Фальков Валерий Николаевич
| Фальков Валерий Николаевич | |
|---|---|
 | |
|
| |
.png){kind=small} Оросой Холбоото Уласай Эрдэм ухаанай болон дээдэ болбосоролой сайд
 |
|
| 2020 оной январиин 21 (уялга дүүргэгшэ 2024 оной майн 7-13) |
|
| Засагай газарай түрүүлэгшэ |
Михаил Мишустин Андрей Белоусов (уялга дүүргэгшэ) Михаил Мишустин |
| Юрэнхылэгшэ | Владимир Путин |
| Урид ажаллаһан хүн | Михаил Котюков |
 Тюмениин гүрэнэй ехэ һургуулиин ректор
(уялга дүүргэгшэ 2012 оной октябрь — 2013 оной мартын 21) |
|
| 2013 оной мартын 21 — 2020 оной япвариин 21 | |
| Урид ажаллаһан хүн | Геннадий Чеботарёв |
| Халан абагша | Иван Романчук |
 Тюмениин можын дүүмын арадай һунгамал
 |
|
| 2016 оной сентябриин 18 — 2020 оной январиин 21 | |
 Тюмениин хотын дүүмын арадай һунгамал
.png){kind=small} |
|
| 2013 он — 2016 он | |
|
|
|
| Түрэһэн үдэр |
1978 оной октябриин 18 СССР, РСФСР, Тюмениин можо, Тюмень хото |
| Нам | Ниитэ нэгэн Орос |
| Болбосорол | Тюмениин гүрэнэй ехэ һургуули |
| Эрдэмэй зиндаа | хуули эрхын эрдэмэй дид-доктор, доцент |
| Мэргэжэл | хуулишан |
| Ажаябуулга | бодолгошон |
| Эрдэмэй ажаябуулга | |
| Эрдэм ухаанай һалбари | Хуули эрхын ухаан |
| Ажалладаг газар | Оросой Холбоото Уласай Эрдэм ухаанай болон дээдэ болбосоролой яаман |
 РУВИКИ.Медиа дахи Медиафайл | |
Фальков Валерий Николаевич (1978 оной октябриин 18-да түрэһэн, СССР, РСФСР, Тюмениин можо, Тюмень хото) — оросой гүрэнэй ажаябуулагша, 2020 оной январиин 21-һээ Оросой Холбоото Уласай Эрдэм ухаанай болон дээдэ болбосоролой сайд (2024 оной майн 7-13-да - уялга дүүргэгшэ). Эрдэмтэ хуули эрхэшэн.
Анхандаа (2013—2020 онуудта) Тюмениин гүрэнэй ехэ һургуулиин захирал байһан.
Намтар
Болбосорол
Тюмениин можын Казаниин аймагай Казанское һууринай Новоселезневскын дунда һургуули дүүргээ.
1995 ондо Тюмениин гүрэнэй ехэ һургуулиин хуули эрхын һалбарида һурахаяа орожо, 2000 ондо Гүрэн түрын болон хуули эрхын дээдэ һургуули «Хуули эрхын ухаан» гэһэн мэргэжэлээр дүүргэһэнэйнгээ удаа аспирантурада ороо, 2003 оной май һарада тэрэнээ болзорһоо урид дүүргэхэдээ, «Оросой Холбоото Уласай һунгуулиин идхалга эрхэ хуулиин талаар гуримшуулга» гэһэн дид-докторой солын эрдэмтэ хүдэлмэри хамгаалһан байна (эрдэмэй хүтэлбэрилэгшэ - Г. Н. Чеботарёв)[1].
Эрдэмэй-захиргаанай ажал
2003 онһоо 2007 он болотор Фальков — Тюмениин гүрэнэй ехэ һургуулиин Үндэһэн хуулиин ба нютагай засагай эрхын тэнхимэй даргын орлогшо, 2007 ондо тэнхимэй доцентын эрдэмэй нэрэ зэргэ олгогдоо.
2007 оной март һараһаа ноябрь һара болотор — Тюмениин гүрэнэй ехэ һургуулиин Гүрэнэй болон хуулиин дээдэ һургуулиин захиралай һуралсалай талаар орлогшо.
2007 онһоо 2011 он болотор Фальков — Тюмениин гүрэнэй ехэ һургуулиин захиралай нэмэлтэ болбосоролой болон һалбаринуудай талаар орлогшо, 2011 онһоо 2012 оной март болотор — Тюмениин гүрэнэй ехэ һургуулиин Хуули эрхын, эдэй засагай болон хүтэлбэриин дээдэ һургуулиин захирал байгаа.
2009 онһоо 2011 он болотор Фальков Тюмениин можын залуу эрдэмтэдэй болон мэргэжэлтэдэй зүблэлэй түрүүлэгшээр һунгагдаа (Орос гүрэн дотор эгээл ашаг үрэтэйгөөр ажалладаг гэжэ 2011 ондо тус зүблэл тоологдоо).
2012 оной октябрь һараһаа 2013 оной апрель болотор Фальков — Тюмениин гүрэнэй ехэ һургуулиин захиралай уялга дүүргэгшэ. 2013 оной мартын 21-дэ суг ажаллагшадай суглаан дээрэ Тюмениин гүрэнэй ехэ һургуулиин захиралаар һунгагдаһан байна. Оросой Холбоото Уласай Эрдэм ухаанай болон дээдэ болбосоролой яаманай шалган батадхалгын комиссиин шиидхэбэреэр 2018 оной апрелиин 17-һоо Фальков Тюмениин гүрэнэй ехэ һургуулиин захиралаар[2] томилогдожо, 2020 он болотор энэ тушаал эзэлжэ байгаа.
Тюмениин можын дээдэ һургуулинуудай захиралнуудай зүблэлэй түрүүлэгшээр 2015 оной апрелиин 30-да һунгагдаа. Оросой Холбоото Уласай дээдэ һургуулинуудай һуралсалай-онол аргын хуули эрхын болбосоролой талаар нэгэдэлэй президиумэй гэшүүн.
Тюмениин можын Амбан захирагшын захилаар Тюмениин гүрэнэй ехэ һургуулитай хамта «Сколково» гэһэн хүтэлбэриин һургуулиин бэелүүлжэ эхилһэн «Тюмениин можын ерээдүйн холын хараа: шэнэ үйлэдбэринүүд ба ажаллагшадай арга шадал» гэһэн һуралсалай программа Фальков харгалзалһан юм.
2020 оной январиин 21-дэ В. Н. Фальков Михаил Мишустинай хүтэлбэрилһэн засагай газарта Оросой Холбоото Уласай Эрдэм ухаанай болон дээдэ болбосоролой сайдаар томилогдоо.
Валерий Фальков 2024 оной майн 14-дэ Оросой Холбоото Уласай Эрдэм ухаанай болон дээдэ болбосоролой сайдай тушаалда Гүрэнэй Дүүмээр дахинаа баталагдаа[3], тэрэл үдэрынь Оросой Холбоото Уласай Юрэнхылэгшэ томилхо тухай зарлигта гараа табяа[4].
Олониитын ажаябуулга
Бэлигтэй үхибүүдые бэдэрхэ болон тэдэниие хүгжөөхэ гурим Тюмениин нютаг можодо байгуулха зорилготойгоор һурагшадта зорюулагдаһан нютаг можонууд хоорондын олон шэглэлтэ «Менделеев» олимпиада зохёон байгуулагша ба эмхидхэгшэ байһан, 2011 он.
2012 оной март һараһаа «Орос гүрэнэй хуули эрхэшэдэй эблэл» гэһэн Бүгэдэ Оросой ниитын эмхиин нютаг можын таһагай түрүүлэгшын орлогшо, тус эблэлэй Тюмениин хотын таһагай түрүүлэгшэ.
2006 онһоо 2013 он болотор — Тюмениин можын һунгуулиин комиссиин шиидхэхэ дуутай гэшүүн.
2013 онһоо 2016 он болотор — Тюмениин хотын Дүүмын 6-дахи зарлалай һунгамал, «Ниитэ нэгэн Орос» намай нютаг можын бодолгото зүблэлэй гэшүүн, Тюмениин хотын Дүүмын хотын барилгын болон газарай харилсаанай талаар саг үргэлжын комиссиин түрүүлэгшэ. 2016 оной сентябриин 18-һаа 2020 оной январиин 21 болотор — нэгэ мандадтай 17-дохи һунгуулиин тойрогһоо һунгагдаһан Тюмениин можын Дүүмын һунгамал.
Оросой Холбоото Уласай Үндэһэн хуулида хубилалтануудые оруулха тухай дурадхалнуудые бэлдэхэ талаар ажалай бүлэгтэ 2020 ондо ородог байгаа[5].
«Тобольск ба бүгэдэ Сибирь» альманахай эрхилэлгын зүблэлэй түрүүлэгшэ.
Эрхэтэдые хуули эрхын талаар Тюмениин можодо гэгээрүүлгын «Хуули эрхын нээмэл һургуули» гэһэн түсэл үүсхэгшэ.
2014 онһоо Оросой Холбоото Уласай Юрэнхылэгшын харгалзалга доро байдаг хүтэлбэрилхы ажалшадай нөөсын бүридэлдэ ородог юм[6].
Тюмениин можын ажалшадай саг үргэлжын бүридэл адаглан шалгалгын болон мэргэжэлтэдэй хэрэгсээ хангаха уридшалан мэдэлгын мэргэжэлтэ шүүбэришэдэй зүблэлдэ 2015 оной июнь һараһаа ороо.
2018 оной декабриин 25-һаа Оросой Холбоото Уласай Юрэнхылэгшын дэргэдэхи Эрдэм ухаанай болон болбосоролой зүблэлэй бүридэлдэ ороһон[7].
Оросой Холбоото Уласай Юрэнхылэгшын 2024 оной декабриин 27-ой № 1120 дугаарай «Түүхын болбосоролой талаар захиргаанууд хоорондын комиссиин асуудалнууд» гэһэн зарлигай ёһоор 2024 оной декабриин 27-до Түүхын болбосоролой талаар захиргаанууд хоорондын комиссиин президиумэй бүридэлдэ оруулагдаһан байна[8].
Шагналнууд ба нэрэ зэргэнүүд
- Оросой Холбоото Уласай Болбосоролой болон эрдэм ухаанай яаманай (2003) ба Тюмениин можын Амбан захирагшын (2008) Хүндэлэлэй бэшэгүүд
- Тюмениин можын Амбан захирагшын баярай бэшэг (2008)
- Тюмениин можын Дүүмын Хүндэлэлэй энгэрэй тэмдэг (2009 он)
- «Юрист года — 2014» гэһэн Тюмениин можын эрхэ хуулиин дээдэ шагналда хүртэгшэ.
- Оросой Холбоото Уласай Юрэнхылэгшын Ураалай федеральна тойрогой бүрин эрхэтэ түлөөлэгшын баярай бэшэг (2015 он).
- Тюмениин можын Болбосоролой болон эрдэм ухаанай департаментын баярай бэшэг (2015 он).
- Оросой Холбоото Уласай Федеральна Суглаанай Холбоото уласай Зүблэлэй Түрүүлэгшын баярай бэшэг (2017 он).
Ажаглалта
- ↑ Просмотр документа — dlib.rsl.ru.
- ↑ Приказ от 10 апреля 2018 г. № 12-07-03/50.
- ↑ Госдума утвердила Фалькова министром науки и высшего образования (14.05.2024).
- ↑ Президент подписал указы о назначении членов Правительства Российской Федерации и директоров служб (2024-05-14).
- ↑ Источник.
- ↑ Список лиц, включённых в резерв управленческих кадров,находящихся под патронажем Президента Российской Федерации.
- ↑ См. Указ Президента Российской Федерации от 25.12.2018 № 748 «О внесении изменений в состав Совета при Президенте Российской Федерации по науке и образованию и в состав президиума этого Совета, утверждённые Указом Президента Российской Федерации от 16 ноября 2017 г. № 550» Архивная копия от 12 январь 2021 на Wayback Machine
- ↑ Указ Президента Российской Федерации от 27.12.2024 № 1120 ∙ Официальное опубликование правовых актов (27.12.2024).
Ссылкэнүүд
- Страница на сайте Министерство науки и высшего образования Российской Федерации
- В. Н. Фальковнедоступная ссылка на сайте депутатов партии «Единая Россия»
| В библиографических каталогах |
|---|
| Оросой Холбоото Уласай хүсэндөө байгаа Засагай газар | |
|---|---|
| Түрүүлэгшэ | |
| Нэгэдэхи орлогшо | |
| Орлогшонор |
|
| Сайдууд |
|
- Хэбүүдэй дуудалганууд соо дабтагдадаг үндэһэн баримтануудые хэрэглэдэг хуудаһанууд
- Хуули эрхын эрдэмэй дид-доктор
- Мэдээжэ хүнүүд алфавидай ёһоор
- Рувики:Хүдэлдэггүй ссылкэнүүдтэй статьянууд
- Оросой Холбоото Уласай Эрдэм ухаанай ба дээдэ болбосоролой сайдууд
- Хуули эрхын эрдэмэй дид-докторнууд
- «Ниитэ нэгэн Орос» намай гэшүүд
- Мишустинай толгойлһон Засагай газар