Кравцов Сергей Сергеевич

Сүлөөтэ Нэбтэрхы Толи — Википеэдиһээ
Рувикидэ иимэ обогтой ондоо хүнүүд тухай үгүүлэлнүүд бии Кравцов.
Кравцов Сергей Сергеевич
Sergey Kravtsov 12.03.2020.jpg
Флаг
Оросой Холбооото Уласай Гэгээрэлэй сайд
Флаг
 2020 оной январиин 21
(уялга дүүргэгшэ 2024 оной майн 7—13)
Засагай газарай түрүүлэгшэ Михаил Мишустин
Андрей Белоусов (уялга дүүргэгшэ)[1]
Юрэнхылэгшэ Владимир Путин
Урид ажаллаһан хүн Ольга Васильева
Флаг
Болбосоролой болон эрдэм ухаанай һалбари хинаха талаар холбоото уласай албанай хүтэлбэрилэгшэ
Флаг
2013 оной августын 8 — 2020 оной январиин 21
Засагай газарай түрүүлэгшэ Дмитрий Медведев
Юрэнхылэгшэ Владимир Путин
Урид ажаллаһан хүн Иван Муравьев
Халан абагша Анзор Музаев
Түрэһэн үдэр 1974 оной мартын 17
СССР, РСФСР, Москва хото
Нам Ниитэ нэгэн Орос
Болбосорол Москвагай гүрэнэй нээмэл багшын ехэ һургуули,
МГИМО
Эрдэмэй зиндаа Һурган хүмүүжүүлгын эрдэмэй доктор
Эрдэмэй нэрэ зэргэ доцент
Шагналнууд
RUS Honorary Worker of Higher Professional Education 2004 ribbon.svg Медаль «За честь и мужество» (Кемеровская область)
Логотип РУВИКИ.Медиа РУВИКИ.Медиа дахи Медиафайл

Серге́й Серге́евич Кравцо́в (1974 оной мартын 17-до Москва хотодо түрэһэн) — оросой гүрэнэй ажаябуулагша. 2020 оной январиин 21-һээ хойшо Оросой Холбооото Уласай Гэгээрэлэй сайд (2024 оной майн 7—13 уялга дүүргэгшэ). Һурган хүмүүжүүлгын эрдэмэй доктор (2007), доцент. Оросой Холбоото Уласай Гүрэнэй 3-дахи зэргын зүблэгшэ (2013). 2013 оной августын 8-һаа 2020 оной январиин 21 болотор Болбосоролой болон эрдэм ухаанай һалбари хинаха талаар холбоото уласай албанай хүтэлбэрилэгшэ. 2021 оной декабриин 4-һөө — «Ниитэ нэгэн Орос» гэһэн намай юрэнхы зүблэлэй гэшүүн[2].

Намтар

[Заһаха | үндэһэн бэшэгые заһабарилха]

Сергей Кравцов 1974 оной мартын 17-до Москва хотодо түрэһэн намтартай юм[3]. Эсэгэнь инженерэй мэргэжэлтэй, «Энергия-Буран» гэһэн замбуулинда ниидэхэ онгосын түсэл дээрэ хүдэлөө. Эжынь — багша, «Информатика в школе» сэтхүүлэй ахамад редактор[4].

1996 ондо Кравцов Москвагай гүрэнэй нээмэл багшанарай ехэ һургуули (2006 онһоо — М. А. Шолоховай нэрэмжэтэ Москвагай гүрэнэй соёл түүхын ехэ һургуули, 2015 ондо тус ехэ һургуули Москвагай гүрэнэй багшанарай ехэ һургуулитай нэгэдүүлэгдэһэн) «тоо бодолгын ба информатикын багша» гэһэн мэргэжэлээр эрхимээр дүүргээ[3]. 1994—1996 онуудта Москва хотын 176-дахи һургуулида тоо бодолгын багшаар хүдэлмэрилөө[5].

1997 онһоо 2002 он болотор Кравцов Оросой Болбосоролой академиин Болбосоролой хүтэлбэриин институдта хүдэлмэжэ, бага зэргын эрдэмэй хүдэлмэрилэгшэ, эрдэмэй хүдэлмэрилэгшэ, ахамад эрдэмэй хүдэлмэрилэгшэ, лаборатори даагша гэһэн тушаалнуудые эзэлээ. Оросой Холбоото Уласай Гадаадын хэрэгүүдэй яаманай Москвагай гүрэнэй уласхоорондын харилсаанай дээдэ һургуули «хари хэлэ мэдэхэ гүрэнэй болон нютагай засагай захиргаанай хүтэлбэри» гэһэн мэргэжэлээр 2000 ондо дүүргээ[3].

2002 онһоо Кравцов Оросой Холбоото Уласай Болбосоролой болон эрдэм ухаанай яаманда хүдэлмэрилжэ эхилээ. 2004 онһоо 2008 он болотор Болбосоролой болон эрдэм ухаанай һалбари хинаха талаар холбоото уласай албанай хүтэлбэрилэгшэ Виктор Болотовой туһалагшаар ажаллаһан байна[3].

2008 ондо ЕГЭ тушааха гурим зохёожо байһан «Холбоото уласай туршалгын түб» гэһэн холбоото уласай гүрэнэй эмхи зургаанай захиралай тушаалда томилогдоо. 2009 ондо Оросой Болбосоролой академиин Болбосорол хүтэлбэрилгын дээдэ һургуули ударидаа[3].

2011 оной апрель һарада Кравцов Оросой Холбоото Уласай Болбосоролой болон эрдэм ухаанай яаманай нютаг можын хүгжэлтын департаментын захиралай тушаалда томилогдоо; мүн лэ 2011 ондо «Болбосоролой хүдэлмэрилэгшэдэй мэргэжэлээ дээшэлүүлгын болон мэргэжэлэй дабтаһан бэлэдхэлгын академи» гэһэн холбоото уласай гүрэнэй эмхи зургаанай захиралай уялгануудые дүүргэгшын тушаал эзэлһэн байна[3]. 2012 оной июль һарада Болбосоролой болон эрдэм ухаанай яаманай үйлэ хэрэгүүдэй хүтэлбэриин болон мүрысөөнүүдые эмхидхэлгын гуримай таһагай захиралай тушаалда томилогдоо[3].

2013 оной августын 8-да Засагай газарай захирамжаар Болбосоролой болон эрдэм ухаанай һалбаридахи хиналтын талаар холбоото уласай албанай хүтэлбэрилэгшын тушаалда томилогдожо, Иван Муравьевые һэлгэһэн юм. Хиналтын албанай яаманай бүридэлдэ ородог хадань, 2017 оной октябриин 28-һаа 2018 оной майн 24 болотор Кравцов Оросой Холбоото Уласай Болбосоролой болон эрдэм ухаанай сайдай орлогшын — Рособрхиналтын хүтэлбэрилэгшын тушаал эзэлжэ хүдэлмэрилөө. 2018 ондо Болбосоролой болон эрдэм ухаанай һалбаридахи хиналтын талаар холбоото уласай албан Засагай газарай мэдэлдэ үгтэһэн байна; 2018 оной майн 24-дэ тэрэнэй хүтэлбэрилэгшөөр Кравцов дахинаа томилогдоо[3].

2020 оной январиин 21-дэ Кравцов Оросой Холбоото Уласай Гэгээрэлэй яаманиие толгойлоо[6].

2021 оной декабриин 4-дэ «Ниитэ нэгэн Орос» намай юрэнхы зүблэлэй бүридэлдэ Кравцов ороһон, хүтэлбэрилхы зургаануудай һэлгэлтын үедэ намай ехэ хуралдаан тэрэ баталагдаһан байгаа[7]. Тэрэл зүблөөн дээрэ Кравцовто «Ниитэ нэгэн Орос» намай гэшүүнэй үнэмшэлгэ барюулагдаа һэн[8].

2024 оной майн 14-дэ Гүрэнэй дүүмээр гэгээрэлэй сайдаай тушаалда Кравцов дахинаа баталагдаа[9], тэрэ үдэртөө томилолго тухай зарлигта Оросой Холбоото Уласай Юрэнхылэгшэ гараа табиһан юм[10].

Эрдэмэй ажаябуулга

[Заһаха | үндэһэн бэшэгые заһабарилха]

«Мультимедиагай арга зүй хэрэглэн, муугаар һурадаг һурагшадтай тоо бодолгоор хэшээлнүүдые үнгэргэхэ онол арга» гэһэн эрдэмэй дид-докторой диссертаци Кравцов 1999 ондо хамгаалһан[3]. «Оросой Холбоото Уласай һургуулинуудта мэргэжэлтэ һуралсал эмхидхэлгын теори болон дадал» гэһэн сэдэбээр һурган хүмүүжүүлгын эрдэмэй докторой диссертаци Оросой болбосоролой академиин Һуралсалай удхын ба һургалгын онол аргын институдта Кравцов 2007 ондо хамгаалһан байха юм[3] (албан ёһоной шүүмжэлхы ёһоор харагшад А. В. Баранников, В. И. Блинов ба В. С. Данюшенков). Кравцовой бэшэһэн докторой диссертаци дотор хулгай бэшэлгэ (плагиат) бии гэжэ 2013 оной август һарада Гүрэнэй дүүмын һунгамал В. В. Бурматов мүн баһа зэмэлһэн юм[11].

Гэр бүлэ

[Заһаха | үндэһэн бэшэгые заһабарилха]

Сергей Кравцов һамгатай, хоёр үхибүүтэй[3].

Хэһээлтын хэмжээнүүд

[Заһаха | үндэһэн бэшэгые заһабарилха]

Украин Уласта дайшалхы үйлэнүүдэй эхилһэнэй һүүлдэ Кравцов Еврохолбооной[12], Канадын, Америкын Холбоото Штадуудай, Ехэ Британай, Швейцариин, Австралиин, Шэнэ Зеландиин хэһээлтын хэмжээнүүд доро ороһон.

Шагналнууд

[Заһаха | үндэһэн бэшэгые заһабарилха]

Кравцов олон шагналнуудта хүртэһэн байна, тэрэ тоодо:

  • Оросой Холбоото Уласай Засагай газарай зүгһөө баяр баясхаланай бэшэг (2016 оной апрелиин 6) — «дотоодын болбосоролой шанар сэгнэхэ системые хүгжөөлгэдэ горитойхон хубитаяа оруулһанай түлөө, бодото байһан соонь гүрэнэй нэгэдэмэл шалгалта үнгэргэхэ онол аргануудые һайжаруулхын ажал ябуулһанайнгаа түлөө»[3][13];
  • «Оросой Холбоото Уласай дээдэ мэргэжэлэй болбосоролой хүндэтэ хүдэлмэрилэгшэ» гэһэн нэрэ зэргэ[14];
  • Оросой Холбоото Уласай Болбосоролой болон эрдэм ухаанай яаманай Хүндын бэшэг[14];
  • «Нэрэ хүндын ба эрэлхэг зоригой түлөө» медаль (Кемеровын можо; 2015 он)[15];
  • «Гүрэнэй ажаябуулагша» (2021) гэһэн шэглэлээр Оросой Еврейнүүдэй бүлгэмүүдэй нэгэдэлнүүдэй шагнал — «ниитэ болбосоролой системэдэ Оросто ажаһуудаг арадуудай үндэһэтэнэй болон соёлой заншалнуудые дэмжэһэнэй түлөө» шагнал[16].

Ажаглалтанууд

[Заһаха | үндэһэн бэшэгые заһабарилха]
  1. ↑ Исполнял обязанности главы Правительства Российской Федерации с 30 апреля по 19 мая 2020 года.
  2. ↑ Энциклопедия ТАСС, 2024. Кравцов, Сергей Сергеевич. Министр просвещения РФ
  3. ↑ 1 2 3 4 5 6 7 8 9 10 11 12 Кравцов, Сергей Сергеевич. Энциклопедия. ТАСС. 2018-06-26 үдэртэ хандаһан.
  4. ↑ Борисов А. От учителя до министра // Санкт-Петербургские ведомости. — 2020. — 7 февр.
  5. ↑ Сергей Сергеевич Кравцов - Правительство России. government.ru. 2020-03-02 үдэртэ хандаһан.
  6. ↑ Что известно о новом министре просвещения. ТАСС (2020-01-21). 2021-02-15 үдэртэ хандаһан.
  7. ↑ Сергей Кравцов вошёл в состав Генсовета «Единой России». Официальный сайт Министерства просвещения РФ (2021-12-04).
  8. ↑ Медведев вручил партбилеты "Единой России" руководству ДНР и ЛНР. ТАСС (2021-12-04).
  9. ↑ Госдума утвердила Кравцова на пост министра просвещения России (14.05.2024).
  10. ↑ Президент подписал указы о назначении членов Правительства Российской Федерации и директоров служб (2024-05-14).
  11. ↑ Депутат обвинил нового главу Рособрнадзора в плагиате. РБК (2013-08-12).
  12. ↑ Official Journal of the European Union // COUNCIL REGULATION (EU) 2022/2474. — Т. Volume 65. — С. 499. Архивировано из первоисточника 24 декабрь 2022.
  13. ↑ Распоряжение Правительства Российской Федерации от 06.04.2016 № 599-р "О поощрении Правительством Российской Федерации". Официальный интернет-портал правовой информации. 2018-06-26 үдэртэ хандаһан.
  14. ↑ 1 2 Кравцов Сергей Сергеевич. Официальный сайт Министерства просвещения РФ. 2020-01-22 үдэртэ хандаһан.
  15. ↑ Глава Рособрнадзора награжден медалью Кемеровской области «За честь и мужество» (2015-12-11). 2020-09-21 үдэртэ хандаһан.
  16. ↑ Академик Гинцбург и министр Кравцов стали лауреатами премии Федерации еврейских общин. Интерфакс (2021-11-29).

Ссылкэнүүд

[Заһаха | үндэһэн бэшэгые заһабарилха]
"https://bxr.ruwiki.ru/w/index.php?title=Кравцов_Сергей_Сергеевич&oldid=213401" хуудаһанһаа абтаһан