Буряадай улас түрын циркын һургуули

ГАУ ДО РБ «Буряадай улас түрын циркын һургуули»
Байгуулагдаһан	1997
Захирал	Наталья Юрьевна Афанасьева
Түхэл	ГАУ ДО РБ (ДШИ)
Хаяг	670034, Буряад Улас, Улаан-Үдэ хото, Чертенковай гудамжа, 30-дахи гэр
Сайт	цирк03.рф

«Буряадай улас түрын циркын һургуули» (ород хэлэн Бурятская республиканская цирковая школа) — Буряад уласай Улаан-Үдэ хотын нэмэлтэ болбосоролой улас түрын гүрэнэй эмхи зургаан. Буряад уласай соёлой яаманай мэдэлдэ ороод, циркын эдир артистнуудые бэлдэнэ.

Циркын һургуули тухай

Буряадай үндэһэн циркын һургуули-студи Оросой Холбооной Уласай арадай зүжэгшэн М.Х. Жапхандаевай хүтэлбэри доро 1997 ондо байгуулагдаа (2014.11.21 — һээ — «Буряадай улас түрын циркын һургуули» гэһэн Буряад Уласай нэмэлтэ болбосоролой гүрэнэй бэеэ дааһан эмхи зургаан). Тэрэнэй байгуулагдаһанай эхиндэ Буряадай искусствын элитэ ажал ябуулагша — «Жапхандаев Майдари Хайдапович» — Оросой Холбоото Уласай арадай артист, Буряад Уласай Гүрэнэй шангай лауреат, Хани барисаанай орденоор шагнагдаһан. Циркын һургуули Буряад Уласай гүрэнэй циркын ажалшадаар хангаха гол үндэһэн болоно.

Циркын һургуулида бүхы Буряад Уласһаа үхибүүд һурана.

Монгол уласай болон Буряад уласай габьяата ажал ябуулагша Бямбажав Борхууе, Буряад Уласай урлалай габьяата ажал ябуулагша Баран Тумурбаатар, Буряад Уласай урлалай габьяата ажал ябуулагша, Буряад Уласай гүрэнэй шангай лауреат Цэнд-Очир Сэлэнгэ Монгол Уласай, Канадын, Солонгосой, США-гай, Германиин циркнүүдэй талмай дээрэ Буряадай циркын һургуули бодото ажалай баян дүршэлтэй болоһон.

Циркын һургуули элдэб жэлнүүдтэ аренын дархашуул дүүргэжэ, нэрэнүүдынь Буряад Уласай гүрэнэй циркын афишануудые шэмэглээ. Эдэ хэд бэ гэбэл, Буряад Уласай арадай зүжэгшэн Буянто Цыренов, Буряад Уласай габьяата зүжэгшэд Анна Хабеева, Баярма Зодбоева, Аягма Цыбенова, Имин Цыдендамбаева, Мария Юхимова, Бато-Шулуун Данжалов, Баясхалан Ринчинов, Александр Карпушкеев гэхэ мэтэ болоно.

Циркын һургуули дүүргэгшэд Москва, Новосибирск, Челябинск, Канадын Циркдэ Дю Солей, Монголдо хүдэлнэ.

Циркын һургуулиин багшанар һуралсалай- онол аргын нөөсэ үргэдхэхэ ажал эдэбхитэйгээр ябуулна, юундэб гэхэдэ циркын жанрнуудые һургаха методическа литература үгы шахуу. Багшанар һурагшадта ба багшанарта багшын шадабари дээшэлүүлхын тула онол аргын заабаринуудые жэл бүри зохёодог, циркын һалбаринуудаар ажалай программануудые тааруулдаг.

Циркын һургуулиин репертуарта 50 гаран циркын номернууд, суута «Нойрһоо Һэриһэн могойнууд», «Хун Шубууд», «Дара Эхэ» Орос гүрэнэй циркын юртэмсэдэ болоһон үйлэ хэрэг, Буряадай циркын визитнэ карточка боложо, Буряадай циркын урлалай Алтан жасада орожо, «Цветик-семицветик», «Чудариум», «Зазеркалье», «алиса в странес»," Welcome tu the circus « гэхэ мэтэ тоосоото тоглолтонууд ороһон байна.

Циркын һургуули буряад уласай Гүрэнэй цирктэй суг „Маугли“, „Белоснежка и семь гномов“, „Русалочка“, „Мадагаскар“, „Дара Эхэ Байгалай“ зүжэгүүдтэ наадануудые гүйсэдхэдэг.

Дээдэ курсын һурагшад буряадай циркын бүхы шахуу циркын тоглолтонуудта ажалтай. Циркын һургуули мүрысөөнүүдтэ, фестивальнуудта эдэбхитэйгээр хабаададаг. 2000 онһоо Буряадай циркын һургуули ганса Буряад Уласта бэшэ, мүн Оросой Холбоото Уласайбусад можо хизаарнуудта циркын кадрнуудай найдамтай „хүүдинсэ“ болоно.

Түүхэ

„Буряадай үндэһэтэнэй циркын һургуули-студи“ Буряад Уласай Засагай газарай тогтоолоор 1997 оной февралиин 27-до байгуулагдаа һэн.

1998 он

• «Золотой Арлекин» — бэеэ дааһан циркнүүдэй болон циркын һургуулинуудай уласхоорондын фестивальда I һууриин түлөө» , Санкт-Петербург хото. «Һэриһэн могойнууд» гэһэн номерой түлөө шанда хүртэжэ, дэлхэйн 14 гүрэнэй артистнарай дунда эрхимлээ;
• «Мүнгэн клоун» Циркын урлалай III-дахи уласхоорондын фестивальда II һуури эзэлхын түлөө, Варшава хото (Польшо);
• Уласхоорондын «Браво — брависсимо» гэһэн телевизионно урлалай фестивальда III һууриин түлөө диплом Мантово хото (Итали).

1999 он

• Бүхэроссиин Дельфиин I-дэхи наадануудта, «Цирк» номинацида хабаадаһанай түлөө алтан медальнууд, Саратов хото.

2000 он

• «Буряад Уласай гүрэнэй цирк» гэһэн Буряад уласай соёлой бэеэ дааһан эмхи зургаан 2000 оной ноябриин 10-да Буряад Уласай Засагай газарай тогтоолоор Оросой Холбоото Уласай арадай зүжэгшэн М. Х. Жапхандаевай хүтэлбэри доро Буряадай үндэһэн циркын студи-һургуули дүүргэгшэдэй үндэһэн дээрэ байгуулагдаа.
• Бүхэдэлхэйн II-дохи Дельфийскэ наадануудта «Цирк» номинацида хабаадаһанай түлөө хүрэл медальнууд болон Диплом, Москва хото.

2001 он

• Улаан-Баатар хотын «Дружба» гэһэн циркын урлалай уласхоорондын фестивальда (Монгол Орон) хабаадажа, «Эгээ эрхим номер» гэһэн шанда хүртөө;
• Польшын, Венгриин циркнүүдэй тусхай шангуудаар, мүн «Циркын эгээл эдир зүжэгшэд» (Орос гүрэн) гээн шангуудаар шагнагданхай.

2004 он

• Циркын урлалай уласхоорондын фестивальда I -дэхи һууриин түлөө «Алтан жонглер», Латина хото (Итали);
• «Эди шэдитэ орон» гэһэн хүүгэдэй болон эдиршүүлэй циркын бүлгэмүүдэй уласхоорондын түрүүшын фестивальда Гран-При, Красноярск хото;
• «Хүрэл Мамонтёнок» — «Мамонтёнок — 2004» гэһэн уласхоорондын 1-дэхи фестивальда III һуури эзэлхын түлөө, Якутск хото.

2005 он

• «Алтан кубок» — Циркын урлалай уласхоорондын фестивальда I-дэхи һууриин түлөө , Монте-Карло хото (Монако);
• «Хүрэл арсалан» — Циркын урлалай уласхоорондын Х-дахи фестивальда III-дахи һуури эзэлхын түлөө, Шижазо хото (Хитад).

2006 он * Ленинградай можын Выборг хотодо үнгэрһэн "Түбиин Сэсэгүүд " гэһэн циркын урлалай Уласхоорондын фестивальда хабаадажа, командна 1 һууриин түлөө «Хойто шара шубуун» кубогта хүртэжэ, хубиин мүрысөөндэ түрүүшын 2 һуури: агаарай гимнастика ба өөрсэ жанр;

• Красноярск хотодо үнгэрһэн хүүгэдэй болон эдиршүүлэй циркын бүлэгүүдэй Уласхоорондын хоёрдохи фестивальда хабаадажа, «Эрхим дугаар» гэһэн шэглэлээр III шатын дипломдо, «аАробаты на подкидной доске» гэһэн номероор, «Золотой Антей» гэһэн шанда хүртөө.

2009 он

• Буряад уласай засагай газарай 2009 оной майн 29-эй 211 дугаарай тогтоолоор «Буряадай улас түрын циркын һургуули» гэһэн хүүгэдэй нэмэлтэ болбосоролой гүрэнэй болбосоролой эмхи зургаан (хүүгэдэй урлалай һургуули) гэжэ шэнээр нэрлэгдэнэ.

2010 он

• Буряадай госцирк 2000 оной ноябриин 10-да үндэһэн циркын студи-һургуулиин дэргэдэ Оросой Холбоото Уласай арадай зүжэгшэн Майдари Хайдапович Жапхандаевай ударидалга доро байгуулагдаа.

2011 он

• I шатын Лауреадай диплом ба «Хабарай мозаика» гэһэн хүүгэдэй-эдиршүүлэй зохёохы уласхоорондын фестивалиин Гран-Приин Диплом, Новосибирск хото;
• I шатын лауреадай диплом (Алтан медаль) «Цирк» номинацида (10 жэлэй-24 наһанай бүлэг), Россиин залуушуулай арбадахи Дельфийскэ нааданууд, Тверь хото;
• Гран-При диплом, I, II ба III шатын диплом, «Моноцикл» дугаарай магай «Эрхим гүйсэдхэгшэ» гэһэн номинацида диплом, хүүгэдэй циркын урлалай Түрүүшын Можын фестивалиин «Циркын эрхим коллектив» гэһэн шэглэлээр I шатын Диплом, Шэтэ хото.

2012 он

• Буряад Уласай Засагай газарай 2012 оной июниин 14-эй 349 дугаарай тогтоолоор болбосоролой эмхи зургаанай түхэл «Буряадай улас түрын циркын һургуули» гэһэн хүүгэдэй нэмэлтэ болбосоролой гүрэнэй бэеэ дааһан болбосоролой эмхи зургаан (хүүгэдэй урлалай һургуулида) болгон хубилгагдаа;
• II -дохи шатын Диплом, «Мамонтёнок-2012» гэһэн уласхоорондын залуушуулай циркын III-дахи фестиваль, Якутск хото;
• «Манежэй Алтан дүхэриг» гэһэн хүүгэдэй циркын бүлгэмүүдэй Уласхоорондын фестиваль-конкурсын Гран-При, Ижевск хото;
• Хүүгэдэй болон залуушуулай циркын бүлгэмүүдэй «Циркын илан мандадаг Дэлхэй» гэһэн Уласхоорондын фестивалиин I БА III шатын Диплом, Улаан-Үдэ хото.

2013 он

• Һайн дуранай циркын бүлгэмүүдэй «Хүсэлэй бүмбэгэ доро» гэһэн Уласхоорондын фестивалиин I шатын диплом, Омск хото;
• «Музыкальный калейдоскоп» гэһэн Уласхоорондын хүүгэдэй-эдиршүүлэй зохёохы ажалай I шатын дипломууд, Новосибирск хото, 2013 он.

2014 он

• Буряад Уласай Засагай Газарай 2014.11.21-эй № 575 тогтоолоор «Буряадай улас түрын циркын һургуули» Буряад Уласай нэмэлтэ болбосоролой гүрэнэй бэеэ дааһан эмхи зургаан гэжэ шэнээр нэрлэгдэбэ;
• Һайн дуранай циркын бүлгэмүүдэй «Под куполом Мечты» гэһэн Бүхэроссиин III шатын II шатын Диплом, Омск хото.

2015 он

• «Сагаалганай одохонууд» гэһэн Уласай II-дэхи фестивалиин хүүгэдэй уран бэлигэй конкурсдо Гран-прида хүртөө, Улаан-Үдэ.

2016 он

• «Браво, дети!» гэһэн Уласхоорондын харалганай Гран-Приин диплом ба I-дэхи шатын диплом, г. Миасс;
• «Циркын илан мандадаг Дэлхэй!» гэһэн Уласхоорондын циркын III фестивалиин I -дэхи шатын диплом, Улаан-Үдэ хото;
• «Страна чудес» гэһэн хүүгэдэй болон эдиршүүлэй бүлгэмүүдэй Красноярск хотын VII-дохи шатын Диплом;
• Уласхоорондын хүүгэдэй уран бэлигэй «Зведочки Сагаалган 2016» фестивалиин I шатын диплом, Улаан-Үдэ хото;
• «Намарай калейдоскоп» гэһэн хүүгэдэй-эдиршүүлэй зохёохы уласхоорондын фестивалиин II шатын диплом, Новосибирск хото;
• Буряад Уласай гүрэнэй шан-Бубеева Дарина, һуралсалай 6 жэл;
• Буряад Уласай болбосоролой болон эрдэм ухаанай яаманай бэлигтэй залуушуулые дэмжэхэ талаар гүрэнэй шагнал — Ошорова Аида, һуралсалай 4 жэл.

2017 он

• «Циркын урлал» номинацида үнгэрһэн "Байгал Арт — Спектр " эстрадын Бүхэроссиин фестиваль-конкурсын I шатын Диплом, Улаан-Үдэ Хото;
• I шатын Диплом Орос гүрэнэй нээмэл фестиваль-циркын урлалай «Россиин Сэсэгүүд. Сагаан һүнинүүд» харалган, Выборг хото;
• IX Уласхоорондын хүүгэдэй болон эдиршүүлэй уран бэлигэй "Гураненок-2017 " гэһэн фестивалиин диплом, III шатын Лауреат, Шэтэ хото;
• «Гимнастика» номинацида Гран-При диплом — «Агаарай трапеци» номер, «Акробатика» номинацида I шатын диплом-«Мори урилдаанай номер», «Эквилибр» номинацида II шатын диплом-һайн дуранай циркын бүлгэмүүдэй «Сальто в будущее» гэһэн Бүхэроссиин нээмэл фестивалиин «Химеры» дугаар, Челябинск хото;
• «Орос гүрэнэй хүүгэдэй нэмэлтэ болбосоролой 100 эрхим эмхи» гэһэн конкурсын лауреадай диплом, «Циркын эрхим һургуули — 2017» гэһэн номинацида, Санкт-Петербург.

Циркын буряад һургуули мүнөөдэр

Буряадай гүрэнэй цирк 2000 оной ноябриин 10-да үндэһэн циркын студи-һургуулиин дэргэдэ Орос гүрэнэй арадай зүжэгшэн Майдари Хайдапович Жапхандаевай ударидалга доро байгуулагдаа. Монголой түрүүшын багшанар: Борхуу, Тумэр Баатар, Ганд Болд, Сэлэнгэ Цэнд-Очир болон бусад труппа байгуулгада ехэ хубитаяа оруулһан юм. 2025 ондо Буряадай цирк байгуулагдаһаар 25 жэлэйнгээ ойн баяр тэмдэглэнэ. Буряадай улас түрын циркын һургуули Буряадай Гүрэнэй циркые артистнаар хангаха гол үүргэтэй юм. Тус һургуулиин оюутад һуралсалайнгаа үедэ Буряадай циркын ажаябуулгада хабаадалсажа, олон амжалтарнуудые туйлажа, дүй дүршэлөө хурсадуулжа байдаг. Эдэ жэлнүүдтэ хэдэн олон тщсэлнщщдтэ, харалгануудта хабаадажа, Буряадай циркын нэрэ һүлдэ үргэжэл байдаг. тэдэ хэмжээнүүдэй зарим нэгыень эндэ дурдагдана.

«Галай амисхал»

Бүхэроссиин нээмэл фестиваль-«Сочи хотодо карнавал» гэһэн хүүгэдэй-эдиршүүлэй болон залуушуулай циркын бүлгэмүүдэй мүрысөөн 2021 оной майн 25-һаа майн 30 болотор Хара далайн эрьедэхи «Фестивальный» гэһэн концертнэ зал соо үнгэрөө һэн. Буряадай циркын һургуулиин шабинар захирал Наталья Афанасьевагай ударидалга доро «Галай амисхал» (Дыхание огня) гэһэн наада Буряад уласые түлөөлэн дурадхаа. Хубсаһа хунар, реквизидай шэмэглэл, хүгжэм, мейкап, хореографи — эдэ бүгэдэ Сочи хотынхидай анхарал эзэлжэ, «Сочидо Карнавал» гэһэн фестиваль-конкурсын гол шан-Гран-Придэ хүртэһэн гүйсэдхэгшэдэй дабтагдашагүй, ялас гэмэ дүрэ нэгэдхэн байгуулаа. Улас түрын циркын һургуулиин шабинар, «Галай амисхаал» гэһэн номертой уласхоорондын заочно "Girasol"гэһэн конкурсын Нэгэдэхи шангай лауреадууд болоһон юм. Энэ Фестиваль Тенерифе олтирогой урда эрьедэ (Канарай олтирогууд), Лас Галлетас хотодо, Тен Бель курорт үнгэрнэ.

Байгалай Бурхад

2023 оной ноябриин 15 — да Москвада «Олон нюурта Буряад Орон — Соёмбо» гэһэн тоглолто болоо һэн. Тэндэ уласай түрүү зүжэгшэд хабаадаа. Тэдэнэй тоодо циркын һургуулиин шабинар ороно. Тус бүридэл түрүүшынхиеэ ниислэл хото ошобо. Эхилжэ байһан одо мүшэд «Байгалай Бурхан» гэһэн номер амжалтатайгаар гүйсэдхөө. Харин ноябриин 20-до" Байгалай Бурхад " ВДНХ-ГАЙ гол тайзан дээрэ наадаа. 2023 оной ноябриин 15 — да Москвада «Олон нюурта Буряад Орон — Соёмбо» гэһэн тоглолто болоо һэн. Тэндэ уласай түрүү зүжэгшэд хабаадаа. Тэдэнэй тоодо циркын һургуулиин шабинар ороно. Тус бүридэл түрүүшынхиеэ ниислэл хото ошобо. Эхилжэ байһан одо мүшэд "Байгалай Бурхан " гэһэн номер амжалтатайгаар гүйсэдхөө. Харин ноябриин 20-до «Байгалай Бурхад» ВДНХ-гай гол тайзан дээрэ наадаа. 2023 оной ноябриин 15 — да Москвада «Олон нюурта Буряад Орон — Соёмбо» гэһэн тоглолто болоо һэн. Тэндэ уласай түрүү зүжэгшэд хабаадаа. Тэдэнэй тоодо циркын һургуулиин шабинар ороно. Тус бүридэл түрүүшынхиеэ ниислэл хото ошобо. Эхилжэ байһан одо мүшэд "Байгалай Бурхан « гэһэн номер амжалтатайгаар гүйсэдхөө. Харин ноябриин 20-до» Байгалай Бурхад " ВДНХ-ГАЙ гол тайзан дээрэ наадаа.

Найруулгань өөрөө Буряадай циркын һургуулида 20 гаран жэлэй саана мүндэлһэн юм. Тэрэниие Буряадай түрүүшын гуттаперчевэ басагад гүйсэдхэдэг һэн. Мүнөө тэдэ циркын Дю Солиин одод. Мүн энэ дугаар федеральна канал дээрэ дамжуулаа. «Минута славы» гэһэн шоуда удаадахи бүридэл хабаадаа. II уласхоорондын «Псковский скоморох» гэһэн циркын урлалай фестиваль-мүрысөөн 2024 оной мартын 27-30-һаа Псков хотодо болоһон байна. Тэрээндэ Оросой Холбоото Уласай, Белоруссиин ба Латвиин нютаг можонуудһаа эрхим коллективүүд хабаадаа. Дугаарта хабаадагшад: Бурунова Алиса, Уладаева Арина, Гармаева Анна, Галтаева Баясана. Энэ хадаа Буряадай циркын һургуули дүүргэгшэд, «Циркын искусство» гэһэн һалбарида нэмэлтэ мэргэжэлэй урда тээхи программые дүүрэн түгэсхэһэн аад, хэшээлдээ ябажал байдаг юм.

Алас Дурнын наадан

2024 оной декабриин 6-һаа 8 болотор Хабаровскын гүрэнэй циркдэ циркын урлалай Алас Дурнын фестиваль болоо. Буряадай циркын һургуулида хүмүүжэмэлнүүдэй хабаадалга, илалта жэлэй ехэ үйлэ хэрэг болоо. «Леди Баг», «Скакалка», «Дара Эхэ Байгалай», «Паучок» гэһэн дүрбэн номерынь булта эрхимэй эрхимынь болоо ха юм. «Абаахай», «Байгалай Бурхан» номернууд I шатын лауреадууд, харин «Талын һалхин» (скакалка), «Леди Баг» III шатын лауреадууд болоно.

Ябалган урагшатай үнгэрбэ. Бага бүлэг анха түрүүшынхиеэ «Леди Баг» номертой фестивальда гараба.Это дети 7-8 лет. Тэдэ томо бэрхэнүүд, мэгдэбэгүй, эмхитэйгээр эрхимээр гүйсэдхэбэ. «Байгалай Бурхануудые» түлөөлһэн басагад энэ номертой циркын манеж дээрэ шэнэ составтай, шэнэ арга мэхэтэй анха түрүүшынхиеэ гараа. "Талын һалхин" (скакалка) – гоё хатар, мүн жюридэ һайшаагдаа. Тэмсэгшэд маанадта хүсэтэй байгаа, хүмүүжэмэлнүүд арга шадабарияа, мэргэжэл шадабарияа харуулаа. Сэдьхэлээ хүлгөөн болоо юм ааб даа, теэд басагад сугларжа, юу хэхэ шадалтайб гэжэ харуулаа ...

 — гэжэ багша Энхжаргал Энхцацрал тэмдэглээ.

Багшын хэлэһээр, үхибүүд Буряад ороноо ялас гэмээр танилсуулжа, өөрын шанга талануудые, хүсэл зориг, ажалша бүхэриг байһанаа харуулаа. Хэмжээ ябуулгада бэлэдхэл гүнзэгы удхатай, удаан байгаа ха юм. Оросой Холбоото Уласай элдэб хотонуудһаа суг хүдэлдэг нүхэдынь костюмуудаар, номернуудаар бахархан үлөө. Тус фестиваль Алас Дурнын холюоото уласай тойрогой элдэб булангуудһаа 350 хабаадагшадые суглуулаа һэн гээд һануулая.

Монголдохи Фестиваль

Буряадай циркын һургуулиин шабинар Уласхоорондын урлалай фестивальда хабаадажа, 2025 оной июниин 12-15-ай үдэрнүүдтэ Монголдо болоһон байна. Гүрэнүүдэй хоорондо соёлой андалдаа дэмжэлгэдэ болон дэлхэйн олон янзын соёл харуулалгада шэглүүлэгдэһэн фестивальда хабаадагшадай 10 гүрэн хүрэжэ ерээ. Мүнөө жэл фестивалиин программада түрүүшынхиеэ циркын урлал оруулагдажа, Хитадһаа, США-һаа, Монголһоо болон Оросой Холбоото уласһаа зүжэгшэд танилсуулаа. Наталья Афанасьевагай ударидалга доро Улаан-Үдын хүүгэдэй циркын һургуули ород гүрэнтэй танилсуулаа. Алагуй Егоровой хүгжэмөөр «Байгалай Бурхан» гэһэн номер Энхжаргал Энхцацрал найруулхадаа, Буряадай циркын искусствын визитнэ карточка, циркын фестивальнуудта нэгэтэ бэшэ шангай һуури эзэлһэн юм.

«Идол 2025»

Уласай хүүгэдэй циркын Һургуулиин багша Отгонбаяр Тамир, Москвада июлиин 17-һоо 20 болотор үнгэргэгдэһэн «Шүтээн 2025» гэһэн Бүхэдэлхэйн циркын урлалай IX фестивальда хабаадаа. Манеж дээрэ 15 гүрэнэй 200 шахуу артистнар суглараа — Орос гүрэн, Чили, Эфиопи, Венгри, Мексикэ, Хитад, США, Монгол, Казахстан, Марокко, Великобритани, Португали, Вьетнам, БНМАУ, Танзани. Тамир акробадуудай труппада, Эрдэни Нэргуй ударидалга доро, «Акробаты на подкидные самбарах» гэһэн номерто артист боложо хабаадахыень уригдаһан байна.

Захирал

1997-2008 - Жапхандаев Майдари Хайдапович, Буряад уласай арадай зүжэгшэн, Оросой Холбоото Улас, Буряад Уласай гүрэнэй шангай лауреат.

2008 — Валентина Батожаргалова.

2009- Наталья Юрьевна Афанасьева

2009 оной февраль һарада Буряад Уласай соёлой яаманай захиралтаар уран һайханай хүтэлбэрилэгшэ — Туяна Догданова түрүүшынхиеэ томилогдоо.

Мэдээжэ багшанар

• Бямбажав Борхуу — Монгол Уласай болон Буряад Уласай габьяата ажал ябуулагша
• Баатан Тумурбаатар — Буряад Уласай урлалай габьяата ажал ябуулагша
• Цэнд-Очир Селенга — Буряад Уласай урлалай габьяата ажал ябуулагша, Буряад Уласай гүрэнэй шангай лауреат

Мэдээжэ дүүргэгшэд

• Буянто Цыренов — Буряад Уласай арадай зүжэгшэн, урлалай колледжын багша. П. И. Чайковскийн, циркын таһаг, Буряад Уласай гүрэнэй циркын зүжэгшэн
• Бато-Шулун Данжалов — Буряад Уласай габьяата зүжэгшэн, Буряад Уласай гүрэнэй циркын зүжэгшэн
• Анна Хабеева — Буряад Уласай габьяата зүжэгшэн, 2000 оной Буряад Уласай гүрэнэй шангай Лауреат, БУРЯАД УЛАСАЙ гүрэнэй циркын зүжэгшэн
• Баярма Зодбоева — Буряад Уласай габьяата зүжэгшэн, 2000 оной Буряад Уласай гүрэнэй шангай Лауреат, Дю Солей Циркын зүжэгшэн
• Имин Цыдендамбаева — Буряад Уласай габьяата зүжэгшэн 2000 оной Буряад Уласай гүрэнэй шангай Лауреат, Дю Солей Циркын зүжэгшэн
• Аягма Цыбенова — Буряад Уласай габьяата зүжэгшэн 2000 оной Буряад Уласай гүрэнэй шангай Лауреат, Дю Солей Циркын зүжэгшэн
• Лилия Жамбалова — Дю Солей Циркын зүжэгшэн
• Мария Юхримова — Буряад Уласай габьяата зүжэгшэн, Москвагай цирк-шапитогой "Анастасия"зүжэгшэн
• Дарья Ринчинова —"Молодые дарования России « гэһэн Бүхэроссиин мүрысөөнэй Лауреат 2012 он
• Алтана Золтуева — Буряад Уласай болбосоролой болон эрдэм ухаанай Яаманай бэлигтэй залуушуулые дэмжэхэ талаар гүрэнэй шангай Лауреат 2013 ондо
• Аида Ошорова — Буряад Уласай болбосоролой болон эрдэм ухаанай Яаманай бэлигтэй залуушуулые дэмжэхэ Талаар гүрэнэй шангай Лауреат 2016 ондо
• Дарина Бубеева — 2016 Оной Буряад Уласай гүрэнэй шангай Лауреат, 2017 оной „Молодые дарования России“ гэһэн Бүхэроссиин мүрысөөнэй Лауреат

Тоосоото тоглолтонууд

• „Цветик-семицветик“;
• „Чудесариум“;
• „Зазеркалье“;
• „Алиса в стране чудес“;
• Welcome tu the circus».

Библиографи

• Шилкина В. Гуттаперчевые девочки из Бурятии выступили на «Минуте славы» // Номер один: газета.- Улан-Удэ, 2012
• Учащиеся цирковой школы показали свое мастерство // Без формата.ru: — газета. — Улан-Удэ, 2012
• Бурятская цирковая школа стала одной из лучших на всероссийском фестивале // Байкал медиа консалтинг: — газета. — Улан-Удэ, 2014
• Одаренные дети — будущее России, Казахстана, Украины, Беларуси: Энциклопедия.-М.: Международный институт развития бизнеса и карьеры, 2013.-Вып. 9 (18). — 308с.: ил
• Лучшие люди, Лучшие в образовании: Большая международная энциклопедия. — М.: Институт развития бизнеса и карьеры, 2015. — Вып. 2015 г. — 1140 с.: ил.

Ажаглалтанууд

Ссылкэнүүд

• Официальный сайт Бурятская республиканская цирковая школа (ород хэлэн). circus.bur.muzkult.ru..
• Бурятская республиканская цирковая школа на сайте Министерства Культуры Республики Бурятия (ород хэлэн). minkultrb.ru..