Рубленко Иван Александрович

Рувикидэ иимэ обогтой ондоо хүнүүд тухай үгүүлэлнүүд бии Рубленко.

Рубленко Иван Александрович
Түрэһэн һара/үдэр	1919 оной августын 25
Түрэһэн газар	РСФСР, Енисейн можо (мүнөөнэй Красноярскын хизаар), Минусинск хото
Наһа бараһан һара/үдэр	1981 оной февралиин 12
Наһа бараһан газар	СССР, Иркутскын можо, Иркутск хото
Хамаадал	СССР
Сэрэгэй түрэл янзань	артиллери
Алба хэһэн жэлнүүд	1939—1956
Нэрэ зэргэ	майор
Захираа	артиллериин дивизионоор
Дайн/байлдаан	Эсэгэ ороноо хамгаалгын Агууехэ дайн
Шангууд ба шагналнууд	Знак «Гвардия» Знак МО СССР «25 лет Победы в Великой Отечественной войне» (24 апреля 1970)
Албанһаа сүлөөрэлгын һүүлдэ	полковник

Рубленко Иван Александрович (1919 оной августын 25-да түрэһэн, Енисейн можо (мүнөөнэй Красноярскын хизаар), Минусинск хото — 1981 оной февралиин 12-то наһа бараһан, Иркутскын можо, Иркутск хото) — Эсэгэ Ороноо хамгаалгын Агууехэ дайнда хабаадагша, Украинын 1-дэхи фронтын, танкын 4-дэхи армиин, торгон сэрэгэй 6-дахи механизированна нэгэдэлэй, торгон сэрэгэй 16-дахи мехбригадын артиллериин дивизионой захирагша, Зүблэлтэ Холбооной Баатар, наһанайнгаа амаралтада полковнигой зиндаатай гараһан.

Намтар

1919 оной августын 25-да Енисейн можын (мүнөөнэй Красноярскын хизаарай), Минусинск хотодо ажалшадай гэр бүлэдэ түрэһэн намтартай.

Томскын артиллериин училищи дүүргээд, Дунда Азиин сэрэгэй тойрогто лейтенантын зэргэтэй алба хааһан байна.

1941 оной июль hараhаа Ельни шадархи байлдаанда хабаадажа, шархатаhан юм.

1941 оной сентябрь һараһаа торгон сэрэгэй артиллериин 51-дэхи полкдо батарейн захирагшын, ахамад дивизионой адъютантын болон дивизионой захирагшын тушаалнуудта дайлалдаа. Москва шадар болоһон байлдаануудта хабаадаа, Украина, Польшые сүлөөлөө. 1942 онһоо хойшо КПСС-эй гэшүүн ябаһан.

Баатаршалга

1945 оной январиин 26-да арбан долоон тагнуулшадые ударидажа, дайсанай буудалга доро Одер мүрэниие онгосоор дайлалдан гаталжа эхилээ һэн. Голой дунда онгосо һандаржа, сэрэгшэд уһа тамаржа эрьедэ хүрөө. Нүгөө эрьедэнь гараад дайсадые усадхажа һалгаагаад, гурбан угтан добтололго урдаһаань добтолон сараа. Иван Рубленко артиллериин дивизионой буудалгын шэглэл залан заһажа, плацдармые эзэлхэ, тэрэниие бариха хэрэгтэ ехэхэн хубитаяа оруулһан байна.

СССР-эй Дээдын Зүблэлэй Президиумэй 1945 оной апрелиин 10-ай «Улаан Сэрэгэй артиллериин офицернүүдэй болон сержантнуудай бүридэлдэ Зүблэлтэ Холбооной Баатарай нэрэ зэргэ олгохо тухай» Зарлигаар «немец булимтарагшадтай фронтдо тэмсэхэ үедөө захиралгын дайшалхы даабаринуудые жэшээтэ бэрхээр дүүргэһэнэйнгээ түлөө, тиихэдээ харуулһан шэн зоригой ба баатаршалгын түлөө» торгон сэрэгэй 16-дахи мехбригадын артиллериин дивизионой захирагша, майор Иван Рубленко Зүблэлтэ Холбооной Баатарай үндэр нэрэ зэргэдэ хүртөө.

Дайнай һүүлдэ

Германида совет сэрэгэй бүлэгтэ алба хэһэн байна. 1950 онһоо Михайловскын сэрэгэй артиллериин академидэ һураа.

1956 ондо эдэбхитэй албанһаа наһанайнгаа амаралтада гараад, Эрхүү хото зөөжэ ошоо, Арадай ажахын дээдэ һургуули дүүргээд, «Союзцветмэт» гэһэн эмхиин можонууд хоорондын хүтэлбэриин таһагые даагшаар, органическа бэшэ химиин институдай даргын орлогшоор хүдэлөө. 1970-аад онуудаар Урда-Сахалинск хотодо ажаһуугаа, ажаллаа. 1980 оной март һараһаа Эрхүү хотодо бусажа ерээд, хүн зониие зөөдэг унаа тээбэриин 1-дэхи үйлэдбэриин нэгэдэлэй даргын орлогшоор хүдэлөө.

Тэрэ 1981 оной февралиин 12-то наһа бараа. Эрхүү хотодо Радищевын хүүр газарта хүдөөлүүлэгдэһэн.

Шагналнууд ба нэрэ зэргэнүүд

• «Алтан Одон» медаль Зүблэлтэ Холбооной Баатарай;
• Ленинэй орден;
• хоёр, Улаан Тугай орден;
• Эсэгэ Ороноо хамгаалгын Агууехэ дайнай II шатын орден;
• Улаан Одоной орден;
• медальнууд.

Дурасхаал

• Эрхүү хотодо Иван Рубленкын дурасхаалда зорюулжа, ажаһууһан гэртэнь дурасхаалай самбар үлгэгдэнхэй.
• Буряад Уласай Баунтын аймагай Багдарин тосхондо 2011 ондо Иван Рубленкын сээжэ бэеын хүшөө тодхоогдоо.

Ажаглалта

Ном зохёол

• Кузнецов И. И. Рубленко Иван Александрович // Кузнецов И. И. Золотые Звёзды иркутян. — Иркутск: Вост.-Сиб. кн. изд-во, 1982. — С. 334—335. — 352 с., ил. — 30000 экз.
• Гольдфарб С. И. Могила Героя Советского Союза И. А. Рубленко // Памятники истории и культуры Иркутска. — Иркутск: Вост.-Сиб. кн. изд-во, 1993. — 237—238. — 448 с. — 5000 экз. — ISBN 5-7424-0581-2.

Ссылкэнүүд

• Рубленко Иван Александрович. Сайт «Герои страны».
• Рубленко Иван Александрович на сайте Солдаты Победы.
• Могила Ивана Рубленко на сайте Поискового отряда «Байкал».