Модогоев Андрей Урупхеевич

Андрей Урупхеевич Модогоев
КПСС-эй Буряадай обкомай нэгэдэхи секретарь
1962 оной июниин 12 — 1984 оной январиин 7
Урид ажаллаһан хүн	Филиппов, Василий Родионович
Халан абагша	Беляков, Анатолий Михайлович
Түрэһэн үдэр	1915 оной январиин 15(1915-01-15) Загатуй[d], Баяндаевский район[d], Эрхүү можо, РСФСР
Наһа бараһан үдэр	1989 оной октябриин 29(1989-10-29) (74 наһатай) Москва, Зүблэлтэ холбоото улас
Нам	КПСС
Шагналнууд

Андре́й Урупхе́евич Модого́ев(1915 оной январиин 15(1915-01-15), Загатуй^[d], Эрхүү можо түрэһэн — 1989 оной октябриин 29(1989-10-29) (74 наһатай), Москва наһа бараһан) — совет гүрэнэй болон партийна ажал ябуулагша, КПСС-эй Буряадай обкомой нэгэдэхи секретарь (1962—1984).

Намтар

Эрхүүгэй губерниин Загатуй нютагта (мүнөө Эрхүүгэй можын Баяндайн аймагай тосхон) таряашанай бүлэдэ түрэһэн юм.

1932 онһоо 1939 он болотор багшалаа.

1939 онһоо комсомолой болон партийна хүдэлмэридэ ябаа. 1943 онһоо 1944 он болотор ВКП(Б)-гэй Буряад — Монголой обкомой секретарь, 1952 онһоо 1954 он болотор Буряад-Монголой АССР — эй министрнүүдэй Соведэй түрүүлэгшын орлогшо, 1957 онһоо 1960 он болотор КПСС-эй ЦК-гай инструктор байгаа.

1960 оной ноябрьһаа 1962 оной июнь болотор Буряадай АССР — эй Министрнүүдэй Соведэй түрүүлэгшэ байгаа.

1962 оной июниин 12 — һоо 1984 оной январиин 7 болотор КПСС-эй Буряадай обкомой нэгэдэхи секретарь юм. Тэрэнэй тушаалда байха үедэ хэдэн арбаад шэнэ үйлэдбэринүүд хүсэндэнь оруулагдаа, тэдэнэй тоодо: Сэлэнгын целлюлозно-картон комбинат, Улаан-Үдын хүүргын түмэр армагуудай завод, дээдэ трикотажай фабрика, «Амта» кондитерска фабрика, мяханай комбинадта шубуу болбосоруулгын завод. Тэрэнэй дэргэдэ Байгал-Амарай түмэр замай Буряад участогай барилга, Галуута Нуурай ГРЭС, ТЭЦ-2, Холбольжын ба Түгнын нүүрһэнэй хахалбаринууд болон бусад олон объектнүүдые барилга ба хабсаралга эхилһэн байна.

КПСС-эй ЦК-гай гэшүүн 1971 онһоо 1986 он болотор (КПСС-эй ЦК-гай гэшүүндэ кандидат 1966 онһоо 1971 он болотор). СССР-эй Верховно Соведэй Депутат 1962 онһоо 1984 он болотор.

1984 онһоо — союзна удха шанартай тусгаар пенсионер, Москва хото.

Аша басаганиинь россиин искусствовед, гэшүүн-корреспондент РАХ Бороноева Татьяна Анатольевна. Мүнөө Ц. Ц. Сампиловай нэрэмжэтэ уран һайханай музейн захирал.

Номуудай автор

• Годы и люди / А. У. Модогоев. — Улан-Удэ : Соѐл, 1993. — 144 с. : ил.
• Дружбой ленинской сильны / А. У. Модогоев. — Улан-Удэ : Бурят. кн. изд-во, 1983. — 48 с.
• Путь, равный столетиям / А. У. Модогоев. — Улан-Удэ : Бурят. кн. изд-во, 1977. — 61 с.

Дурасхаал

Улаан-Үдэдэ 2004 ондо хуушан шэрэм хүшөөгэй орондо А. У. Модогоевой нэрыень зүүһэн сэсэрлиг соо Буряад Уласай Арадай Хуралай байшанай дэргэдэ шэнэ хүрэл хүшөө-Буряадай уран барималша А. М. Мироновой бүтээһэн сээжэ бэеын дүрсэ табигданхай. Хуушан хүшөө А. У. Модогоевой тоонто Эрхүү можын Баяндайн аймагай Загатуй тосхондо асарагдажа, мүн тэрэнэй нэрэ зүүһэн нютагай һургуулиин дэргэдэ тодхогдоо. Модогоевой нэрээр Улаан-Үдэ, Хяагта, Усть-Ордын, Загатуй хотонуудай гудамжанууд нэрлэгдэнхэй.

Ном зохёол

• Воспоминания об Андрее Урупхеевиче Модогоеве / гл. ред. А. А. Кушнарев.. — Улан-Удэ: Б. и., 1999. — С. 262.
• Антонов, В. И. Славный сын бурятского народа: (к 95-летию А. У. Модогоева) // Бурятия. — С. 3.
• Зенькович, Н. А. Модогоев А. У. //Национальная политика: творцы и исполнители.. — М., 2008.

Ссылкэнүүд

• К 100-летию со дня рождения А.У. Модогоева, выдающегося советского государственного и партийного деятеля, председателя Совета Министров Бурятской АССР, Первого секретаря Бурятского обкома КПС (ород хэлэн). Официальный сайт Государственного архива Республики Бурятии.
• Интервью с А. А. Модогоевым (ород хэлэн). web.archive.org. «Новая Бурятия».