Гершевич Матвей Матвеевич

Матвей Матвеевич Гершевич
Матвей Матвеевич Гершевич
Буряад Уласай Арадай Хуралай Түрүүлэгшэ
	2007 оной декабриин 11-һээ — 2015 оной апрелиин 23 болото
Урид ажаллаһан хүн	Александр Гомбоевич Лубсанов
Халан абагша	Цырен-Даши Эрдынеевич Доржиев
Түрэһэн үдэр	1948 оной февралиин 28 (78 наһатай); Улюн һуурин, Баргажанай аймаг, Буряад Монголой АССР, РСФСР, СССР
Болбосорол	Свердловскын юридическа дээдэ һургуули

Матве́й Матве́евич Герше́вич (1948 оной февралиин 28(1948-02-28) (78 наһатай), Улюн^[d], Буряадай АССР^[d] түрэһэн — Орос гүрэнэй Буряадай бодолгын ажаябуулагша, Буряад Уласай Арадай Хуралай Түрүүлэгшэ 2007 онһоо декабриин 11-һээ 2015 оной апрелиин 23 болотора (IV -дэхи ба V -дахи зарлалнууд).

Намтар

Матвей Гершевич 1948 оной февралиин 28-да Буряад-Монголой АССР-эй Баргажанай аймагай Улюн һууринда түрэһэн юм. Эхынгээ талаһаа тэрэнэй уг гарбал 1830—1831 оной Польшын буһалгаанда хабаадаһан Баргажанай хонхорто сүлэлгэдэ байһан еврейнүүдһээ эхитэй^[1].

1964 ондо дунда һургуулияа түгэсэһэнэй удаа, Свердловскын хуулиин дээдэ һургуулида (мүнөөнэй-Ураалай гүрэнэй хуулиин ехэ һургуули) ороһон байна^[2]. Гершевич 1970 ондо «правоведение» гэһэн мэргэжэлээр дээдэ һургуулиин диплом абаа. Тэрэл жэлдэ Буряад ороноо бусажа ерээд, Хяагтын аймагай прокуратурын мүрдэгшээр ажалайнгаа намтар эхилһэн юм.

1973 онһоо 1974 он болотор Зүблэлтын Армида алба хааһан байна. Сэрэгэй албанай һүүлээр Буряадай АССР-эй прокуратурын мүрдэлгын таһагта прокуророор ажаллаа. 1975 ондо Түнхэнэй аймагай прокуророор томилогдоо.

1979 онһоо 1987 он болотор Буряад Уласай прокуратурын юрэнхы хиналтын хүтэлбэриин даргаар хүдэлөө. 1987 онһоо 1992 он болотор уласай прокуророй орлогшоор, мүрдэлгын таһагые даагшаар хүдэлөө.

1992 ондо Буряад Уласай прокуророй нэгэдэхи орлогшоор томилогдоо.

Тэрэ 2007 оной декабриин 2-то Баргажан аймагай дэбисхэр багтааһан 30-дахи нэгэ мандадтай һунгуулиин тойрогто IV зарлалай Буряад Уласай Арадай Хуралай депутадай һунгалтада илажа гараа.

Декабриин 11-дэ Буряад Уласай Арадай Хуралай IV зарлалай түрүүшын сесси дээрэ тэрэ Буряад Уласай Арадай Хуралай Түрүүлэгшээр һунгагдажа, нютагай парламентын гурбадахи түрүүлэгшэ болоһон байна^[3].

Матвей Гершевич 2013 оной сентябрь һарада Буряад Уласай Арадай Хуралай Түрүүлэгшээр хоёрдохиёо һунгагдаһан байна.

Байгша оной февралиин 26-да Арадай Хуралай гэшүүд Хуралай түрүүлэгшые һунгуулиин хүсөөр тушаалһаань болюулха тухай асуудал Хуралай удаадахи сессиин үдэрэй заршамда табижа, спикер Матвей Гершевичтэ дарамта үзүүлээ. Тэрэнэй ашаар Гершевич 2015 оной апрель һарада һайн дураараа, сагһаа урид эрхэ мэдэлээ болюулха гэжэ шиидэбэ.

Шагналнууд ба зэргэнүүд

Буряадай АССР-эй Дээдын Зүблэлэй Президиумын Хүндэлэлэй грамота (1982)
«Байгал-Амуурай түмэр замай барилгын түлөө» медаль (1984)
«Буряадай АССР габьяата юрист» гэжэ Хүндэлэлэй тэмдэг (1991)
«Оросой Холбоото Уласай прокуратурын хүндэ хүлэлмэрилэгшэ» үбсүүн дээрэхи тэмдэг(1994)
«Оросой Холбоото Уласай габьяата юрист» гэһэн Хүндэтэ зэргэ(1997)
Нэрэтэ буу зэбсэг (2006)
«Прокуратурын ветеран» медаль (2007)

Ажаглалтанууд

↑ Гершевич Матвей Матвеевич (неопр.). Дата обращения: 12 октябрь 2025. Архивировано 22 апрель 2018 года.
↑ Матвей Гершевич: не только спикер (неопр.). Дата обращения: 12 октябрь 2025. Архивировано 2 октябрь 2018 года.
↑ Гершевич Матвей Матвеевич (неопр.). Дата обращения: 12 октябрь 2025. Архивировано 23 апрель 2018 года.

[1] Гершевич Матвей Матвеевич (неопр.). Дата обращения: 12 октябрь 2025. Архивировано 22 апрель 2018 года.

[2] Матвей Гершевич: не только спикер (неопр.). Дата обращения: 12 октябрь 2025. Архивировано 2 октябрь 2018 года.

[3] Гершевич Матвей Матвеевич (неопр.). Дата обращения: 12 октябрь 2025. Архивировано 23 апрель 2018 года.

[1]

[2]

[3]