Сандипова Сэсэгма Ринчиновна

Сэсэгма Сандипова
Гол мэдээсэл
Дүүрэн нэрэ	Сэсэгма Ринчиновна Сандипова
Түрэһэн үдэр	1970 оной(1970)
Түрэһэн газар	Буряадай АССР[d], РСФСР, Зүблэлтэ холбоото улас, Баргажанай аймаг, Буряадай АССР[d], РСФСР, Зүблэлтэ холбоото улас али Улюн[d], Баргажанай аймаг, Буряадай АССР[d], РСФСР, Зүблэлтэ холбоото улас
Эрхэтэнэй эрхын байдал	Зүблэлтэ холбоото улас  Оросой Холбоото Улас
Гүрэн	Зүблэлтэ холбоото улас  Оросой Холбоото Улас
Мэргэжэлнүүд	оперно дуушан
Дууша хоолой	сопрано
Жанрнууд	арадай хүгжэм, элинсэг хүгжэм, классическа хүгжэм
Коллективууд	«Байгал» театр

Сэсэгма́ Ринчи́новна Санди́пова (1970 оной июниин 28(1970-06-28) (56 наһатай), Буряадай АССР^[d], Баргажанай аймаг, Буряадай АССР^[d] или Улюн^[d], Буряадай АССР^[d] түрэһэн) — Оросой Холбоото Уласай буряад дуушан, буряад уласай арадай зүжэгшэн. Буряадай гүрэнэй дуу хатарай үндэһэн «Байгал» театрай гол дуушан.

Намтар

1970 ондо Буряадай АССР-эй Баргажанай аймагай Улюн нютагта түрэһэн юм.

1994 ондо Улаан-Үдын Чайковскиин нэрэмжэтэ хүгжэмэй колледж (Буряад Уласай габьяата зүжэгшэн Б. Г. Базаровай класс) дүүргээ. Тэрэл жэлдээ Буряадай гүрэнэй дуу хатарай «Байгал» ансамблиин найрал дуунда абтаба. Богонихон сагай үнгэрхэдэ, коллективэй гол солист болоо һэн.

2005 ондо монгол туургата арадуудай үльгэр домог, домогууд дээрэ үндэһэлһэн «Угайм сулдэ» («Дух предков») зүжэгтэ монгол отогуудай сахюусан юһэн эжынэрэй нэгэнэй роль гүйсэдхөө.

«Байгал» театрай бүридэлдэ Орос гүрэнүүдэй хотонуудаар (Москва, Санкт-Петербург, Красноярск, Казань, Якутск), мүн хари гүрэнүүдээр гастрольдо ябаа: Монголдо, Италида (2002), США-да (2003) болон Францида (2009).

2009 ондо Сандипова Сэсэгма Ринчиновна Байгалай экономическа форумой соёлой программада ба Оросой федерациин юрэнхылэгшэ Дмитрий Медведевэй Буряад орондо албанай ёһоор айлшалһантай дашарамдуулагдаһан баяр ёһололой хэмжээ ябуулгануудта хабаадаа.

Зохёохы зам

Дуушанай репертуарта классическа зохёолнуудшье, арадай дуунуудшье ороно.

Классическа репертуар:

• «Романс Сантуццы» «Сельская честь» оперын (П. Масканьи);
• Ариозо Арюн-Гоохон «Энхэ-Булат батор» оперын(М. Фролов);
• «Лолита» (А. Буцци-Печиа);
• «Санта Лючия» (Т. Коттрау);
• Романс «Я тебе ничего не скажу» (П. И. Чайковскиин).

Арадай ба авторнуудай дуунууд:

• «Как пойду я на быструю речку», «Ноченька» гэһэн ород арадай дуунууд;
• Буряад дуунууд: «Ургэн хунтэй» (А. Андреев,Н. Дамдинов), «Баргузин» П. Дамиранов), «Уулзалга» (Б. Цырендашиевай хүгжэм, Д. Улзытуевай үгэнь), «Эхын дууран» (Б. Наранбаатор), «Аав ээж хоер минь» (Б. Шарав).

Түлэбүүд:

• «Баргажан Түхэм ороной сууряан»;
• «Угайм Сулдэ»;
• «Блеск Азии»;
• «Сэдхэлым Аялга»;
• «Буряад арадаи дунууд»;
• «Баян талын аялга»;
• «Музыка летящей стрелы»;
• «Mongols to Mogols»;
• «Уужам Буряад»;
• «Дуун Захяа» болон бусад.

Наһанайнгаа нүхэр-Буряадай арадай зүжэгшэн Болот Сандиповтай суг дуу дууладаг. 2021 ондо хоюулаа «Облака над вершиной якоря» гэһэн дуунай түрүүшын хамтын клип гаргаа.

Шагналнууд ба нэрэ зэргэнүүд

• Буряад уласай габьяата зүжэгшэн (2007);
• Буряад уласай арадай зүжэгшэн(2014).

Ажаглалтанууд

Ссылкэнүүд

• Перипетии любви артистов театра «Байкал» Болота и Сэсэгмы Сандиповых (ород хэлэн).
• Супруги из театра «Байкал» выпустили первый совместный клип (ород хэлэн).
• Театр "Байкал" представит сольный проект Болота и Сэсэгмы Сандиповых (ород хэлэн).
• Цыпилма Аюшеева, Сэсэгма Сандипова, Сэдэб Банчикова (ород хэлэн).
• Четверть века вместе на сцене (ород хэлэн).