Балдан Цыдыповэй баатаршалга
| Балдан Цыдыповэй баатаршалга | |
|---|---|
 | |
| Хамаадал | |
| Сэрэгэй түрэл янзань |
Оросой Холбоото Уласай танкын сэрэгүүд |
| Дайн/байлдаан | Украин Уласай Киевэй можын дэбисхэр дээрэ болоһон байлдаан |
Балдан Цыдыповэй баатаршалга (ород хэлэн дээрэ Подвиг Балдана Цыдыпова) — 2022 оной мартын 30-да сэрэгэй тусхай ябуулгын үедэ Украин Уласай Киевэй можын дэбисхэр дээрэ болоһон байлдаануудай үедэ оросой офицер, торгон сэрэгэй танкын Тацинай тусгаар амяараа 5-дахи бригадын мотобуудалгын хэсэгэй захирагша Балдан Цыдыповэй[1] гаргаһан баатаршалга.
Баатаршалгын түүхэ
Сэрэгэй тусхай ябуулгын үедэ Оросой Холбоото Уласай Зэбсэгтэ Хүсэнүүдэй офицер, торгон сэрэгэй танкын Тацинай тусгаар амяараа 5-дахи бригадын мотобуудалгын хэсэгэй захирагша Балдан Цыдыповэй батальон 2022 оной мартын 30-да Украин Уласай Киевэй можын дэбисхэр дээрэ отололгодо ороһон юм. Байлдаанай үедэ дайсан томо һомонуудтай артиллери хэрэглэн, айхабтар шангаар буудажа эхилээ. Байлдагша талануудай хүсэнүүд сасуулхаар бэшэ байгаа. Хэды тиигэбэшье, хамта алба хаагша сэрэгшэдтээ ами наһаяа абаржа, саашалхыень захираа. Юундэб гэхэдэ, сэрэгшэдэйнгээ ами наһа, техникэеэ абарха хэрэгтэй байгаа бшуу[2]. Өөрөө хэды ехэ контузи абаһаншье һаа, нэгэ нютагһаа гарбалтай сэрэгшэн Артём Дамбаевтай болон амиды үлэһэн хэдэн сэрэгшэдтэеэ Балдан Цыдыпов бэшэнээ халхалжа, пушкээр болон ябаган сэрэгэй БМП-2 түхэлэй тэһэлүүлэнхэй машинаяа дайсанай урдаһаа залажа, пулемёдоорнь тэдэниие хоёр сагай туршада буудажа тогтоогоо. Тиихэдээ, өөрынгөө сэрэгшэдтэ аюулгүй газар ошохо арга олгоо. Тэрээнһээ гадна, шархатаһан хоёр сэрэгшэдтэ туһа хүргэһэн байха юм. Тиин 150 сэрэгшын ами наһа абараа[3]. Харин Артём Дамбаев нүхэрынь баатарай үхэлөөр алдалан унаһан байна. Энэ баатаршалга харуулһанайнгаа түлөө ахалагша лейтенант Балдан Цыдыпов Оросой Холбоото Уласай Баатарай медаляар шагнагдаһан[4].
Шуһата байлдаанай һүүлдэ
Шанга гэншын контузи абаһан Балдан Цыдыпов байлдаанай эсэстэ үшөө дахин шархатаад, мэдэрэлээ алдажа унаһан байгаа. Үе мүсөө хухарһан, шатаһан бэетэй, хэдэн ехэ шархатай Балданиие сугтаа алба хаадаг хүбүүдынь байлдаанай газарһаа гаргаа. Удаань Санкт-Петербургда[5] болон Москвада ([6] аргалуулхадаа, 20 гара дахин мэсэ заһалда ороо.
Эзэеэ олоһон алтан одон
Энэ баатаршалга гаргаһанайнгаа түлөө Балдан Цыдыпов Эрэлхэг зоригой орденоор 2022 оной апрелиин 18-да шагнагдаһан юм[7]. Үбэр Байгалай хизаарай Агын Буряадай тойрогой хорёод мянган ажаһуугшад Балдан Цыдыповтэ Оросой Холбоото Уласай Баатарай нэрэ зэргэ олгохо тухай Оросой Холбоото Уласай хамгаалгын сайд Сергей Шойгуда бэшэгдэһэн хандалгада гараа табиһан юм. Буряад Уласай Толгойлогшо Алексей Цыденов гүрэн түрын толгойлогшодо баһал иимэ гуйлтатайгаар хандаһан байгаа. Оросой Холбоото Уласай Юрэнхылэгшэ Владимир Путин эдэ хандалгануудые дэмжэжэ, 2022 оной июниин 11-нэй зарлигаар Балдан Цыдыповтэ Оросой Холбоото Уласай Баатарай нэрэ зэргэ олгоһон юм[8]. Сэрэгэй эмнэлгын газарта аргалуулжа байһан залуу офицерые Сергей Шойгу бэеэрээ бараалхажа, Оросой Холбоото Уласай Баатарай алтан одо зүүлгээ һэн[9].
Үшөө тиихэдэ харагты
Ссылкэнүүд
На эту статью не ссылаются другие статьи Рувики. |
.svg){kind=link}
- ↑ https://bxr.ruwiki.ru/wiki/%D0%A6%D1%8B%D0%B4%D1%8B%D0%BF%D0%BE%D0%B2_%D0%91%D0%B0%D0%BB%D0%B4%D0%B0%D0%BD_%D0%91%D0%B0%D0%B8%D1%80%D0%BE%D0%B2%D0%B8%D1%87
- ↑ https://dzen.ru/a/Ymq68AQPKHh38pvw
- ↑ https://dzen.ru/a/Ymq68AQPKHh38pvw
- ↑ https://yandex.ru/video/preview/1990590203198466791
- ↑ https://bxr.ruwiki.ru/wiki/%D0%A1%D0%B0%D0%BD%D0%BA%D1%82-%D0%9F%D0%B5%D1%82%D0%B5%D1%80%D0%B1%D1%83%D1%80%D0%B3
- ↑ https://bxr.ruwiki.ru/wiki/%D0%9C%D0%BE%D1%81%D0%BA%D0%B2%D0%B0
- ↑ https://rg.ru/2022/07/26/shojgu-v-gospitale-vruchil-zvezdu-g….
- ↑ https://rg.ru/2022/07/26/shojgu-v-gospitale-vruchil-zvezdu-geroia-rossii-starshemu-lejtenantu-cydypovu-spasshemu-150-sosluzhivcev.html
- ↑ https://www.baikal-daily.ru/news/16/438263/
- ↑ https://www.irk.kp.ru/daily/27600/4924278/