Дашабылов Георгий Цыренович

Георгий Цыренович Дашабылов
Түрэһэн һара/үдэр	1938 оной июниин 3(1938-06-03)
Түрэһэн газар	Ушхайта[d], «Хэжэнгын һомон» хүдөөгэй һуурин[d], Хэжэнгын аймаг, Буряадай АССР[d], РСФСР, Зүблэлтэ холбоото улас
Наһа бараһан һара/үдэр	1993 оной
Наһа бараһан газар	Улаан-Үдэ, Оросой Холбоото Улас
Эрхэтэнэй эрхын байдал	СССР   Орос гүрэн
Ажаябуулгын шэглэл	Ирагуу найрагша, сэдхүүлшэн, оршуулагша
Зохёохы ажалай жэлнүүд	1963 - 1993
Шэглэл	социалис реализм
Жанр	уран шүлэг, публицистикэ, прозо
Уран зохёолой хэлэн	буряад хэлэн, ород хэлэн
Шан	Ярослав Гашегай нэрэмжэтэ Буряадай журналистнуудай Холбооной шангай лауреат

Гео́ргий Цыре́нович Дашабы́лов (1938 оной июниин 3(1938-06-03), Ушхайта^[d], Буряадай АССР^[d] түрэһэн — 1993 оной, Улаан-Үдэ наһа бараһан) — зүблэлтын поэт, прозаиг, драматург, Буряадай соёлой габьяата хүдэлмэрилэгшэ.

Намтар

Тэрэ 1938 оной июниин 3-да Буряад-Монголой АССР-эй Хэжэнгын аймагай Ушхайта нютагта түрэһэн юм. Дунда һургуулида һураһанайнгаа удаа колхоздоо хүдэлөө. Зүблэлтын Армида алба хээд, Доржо Банзаровай нэрэмжэтэ Буряадай гүрэнэй багшанарай дээдэ һургуулида һураа. «Буряад үнэн» сониндо, «Байгал» сэдхүүлдэ сурбалжалагшаар хүдэлөө.

1993 ондо наһа бараа.

Зохёохы зам

Георгий Дашабылов шүлэгүүдэй, рассказуудай болон туужануудай 10 гаран согсолбори бэшэһэн юм. Буряад хэлэн дээрэ:

• «Хабарай бэшэгүүд» (1966)
• «Ногоон туужа» (1969)
• «Суутайн сагаан хулагшан» (1971)
• «Нютагайм һэбшээн» (1972)
• «Дугы» (1975)
• «Хэжэнгэ» (1978)
• «Мүнгэн хутага» (1980)
• «Түрүүшын бороо» (1984)
• «Зунай үдэшэ» (1988)
• «Үглөөгүүр» (1992)
• «Тэрэ хабарай ургынууд» (1998)
• «Мүшэтэ огторгой» (2013)
• «Нютагай утаан» (2023)

Москвагай «Современник» хэблэлдэ «Весенние письма» (1979) гэжэ шүлэгүүдэй согсолбори ород хэлэн дээрэ оршуулагдан хэблэгдээ һэн.

«Эртын жэргэмэл» (1974), «Гараса дээрэ» (1982) гэһэн туужанууд болон рассказуудай согсолборинуудые бэшээ. Хуса Намсараевай нэрэмжэтэ буряадай гүрэнэй академическэ драмын театрай тайзан дээрэ «Тэрэ хабарай Ургынууд» гэжэ зүжэгынь табигдаа. Мүн дуунуудай үгэнүүдые зохёодог, оршуулга хэдэг, «Буряад үнэн» сониндо очеркнуудые бэшэдэг байгаа.

Шагналнууд ба шангууд

• «Буряадай соёлой габьяата хүдэлмэрилэгшэ» гэһэн нэрэ зэргэ;
• Ярослав Гашегай нэрэмжэтэ Буряадай журналистнуудай Холбооной шангай Лауреат.

Дурасхаал

2023 ондо Георгий Дашабыловай түрэһөөр 85 жэлэй ойн баяраар «2023 оной тугта ба дурасхаалта үдэрнүүдэй Литэдэ» албан ёһоор оруулагдажа, Буряад уласай гүрэнэй архивай ба Буряадай үндэһэтэнэй номой сангай бэлдэһэн байна."

Ажаглалтанууд

Ссылкэнүүд

• «Мой поэтический город»: К 80-летию поэта Георгия Дашабылова (ород хэлэн). Дата обращения: 17 май 2026.
• Национальная библиотека приглашает на встречу с поэтом Георгием Дашабыловым (ород хэлэн). Дата обращения: 17 май 2026.
• Мүшэтэ огторгой (ород хэлэн). Дата обращения: 17 май 2026.