Доржиев Эрдэниин Сэрэн-Даша

Доржиев Эрдэниин Сэрэн-Даша
Доржиев Эрдэниин Сэрэн-Даша
	буряад хэлэн Доржиев Эрдэниин Сэрэн-Даша
Буряадай Уласай Арадай Хуралай Түрүүлэгшэ
	2015 оной августын 28 — 2018 оной сентябриин 19
Урид ажаллаһан хүн	Гершевич Матвей Матвеевич
Халан абагша	Павлов Владимир Анатольевич
Түрэһэн үдэр	1962 оной апрелиин 20 (64 наһатай); һуурин Нарһата - Нуурта, Яруунын аймаг, Буряадай АССР
Нам	Единая Россия[d];
Болбосорол	Буряадай гүрэнэй хүдөө ажахын дээдэ һургуули (мүнөөнэй- Буряадай гүрэнэй хүдөө ажахын академи
Шажан мүргэлдэ хамаадал	Бурханай номнол

Доржиев Эрдэниин Сэрэн-Даша (ород хэлэн Доржи́ев, Цыре́н-Даши́ Эрдыне́евич; 1962 оной апрелиин 20(1962-04-20) (64 наһатай), Нарһата һуурин, Буряад Улас түрэһэн) — Орос гүрэнэй бодолгын ажаябуулагша, Буряад Уласай Арадай Хуралай 6-дахи зарлалай һунгамал, Буряад Уласай Арадай Хуралай 5-дахи зарлалай Түрүүлэгшэ^[1]. 2024 оной 3 һарада тэрэ мэхэ гохо гаргаһан гэһэн гэмнэлтэтэйгээр баригдан тушаагдаһан байна^[2]. Хаалтада байха болзор 2025 оной январь һарада үргэдхэгдэһэн байна^[3].

Намтар

Доржиев Эрдэниин Сэрэн-Даша 1962 оной апрелиин 20-до Буряад АССР-эй Яруунын аймагай Нарһата-Нуурта һууринда түрэһэн.

Дунда һургуулияа дүүргэһээр Буряадай гүрэнэй хүдөө ажахын дээдэ һургуулиин (мүнөөнэй- Буряадай гүрэнэй хүдөө ажахын академи)оюутан болоһон юм.

1984 ондо «зоотехниг» гэһэн мэргэжэлээр дэээ һургуулияа түгэсэбэ.

1984 онһоо 1987 он болотор түрэл нютагайнгаа «Нарһатын» совхоздо мал ажахын мэргэжэлтэнээр, ахамад малай мэргэжэлтэнээр хүдэлөө.

1987 ондо комсомолой ажал руу шэлжэжэ, түрүүн комсомолой Яруунын райкомой хоёрдохи, удаань нэгэдэхи секретаряар һунгагдаһан байна.

Сэрэн-Даша Доржиев 1989 ондо «Нарһатын» совхозой директорээр томилогдоо. 1991 онһоо 1994 он болотор Яруунын аймагай «Улаан-Туя» колхозой правлениин түрүүлэгшээр хүдэлөө.

1994 онһоо 1999 он болотор Буряад Уласай Яруунын аймагай нютагай засагай байгууламжын хүтэлбэрилэгшэ. 1994 ондо Буряад Уласай Арадай Хуралай нэгэдэхи зарлалай депутадаар һунгагдаһан байна. Буряад Уласай Арадай Хуралай бүхы табан зарлалнуудта депутадай тушаал эзэлээ.

2000 оной январь һарада Буряад Уласай Арадай Хуралай Бюджедэй, татабариин, мүнгэн һангай, банкнуудай талаар хорооной түрүүлэгшээр һунгагдаһан байна. Тэрэ «Ниитэ нэгэ Росси» фракциин гэшүүн юм.

2015 оной августын 28-да Буряад Уласай 5-дахи зарлалай Арадай Хуралай Түрүүлэгшээр һунгагдаһан байна^[1].

2018 ондо нэгэ мандаттай һунгуулиин 29-дэхи тойрогһоо Буряад Уласай Арадай Хуралай зургаадахи зарлалай депутадаар һунгагдаһан байна. Эрхэ түлөөлгын эхилхэ үдэр: 2018 оной сентябриин 19.

Хуули буса хэрэг

2024 оной 3 һарада тэрэ мэхэ гохо гаргаһан гэжэ хардалгатайгаар баригдаһан ба ниитэ һургуулинуудые барилгын засагай газарай хэлсээнүүдые саг соонь бэелүүлэгдээгүй ушарай хэрэгтэ хабаатай байгаа^[2]. Хаалтада байха болзор 2025 оной январь һарада үргэдхэгдэһэн байна.^[3].

Шагналнууд ба зэргэнүүд

Буряад Уласай Арадай Хуралай Хүндэлэлэй грамота (1999)
Буряад Уласай Хүндэлэлэй грамота (2003)
«Орос гүрэнэй Парламент» шалгарһанай тэмдэг (2006)
Орден «Орос гүрэнэй хэрэглэгшэдэй хамтарал хүгжэлтэдэ хубитаяа оруулһанай түлөө» (2006)
Юбилейная медаль «Буряадай һайн дураараа Ород гүрэнэй бүридэлдэ ороһоор 350 жэл» (2011)
Медаль «Ородой Холбоото Уласта хэрэглэгшэдэй кооперативуудай 180 жэл» (2011)
Агван Доржиевай медаль(2014)
Буряад Уласай хүдөө ажахын үйлэдбэриин нэгэдэлэй габьяата хүдэлмэрилэгшэ (1998)
Оросой Холбоото Уласай габьяата экономист (2008)

Ажаглалтанууд

↑ ¹ ² Спикером Народного Хурала Бурятии стал Цырен-Даши Доржиев (неопр.). Дата обращения: 14 октябрь 2025. Архивировано 7 октябрь 2015 года.
↑ ¹ ² Силовики задержали экс-спикера хурала Бурятии (неопр.). «Ведомости. Страна» (29 март 2024). Дата обращения: 14 октябрь 2025.
↑ ¹ ² Экс-спикера Народного Хурала Бурятии на год оставили в СИЗО (неопр.). baikal-daily.ru (19 январь 2025). Дата обращения: 14 октябрь 2025.

Ссылкэнүүд

Спикером Народного Хурала Бурятии стал Цырен-Даши Доржиев (онлайн-трансляция) (ород хэлэн). baikal-daily.ru.
Как Цырен-Даши Доржиев стал спикером Народного Хурала Бурятии (ород хэлэн). gazeta-n1.ru.

[autogenerated1-1] ¹ ² Спикером Народного Хурала Бурятии стал Цырен-Даши Доржиев (неопр.). Дата обращения: 14 октябрь 2025. Архивировано 7 октябрь 2015 года.

[:0-2] ¹ ² Силовики задержали экс-спикера хурала Бурятии (неопр.). «Ведомости. Страна» (29 март 2024). Дата обращения: 14 октябрь 2025.

[:1-3] ¹ ² Экс-спикера Народного Хурала Бурятии на год оставили в СИЗО (неопр.). baikal-daily.ru (19 январь 2025). Дата обращения: 14 октябрь 2025.

[1]

[2]

[3]