Лут Оксана Николаевна

Сүлөөтэ Нэбтэрхы Толи — Википеэдиһээ
Оксана Николаевна Лут
Оксана Лут.jpg
Флаг
Оросой Холбоото Уласай Хүдөө ажахын сайд
Флаг
 2024 оной майн 14
Засагай газарай түрүүлэгшэ Михаил Мишустин
Юрэнхылэгшэ Владимир Путин
Урид ажаллаһан хүн Дмитрий Патрушев
Флаг
Оросой Холбоото Уласай Хүдөө ажахын сайдай 1-дэхи орлогшо
Флаг
 2021 оной декабриин 30
Засагай газарай түрүүлэгшэ Михаил Мишустин
Юрэнхылэгшэ Владимир Путин
Түрэһэн үдэр 1979 оной февралиин 25
СССР гүрэн, Москва
Болбосорол Оросой Холбоото Уласай Засагай газарай дэргэдэхи Мүнгэн һангай академи
Шагналнууд

Окса́на Никола́евна Лут — оросой гүрэнэй ажал ябуулагша. 2024 оной майн 14-һөө Оросой Холбоото Уласай Хүдөө ажахын сайд[1].

2018 оной июль һараһаа 2021 оной декабрь болотор хүдөө ажахын сайдай орлогшын, 2021 оной декабриин 30-һаа хүдөө ажахын сайдай 1-дэхи орлогшын тушаал эзэлээ[2].

Оросой Холбоото Уласай гүрэнэй III зэргын бодото зүблэгшэ (2023)[3].

Намтар

Оксана Лут 1979 оной февралиин 25-да Москва хотодо түрэһэн[2].

Лут 2001 ондо Оросой Холбоото Уласай Засагай газарай дэргэдэхи Мүнгэн һангай академи «мүнгэн һан ба урьһаламжа» гэһэн мэргэжэлээр дүүргээ[4].

1999 оной апрель һараһаа 2000 оной август болотор банкын эмхинүүдтэ элдэб тушаалнуудые эзэлһэн байна[2].

2000 оной сентябрь һараһаа 2003 оной апрель һара болотор — Хуби ниилүүлһэн нээмэл түхэлэй «Альфа-банк» хамжаанай банкын ажалай зургаануудай Гүйсэдхэхы хорооной урьһаламжын ба хүгжэхэ хараатай зүйлнүүдэй таһагай эдэй засагшан, Нютаг можонуудай олзын хэрэг урьһаламжалгын хүтэлбэриин өөрын эмхидхэн байгуулһан банкнуудай урьһаламжалгын олзын хэрэг хүгжөөлгын таһагай ахалагша эдэй засагшан.

2003 оной апрель һараһаа 2010 оной январь болотор Лут — Хуби ниилүүлһэн нээмэл түхэлэй «Банк ВТБ» хамжаанай Һалбаринууд хоорондын өөрын олзын хэрэг хүгжөөхэ талаар хүтэлбэриин ахамад эдэй засагшан, менеджер; Өөрын хэсэгэй томо клиентнүүдтэй ажаллаха талаар Хоёрдохи хүтэлбэриин хүтэлбэрилхы захирал; Хүрэнгэжүүлгын хэсэгэй Хүрэнгэжүүлгын ябуулгануудай ба туһа хангамжануудай хүтэлбэриин хүтэлбэрилхы захирал; Хоёрдохи өөрын хэсэгэй томо клиентнүүдтэй ажаллаха талаар Гурбадахи хүтэлбэриин хүтэлбэрилхы захирал; Барилгын түсэлнүүдэй департаментын барилгын түсэлнүүдтэ мүнгэ һомололго эмхидхэлгын хүтэлбэриин хүтэлбэрилхы захирал[3].

2010 оной январь һараһаа октябрь болотор — Гүрэнэй «Ростехнологии» хамжаанай Хүрэнгэжүүлгын программануудай департаментын хүтэлбэриин дарга; Хүрэнгэжүүлгын программануудай департаментын гол бэшэ активуудай албанай дарга.

2010 оной октябрь һараһаа 2018 оной июль болотор — Хуби ниилүүлһэн «Россельхозбанк» хамжаанай Клиентнүүдтэй ажаллалгые эмхидхэлгын департаментын захирал; Хамжаанай өөрын олзын хэрэг хүгжөөлгын департаментын захирал; Томо олзын хэрэгэй департаментын захирал; хүтэлбэрилхы зургаанай түрүүлэгшын орлогшо.

2018 оной июлиин 13-һаа 2021 оной декабрь болотор - Оросой Холбоото Уласай Хүдөө ажахын сайдай орлогшо[4].

2021 оной декабриин 30-һаа Лут — Оросой Холбоото Уласай Хүдөө ажахын сайдай нэгэдэхи орлогшо[2]. Энэ тушаалда Джамбулат Хатуовые тэрэ һэлгэһэн байха юм[5].

2024 оной майн 11-дэ Оросой Холбоото Уласай юрэнхы сайд Михаил Мишустин Лудые Оросой Холбоото Уласай хүдөө ажахын сайдай тушаалда дэбжүүлээ[6]. Майн 14-дэ Гүрэнэй Дүүмэ тэрэниие баталаа[7], тэрэл үдэр Оросой Холбоото Уласай Юрэнхылэгшэ тушаалда томилхо тухай зарлигта гараа табяа[8].

Хубиин ажабайдал

Оксана Лут хадамтай. Үбгэниинь: Андрей Лебедев, хуули эрхэшэн. Гэр бүлэдөө гурбан үхибүүтэй[9].

Һанал бодолнууд

Оросой Холбоото Уласай Засагай газарай Түрүүлэгшын хэблэл мэдээсэлэй секретарь Борис Беляковой хэлэһээр, Лут «яаманай хүтэлбэрилэгшын харюусалгата тушаалда хүдэлмэрилхэдэ хэрэгтэй эрдэм мэдэсэтэй, шадабаритай»[6].

Хүдөө ажахын сайдай нэгэдэхи орлогшын тушаалда Лудай туйлаһан амжалтануудые тэмдэглээд, сайдай тушаалда дэбжүүлгэнь бодолой зүб алхам болоно гэжэ Гүрэнэй Дүүмын Түрүүлэгшэ Вячеслав Володин һанамжаяа мэдүүлээ[10].

Шагналнууд

  • «Эсэгэ ороной үмэнэ габьяатай байһанай түлөө» орденой II шатын медаль (2016 оной январиин 29-дэ) — ажалдаа ехэ амжалтануудые туйлаһанайнь, олон жэлдэ үнэн сэхээр хүдэлмэрилһэнэйнь түлөө[11]
  • Оросой Холбоото Уласай Юрэнхылэгшын Хүндэлэлэй бэшэг (2015 оной октябриин 26) — Оросой Холбоото Уласай Мүнгэн һангай болон банкын ажал ябуулга хүгжөөлгэдэ хубитаяа оруулһанай түлөө[2]

Ажаглалта

  1. ↑ Постановление Государственной Думы Федерального Собрания Российской Федерации от 14.05.2024 № 6077-8 ГД "Об утверждении Лут Оксаны Николаевны Министром сельского хозяйства Российской Федерации". Официальное опубликование правовых актов (14 май 2024). Дата обращения: 14 май 2024.
  2. ↑ 1 2 3 4 5 Лут Оксана Николаевна (ород хэлэн). Министерство сельского хозяйства Российской Федерации (20 январь 2017). Дата обращения: 14 май 2024.
  3. ↑ 1 2 Что известно об Оксане Лут. ТАСС (14 май 2024). Дата обращения: 14 май 2024.
  4. ↑ 1 2 Оксана Лут: биография (ород хэлэн). Росконгресс. Дата обращения: 14 май 2024.
  5. ↑ Оксану Лут назначили первым замминистра сельского хозяйства (ород хэлэн). РИА Новости (24 декабрь 2021). Дата обращения: 14 май 2024.
  6. ↑ 1 2 Мишустин предложил замглавы Минсельхоза Оксану Лут на пост руководителя ведомства (ород хэлэн). TACC (11 май 2024). Дата обращения: 14 май 2024.
  7. ↑ Госдума утвердила Оксану Лут на должность главы Минсельхоза. РИА Новости (14 май 2024). Дата обращения: 14 май 2024.
  8. ↑ Президент подписал указы о назначении членов Правительства Российской Федерации и директоров служб. kremlin.ru (14 май 2024). Дата обращения: 14 май 2024.
  9. ↑ Оксана Лут. 24СМИ. Дата обращения: 14 май 2024.
  10. ↑ Володин назвал логичным предложение Лут на должность главы Минсельхоза. РИА Новости (12 май 2024). Дата обращения: 14 май 2024.
  11. ↑ Указ Президента Российской Федерации от 25.10.2021 г. № 596 О награждении государственными наградами Российской Федерации. kremlin.ru (25 октябрь 2021). Дата обращения: 14 май 2024.

Ссылкэнүүд

"https://bxr.ruwiki.ru/w/index.php?title=Лут_Оксана_Николаевна&oldid=367288" хуудаһанһаа абтаһан