Цивилёв Сергей Евгеньевич

Сүлөөтэ Нэбтэрхы Толи — Википеэдиһээ
Цивилёв Сергей Евгеньевич
Sergey Tsivilyov (2019-08-22).jpg
Флаг
Оросой Холбоото Уласай элшэ хүсэнэй сайд
Флаг
 2024 оной майн 14
Засагай газарай түрүүлэгшэ Михаил Мишустин
Юрэнхылэгшэ Владимир Путин
Урид ажаллаһан хүн Николай Шульгинов
Флаг
Кемеровын можын — Кузбассай Амбан захирагша
Флаг
2018 оной сентябриин 17 — 2024 оной майн 14
(уялга дүүргэгшэ апрелиин 1 — сентябриин 17) 2018 оной
Юрэнхылэгшэ Владимир Путин
Урид ажаллаһан хүн Аман Тулеев
Халан абагша Илья Середюк (уялга дүүргэгшэ)
Флаг
Кемеровын можын Амбан захирагшын орлогшо
Флаг
мартын 2 — 2018 оной апрелиин 1
Аман Тулеев
Түрэһэн үдэр 1961 оной сентябриин 21(1961-09-21) (63 наһатай)
Эсэгэ Евгений Семёнович Цивилёв
Эхэ Дина Васильевна Цивилёва
Наһанай нүхэр Анна Евгеньевна Цивилёва (1972)
Үхибүүд Антон ба Никита хүбүүдынь
Нам (1991 он) болотор КПСС-тэ
«Ниитэ нэгэн Орос»
Болбосорол 1. П. С. Нахимовай нэрэмжэтэ Улаан Одоной орденто Хара далайн уһан сэрэгэй дээдэ һургуули
2. Санкт-Петербургын гүрэнэй эдэй засагай болон мүнгэн һангай ехэ һуургуули
Мэргэжэл сэрэгэй алба хэгшэ, эдэй засагшан
Ажаябуулга гүрэн түрын ажаябуулагша
Шагналнууд

Оросой Холбоото Уласай нютаг можонуудай шагналнууд:

Сайт minenergo.gov.ru/ministr…
Сэрэгэй албан
Алба хэһэн жэлнүүд 1978—1994
Хамаадалга  СССР →
 Орос Улас
Сэрэгэй түрэл янза Флаг Советского ВМФ СССР-эй далайн сэрэгэй флот→
Флаг ВМФ России Оросой Холбоото Уласай далайн сэрэгэй флот
Нэрэ зэргэ
Капитан 3-го ранга ВМФ СССР
3-дахи зэргын капитан
Логотип РУВИКИ.Медиа РУВИКИ.Медиа дахи Медиафайл

Цивилёв Сергей Евгеньевич (1961 оной сентябриин 21-дэ түрэһэн, Жданов, Сталинай можо, Украинын ССР, СССР) — оросой гүрэн түрын ажаябуулагша, 2024 оной майн 14-һөө Оросой Холбоото Уласай элшэ хүсэнэй сайд[1].

2018 оной сентябриин 17-һоо Кемеровын можын Амбан захирагша (2018 оной апрелиин 1-һээ сентябриин 17 болотор Кемеровын можын Амбан захирагшын уялгануудые дүүргэгшэ)[2]. «Ниитэ нэгэн Орос» гэһэн гүрэн түрын бодолгото намай Дээдын Зүблэлэй бюрогой гэшүүн[3].

Намтар

[Заһаха | үндэһэн бэшэгые заһабарилха]

Сергей Цивилёв 1961 оной сентябриин 21-дэ Сталинай можын Жданов хотодо түрэһэн юм. Сергейн түрэһэнэй удаа уданшьегүй Цивилёвтоной гэр бүлэ Архангельскын можын Котлас хотодо ажаһууда болоо. 10 жэлэй үнгэрһэн хойно, 1971 ондо, Харьковай можын Чугуев хотодо зөөжэ ерэһэн. Эсэгэнь, Евгений Семенович, гэрэй бараа үйлэдбэриилгын фабрикада хүтэлбэрилэгшын орлогшоор хүдэлмэрилдэг байгаа. Эжынь, Дина Васильевна, энэл хотодо дэлгүүрэй даагшаар хүдэлмэрилөө[4].

Болбосорол[Заһаха | үндэһэн бэшэгые заһабарилха]

Цивилёв 1983 ондо Севастополь хотодо П. С. Нахимовай нэрэмжэтэ Улаан Одоной орденто Хара далайн уһан сэрэгэй дээдэ һургуули дүүргээд, «Далайн онгосонуудай зэбсэгжүүлгэ» гэһэн мэргэжэлээр, сэрэгэй тусхай дээдын болбосоролтой офицер, инженер-зайн галай механик гэһэн мэргэжэлэй зиндаатай боложо гараһан. ЧВВМУ дүүргээд, Оросой Холбоото Уласай далайн сэрэгэй Хойто флодто алба хааһан байна.

1999 ондо Санкт-Петербургын гүрэнэй эдэй засагай болон мүнгэн һангай ехэ һуургуули «Мүнгэн һан ба урьһаламжа» мэргэжэлээр дүүргээд, эдэй засагшан гэһэн мэргэжэлэй зиндаатай болоо.

Ажалай дүршэл[Заһаха | үндэһэн бэшэгые заһабарилха]

Цивилёв 1994 он болотор СССР-эй болон Оросой Холбоото Уласай Зэбсэгтэ хүсэнүүдэй далайн сэрэгэй Хойто флодто алба гараһан, гурбадахи зэргын капитан гэһэн сэрэгэй нэрэ зэргэтэй.

1995-1996 онуудта «Аэрофлот» гэһэн банкын Санкт-Петербургдэхи таһагай аюулгүйн албанай хүтэлбэрилэгшөөр ажаллаа.

1997 онһоо 2012 он болотор Санкт-Петербург хотодо «Нортек» гэһэн хуули эрхын нэгэдэлые толгойлһон байна.

2007 ондо тэрэ «Ленэкспоинвест» хамжаанай эмхидхэн байгуулагшадай нэгэниинь болоо. Тус хамжаан Санкт-Петербургын эдэй засагай уласхоорондын ехэ хуралдаанай жэл бүри үнгэргэгдэдэг «Ленэкспо» гэһэн согсолбориин барилга хэхэ ёһотой болоһон байгаа. «Ленэкспоинвестын» үшөө нэгэ эмхидхэн байгуулагша хадаа Владимир Путинтай хамта дээдэ һургуулида нэгэ курсда һураһан, тэрээнтэй хамта дайшалхы урлал шудалһан Виктор Хмарин байгаа бшуу. Тэрэ жэлнүүдтэ Хмаринай хамжаанууд «Газпромые» хэрэгтэй түхеэрэлгэнүүдээрнь хангадаг эгээл томо хамжаануудай нэгэн һэн. «Ленэкспоинвест» хамжааниие байгуулһан үшөө нэгэ хүн хадаа Ленинград хотын гүйсэдхэхы хорооной түрүүлэгшэ байһан Владимир Ходырев болоно.

2010 онһоо эхилээд Цивилёв ашагта малтамал олзоборилгын һалбарида мүнгэ һомололго эрхилээ.

2012-2013 онуудта — «Колмар» гэһэн хизаарлагдамал харюусалгатай бүлгэмэй захиралнуудай зүблэлэй түрүүлэгшын орлогшо. Сергей болон Анна Цивилёвтон 2018 оной мартын 2 болотор Швейцариин «Kolmar Sales and Logistics» гэһэн хамжааниие хүтэлбэрилһэн байха юм[5].

2014 онһоо хойшо «Колмар» хамжаанай юрэнхы захирал, 70 % хубиин эзэн (үлэһэн 30 % хубинь «Волга» бүлгэмэй ашаар олзын хэрэг эрхилэгшэ Геннадий Тимченкын мэдэлдэ[6]). Хизаарлагдамал харюусалгатай «Колмар» хадаа Саха (Яхад) Уласай Нерюнгриин аймагай хэбтэшэнүүд дээрэ олзоборилогдодог үндэр шанартай нүүрһэ олзоборилгын, баяжуулгын болон ашаанай үйлэдбэриин ниитэ нэгэн цикл бүридүүлдэг, нүүрһэ олзоборилгын эмхинүүдэй, худалдаа наймаанай болон логистикын эмхинүүдэй нэгэдэл болоно.

2018 оной мартын 2-һоо Кемеровын можын амбан захирагшын үйлэдбэриин, унаа тээбэриин болон эд хэрэглэлгын талаар орлогшо[7].

2018 оной мартын 25-да Кемерово хотодо «Зимняя вишня» гэһэн худалдаа наймаанай-зугаасуулгын түбтэ туйлай ехэ түймэр боложо, тэндэ 60 хүн наһа бараа һэн. 2018 оной мартын 27-до Кемеровын ажаһуугшад гэнтын митингдэ гаража, Кемеровын можын амбан захирагша Аман Тулеевые болон Кемерово хотын захиргаанай хүдэлмэрилэгшэдые тушаалһаань буулгаха тухай, үнэн сэхэ, сэбэр мүрдэлгэ үнгэргэхэ, харюусалгатай бүхы хүнүүдые гэмнэхэ тухай эрилтэ табиһан байна. Тулеев энэ митингдэ ерээгүй, харин Кемеровын можын вице-губернатор Сергей Цивилёв хабаадаа[8][9]. Хожомынь Цивилёв энэл митинг дээрэ үгэ хэлэхэдээ, түймэртэ хосорогшодой түрэлхидһөө хүлисэл гуйжа, тэдэнэй урда үбдэг дээрэ һууһан байха юм[10].

Оросой Холбоото Уласай Гүрэнэй Дүүмэ 2024 оной майн 14-дэ Сергей Цивилёвые Орос гүрэнэй элшэ хүсэнэй сайдай тушаалда баталан абаба[11], тэрэл үдэр Оросой Холбоото Уласай Юрэнхылэгшэ Владимир Путин томилолго тухай зарлигта гараа табиба[12].

Кемеровын можын Амбан захирагша[Заһаха | үндэһэн бэшэгые заһабарилха]

Оросой Холбоото Уласай Юрэнхылэгшэ Владимир Путинтай ажалай уулзалга. Москва, Кремль, 2018 оной апрелиин 5

Амбан захирагша Аман Тулеевай тушаалһаа бууһанай удаа 2018 оной апрелиин 1-дэ Цивилёв Оросой Холбоото Уласай Юрэнхылэгшын зарлаһаар Кемеровын можын амбан захирагшын уялга дүүргэгшын тушаалда томилогдоһон байна[13][14].

Кемеровын можын Амбан захирагшын тушаалда дэбшүүлэгдэжэ, 2018 оной июлиин 16-да бүридхэлдэ ороһон байна.

2018 оной сентябриин 9-дэ Кемеровын можын Амбан захирагшын тушаалда 5 жэлээр һунгагдаһан байна. Сентябриин 17-до албан тушаалдаа ороо[15].

2018 оной декабриин 8-да «Ниитэ нэгэн Орос» гэһэн гүрэнэй бодолгын намай XVIII съездын түлөөлэгшэдэй абаһан шиидхэбэри дээрэ үндэһэлэн, тэрэ намай Дээдын Зүблэлэй бүридэлдэ оруулагдаһан байна[3].

2019 оной эсэстэ Кемеровын можын Захиргаанай коллеги Кемеровын можын Засагай газар болгогдожо шэнээр зохёогдоо. Тиигэжэ Амбан захирагша нэгэ дороо Засагай газарай түрүүлэгшэ болоһон байха юм.

2020 оной декабриин 21-һээ — Оросой Холбоото Уласай Гүрэнэй Зүблэлэй Президиумэй гэшүүн[16].

2021 онһоо Кемеровын можын — Кузбассай Засагай газарые Амбан захирагшын нэгэдэхи орлогшо хүтэлбэрилнэ.

2021 оной октябриин 1-дэ Сергей Цивилёв Орос гүрэнэй Юрэнхылэгшэ Владимир Путинтай уулзахадаа, Кемерово (мүнөө 540 мянган ажаһуугшадтай) болон Новокузнецк (мүнөө 580 мянган ажаһуугшадтай) хотонуудта бүхыдөө хубиин гэрнүүдые эбдэжэ усадхаад, шэнэ гэрнүүдые бариха замаар хүн зоной тоо нэгэ сая хүрэтэр нэмээхэ тухай дурадхал оруулһан байна. Гэхэтэй хамта Цивилёв «шухала инфраструктура байгуулха» түсэбтэй байһанаа мэдээсэбэ[17].

2023 оной март һарада Юрэнхылэгшэ Путин Кузбассай ниигэмэй-эдэй засагай хүгжэлтэдэ, сэрэгэй тусхай ябуулгада хабаадагшадай гэр бүлэнүүдые дэмжэхэ, Сибириин аяншалга хүгжөөхэ, тэрэ тоодо Таштаголой хадаһаа санаар һолжорхо зам һайжаруулха тухай Цивилёвой элидхэл зүбшөөһэн байна; 6500 км тухай зайда Номгон далайн онгосын буудалнуудта ашагта нүүрһэ шэрэхэ талаар Кузбассай орёо асуудалнуудта Путин анхаралаа хандуулаа, тиихэдэ ашаа тээбэриин ургажа байһантай холбоотойгоор БАМ болон Транссибириин түмэр замай абаашалгын шадабариие дээшэлүүлхэ хэрэгтэй, мүн тиихэдэ тэдэ соёлой кластерай дүүргэлтэ болон Кузбассай кадетскэ корпусуудые үргэдхэхэ тухай хэлсэбэ. Цивилёвэй Амбан захирагшын шэнэ болзорто нэрээ мэдүүлхэ хүсэлыень Юрэнхылэгшэ зүбшөөбэ[18].

2023 оной сентябриин 10-да һунгуулиин дүнгүүдээр Цивилёв 85,24 % һунгагшадай дуу абажа, Амбан захирагшын тушаалда үлэһэн байна[19].

Хэһээлтын хэмжээнүүд

[Заһаха | үндэһэн бэшэгые заһабарилха]

Еврохолбооной хэһээлтын хэмжээнүүдэй тобьёгто оруулагданхай (2022 оной июлиин 21-һээ). Ехэ Британай хэһээлтын хэмжээнүүдэй тобьёгто (2022 оной июниин 29-һөө нэмэгдээ[20][21]. 2023 оной февралиин 24-дэ Америкын Холбоото Штадуудай Гүрэнэй департамент Цивилёвые хэһээлтын хэмжээнэй тобьёгтоо оруулаа[22][21]. Мүн лэ Шэнэ Зеландиин, Украин Уласай, Швейцариин хэһээлтын хэмжээнүүд доро ябана.

Гэр бүлэ

[Заһаха | үндэһэн бэшэгые заһабарилха]

Ахань — Валерий Цивилёв, «Колмар групп» бүлгэмэй юрэнхы захирал.

Һамганиинь — Анна Евгеньевна Цивилёва, Оросой Холбоото Уласай Баталан хамгаалгын сайдай орлогшо 2024 оной июниин 17-һоо[23]. Энээнһээ урид, 2023 оной апрелиин 3-һаа «Эсэгэ ороноо хамгаалагшад» гэһэн гүрэнэй жасын түрүүлэгшээр томилогдоһон байгаа[24]. 2022 оной июниин 29-дэ Ехэ Британай хэһээлтын хэмжээнэй тобьёгто оруулагдаһан байна.

Үхибүүд — Антон ба Никита хүбүүдтэй.

Шагналнууд

[Заһаха | үндэһэн бэшэгые заһабарилха]
  • Хани барисаанай орден (2021 он октябриин 1) — Кемеровын можын — Кузбассай ниигэмэй-эдэй засагай хүгжэлтэдэ ехэ хубитаяа оруулһанайнгаа түлөө[25]
  • «Оросой Холбоото Уласай хамгаалгын хүсэ бэхижүүлгэдэ хубитаяа оруулһанай түлөө» медаль (Оросой Холбоото Уласай хамгаалгын яаман, 2019 он)[26].

Ажаглалтанууд

[Заһаха | үндэһэн бэшэгые заһабарилха]
  1. ↑ Госдума утвердила Цивилева министром энергетики (14.05.2024).
  2. ↑ Выборы губернатора Кузбасса выиграл Сергей Цивилёв
  3. ↑ 1 2 Ротация в составе Высшего Совета «Единой России» составила 16%. er.ru (2018-12-08). 2018-12-10 үдэртэ хандаһан.
  4. ↑ Сергей Цивилев: Родственники погибших мечтают восстановить свои семьи. И я сделаю все, что только могу, чтобы помочь им залечить раны. Новости Новокузнецка сегодня, новости дня, последние новости. 2018-12-11 үдэртэ хандаһан.
  5. ↑ KSL AG. Moneyhouse. 2018-04-01 үдэртэ хандаһан.
  6. ↑ Gunvor: Доля Тимченко в компании была продана 19 марта 2014 года. // top.rbc.ru. the original on 2015-06-19 2018-04-01 үдэртэ хандаһан.
  7. ↑ Пресс-центр | Администрация Кемеровской области
  8. ↑ Что происходит в Кемерово. Главное на данный момент. РБК. the original on 2018-03-29 2018-03-27 үдэртэ хандаһан.
  9. ↑ Тулеев попросил прощения лично у Путина за случившееся в Кемерово. the original on 2018-03-29
  10. ↑ Алена Мартынова. "Вице-губернатор Кемеровской области встал на колени перед родственниками погибших в "Зимней вишне"", Комсомольская правда, 2018-03-27. 2018-03-27. Archived from the original on 2018-03-27. 
  11. ↑ Госдума утвердила Цивилева министром энергетики (2024-05-14).
  12. ↑ Президент подписал указы о назначении членов Правительства Российской Федерации и директоров служб (2024-05-14).
  13. ↑ ВРИО губернатора Кемеровской области назначен Сергей Цивилёв
  14. ↑ Принята отставка Амана Тулеева (2018-04-01). 2018-04-01 үдэртэ хандаһан.
  15. ↑ Победивший на выборах губернатора Кузбасса Цивилев вступил в должность
  16. ↑ Распоряжение Президента Российской Федерации от 21.12.2020 № 310-рп ∙ Официальное опубликование правовых актов ∙ Официальный интернет-портал правовой информации. 2020-12-29 үдэртэ хандаһан.
  17. ↑ Глава Кузбасса предложил сделать два города миллионниками за счёт сноса частного сектора.
  18. ↑ Первый канал, 23 марта 2023. Владимир Путин провел встречу с губернатором Кемеровской области Сергеем Цивилевым
  19. ↑ "Предварительные итоги голосования на выборах высших должностных лиц субъектов Российской Федерации", 23-09-11 
  20. ↑ CONSOLIDATED LIST OF FINANCIAL SANCTIONS TARGETS IN THE UK.
  21. ↑ 1 2 Губернатор Кузбасса Сергей Цивилёв попал в санкционный список США (2023-02-26).
  22. ↑ The United States Takes Sweeping Actions on the One Year Anniversary of Russia’s War Against Ukraine (FEBRUARY 24, 2023).
  23. ↑ РБК, 17 июня 2024. Путин назначил жену министра энергетики замминистра обороны. Путин назначил жену министра энергетики Анну Цивилеву замминистра обороны
  24. ↑ Путин создал фонд поддержки участников СВО и семей погибших бойцов «Защитники Отечества»
  25. ↑ Указ Президента Российской Федерации от 1 октября 2021 года № 558 «О награждении государственными наградами Российской Федерации»
  26. ↑ Глава российского военного ведомства вручил награды за взаимодействие с Минобороны / mil.ru, 22 ноября 2019

Ссылкэнүүд

[Заһаха | үндэһэн бэшэгые заһабарилха]
ү·х·з
Кемеровын можын — Кузбассай Амбан захирагшад
Coat of arms of Kemerovo Oblast.svg
Standard of the Governor of Kemerovo Oblast.png
 
"https://bxr.ruwiki.ru/w/index.php?title=Цивилёв_Сергей_Евгеньевич&oldid=184890" хуудаһанһаа абтаһан