Чернышенко Дмитрий Николаевич

Сүлөөтэ Нэбтэрхы Толи — Википеэдиһээ
Чернышенко Дмитрий Николаевич
Dmitry Chernyshenko official portrait (government.ru).jpg
Флаг
Оросой Холбоото Уласай Засагай газарай түрүүлэгшын орлогшо
Флаг
 2020 оной январиин 21
(уялга дүүргэгшэ 2024 оной майн 7-13)
Засагай газарай түрүүлэгшэ Михаил Мишустин
Андрей Белоусов (уялга дүүргэгшэ)
Михаил Мишустин
Юрэнхылэгшэ Владимир Путин
Түрэһэн үдэр 1968 оной сентябриин 20(1968-09-20) (56 наһатай)
Болбосорол
Шагналнууд
Сайт government.ru
Логотип РУВИКИ.Медиа РУВИКИ.Медиа дахи Медиафайл

Чернышенко Дмитрий Николаевич 1968 оной сентябриин 20-до түрэһэн, СССР, РСФСР, Саратов хото) — оросой гүрэнэй ажаябуулагша, 2020 оной январиин 21-һээ Оросой Холбоото Уласай Засагай газарай Түрүүлэгшын тоогой эдэй засагай асуудалнуудай болон шэнэ аргануудые нэбтэрүүлгын талаар, холбооной, олондо мэдээсэл тараадаг хэрэгсэлнүүдэй, мүн соёлой, аяншалгын болон тамирай талаар орлогшо[1][2]. 2021 оной июлиин 19-һөө Приволжиин холбоото уласай тойрогой ажаглагша (куратор)[3].

2007 онһоо 2014 он болотор Сочи хотодо үнгэрһэн XXII Үбэлэй Олимпиин болон XI үбэлэй Паралимпиин наадануудай эмхидхэлэй хорооной түрүүлэгшэ байһан. 2014 оной ноябриин 28-һаа — Түби газарай хоккейнэ лигын юрэнхылэгшэ, ударидахы зургаанай түрүүлэгшэ. «Газпром-Медиа Холдинг» гэһэн эмхиин юрэнхы захирал ба ударидахы зургаанай түрүүлэгшэ. Мүн лэ 2018 оной октябриин 20-һоо «ГПМ Развлекательное ТВ» гэһэн хамтын холдинг хүтэлбэрилнэ[4][5].

2019 ондо Чернышенко Variety500 гэһэн тобьёгто хоёрдохиёо ороһон байна — дэлхэйн 500 эгээл нүлөөтэй, мэдээжэ хүнүүдэй тобьёг олондо мэдээсэл тараадаг хэрэгсэлнүүдэй нэгэн болохо Америкын «Variety» хэблэл эмхидхэһэн байна[6].

Намтар

[Заһаха | үндэһэн бэшэгые заһабарилха]
МОК-ой 119-дэхи хуралдаанай нээлгын баяр ёһололдо. Оросой Холбоото Уласай Юрэнхылэгшын зүүн талаһаань В. А. Фетисов, баруун тээһээнь — И. К. Роднина ба Д. Н. Чернышенко.
Гватемала, 2007 оной июлиин 3
Дмитрий Чернышенко Алас Дурна зүгтэ ажалай аяншалгын үедэ, 2021 он

Дмитрий Чернышенко 1968 оной сентябриин 20-до Саратов хотодо түрэһэн. Майкоп, Сочи хотонуудта үндыһэн [5][7].

«Станкин» гэһэн Москвагай гүрэнэй технологическэ ехэ һургуули «Автомат аргаар хэгдэдэг түсэлнүүдэй системэнүүд» (САПР) гэһэн мэргэжэлээр дүүргээд, системнэ инженерэй мэргэжэл абаа. Станкиндаа һуража байхадаа, тэрэ MMM-эй рекламада шугам зураг зуража, тэрэнэйнгээ түлөө түрүүшын түлбэри 1,500 $ абаһан байна[8][5].

Чернышенко 1989 онһоо 1991 он болотор Copris&M Co («Коприс-энд-м ко») гэһэн холбооной хамтын телекоммуникационно хамжаанда программистаар хүдэлөө.

1989 ондо Чернышенко «Станкин» гэһэн МГТУ-гай суг һурадаг нүхэдтэеэ хамта — СССР-эй түрүүшын компьютераар шугам зураг зурадаг студинуудай нэгэн болохо «Информатика Маркетинг Сервис» (ИМС) гэһэн хамжаан байгуулаа. 1991—1992 онуудта ИМС хамжаанай юрэнхы захиралай орлогшын тушаал эзэлһэн байна.

1992 онһоо 1994 он болотор — СФТ гэһэн рекламна агентствын захирал («СФТ-Реклама») (ИМС гэһэн багахан хамжааниинь СФТ гэһэн рекламна агентствэ болотороо үргэдхэгдэһэн).

Чернышенко 1993 ондо ИМС-эй бааза дээрэ байгуулагдаһан Media Arts гэһэн рекламна агентствын үндэһэ табижа хүдэлмэрилөө, удангүй Media Arts Group гэһэн рекламна холдинг болгоһон байна[8].

1998 онһоо 2002 он болотор Чернышенко «ДТВ-МА» гэһэн телевизионно бүтээлгын студиин юрэнхы захирал байһан, энэнь Media Arts Group холдинг D’Arсy TV («Д’Арси ТелеВижн») гэһэн рекламна ролигуудые буулгадаг хамжааниие худалдажа абаһанай үрэ дүндэ бии болоһон юм. «ДТВ-МА»-гай хэрэглэгшэдэй тоодо уласхоорондын түрүү бренднүүд болон рекламна агентствонууд ороно. Тус студи хадаа оросой болон уласхоорондын 30 гаран мүрысөөнүүдэй шагналнуудта хүртэһэн байна[9].

2002 ондо Чернышенко Media Arts Group холдингын ахамад дид-юрэнхылэгшэ боложо, холдинго дотор тамирай маркетингын һалбарида хүдэлхэ зорилготойгоор байгуулагдаһан Sportima хамжааниие хүтэлбэрилһэн байна[8].

Чернышенко 2005 оной ноябрь һарада Сочидо болоһон Олимпиин болон Паралимпиин наадануудые үнгэргэхэ эрхын түлөө тэмсэл ударидажа, «Сочи-2014» гэһэн мэдүүлгын хорооной юрэнхы захирал болоһон байна[10].

2007 онһоо 2014 он болотор Чернышенко Сочи хотодо 2014 оной Үбэлэй XXII Олимпиин ба XI Паралимпиин наадануудай эмхидхэлэй хорооной юрэнхылэгшэ байгаа[11][5].

2007 оной сентябриин 26-һаа Оросой Холбоото Уласай Юрэнхылэгшын дэргэдэхи бэеын тамирай соёл хүгжөөлгын болон тамирай, үндэр амжалтануудтай тамирай зүйлнүүдые хүгжөөхэ, мүн Сочи хотодо 2014 оной XXII Үбэлэй Олимпиин болон XI Үбэлэй Паралимпиин наадануудые бэлдэхэ болон үнгэргэхэ талаар Зүблэлэй Президиумэй гэшүүн байгаа[12]. В первый год членства (с 26 сентября 2007 года по 5 сентября 2008 года) занимал пост секретаря cовета[5].

2007 оной ноябриин 12-һоо — «Олимпстрой» гэһэн гүрэнэй нэгэдэлэй ажаглалтын зүблэлэй түрүүлэгшын орлогшо[13].

2014 оной октябрь һараһаа декабрь һара болотор Чернышенко олзын хэрэг эрхилэгшэ Геннадий Тимченкын зөөри ударидадаг «Volga Group» гэһэн шэнэ аргануудые нэбтэрүүлгын талаар хамжааниие хүтэлбэрилһэн байна[14].

2014 оной ноябриин 28-һаа хойшо Чернышенко түби газарай хоккейнэ лигын юрэнхылэгшэ болон правлениин түрүүлэгшэ байгаа[15]

2014 оной декабриин 23-һаа — Оросой хоккейн холбооной зүблэлэй гэшүүн.

2015 оной январиин 13-һаа Чернышенко «Газпром-Медиа Холдинг» хамжаанай захирал болон хүтэлбэриин зүблэлэй түрүүлэгшэ байгаа[16][5].

2016 онһоо — Үндэһэтэнэй рекламна холбооной захиралнуудай зүблэлэй түрүүлэгшэ[17]. «Оросой түмэр харгынууд» гэһэн ОАО-гой захиралнуудай зүблэлэй гэшүүн[18].

2020 оной январиин 21-дэ Чернышенко Оросой Холбоото Уласай Засагай газарай Түрүүлэгшын[19] тоогой эдэй засагай асуудалнуудай болон шэнэ аргануудые нэбтэрүүлгын талаар, холбооной, олондо мэдээсэл тараадаг хэрэгсэлнүүдэй, мүн соёлой, аяншалгын болон тамирай талаар орлогшоор томилогдоһон байна. «Тоогой эдэй засаг», «Соёл» гэһэн үндэһэтэнэй үйлэ хэрэгэй түсэбүүдые, мүн «Хүн зоной тоо бүридэл шэнжэлгэ» гэһэн үндэһэтэнэй түсэлэй «Тамир — ажабайдалай гурим» гэһэн холбоото уласай түсэлэй бэелүүлгэ ажагладаг. Тиихэдэ олондо мэдээсэл тараадаг хэрэгсэлнүүдэй болон шэнэ аргануудые нэбтэрүүлгын һалбарида гүрэнэй бодолгын асуудалнуудые, харилсаа холбооной һалбарида үнэ сэнгэй (тарифуудай) гүрэнэй гуримшуулга болон IT болон холбоо харилсаанай һалбарида гүрэнэй үйлэ хэрэгэй түсэбүүдэй бэелүүлгын түлөө харюусалгатай бшуу. Тиихэдэ Чернышенко илангаяа удха шанартай тамирай хэмжээ ябуулгануудые үнгэргэхэ, шажанай эмхинүүдтэй харилсаха үүргэтэй юм[1].

2024 оной майн 11-дэ Михаил Мишустин Засагай газарай Түрүүлэгшын орлогшын тушаалда Чернышенкын дэбжүүлгэ дурадхажа, Гүрэнэй Дүүмын үзэмжэдэ шэнэ засагай байгууламжа оруулһан байна[20]. Майн 13-да Гүрэнэй Дүүмэ тэрэниие энэ тушаал эзэлхыень зүбшөөбэ[21]. Майн 14-дэ Оросой Холбоото Уласай Юрэнхылэгшэ тэрэниие томилхо тухай зарлигта гараа табиба[22][5].

Чернышенко иимэ шэглэлнүүдэй түлөө харюусалгатай: ниитэ болон дунда мэргэжэлэй болбосорол, залуушуулай бодолго. Тэрэ үргэлжэлүүлэн харгалзалдаг: шэнэ аргануудые нэбтэрүүлгын талаар ажаябуулга, зохеомол ухаанай һалбарида эрдэм шэнжэлэлгын дэмжэлгэ. Чернышенко үндэһэтэнэй түсэлнүүдые элдүүрилхэ, бэелүүлхэ, хинаха ажал эрхилдэг: «Эрдэм ухаан ба дээдэ һургуулинууд», «Болбосорол», «Аяншалга ба зониие хүндэмүүшэ аягаар угталгын һалбари». Яаманууд болон захиргануудай ажал тэнсүүлдэг:

  • Оросой Холбоото Уласай эрдэм ухаанай болон дээдэ болбосоролой яаман;
  • Оросой Холбоото Уласай Гэгээрэлэй яаман;
  • Оросой Холбоото Уласай Тамирай яаман;
  • Оросой Холбоото Уласай Барилгын ба гэр байрын коммунальна ажахын яаман (үндэһэтэнэй түсэлэй хэмжээ ябуулганууд «Аяншалга ба зониие хүндэмүүшэ аягаар угталгын һалбарида»);
  • Эдэй засагай хүгжэлтын яаман (аяншалгын һалбарида гүрэнэй бодолгын бэелүүлгэ);
  • Ороcой Холбоото Уласай Тоо оньһото хүгжэлтын, хэлхеэ холбооной болон олоной харилсаанай яаман (олондо мэдээсэл тараадаг хэрэгсэлнүүдэй болон олоой харилсаанай һалбарида гүрэнэй бодолгын бэелүүлгэ);
  • Залуушуулай хэрэгүүдэй талаар холбоото уласай агентство;
  • Үндэһэтэнэй асуудалнуудай талаар холбоото уласай агентство (шажанай эмхинүүдтэй харилсаха асуудалнуудай талаар);
  • Болбосорол ба эрдэм ухаанай хиналтын талаар холбоото уласай албан[23].

2024 оной сентябриин 23-да Чернышенко «Интернет хүгжөөлгын дээдэ һургуули» гэһэн АНО-гой ажаглалгын зүблэлдэ Оросой Холбоото Уласай түлөөлэгшөөр томилогдоо[24]. Оросой Холбоото Уласай засагай газар 2025 оной февралиин 11-дэ Чернышенкые «Бэеын тамирай болон тамирай хүгжэлтэ» гэһэн гүрэнэй үйлэ хэрэгүүдэй түсэб бэелүүлгын комиссиин түрүүлэгшээр баталаа[25].

Чернышенко англи хэлэ мэдэдэг[26].

Гэр бүлэ

[Заһаха | үндэһэн бэшэгые заһабарилха]

Дмитрий Чернышенко һамгатай, хоёр басагатай. Тэрэ хадын санаар һонирходог, дайшалхы урлалнуудта дуратай[5].

Хэһээлтын хэмжээнүүд

[Заһаха | үндэһэн бэшэгые заһабарилха]

Украин Уласта 2022 ондо дайшалхы үйлэ хэрэгүүдэй эхилһэнэй һүүлдэ Чернышенко — Еврохолбооной, Ехэ Британай, Америкын Холбоото Штадуудай ба Шэнэ Зеландиин хэһээлтын хэмжээнүүд доро.

Шагналнууд ба туйлалтанууд

[Заһаха | үндэһэн бэшэгые заһабарилха]
«Эсэгэ ороной үмэнэ габьяатай байһанай түлөө» II шатын орденоор шагналга. 2014 оной мартын 24
  • «Эсэгэ ороной үмэнэ габьяатай байһанай түлөө» II шатын орден. (2014 оной мартын 24) — Сочи хотодо 2014 оной XXII ба XI Паралимпиин үбэлэй наадануудые эмхидхэхэ, үнгэргэхэ хэрэгтэ горитойхон хубитаяа оруулһан болон Оросой суглуулагдамал бүлэгүүдэй амжалтатай наадахые хангаһанайнгаа түлөө[27].
  • Хүндэлэлэй орден (2007 оной августын 6) — 2014 ондо XXII Үбэлэй Олимпиин болон XI Паралимпиин наадануудые угтан абаха эрхын түлөө Сочи хотын илалта хангаха ажалда эдэбхитэйгээр хабаадаһанай түлөө[28].
  • Хани барисаанай орден (Орос гүрэн) (2019 оной майн 23)[29].
  • Оросой Холбоото Уласай Юрэнхылэгшын Баярай бэшэг (2018 оной майн 30) — Оросой олониитын ниитэ-бодолгын ажабайдалда эдэбхитэйгээр хабаадаһанай түлөө[30].
  • «Оросой тамирай одод» гэһэн үндэһэтэнэй шангай лауреат (2008 он)[31].
конфессионально
  • Гэгээн Үнэн ашагта агууехэ хаан тайжа Александр Невскын II шатын орден (2021 оной декабриин 6) — Гэгээн Үнэн ашагта агууехэ хаан тайжа Александр Невскын түрэһөөр 800 жэлэй ойн баярай баяр ёһололой хэмжээ ябуулгануудые үнгэргэхэ хэрэгтэ туһалһан, хэһэн ажалайнь түлөө[32].
  • Гэгээн хутагта Сергий Радонежскиин II шатын орден (2014 оной августын 28) — Ородой үнэн алдартанай һүмын туһаламжа хараадаа абаһанай түлөө[33].
  • Гэгээн хутагта Сергий Радонежскиин III шатын орден (2006 оной январиин 30)[34].
тамирай

Ажаглалта

[Заһаха | үндэһэн бэшэгые заһабарилха]
  1. ↑ 1 2 Мишустин распределил обязанности между своими заместителями. РИА Новости (2020-01-28). 2020-01-29 үдэртэ хандаһан.
  2. ↑ Правительство России переходит в статус и.о. до назначения нового состава.
  3. ↑ Михаил Мишустин назначил кураторов федеральных округов.
  4. ↑ «Газпром-медиа» сменил руководство развлекательного субхолдинга // Коммерсантъ. Архивировано из первоисточника 11 октябрь 2018.
  5. ↑ 1 2 3 4 5 6 7 8 Энциклопедия ТАСС, 2024. Чернышенко, Дмитрий Николаевич. Заместитель председателя правительства РФ
  6. ↑ viapiuser (2018-08-28). Dmitry Chernyshenko. Variety. 2019-09-09 үдэртэ хандаһан.
  7. ↑ Дмитрий Соколов. Как сбывались мечты главы «Газпром-Медиа» Дмитрия Чернышенко Собеседник (журнал)|Собеседник № 37, 2015 год.
  8. ↑ 1 2 3 Ведомости (2007-10-25). «Все знали, что я из Сочи», - Дмитрий Чернышенко, гендиректор оргкомитета зимних Олимпийских игр Сочи-2014. www.vedomosti.ru. 2019-09-09 үдэртэ хандаһан.
  9. ↑ Визитка компании DTV-MA - Sostav.ru. www.sostav.ru. 2019-05-27 үдэртэ хандаһан.
  10. ↑ Ярослав КОРОБАТОВ | Сайт «Комсомольской правды» (2007-09-10). Дмитрий Чернышенко, глава Заявочного комитета «Сочи-2014»: $12 миллиардов инвестиций окупятся через 5 лет. KP.RU - сайт «Комсомольской правды». 2019-05-28 үдэртэ хандаһан.
  11. ↑ В России: Москва: Организационный комитет XXII Олимпийских зимних игр и XI Паралимпийских зимних игр 2014 года в г. Сочи (Москва) // ИА Спортком. sportcom.ru. 2019-09-09 үдэртэ хандаһан.
  12. ↑ Указ Президента Российской Федерации от 05.09.2008 г. № 1311. Президент России. 2019-09-09 үдэртэ хандаһан.
  13. ↑ Распоряжение Правительства Российской Федерации от 12 ноября 2007 года № 1604-р // tgost.ru. the original on 2014-02-23 2009-06-07 үдэртэ хандаһан.
  14. ↑ Кирилл Мельников, Анна Афанасьева (2014-10-06). Геннадий Тимченко подтянул олимпийский резерв. Volga Group возглавил Дмитрий Чернышенко. Коммерсантъ.
  15. ↑ Совет Директоров КХЛ избрал Дмитрия Чернышенко новым Президентом лиги
  16. ↑ Дмитрий Чернышенко назначен на должность Председателя Правления ОАО «Газпром-Медиа Холдинг»
  17. ↑ Эксперты ТПП РФ: одна из основных задач рекламного рынка – продвижение положительного образа предпринимателя в информационном пространстве. tpprf.ru. 2019-05-28 үдэртэ хандаһан.
  18. ↑ Совет директоров ОАО «РЖД»
  19. ↑ Дмитрий Николаевич Чернышенко - Правительство России. government.ru. 2020-01-29 үдэртэ хандаһан.
  20. ↑ О чем говорит новая конфигурация российского правительства (2024-05-11).
  21. ↑ Госдума утвердила Чернышенко заместителем председателя правительства (2023-05-13).
  22. ↑ Президент подписал указы о назначении членов Правительства Российской Федерации и директоров служб (2024-05-14).
  23. ↑ Михаил Мишустин утвердил распределение обязанностей между вице-премьерами (2024-05-17).
  24. ↑ "Чернышенко назначили представителем РФ в набсовете Института развития интернета", 2024-09-23. 2024-09-23. 
  25. ↑ Распоряжение Правительства Российской Федерации от 11.02.2025 № 292-р ∙ Официальное опубликование правовых актов.
  26. ↑ PwC Russia (2012-03-27). Video from Sochi 2014 President Dmitry Chernyshenko. 2019-05-27 үдэртэ хандаһан.
  27. ↑ Награждённые государственными наградами Российской Федерации
  28. ↑ Фонд поддержки олимпийцев России. www.olympians.ru. 2019-09-09 үдэртэ хандаһан.
  29. ↑ Алексей Прокин. Владимир Путин вручил государственные награды в Кремле. НТВ. 2019-09-09 үдэртэ хандаһан.
  30. ↑ Распоряжение Президента Российской Федерации от 30 мая 2018 года № 131-рп «О поощрении»
  31. ↑ В Сочи прошло вручение премии «Спортивные звезды России». Газета.Ru. 2019-09-09 үдэртэ хандаһан.
  32. ↑ В день памяти благоверного князя Александра Невского Предстоятель Русской Церкви совершил Литургию в Храме Христа Спасителя в Москве (6 декабря 2021). 2022-02-01 үдэртэ хандаһан.
  33. ↑ В праздник Успения Божией Матери Предстоятель Русской церкви совершил Литургию в Успенском соборе Московского Кремля (28 августа 2014). 2022-02-01 үдэртэ хандаһан.
  34. ↑ "Биография Дмитрия Чернышенко", 20.09.2023. 2024-05-06. 
  35. ↑ "IOC President says Thank You to Sochi", olympic.org, 2014-02-24. 2014-03-03. 

Ссылкэнүүд

[Заһаха | үндэһэн бэшэгые заһабарилха]
"https://bxr.ruwiki.ru/w/index.php?title=Чернышенко_Дмитрий_Николаевич&oldid=213031" хуудаһанһаа абтаһан