Түрэһэн үдэр 1966 оной февралиин 9
Мытищи, Москвагай можо, РСФСР, СССР
Эсэгэ Алексей Голиков
Эхэ Любовь Голикова
Наһанай нүхэр Виктор Христенко
Нам Ниитэ нэгэн Орос
Болбосорол Г. В. Плехановай нэрэмжэтэ Москвагай арадай ажахын дээдэ һургуули
Санкт-Петербургын гүрэнэй инженернүүдэй-эдэй засагай ехэ һургуули (аспирантура, докторантура)
Эрдэмэй зиндаа эдэй засагай эрдэмэй доктор (2008)
Эрдэмэй нэрэ зэргэ профессор (2017)
Мэргэжэл эдэй засагшан
Ажаябуулга гүрэн түрын ажал ябуулагша, гүрэнэй бодолгын ба мүнгэн һангай талаар хүдэлмэрилэгшэ
Шажан мүргэлдэ хамаадал үнэн алдартын шажан
Гар табилга Изображение автографа
Шагналнууд
Сэрэгэй албан
Нэрэ зэргэ Ангиин зэргэ зиндаа
Действительный государственный советник РФ 1 класса (Минобороны)г.png
Оросой Холбоото Уласай гүрэнэй 1-дэхи зэргын бодото зүблэгшэ
Ажалладаг газар
Логотип РУВИКИ.Медиа РУВИКИ.Медиа дахи Медиафайл

Татьяна Алексеевна Голикова (Москвагай можын Мытищидэ 1966 оной февралиин 9-дэ түрэһэн) — оросой гүрэнэй ажал ябуулагша, эдэй засагшан. 2018 оной майн 18-һаа - Оросой Холбоото Уласай Засагай газарай Түрүүлэгшын ниигэмэй бодолгын талаар орлогшо (2020 оной январиин 15-һаа 21 болотор, 2024 оной майн 7-һоо 13 болотор - уялга дүүргэгшэ)[1]. 2021 оной июлиин 19-һөө Баруун-Хойто федеральна тойрогой харгалзалагша[2]. Оросой Холбоото Уласай Засагай газарай дэргэдэхи Мүнгэн һангай ехэ һургуулиин гүрэнэй хүтэлбэриин болон мүнгэн һангай хиналтын һалбариин декан.  

2020 оной январиин 21-дэ Михаил Мишустинай толгойлһон Засагай газарта тушаалдаа үлэһэн байна. Ниигэмэй һалбариие (элүүрые хамгаалгын, болбосоролой, эрдэм ухаанай, соёлой болон залуушуулай бодолгын һалбарида гүрэнэй бодолгын асуудалнуудые) харгалзалдаг[3].   Оросой Холбоото Уласай Тоололгын танхимай түрүүлэгшэ (2013-2018). Оросой Холбоото Уласай Юрэнхылэгшын СНГ-гэй гүрэнүүдтэй, Абхази болон Урда Осетитэй ниигэмэй-эдэй засагай хамтын ажаллалгын талаар туһалагша[4][5] (2012-2013). Оросой Холбоото Уласай элүүрые хамгаалгын болон ниигэмэй хүгжэлтын сайд (2007-2012), Оросой Холбоото Уласай Мүнгэн һангай сайдай нэгэдэхи орлогшо (2002-2007).   Оросой Холбоото Уласай габьяата эдэй засагшан (2004). Эдэй засагай эрдэмэй доктор (2008), профессор (2017). "Эсэгэ ороной үмэнэ габьяатай байһанай түлөө" гэһэн II, III ба IV шатын  орденоор шагнагдагша (2008, 2012, 2016 онууд). Оросой Холбоото Уласай Гүрэнэй 1-дэхи зэргын зүблэгшэ (2003).

Намтар

[Заһаха | үндэһэн бэшэгые заһабарилха]

Алексей Геннадьевич Любовь Михайловна Голиковтоной гэр бүлэдэ 1966 оной февралиин 9-дэ Мытищидэ түрэһэн. Эсэгэнь үйлэдбэридэ ажалладаг байһан, эжынь - эд бараа эмхилэн бүридхэгшэ.

Одинцово аймагай Лесной Городок тосхондо дунда hургуулияа дүүргээ. Һурагша байхадаа, һургуулиингаа комсорг ябаһан[6][7][8].

Болбосорол[Заһаха | үндэһэн бэшэгые заһабарилха]

Г. В. Плехановай нэрэмжэтэ Москвагай арадай ажахын дээдэ һургуулиин хамтадхамал эдэй засагай һалбари «Ажалай эдэй засаг» шэглэлээр, «Эдэй засагшан» гэһэн мэргэжэлээр 1987 ондо дүүргэһэн юм[6][9].

«Бюджедүүд хоорондын харилсаануудые ашаг үрэтэйгөөр гуримшуулга дээрэ үндэһэлэн, Оросой Холбоото Уласай эдэй засагые зал хүтэлбэрилхэ эмхидхэлэй-эдэй засагай арга боломжонуудые бүрилдүүлгэ» гэһэн сэдэбээр Санкт-Петербургын гүрэнэй инженернүүдэй-эдэй засагай ехэ һургуулиин бааза дээрэ профессор А. И. Михайлушкинай эрдэмэтэ хүтэлбэри доро бэлдэгдэһэн эрдэмэй дид-докторой диссертаци 2005 ондо хамгаалаа[10]

2008 ондо тэрэл Санкт-Петербургын гүрэнэй инженернүүдэй-эдэй засагай ехэ һургуулиин докторантурада шэнээр бэлдэгдэһэн эдэй засагай эрдэмэй докторой соло олгохо диссертаци хамгаалһан байха юм (сэдэб: «Оросой Холбоото Уласта бюджедүүд хоорондын харилсаануудые залан хүтэлбэрилхэ дүримүүд ба онол арганууд»).

Мэргэжэлтэ дэбжэлгэ

[Заһаха | үндэһэн бэшэгые заһабарилха]

Ажалай талаар гүрэнэй хорооной НИИ-дэ[Заһаха | үндэһэн бэшэгые заһабарилха]

1987 онһоо, дээдэ һургуули дүүргэһэнэй удаа, хубаарилгын ёһоор ошожо, СССР-эй Ажалай талаар хорооной Ажалай НИИ-гэй салин хүлһэнэй таһагта бага зэргэтэй эрдэмэй ажалтанаар Максим Топилинтай (2012-2020 онуудта - Оросой Холбоото Уласай ажалай ба ниигэмэй хүгжэлтын сайд)[11] хамта хүдэлмэрилһэн юм[8][12].

Оросой Холбоото Уласай Мүнгэн һангай яаманда[Заһаха | үндэһэн бэшэгые заһабарилха]

1990 ондо Оросой Холбоото Уласай Мүнгэн һангай яаманда ажалда ороһон байна. Яаманай юрын хүдэлмэрилэгшэһөө сайдай нэгэдэхи орлогшо хүрэтэр дэбжэлгын зам гаталаа (томилогдоһон жэлнүүдээрнь):

Оросой Холбоото Уласай Мүнгэн һангай яаманда ажаллаха үедэнь Голиковагай гол зорилгонь хадаа холбоото уласай бюджедэй түлэб зохёон бэлдэлгэ байгаа[8]. Бюджет зохёон бэлдэхэһээ гадуур Оросой Мүнгэн һангай сайдай орлогшын тушаалда Голикова бюджедүүд хоорондын харилсаануудай, эрдэм ухаанай, гүрэнэй албан зургаануудые мүнгөөр хангалгын асуудалануудые харгалзалдаг байһан юм[16].

Оросой Холбоото Уласай элүүрые хамгаалгын ба ниигэмэй хүгжэлтын сайд Михаил Зурабовтай хамта хүнгэлэлтэнүүдые мүнгөөр һэлгэхэ тухай хуули баталан абалгые дэмжэһэн юм[16][17]. Абтаһан хуули олониитын һонирхол ехэтэ татажа, олон зоной хабаадалгатай буруушаалгын ябуулганууд болоо һэн.[6][18][19][20].

Оросой Холбоото Уласай элүүрые хамгаалгын ба ниигэмэй хүгжэлтын сайд[Заһаха | үндэһэн бэшэгые заһабарилха]

2007 оной сентябрь һарада Голикова Виктор Зубковой толгойлһон Засагай газарта Оросой Холбоото Уласай элүүрые хамгаалгын ба ниигэмэй хүгжэлтын сайдаар томилогдоһон байха юм. Тиихэдээ энэ тушаалда Михаил Зурабовай һүүлдэ ороһон байна.

Һунгагдажа, тушаалдаа ороһон Оросой Холбоото Уласай Юрэнхылэгшэ Дмитрий Медведевэй зарлигаар 2008 оной май һарада Владимир Путинай толгойлһон Засагай газарта Оросой Холбоото Уласай элүүрые хамгаалгын ба ниигэмэй хүгжэлтын сайдай тушаалда хоёрдохиёо томилогдоо[21]. 2009 онһоо тушаалаараа нэгэмүһэн Эмнэлгын уялгата гарша даалгын холбоото уласай жасын хүтэлбэриин түрүүлэгшэ байгаа[9][22]. 2010 оной январь һарада Эдэй засагай хүгжэлтын ба нэбтэрүүлгын талаар Засагай газарай комиссиин бүридэлдэ ороһон байна[12].

Оросой Элүүрые хамгаалгын болон ниигэмэй хүгжэлтын яаманда Голиковагай хүдэлмэрилжэ байха үедэ тэдхэмжын томо хубилан шэнэдхэлгэ (реформо) хэгдээ. Тэрэнэй дүнгөөр ​тэдхэмжын үндэһэн ба даадхалай хубинууд нэгэдүүлэгдээ, ниигэмэй ниитэ нэгэн татабариие даадхалай оруулалтануудаар һэлгэжэ, тэдэнэй оршын хэмжээн 26-һаа 34% хүрэтэр дээшэлүүлэгдээ, тэдхэмжэдэ мүнгэ нэмэжэ түлэхэ талаар программа бэелүүлэгдэжэ эхилээ. Эм домой эрьесэ шэнээр эрхилэн гуримшуулагдаа: хуули баталагдан абтажа, эм домой сэнгүүдые гуримшуулгын шэнэ системэ нэбтэрүүлэгдээ, эм найруулгын үйлэдбэридэ гэнэ эрилтэнүүд табигдаа. Мүн тиихэдэ Голиковагай хүтэлбэри доро үндэһэтэнэй шуһанай албан байгуулха, хүндэ үбшэнүүдһээ (хорото хабдарай, зүрхэ һудалай, үрэжүүлгын элүүр мэндые дэмжэлгэ) һэргылхэ, гол замуудые зубшан, гэмэлтэлгэ аргалха түбүүдые байгуулха гэхэ мэтэ хэдэн программанууд бэелүүлэгдээ[23]. Голиковагай хэдэн үүсхэл, жэшээнь, тэдхэмжын гурим хубилан шэнэдхэлгэ ба ниигэмэй ниитэ нэгэн татабари һөөргэнь даадхалай нэмэринүүдээр һэлгэлгэ Оросой Холбоото Уласай Эдэй засагай хүгжэлтын ба Мүнгэн һангай яамануудай талаһаа хурса харюуда хүртэһэн байха юм. Тиигэбэшье Голикова өөрынгөө һанамжа бодолоо, үүсхэлээ аршалан хамгаалжа шададаг байгаа[8][24].

Голиковагай хүтэлбэри доро «Элүүрые хамгаалга» гэһэн үндэһэтэнэй түсэл - эмнэлгын туһаламжын шанар дээшэлүүлхэ программа бэелүүлэгдээ. Голикова 2010 ондо Гүрэнэй Дүүмын үзэмжэдэ «Хүрэхэдэ бэлэн оршон» гэһэн гүрэнэй программын түсэл дурадхаа, тэрэнь эрэмдэг бэетэйшүүл болон хизаарлагдаһан шадалтай бусад зондо объектнүүдтэ хүрэхэ арга боломжо олгохо, тэдэнэй ажабайдалай хэмжээ дээшэлүүлхэ зорилготой байгаа. Энэ хадаа «Эрэмдэг бэетэйшүүлэй эрхэнүүд тухай» ООН-ой конвенци Орос гүрэндэ бэелүүлхэ замда түрүүшын алхам боложо үгэһэн байха юм[25].

Оросой Юрэнхылэгшын туһалагша[Заһаха | үндэһэн бэшэгые заһабарилха]

2012 оной май һарада Оросой Холбоото Уласай Юрэнхылэгшын туһалагшын тушаалда томилогдоо[26][27]. Энээнһээ урид тэрэнэй хүтэлбэрилдэг байһан Оросой Холбоото Уласай Элүүрые хамгаалгын болон ниигэмэй хүгжэлтын яаман бэеэ дааһан хоёр зураглан болгон хубаагдажа, Оросой Холбоото Уласай Ажалай болон ниигэмэй хамгаалгын яаман болон Оросой Холбоото Уласай элүүрые хамгаалгын яаман байгуулагдаһан юм. Тэдэнэй дарганараар тэрэ тоодо Голиковай урданай орлогшонор - Максим Топилин (Оросой Ажалай яаман) ба Вероника Скворцова (Оросой Элүүрые хамгаалгын яаман) томилогдоһон байна[12].

Оросой Холбоото Уласай Юрэнхылэгшын захиргаанда гүрэн түрын толгойлогшо Абхази болон Урда Осетиин ниигэмэй-эдэй засагай хүгжэлтын асуудалануудые харгалзалхыень Голиковада даалгаһан байна[28][29]. 2012 оной август һарада Оросой Холбоото Уласай Юрэнхылэгшын дэргэдэ шэнээр байгуулагдаһан Ветерануудай хэрэгүүдээр ба эрэмдэг бэетэйшүүлэй хэрэгүүдээр хоёр комисси Голикова хүтэлбэрилжэ эхилээ[9][30]. 2012 оной декабрь һарада Урда Осети болон Абхазиин һэргээн хүгжэлтэ урид байһан хүтэлбэрилэгшэдэйнь үедэ эдилгэ абалгатай холбоотой байгаа гэжэ Голикова мэдүүлээ[31].

2013 оной июнь һарада Оросой Холбоото Уласай Юрэнхылэгшын Захиргаанда Оросой Холбоото Уласай Юрэнхылэгшын СНГ-гэй гүрэнүүдтэй, Абхази болон Урда Осетитэй ниигэмэй-эдэй засагай талаар хамтын ажаллалгын хүтэлбэри байгуулагдажа, тэрэниие Оросой Элүүрые хамгаалгын болон ниигэмэй хүгжэлтын яаманда Голиковагай орлогшо байһан Юрий Воронин толгойлоо. Шэнэ хүтэлбэри харгалзалха ажал Голиковада даалгагдан үгтэһэн юм[5].

Оросой Холбоото Уласай Тоололгын танхимай түрүүлэгшын тушаал эзэлхэ аргатай хүнүүдэй тоодо 2013 оной июль һарада Голикова оруулагдаа. 2013 оной сентябрь һарада Владимир Путин энэ тушаалда гурбан хүнэй дундаһаа Голиковае шэлэжэ, Гүрэнэй Дүүмын үзэмжэдэ тэрэниие дурадхаһан байна[12].

Оросой Холбоото Уласай Тоололгын танхимай түрүүлэгшэ[Заһаха | үндэһэн бэшэгые заһабарилха]

2013 оной сентябриин 20-до Гүрэнэй Дүүмэ Татьяна Голиковагай дэбшүүлэгдэхэдэ дэмжэжэ (415 һунгамал зүбшөөгөө, 5 - буруушаагаа), тэрэниие Оросой Холбоото Уласай Тоололгын танхимай түрүүлэгшээр томилбо[32][33]. Тэрэл үдэртөө Оросой Холбоото Уласай Юрэнхылэгшын зарлигаар ондоо тушаалда ороһон ушараар Оросой Холбоото Уласай Юрэнхылэгшын туһалагшын[34] тушаалһаа сүлөөлэгдэбэ.

Голиковагай ажаллаһан хугасаа соо Тоололгын танхим хиналтын болон шэнжэлэн-шүүмжэлэлгын 1 480 хэмжээ ябуулга үнгэргөө, тэрэнь 11 709 объектнүүдые хамаадан абаһан байна. Бюджедэй системын мүнгэ абаха болон хэрэглэхэ талаар элирүүлэгдэһэн хазагайруулгын болон дутуу дундануудай ушарнууд бүхыдөө 3,9 триллион түхэригэй хэмжээндэ бүридхэн элирүүлэгдээ (18 481 хуули хазагайруулга элирээ). Тоололгын танхимай шалгалтын материалнууд дээрэ үндэһэлһэн, захиргаанай дүрим эбдэһэнэй 1 209 хэрэг ба гэмтэ ябадалай (уголовно) 128 хэрэг үүсхэгдээ[35].

Голиковагай ажаллажа байха үедэ Тоололгын танхимай эгээл шууяатай, системнэ шалгалтануудай нэгэн гэхэдэ замбуулинай онгосын «Восточный» буудалай шалгалта болоо һэн. Хиналтын захиргаанай сэгнэлтээр, космодромдо газар зүйн объектнүүдые барилгын гаргашань 13 гаран миллиард түхэригөөр дээгүүр табигдаһан байгаа. Шалгагшад бюджедэй мүнгэ ондоо зорилгоор хэрэглэхэ схемэ элирүүлжэ, саашадаа барилгын үнэ сэн улам нэмэгдэхые һэргылэн саража шадаа[36][37][38].

Оросой Холбоото Уласай Юрэнхылэгшэ Владимир Путин 2018 оной майн 17-до Гүрэнэй Дүүмэдэ Голиковае Тоололгын танхимай түрүүлэгшын тушаалһаа болзорһоо урид сүлөөлхэ тухай дурадхал оруулһан байна[39]. Энээнһээ урид Татьяна Голикова Оросой Холбоото Уласай юрэнхы сайдай зүгһөө Засагай газарай Түрүүлэгшын болбосоролой, элүүрые хамгаалгын болон ниигэмэй бодолгын талаар орлогшын тушаалда дэбжүүлэгдэһэн байгаа[40].

Юрэнхы сайдай орлогшо[Заһаха | үндэһэн бэшэгые заһабарилха]

Оросой Холбоото Уласай Юрэнхылэгшэ Владимир Путин 2018 оной майн 18-да Дмитрий Медведевэй ударидаһан шэнэ Засагай газарай бүридэл баталаа, тэрээн соо Голикова Оросой Холбоото Уласай Засагай газарай Түрүүлэгшын орлогшын тушаал абаһан байна[41]. Тэрэнэй харюусалгата һалбарида ниигэмэй бодолгын үүргэ оробо.

Орос гүрэндэ тэдхэмжын хубилан шэнэлэлгэдэ бэлэдхэлэй үедэ тэдхэмжэ тогтоохо ба түлэхэ тухай асуудалнуудаар хуулиин түсэлнүүдые харалгын эмхидхэгдэхэ, гүрэнэй хуули зохёон гаргадаг засагай зургаанда Оросой Холбоото Уласай Юрэнхылэгшын тусхай түлөөлэгшөөр 2018 оной сентябриин 6-да томилогдоһон байна[42].

2020 оной январиин 29-дэ Оросой Холбоото Уласта COVID-19 хорон хамшагай гадаадаһаа оролго болон һүжэрэн таралгые сараха талаар шууд дары штаб хүтэлбэрилөө[43].

Оросой Холбоото Уласай Юрэнхылэгшын зарлигаар 2020 оной майн 29-һөө табан жэлэй болзороор «Курчатовай институт» гэһэн үндэһэтэнэй шэнжэлэлгын түб» гэһэн холбоото уласай гүрэнэй бюджедэй эмхиин хиналтын зүблэлэй гэшүүнээр томилогдоо[44].

Тэрэ 2024 ондо «Гэр бүлын жэл» үнгэргэлгын эмхидхэлэй хороониие ударидаа[45].

Михаил Мишустин 2024 оной майн 11-дэ Засагай газарай Түрүүлэгшын орлогшын тушаалда Голиковае дэбшүүлһэн дурадхал оруулаа, засагай газарай шэнэ бүридэл Гүрэнэй Дүүмын үзэмжэдэ табяа[46]. Майн 13-да Гүрэнэй Дүүмэ тэрэниие энэ тушаалда баталһан байна[47]. Майн 14-дэ Оросой Холбоото Уласай Юрэнхылэгшэ томилолго тухай тогтоолдо гараа табиба[48]. Үндэһэтэнэй хэрэгүүдэй талаар холбоото уласай агентство Голиковай мэдэлдэ дамжуулагдаа. Тэрэ мүн лэ элүүрые хамгаалга, генетикын болон эмнэлгын һалбарида эрдэм шэнжэлэлгэ, үндэһэтэнэй «Хүн зоной тоогой эрьесэ», «Элүүрые хамгаалга» ба «Соёл» түсэлнүүдые зохёон бэшэнэ, бэелүүлнэ, хинана, хүтэлбэрилнэ[49].

Татьяна Голикова 2024 оной июниин 13-да Оросой Холбоото Уласай Засагай газарай захирамжаар Эсэгэ ороной кинематографида ниигэмэй ба эдэй засагай дэмжэлгэг үзүүлхэ холбоото уласай сан жасын (Киножаса) хүтэлбэрилхы зургаанай түрүүлэгшээр томилогдоо[50].

Оросой Холбоото Уласай Юрэнхылэгшын зарлигаар 2024 оной июлиин 8-да Үндэһэтэн хоорондын харилсаанай талаар Юрэнхылэгшын дэргэдэхи зүблэлэй бүридэлдэ оруулагдаа[51].

Хубиин ажабайдал

[Заһаха | үндэһэн бэшэгые заһабарилха]

Гэр бүлэ[Заһаха | үндэһэн бэшэгые заһабарилха]

Татьяна Голикова хоёрдохиёо хадамда гаранхай.

  • Түрүүшын үбгэниинь: Дровосеков Андрей Владимирович (1964 оной октябриин 15-да түрэһэн)[52][53], Северсталь хамжаанай дээдын менеджер, Австриин Венэ хотодо саг үргэлжэ ажаһуудаг ба ажалладаг. Айл болоһоор табан жэлэй туршада хамта ажаһуугаа; Голиковай хэлэһээр, һалаһанайнь шалтагаан гэхэдэ, «ажабайдал тухай ондо ондоо хараа бодолнуудынь» болоно[54].
  • Хоёрдохи үбгэниинь: Христенко Виктор Борисович (энэнь баһал тэрэнэй хоёрдохи гэрлэлгэ, 2003 ондо айл болоһон) – тэрэ үедэ Оросой Засагай газарай Түрүүлэгшын орлогшо байһан. Голикова өөрын үхибүүгүй. Дахуул хүбүүниинь болохо Владимир Христенкотэй хамта тэрэнэй байгуулһан «Нанолек» гэһэн эм найруулгын хамжаанай эзэниинь юм[55].

Голикова - үнэн алдартанай шажан мүргэлтэй; тэрэ 22 наһатайдаа хэрээһэ зүүһэн[56]. Христенко Голикова хоёр Старицкын гэгээн һүмын дахинаа һэргээлгын буян үйлэдэлгын жаса 2001 ондо байгуулаа. Хэдэн томо олзын хэрэг эрхилэгшэд мүн лэ энэ жаса байгуулалсагшад болоо. Һүмые дахинаа һэргээлгэдэ хабаадаһанай түлөө Голикова Христенко хоёр шажанай шагналнуудта хүртөө[57].

Олониитын ажаябуулга ба буянта хэрэг үйлэдэлгэ[Заһаха | үндэһэн бэшэгые заһабарилха]

«Со-единение» гэһэн дүлии-һохор зониие дэмжэлгын жасын тэдхэгшэдэй зүблэлдэ Голикова ородог[58].

Шагналнууд

[Заһаха | үндэһэн бэшэгые заһабарилха]
  • «Эсэгэ ороной үмэнэ габьяатай байһанай түлөө» 2-дохи шатын орден (2016 оной январиин 29-дэ) — гүрэнэйнгөө урда ехэ габьяатай, олон жэлдэ үнэн сэхээр хүдэлһэнэйнь түлөө[59].
  • «Эсэгэ ороной үмэнэ габьяатай байһанай түлөө» 3-дахи шатын орден (2012 он)[60].
  • «Эсэгэ ороной үмэнэ габьяатай байһанай түлөө» 4-дэхи шатын орден (2008 оной декабриин 23) — Урда Осетиин Уласай хохидоһон ажаһуугшадта туһаламжа үзүүлхэ талаар хэмжээ ябуулгануудые эмхидхэхэ, үнгэргэхэ талаар алба хэһэнэйнь түлөө.
  • Хүндэлэлэй орден (2006 оной февралиин 9) – 1941-1945 онуудай Эсэгэ ороноо хамгаалгын Агууехэ дайнда Илалтын 60 жэлэй ойдо зорюулагдаһан баяр ёһололой хэмжээ ябуулгануудые бэлдэлгын болон үнгэргэхэ талаар габьяагай түлөө[61].
  • Хани барисаанай орден (2006 оной ноябриин 16) – Санкт-Петербург хотодо үнгэргэгдэһэн гэшүүдэй «Найманай бүлэг» гэһэн гүрэнүүдэй толгойлогшонор болон засагай газарай хүтэлбэрилэгшэдэй уулзалга бэлдэхэ, үнгэргэхэ хэрэгтэ ехэхэн хубитаяа оруулһанайнгаа түлөө[62].
  • «Эсэгэ ороной үмэнэ габьяатай байһанай түлөө» орденой I шатын медаль (2004 оной октябриин 25) — хуули тогтоохо ажал ябуулгада эдэбхитэйгээр хабаадаһанай түлөө[63].
  • «Эсэгэ ороной үмэнэ габьяатай байһанай түлөө» орденой II шатын медаль (2001 оной апрелиин 12) — мүнгэн һангай болон эдэй засагай һалбарида ажаябуулгын түлөө[64].
  • П. А. Столыпинай 1-дэхи шатын медаль (2016 оной февралиин 9) — уласай ниигэмэй-эдэй засагай хүгжэлтын стратегическа асуудалнуудые шиидхэхэ аша габьяа болон олон жэлэй туршада үнэн сэхээр ажаллаһанай түлөө[65].
  • Оросой Холбоото Уласай габьяата эдэй засагшан (2004 оной февралиин 22) — мүнгэн һангай болон эдэй засагай һалбарида ажаябуулгын түлөө[66].
  • Оросой Холбоото Уласай Юрэнхылэгшын Хүндэлэлэй бэшэг (2011 оной февралиин 10) — гүрэндэ алба хэһэнэйнь түлөө, олон жэлэй туршада үнэн сэхээр хүдэлһэнэйнь түлөө[67].
  • Оросой Холбоото Уласай Засагай газарай Хүндэлэлэй бэшэг (2002 оной сентябриин 7) — мүнгэн һангай болон эдэй засагай һалбарида гүрэндэ алба хэһэнэйнь түлөө болон Оросой Холбоото Уласай Мүнгэн һангай яаманай байгуулагдаһаар 200 жэлэй ойн баяртай дашарамдуулан[68].
  • «Дагестан Уласай үмэнэ габьяатай байһанай түлөө» орден (2011 оной июниин 27).
  • «Чечен Уласай үмэнэ габьяатай байһанай түлөө» медаль (2009 оной февралиин 5) — Чечен Уласай элүүрые хамгаалгын болон ниигэмэй һалбариин хүгжэлтэдэ горитойхон хубитаяа оруулһанайнгаа түлөө[69]
  • «Гэгээн тайжа Ольгын» 1-дэхи шатын медаль (2010 он) — Старицын нангин һүмэ дасанай дахинаа һэргээлгэдэ туһаламжа үзүүлхэ талаар[70].
  • Хүндэтэ Евфросинагай орден, Москвагай Ехэ Герцог, I шатын (Ородой үнэн алдартанай сүмэ, 2017 он)[71], III шатын (2021)[72].
  • Россиин олзын хэрэг эрхилэлгын болон олзын хэрэг эрхилэлгын академиин эхэнэрнүүдэй туйлалтануудые олониитэдэ тэмдэглэһэнэй түлөө уласай шангай лауреат[73] 2003 ондо.
  • «Гүрэнэй захиргаанай хүдэлмэридэ хүдэлдэг хүн» шэглэлээр «2008 оной хүн» гэһэн уласхоорондын шангай лауреат[74].
  • «Огонёк» сэдхүүлэй 2014 оной март һарада гаргаһан «Ород гүрэнэй 100 эгээл нүлөөтэй эхэнэрнүүд» гэһэн рейтингдэ 3-дахи һуури эзэлээ[75].
  • «Парламентаризм хүгжөөлгэдэ габьяагай түлөө» Гүрэнэй Дүүмын Хүндэлэлэй тэмдэг (2016)[76].

Ангиин зэргэ зиндаа

[Заһаха | үндэһэн бэшэгые заһабарилха]

Ажаглалта

[Заһаха | үндэһэн бэшэгые заһабарилха]
  1. ↑ Правительство РФ подало в отставку.
  2. ↑ Михаил Мишустин назначил кураторов федеральных округов.
  3. ↑ "Голикова, Татьяна Алексеевна". 2024-04-01. 
  4. ↑ 1 2 Голикова Татьяна Алексеевна. Коммерсантъ. the original on 2013-09-15 2013-09-16 үдэртэ хандаһан.
  5. ↑ 1 2 Виктор Хамраев, Дарья Николаева (2012-06-13). Минздрав переезжает. Газета «Коммерсантъ», №105 (4890). 2013-09-19 үдэртэ хандаһан.
  6. ↑ 1 2 3 Голикова Татьяна Алексеевна. РБК. 2013-09-13 үдэртэ хандаһан.
  7. ↑ Никита Красников (2007-09-26). Математику у Эльвиры Набиуллиной списывал весь класс, а у Татьяны Голиковой отняли золотую медаль. Комсомольская правда. 2013-09-13 үдэртэ хандаһан.
  8. ↑ 1 2 3 4 Всеволод Бельченко (2010-02-15). Она бюджету отдана. «Огонёк», №6 (5115). 2013-09-13 үдэртэ хандаһан.
  9. ↑ 1 2 3 Биография: Татьяна Голикова. ИТАР-ТАСС. 2013-09-13 үдэртэ хандаһан.
  10. ↑ Диссертация на тему «Формирование организационно-экономического механизма управления экономикой Российской Федерации на основе эффективного регулирования межбюджетных отношений».
  11. ↑ Топилин Максим Анатольевич. ФедералПресс. 2013-09-15 үдэртэ хандаһан.
  12. ↑ 1 2 3 4 Ольга Звонова (2013-09-09). Татьяна Голикова. Досье. Аргументы и факты. 2013-09-13 үдэртэ хандаһан.
  13. ↑ Структура.
  14. ↑ Голикова Татьяна Алексеевна. Официальный сайт Президента России. 2013-09-16 үдэртэ хандаһан.
  15. ↑ Голикова Татьяна Алексеевна. Личное дело. Газета «Коммерсантъ», №20 (4320) (2010-02-05). 2013-09-16 үдэртэ хандаһан.
  16. ↑ 1 2 Голикова Татьяна Алексеевна. Газета «Коммерсантъ», №20 (4320) (2010-02-05). 2013-09-14 үдэртэ хандаһан.
  17. ↑ Монетизация: Лужков сохранил привилегии для своих льготников. Newsru.com (2005-02-16). 2013-09-14 үдэртэ хандаһан.
  18. ↑ Михаил Ростовский (2005-01-21). Пожиратель льгот. Московский Комсомолец № 1461. 2013-09-14 үдэртэ хандаһан.
  19. ↑ Путин предложил Голикову на пост главы Счетной палаты. Сноб (2013-09-09). 2013-09-14 үдэртэ хандаһан.
  20. ↑ Евгения Письменная, Максим Товкайло, Ольга Кувшинова, Мария Дранишникова (2012-02-24). Министерство здравоохранения и социального развития будет разделено. Ведомости. 2013-09-14 үдэртэ хандаһан.
  21. ↑ Указ Президента Российской Федерации от 12 мая 2008 года № 737. Российская газета (2008-05-13). 2013-09-16 үдэртэ хандаһан.
  22. ↑ Нина Кострецова (2008-11-18). Медстрах возглавил финансист. Российская газета. 2013-09-16 үдэртэ хандаһан.
  23. ↑ Пять реформ Татьяны Голиковой. Журнал «Огонёк», № 6 (5115) (2010-02-15). 2013-09-16 үдэртэ хандаһан.
  24. ↑ Вероника Сычёва (2012-03-26). Девушка с характером. Итоги, № 13. 2013-09-15 үдэртэ хандаһан.
  25. ↑ Правительству представили проект федеральной программы «Доступная среда» для инвалидов - Газета.Ru.
  26. ↑ Указ Президента РФ от 21.05.2012 № 673. Официальный сайт Президента России. the original on 2013-09-21 2013-09-16 үдэртэ хандаһан.
  27. ↑ "Владимир Путин огласил состав правительства", Lenta.ru, 2012-05-21. 2012-05-21. Archived from the original on 2018-07-17. 
  28. ↑ Голикова займётся вопросами развития Южной Осетии и Абхазии. РИА Новости (2012-05-23). 2013-09-16 үдэртэ хандаһан.
  29. ↑ Голикова будет заниматься развитием Абхазии и Южной Осетии. Российская газета (2012-05-25). 2013-09-16 үдэртэ хандаһан.
  30. ↑ Максим Иванов (2012-08-23). И целых управлений мало. Коммерсантъ-Online. 2013-09-13 үдэртэ хандаһан.
  31. ↑ Голикова: В восстановлении Южной Осетии и Абхазии была коррупция. Ведомости (2012-12-09). 2013-09-16 үдэртэ хандаһан.
  32. ↑ Утреннее пленарное заседание Госдумы 20 сентября 2013 года. Государственная дума Федерального собрания Российской Федерации (2013-09-20). the original on 2015-09-23 2013-09-20 үдэртэ хандаһан.
  33. ↑ Постановление Государственной Думы Федерального Собрания Российской Федерации от 20 сентября 2013 года № 2859-6 ГД «О Председателе Счетной палаты Российской Федерации» Архивная копия от 27 сентябрь 2013 на Wayback Machine
  34. ↑ Указ Президента Российской Федерации от 20 сентября 2013 года № 723 «О Голиковой Т. А.». Официальный интернет-портал правовой информации (2013-09-20). the original on 2013-09-21 2013-09-20 үдэртэ хандаһан.
  35. ↑ Путин утвердил представленных Медведевым членов правительства — Российская газета.
  36. ↑ Счетная палата выявила нарушения при строительстве космодрома Восточный на 13 млрд рублей – Страна – Коммерсантъ.
  37. ↑ Счетная палата обнаружила завышение стоимости госстроек на 20–45% :: Экономика :: РБК.
  38. ↑ Глава Счётной палаты раскрыла каналы утечки российского бюджета :: Новости :: ТВ Центр - Официальный сайт телекомпании.
  39. ↑ "Голикова расплакалась во время выступления в Госдуме", РИА Новости, 20180517T1121+0300Z. 2018-05-18. (ru) Archived from the original on 2018-07-05. 
  40. ↑ Татьяна Голикова со слезами покинула пост председателя Счетной палаты — SPEAKERCOM / СПИКЕРКОМ. speakercom.ru. 2018-05-18 үдэртэ хандаһан.
  41. ↑ Kremlin.ru. "Рабочая встреча с Председателем Правительства Дмитрием Медведевым" (ru) Archived from the original on 2020-10-30. 
  42. ↑ Татьяна Голикова назначена спецпредставителем Президента в парламенте при рассмотрении законопроектов по вопросам назначения и выплаты пенсий / kremlin.ru, 6 сентября 2018 года.
  43. ↑ Голикова возглавила штаб по контролю за новой коронавирусной инфекцией в РФ. ТАСС (2020-01-29). 2020-05-05 үдэртэ хандаһан.
  44. ↑ Указ Президента Российской Федерации от 29.05.2020 № 341 ∙ Официальное опубликование правовых актов ∙ Официальный интернет-портал правовой информации. publication.pravo.gov.ru. 2020-05-29 үдэртэ хандаһан.
  45. ↑ Правительство утвердило план основных мероприятий по проведению Года семьи (2024-01-09).
  46. ↑ О чем говорит новая конфигурация российского правительства (2024-05-11).
  47. ↑ Госдума утвердила Голикову заместителем председателя правительства (2024-05-13).
  48. ↑ Президент подписал указы о назначении членов Правительства Российской Федерации и директоров служб (2024-05-14).
  49. ↑ Михаил Мишустин утвердил распределение обязанностей между вице-премьерами (2024-05-17).
  50. ↑ Распоряжение Правительства Российской Федерации от 13.06.2024 № 1494-р (2024-06-13).
  51. ↑ Указ Президента Российской Федерации от 08.07.2024 № 579 (2024-07-08).
  52. ↑ Дровосеков Андрей Владимирович.
  53. ↑ Информационное агентство Банки.ру. Татьяна Голикова.
  54. ↑ Ева Меркачева (2012-04-25). Татьяна Голикова: «Секрет красоты — любить и быть любимой». www.womanhit.ru. 2013-09-15 үдэртэ хандаһан.
  55. ↑ Компания пасынка Татьяны Голиковой занялась разработкой вакцины от COVID-19 Архивная копия от 9 январь 2022 на Wayback Machine // 29.05.2020 г. Forbes
  56. ↑ Супруги Христенко и Голикова соблюдают пост. Интерфакс-религия (2009-04-02). 2013-09-13 үдэртэ хандаһан.
  57. ↑ Два российских министра получили церковные награды. Фонд возрождения Старицкого Свято-Успенского монастыря. 2013-09-13 үдэртэ хандаһан.
  58. ↑ Фонд поддержки слепоглухих "Со-единение". so-edinenie.org. 2017-08-25 үдэртэ хандаһан.
  59. ↑ Указ Президента Российской Федерации от 29 января 2016 года № 31 «О награждении государственными наградами Российской Федерации».
  60. ↑ Пьер Сидибе (2012-05-11). Татьяна Голикова получила орден. Известия. 2013-09-20 үдэртэ хандаһан.
  61. ↑ Указ Президента Российской Федерации от 9 февраля 2006 года № 86 «О награждении орденом Почета Голиковой Т. А.»
  62. ↑ Указ Президента Российской Федерации от 16 ноября 2006 года № 1294 «О награждении государственными наградами Российской Федерации»
  63. ↑ Указ Президента Российской Федерации от 25 декабря 2004 года № 1598 «О награждении медалью ордена „За заслуги перед Отечеством“ I степени Голиковой Т. А.»
  64. ↑ Указ Президента Российской Федерации от 12 апреля 2001 года № 417 «О награждении медалью ордена „За заслуги перед Отечеством“ II степени работников Министерства финансов Российской Федерации»
  65. ↑ Распоряжение Правительства Российской Федерации от 9 февраля 2016 года № 181-р «О награждении медалью Столыпина П. А. I степени Голиковой Т. А.».
  66. ↑ Указ Президента Российской Федерации от 22 февраля 2004 года № 256 «О награждении государственными наградами Российской Федерации». Официальный сайт Президента России. the original on 2013-09-27 2013-09-22 үдэртэ хандаһан.
  67. ↑ Распоряжение Президента Российской Федерации от 10 февраля 2011 года № 76-рп «О награждении Почётной грамотой Президента Российской Федерации Голиковой Т. А.». Официальный сайт Президента России. the original on 2013-05-13 2013-09-20 үдэртэ хандаһан.
  68. ↑ Распоряжение Правительства Российской Федерации от 7 сентября 2002 года № 1248-р «О награждении Почётной грамотой Правительства Российской Федерации работников Министерства финансов Российской Федерации»
  69. ↑ Указ от 05.02.2009 г № 41.
  70. ↑ В понедельник Светлой седмицы Святейший Патриарх Кирилл совершил Божественную литургию в Успенском соборе Московского Кремля. Официальный сайт Московского патриархата (2011-04-25). 2013-09-22 үдэртэ хандаһан.
  71. ↑ В Крестопоклонную Неделю Предстоятель Русской Церкви освятил храм в честь святителя Иова, Патриарха Московского, в российской столице.
  72. ↑ Святейший Патриарх Кирилл наградил заместителя председателя Правительства РФ Т. А. Голикову орденом преподобной Евфросинии Московской (22.09.2021). 2021-09-25 үдэртэ хандаһан.
  73. ↑ Официальный сайт Российской академии бизнеса и предпринимательства.
  74. ↑ Названы лауреаты премии Персона года 2008
  75. ↑ Рейтинг «100 самых влиятельных женщин России» журнала «Огонёк».
  76. ↑ Татьяна Голикова получила награду за развитие парламентаризма.
  77. ↑ Указ Президента РФ от 28.08.2003 № 992 «О присвоении квалификационных разрядов федеральным государственным служащим федеральных органов исполнительной власти». Официальный сайт Президента России. the original on 2013-09-27 2013-09-22 үдэртэ хандаһан.

Ссылкэнүүд

[Заһаха | үндэһэн бэшэгые заһабарилха]
"https://bxr.ruwiki.ru/w/index.php?title=Голикова_Татьяна_Алексеевна&oldid=191480" хуудаһанһаа абтаһан