Павлов Владимир Анатольевич
| Павлов Владимир Анатольевич | |
|---|---|
 | |
|
| |
| 2018 оной сентябриин 19-һөө | |
| Юрэнхылэгшэ | Владимир Путин |
| Урид ажаллаһан хүн | Цырен-Даши Доржиев |
|
|
|
| Болбосорол | В.Р. Филипповэй нэрэмжэтэ Буряадай гүрэнэй хүдөө ажахын академи |
| Шагналнууд | |
Павлов Владиимир Анатольевич (1956 оной майн 6-да түрөө, СССР, Буряадай АССР, Шэбэртэ нютаг) — оросой улас түрын ажаябуулагша. 2018 оной сентябриин 19-һөө Буряад Уласай Арадай Хуралай Түрүүлэгшэ[1].
Намтар
Владимир Павлов 1956 оной майн 6-да Буряадай АССР-эй Бэшүүрэй аймагай Шэбэртэ нютагта түрэһэн юм. Дунда һургуули дүүргэһэнэйнгээ удаа Буряадай хүдөө ажахын дээдэ һургуулида орожо, тэрэниие 1978 ондо «Инженер-механик» гэһэн мэргэжэлээр түгэсэһэн байна. Ажалайнгаа намтар «Новосретенский» совхозой ахамад инженерээр эхилээд, тэрэ тушаалдаа 1987 он болотор хүдэлмэрилөө.
1987 ондо «Новосретенский» совхозой захиралаар томилогдоо.
1994 онһоо 2002 он болотор хүдөө ажахын үйлэдбэриин «Новосретенский» кооперативай түрүүлэгшээр ажаллаһан байха юм. Аймагай һунгамалнуудай Зүблэлэй гурбан зарлалай һунгамалаар һунгагдаһан.
Буряад Уласай Арадай Хуралай II, III, IV[2], V, VI болон VII зарлалнуудай һунгамалаар һунгагдаа.
2002 ба 2007 онуудта уласай хуули зохёон гаргадаг засагай дээдын зургаанай гол хороонуудай нэгэн болохо Газарай асуудалнуудай, хүдөө ажахын бодолгын болон эд хэрэглэлгын дэлгүүрэй талаар хорооной түрүүлэгшээр һунгагдажа ажаллаа. Хорооной түрүүлэгшын тушаалда ажаллахадаа, дүршэл ехэтэй, дээдын мэргэжэлтэй хүтэлбэрилэгшэ байһанаа харуулһан байна. Буряад Уласай 30 гаран хуули баталан абалгые үүсхэһэн юм. Тэдэнь уласай ниигэмэй-эдэй засагай хүгжэлтэдэ горитой ехэ удха шанартай байһан.
2005 оной октябрь һараһаа 2007 оной август хүрэтэр «Оросой хүдөө ажахын нам» гэһэн гүрэн түрын бодолгото намай Буряадай нютаг можын таһагай түрүүлэгшэ байгаа.
2008 оной декабрь һарада «Ниитэ нэгэн Орос» гэһэн Бүхэроссиин гүрэн түрын бодолгото намай Буряадай нютаг можын таһагай секретаряар һунгагдаһан.
2018 оной сентябриин 9-дэ Буряад Уласай зургаадахи зарлалай Арадай Хурал һунгагдаа[3].
2018 оной сентябриин 19-дэ хуули зохёон гаргадаг зургаанай түрүүшын зүблөөн дээрэ Владимир Павлов Арадай Хуралай Түрүүлэгшээр һунгагдаа һэн. Владимир Павловай түлөө 45 һунгамал дуугаа үгөө, 18-ниинь буруушаагаа. Дүн хамта 66 һунгамалай 64-ниинь дуу үгэлгэдэ хабаадаһан байгаа.
Шагналнууд ба нэрэ зэргэнүүд
* Бэшүүрэй аймагай захиргаанай, Буряад Уласай Засагай газарай, Буряад Уласай Арадай Хуралай, Оросой Холбоото Уласай Федеральна Суглаанай Гүрэнэй Дүүмын Хүндэлэлэй бэшэгүүд
- Буряад Уласай хүдөө ажахын габьяата хүдэлмэрилэгшэ (1993)
- 2006 ондо Оросой Холбоото Уласай Юрэнхылэгшэ В.В. Путинай зарлигаар Оросой Холбоото Уласай гүрэнэй шагналаар – «Хүдөө ажахыда ажал ябуулһанай түлөө» медаляар шагнагдаһан юм.
Хубиин ажабайдал
Гэр бүлэтэй. Буряадаар тордиһогүйгөөр хөөрэлдэдэг.
Ажаглалтанууд
1. ↑ Народный хурал Республики Бурятия. hural-rb.ru. Дата обращения: 12 февраля 2021. Архивировано 19 февраля 2020 года. 2. ↑ Единоросс Владимир Павлов избран парламентариями спикером Народного Хурала Бурятии. Дата обращения: 21 сентября 2018. Архивировано 21 сентября 2018 года. 3. ↑ Владимир Павлов избран председателем Народного Хурала. Дата обращения: 21 сентября 2018. Архивировано 21 сентября 2018 года. 4. ↑ Павлов Владимир Анатольевич. Дата обращения: 21 сентября 2018. Архивировано 21 сентября 2018 года.
Үшөө тиихэдэ харагты
- Буряад Уласай Арадай Хуралай II зарлалай һунгамалнууд
- Буряад Уласай Арадай Хуралай III зарлалай һунгамалнууд
- Буряад Уласай Арадай Хуралай IV зарлалай һунгамалнууд
- Буряад Уласай Арадай Хуралай V зарлалай һунгамалнууд
- Буряад Уласай Арадай Хуралай VI зарлалай һунгамалнууд
- Буряад Уласай Арадай Хуралай VII зарлалай һунгамалнууд
Ссылкэнүүд
- Владимир Павлов избран председателем Народного Хурала
- Спикером Народного Хурала Бурятии стал Владимир Павлов
- Депутаты Народного Хурала Республики Бурятия IV созыва
- ↑ Народный хурал Республики Бурятия. 2021-02-12 үдэртэ хандаһан.
- ↑ [https://hural-buryatia.ru/obshchie-svedeniya/istoricheskaya-spravka/deputaty-predydushchikh-sozyvov/iv-sozyv/ Депутаты Народного Хурала Республики Бурятия IV созыва
- ↑ Единоросс Владимир Павлов избран парламентариями спикером Народного Хурала Бурятии.