Эсэгэ ороноо хамгаалгын Агууехэ дайнда туйлагдаһан Илалтын 80 жэлэй ойн баяр һайндэрлэлгэ
| Эсэгэ ороноо хамгаалгын Агууехэ дайнда туйлагдаһан Илалтын 80 жэлэй ойн баяр һайндэрлэлгэ | |
|---|---|
 | |
| Һара үдэр | 2024-2025 онууд |
| Болоһон газар |
 Оросой Холбоото Улас |
| Сайт | may9.ru |
Эсэгэ ороноо хамгаалгын Агууехэ дайнда туйлагдаһан Илалтын 80 жэлэй ойн баяр һайндэрлэлгэ (ород хэлэн дээрэ Празднование 80-ле́тия Побе́ды в Вели́кой Оте́чественной войне́) — Эсэгэ ороноо хамгаалгын Агууехэ дайнда туйлагдаһан Илалтын 80 жэлэй ойн баярай хүндэлэлдэ бүхы Орос Уласта ба хилын саана бэелүүлэгдэхэ үргэн дэлисэтэй программа. 2024—2025 онуудта 170 гаран хэмжээ ябуулганууд түсэблэгдэнхэй[1].
Эмхидхэлэй үйлэ ябадалнууд
Оросой Холбоото Уласай Юрэнхылэгшэ Владимир Путин 2023 оной июлиин 31-дэ Эсэгэ ороноо хамгаалгын Агууехэ дайнда туйлагдаһан Илалтын 80 жэлэй ойн баяр бэлдэлгэ ба тэмдэглэлгэ тухай зарлигта гараа табяа. Шухала тулалдаануудта зорюулагдаһан хэмжээ ябуулгануудые, мүн хари гүрэнүүдэй ударидагшадай хабаадалгатай хэмжээ ябуулгануудые бэлдэлгын ба үнгэргэлгын түсэб хамта зохёожо баталха даабари Засагай газар ба «Илалта» гэһэн эмхидхэлэй хороондо үгтөө. Һайндэр үнгэргэхэ хэрэгтэ түрын бодолгын болон гадаадын харилсаанай туһаламжа үзүүлхэ даабари Оросой Холбоото Уласай Гадаадын хэрэгүүдэй яаманда үгтөө. Бэлэдхэлдэ хабаадаха, ветерануудта туһаламжа үзүүлхэ, сэрэгшэдэй хүдөөлүүлэлгын газарнуудые сэбэрлэхэ хэрэгтэ нютагай засагай байгууламжануудта туһалха даабари холбоото уласай болон нютаг можонуудай зургаанууд абаһан байна[2].
Илалтын 80 жэлэй ойн баярай һайндэрлэлгын бэлэдхэл болон үнгэргэлгын талаар ажал ябуулхын тула Эмхидхэлэй хороон байгуулха тухай Зарлигта Юрэнхылэгшэ 2023 оной август һарада гараа табиһан юма[3].
Илалтын 80 жэлэй ойн баярые бэлдэхэ ба үнгэргэхэ талаар хэмжээ ябуулгануудай түсэб 2024 оной майн 18-да Оросой Холбоото Уласай Засагай газар баталан абаа[4].
Москва хотын Илалтын музейдэ 2024 оной ноябриин 19-дэ зүжэгшэн, олониитын ажаябуулагша Владимир Машков Илалтын 80 жэлэй ойн баярай албан ёһоной һүлдэ тэмдэг дурадхаа. «1942 оной ноябриин 19-дэ, 82 жэлэй саада тээ, үглөөнэй долоон сагта артиллериин буудалгаар болон „Катюшануудай“ зэргэ буудалгануудаар Улаан Сэрэг „Ураан“ гэһэн ябуулга эхилээ һэн. Сталинград шадар болоһон байлдаан немец сэрэгүүдые бута сохилгын эхи табяа, тус ябуулга Эсэгэ ороноо хамгаалгын Агууехэ дайнай эрид хубилалтын үе болоо», — гээд Машков танилсуулгын үедэ һануулаа[5]. Волгоградай булаша болоһон Мамайн добо дээрэхи «Сталинградай тулалдаанай баатарнуудта» гэһэн хүшөөнүүдэй согсолбориин түб үзэлтэ болохо Евгений Вучетичэй «Эхэ орон дуудана!» уран барималай бүтээл һайндэрлэлгын һүлдэ дүрэ дээрэ дурадхагдана[6].
2025 оной январь һарада Илалтын 80 жэлэй ойн баярые угтуулан, Эсэгэ ороноо хамгаалгын Агууехэ дайнай сэрэгшэдтэ, мүн лэ сэрэгэй тусхай ябуулгада хабаадажа байгаа Оросой Холбоото Уласай Зэбсэгтэ хүсэнүүдэй сэрэгшэдэй хүндэлэлдэ мүльһэн уран барималнуудаар Якутск хото шэмэглэгдэбэ[7].
Дүрсэлэн зураглалга
- Эсэгэ ороноо хамгаалгын Агууехэ дайнда туйлагдаһан Илалтын 80 жэлэй ойн баярта зорюулагдаһан Якутск хотын мүльһэн уран барималнууд (2025)
Үйлэ хэрэгүүдэй түсэб
Илалтын 80 жэлэй ойн баярта бэлэдхэлэй болон һайндэрлэлгын гол үйлэ хэрэгүүдэй түсэбтэ 171 хэмжээ ябуулга оруулагданхай. Тэрэ тоодо бүхэроссиин заншалта хэмжээ ябуулганууд:
- «Дурасхаалай зула»,
- «Георгиин утаһан»,
- «Илалтын уншалганууд»,
- «Илалта бултанда гансахан»,
- «Эмнэлгын полк»,
- «Дурасхаалай поезд».
Тиихэдэ концерт-нааданууд, театрай тоглолтонууд болон бусад хэмжээ ябуулганууд эмхидхэгдэхэ.
Хэмжээ ябуулганууд бүхы Орос гүрэн дотор үнгэргэгдэнэ[8].
Хэмжээ ябуулгануудай бэлдэлгын болон үнгэргэргэлгын хэрэгтэ һайн дураараа туһалагшадай болон ветерануудай эмхинүүд хабаадана: «Илалтын волонтёрнууд», «Росмолодежь» — залуушуулай хэрэгүүдэй талаар холбоото уласай агентство, «Түрүүшүүлэй Хүдэлөөн», «Знание» гэһэн Оросой олониитэ болон бусад олон эмхинүүд. Бүхы 2025 оной туршада тэдэ багашуулда болон залуушуулда зорюулагдаһан һуралсалай, гэгээрүүлгын хэмжээ ябуулгануудые эмхидхэхэ юм[9].
Хари гүрэнэй айлшад
Словаки — Эсэгэ ороноо хамгаалгын Агууехэ дайнда туйлагдаһан Илалтын 80 жэлэй ойе тэмдэглэхэ талаар Владимир Путинай албан ёһоной урилгые тогтоон абааб гэжэ гүрэнэй юрэнхы сайд Роберт Фицо 2024 оной ноябриин 27-до мэдүүлээ[10].
Серби — Гүрэнэй Юрэнхылэгшэ Александр Вучич[11].
Индонези — Гүрэнэй Юрэнхылэгшэ Прабово Субианто Эсэгэ ороноо хамгаалгын Агууехэ дайнда Илалта туйлаһаар 80 жэлэй ойн баяр тэмдэглэхэеэ Москва ерэхэ урилга абаа[12].
Хари гүрэндэ һайндэрлэлгэ
Бэеэ дааһан Гүрэнүүдэй Нүхэсэлэй нэгэдэлдэ (СНГ-дэ) ородог олон оронуудта Илалтын 80 жэлэй ойн баяр үргэнөөр тэмдэглэхээр түсэблэгдэнэ. «Манай хамтын үнгэрэгшэ саг тухай дурасхаал сахин үлөөхэ, түүхые хуурмаглан шэнэлхэ болон нацизмые баатарлиг шанартай болгохо һэдэлгэнүүдтэй тэмсэхэ асуудалнуудаар нягта холбоо харилсаануудые үргэлжэлүүлхэ гэһэн зорилго» Орос гүрэн баримтална гээд Оросой Холбоото Уласай Юрэнхылэгшэ СНГ-гэй гүрэнүүдэй засагай газарнуудай толгойлогшонорой Зүблэлэй зүблөөндэ хабаадагшадта хэһэн видеохандалгадаа 2023 оной декабрь һарада мэдүүлһэн юм[13].
«Хэтэ мүнхын жагсаал» гэһэн Уласхоорондын хүдэлөөнэй харгалзалга доро үнгэрдэг хэмжээ ябуулганууд болон жагсаалаар ябалганууд онсо ехэ удха шанартай юм гээд Оросой Холбоото Уласай Засагай газарай толгойлогшо Михаил Мишустин тэмдэглээ[14].
Ойн баярай жэлдэ сэрэгшэдэй хүдөөлүүлэгдэһэн газарнууд, тэрэ тоодо хари гүрэнүүдтэ, һэльбэгдэхээр түсэблэгдэнэ[15].
Дурасхаалта тэмдэгүүд — Илалтын 80 жэлэй ойдо
Ороcой Холбоото Уласай Юрэнхылэгшын зарлигаар «1941-1945 онуудта Эсэгэ ороноо хамгаалгын Агууехэ дайнда туйлагдаһан Илалтын 80 жэл» гэһэн ойн баярай медаль зохёон бүтээгдээ.
Эсэгэ ороноо хамгаалгын Агууехэ дайнда хабаадагшадта түлэгдэхэ түлбэринүүд
Оросой Холбоото Уласай Юрэнхылэгшэ Владимир Путин 2025 оной январиин 15-да «Илалта» гэһэн эмхидхэлэй хорооной зүблөөнэй үедэ Эсэгэ ороноо хамгаалгын Агууехэ дайнай бүхы хабаадагшадта, наһа бараһан ветерануудай һамгадта, наһаа хүсөөгүйдөө концлагерьнуудта һууһан зондо 80 мянган түхэригэй нэгэ удаагай түлбэри түлэхэ тухай зарлигта гараа табиһан тухайгаа соносхобо. Ара талын ажалшад, бүһэлэлтэдэ ороһон Ленинград хотын ажаһуугшад, концлагерьнуудай хаалтада байһан зон, хамгаалалтын түхеэрэлгэнүүдые бодхооһон барилгашад болон агаарай аюулһаа абарха байгуулгануудта, уһан сэрэгэй болон агаарай баазануудта ажаллаһан хүн бүхэн Эсэгэ ороноо хамгаалгын Агууехэ дайнда туйлагдаһан Илалтын 80 жэлэй ойн хүндэлэлдэ 55 мянган түхэриг абаха[16].
Ажаглалта
- ↑ Правительство утвердило план мероприятий по подготовке и проведению празднования 80-й годовщины Победы в Великой Отечественной войне 1941–1945 годов (2024-05-18).
- ↑ "Путин подписал указ о создании оргкомитета по подготовке празднования 80-летия Победы", 2023-08-09. 2024-11-19.
- ↑ Указ Президента Российской Федерации от 09.08.2023 № 602 ∙ Официальное опубликование правовых актов (2023-08-09).
- ↑ Распоряжение от 17 мая 2024 г. № 1174-р. Правительство России (17 05 2024).
- ↑ "В Музее Победы представили логотип 80-летия Победы | Победа РФ | Новость от 19.11.2024", 2024-11-19. 2024-11-19.
- ↑ Богдан Герцен. "В "Музее Победы" представили логотип празднования 80-летия победы в Великой Отечественной войне", 2024-11-19. 2024-11-20.
- ↑ Ледовые скульптуры, посвященные 80-летию Победы (17.01.2025).
- ↑ "80-летие Победы отметят масштабно | Победа РФ | Новость от 19.11.2024", 2024-11-19. 2024-11-19.
- ↑ "Мероприятия к 80-летию Победы стартуют уже с января | Победа РФ | Новость от 19.11.2024", 2024-11-19. 2024-11-19.
- ↑ "Фицо принял приглашение Путина посетить празднование 9 Мая", 27.11.2024. 2024-11-27.
- ↑ "Фицо считает личным долгом посетить Москву в День Победы", 12.12.2024. 2024-12-12.
- ↑ "При полном параде: президента Индонезии пригласили на 80-летие Победы 9 мая", 2024-12-28. 2025-01-13.
- ↑ "Россия продолжит борьбу с фальсификацией истории | Победа РФ | Новость от 18.12.2023", 2023-12-18. 2024-11-19.
- ↑ "Победу над нацизмом отметят с размахом | Победа РФ | Новость от 19.12.2023", 2023-12-19. 2024-11-19.
- ↑ Правительство утвердило план мероприятий по подготовке и проведению празднования 80-й годовщины Победы в Великой Отечественной войне 1941–1945 годов (2024-05-08).
- ↑ Ветераны Великой Отечественной войны получат по 80 тыс. рублей | Эксперт.
Ссылкэнүүд
|
Энэ материалай зохёохы эрхын эзэн — «РУВИКИ» — интернедэй шэнэ нэбтэрхэй толи» гэһэн АНО. Гансал «РУВИКИ» — интернедэй шэнэ нэбтэрхэй толи» гэһэн АНО-гой зүбшөөлөөр энэ материал бусад сайтнуудта хэрэглэжэ болоно. |