Бадмаева Людмила Николаевна
| Людмила Николаевна Бадмаева | ||
|---|---|---|
 | ||
| Түрэһэн һара үдэр | 1981 оной июлиин 10 (45 наһатай) | |
| Түрэһэн газар |
|
|
| Гүрэн | ||
| Ажал ябуулгын янза | гэрэй эзэн эхэнэр | |
| Шагналнууд |
|
|
Людми́ла Никола́евна Бадма́ева (ород хэлэн Бадма́ева,Людми́ла Никола́евна, 1981 оной июлиин 10 (45 наһатай), Михайловка[d], Буряад Улас түрэһэн) — олон хүүгэдтэй эжы, 2022 ондо Оросой Холбоото Уласай Юрэнхылэгшын зарлигаар «Эхэ герой» нэрэ зэргэдэ хүртэһэн[1].
Намтар
Людмила Бадмаева Буряад Уласай Захааминай аймагай Михайловка һууринда түрэһэн, энэл нютагтаа ажаһуудаг. Наһанайнгаа нүхэр, Алексей Александрович Анулеевтай 1999 ондо «Михайловское» гэһэн хүдөө ажахын үйлэдбэриин хамтаралай орооһоной тоог дээрэ танилсаад, 2001 ондо айл бүлэ болоһон юм. Людмила нүхэртэеэ 10 хүүгэдые хүмүүжэлнэ: табан хүбүүд ба табан басагадые. Эгээл томонь 23-тай, аһан багань — 4 наһатайхан юм[2].
Ниигэмэй хамгаалгын сайд Татьяна Александровна Быкова Людмила Алексей хоёрой гэр бүлэ жэшээ боломоор хүнүүдэй нэгэн гэжэ тодоуулаа:
Буряад ороной омогорхол. Олон үхибүүдэй эжы Людмила Бадмаевагай нэрэ Захааминай аймагай Эхын алдар солын ном соо оруулагданхай, мүнөөдэрэй тоогоор тэрэ ном соо олон үхибүүдтэй 26 эжынэрэй нэрэнүүд бүридхэгдэнхэй юм. Бидэ иимэ олон хүүгэдтэй, эбтэй эетэй гэр бүлэнүүдые арга боломжоороо олон болгохыень хүсэнэбди. Юуб гэхэдэ, олон болохо бүри хүсэтэй болонобди. Тиин манай гүрэнэй гол бодолго хадаа, илангаяа «Демографи» гэһэн үндэһэтэнэй түсэл үхибүүдэй мүндэлхэ хэмжээе сахиха, гэр бүлын болон эхын гэһэн институт бэхижүүлхэ зорилготой юм. Гэр бүлэ — Эхэ ороноймнай тулга болоно
— Татьяна Быкова[3].
Людмила Бадмаевагай наһанайнь нүхэр
Алексей Анулеев үхибүүдэй гэрэй даабари шалгадаг, мүн гэр бүлынгөө аяншалга, гэр бүлынгөө хамтын зугаа эмхидхэдэг юм. Анулеев — барилгашан. Заһабарилгын ажалнуудые эрхилдэг, тэрэ тоодо гэртэхи газаахи байра байшангуудые барилгада хабаададаг. Хүбүүдынь тэрээнһээ бодото дүй дүршэлэй эрдэм мэдэсэ, шадабарида һурана. Анулеев мүн лэ тусхай сэрэгэй үйлэнүүдэй газарта байлдаанай хэмжээ ябуулгануудта һайн дураараа хоёр дахин хабаадажа, байлдаанай ветеран юм.
Хүүгэд
Ехэ хүбүүн Степан сэрэгэй алба дүүргээд, Оросой Үндэһэтэнэй гвардида хүдэлхэеэ ошоо. Хоёрдохи хүбүүн Владимир Оросой Холбоото Уласай Зэбсэгтэ Хүсэнүүдтэ алба хаажа байна. Алла ба Татьяна басагадынь Гусиноозёрск хотын энергетическэ колледжын оюутад, хоюулан зурагаар һонирходог. Иван Дмитрий хүбүүд нютагайнгаа дунда һургуулида һурана, мүн «Дозор» гэһэн сэрэгэй-патриотическа клубай, тамирай мүрысөөнүүдэй гэшүүд, волонтёрнууд, голой загаһа бариха дуратайшуул юм. Бага үхибүүд Анна, Александр, Алина, Елизавета гэгшэд һургуулиин наһа гүйсөөгүй үхибүүд, гэртэхиндээ гэрэй ажалда туһалдаг[3].
Шагналнууд
2022 оной намар Ородой Холбоото Уласай Юрэнхылэгшэ В. В. Путин түрүүшын зарлигуудайнгаа нэгэндэ Людмила Бадмаевада «Гэр бүлын байгууламжа бэхижүүлхэ, эхэ болохо удха шанар дээшэлүүлхэ, үхибүүдые хүмүүжүүлхэ талаар ехэ габьяагай түлөө» гэжэ тайлбарилтай «Эхэ герой» хүндэтэ нэрэ зэргэ олгоһон байна.
Уласай Юрэнхылэгшэ 2022 оной зун арбан ба тэрэнһээ дээшэ үхибүүдые хүмүүжүүлжэ байһан Орос гүрэнэй эхэнэрнүүдтэ «Эхэ баатар» гэһэн нэрэ зэргэ нэбтэрүүлжэ, энээндэ хабаатай зарлигта гараа табиһан байна. Шагнал хадаа бриллантнуудаар шэмэглэһэн алтан одон ба эмаляар бүтээгдэһэн уласай герб түхэлтэй; энэнь 1 сая түхэригэй мүнгэн шантай үгтэнэ. Зүблэлтэ Холбоондо иимэ нэрэ зэргэ 47 жэлэй туршада байгаа, 430 мянганһаа дээшэ эхэнэрнүүдтэ олгогдодог байна.
Захааминай аймагай Ажаһуугшадые ниигэмэй талаар хамгаалгын хүтэлбэриин мэдээгээр, 2014 ондо Эжы — Эхэнэрнүүдэй IV -дэхи аймагай форум дээрэ Эхын алдар солын ном байгуулагдаа. 2020 ондо аймагай 10-дахи форум дээрэ энэ эрхэдэ хүртэхэ 30-дахи эхэнэр-эхын — Людмила Бадмаевагай нэрэ тэрээн дээрэ нэмэгдэбэ[4].
Ажаглалтанууд
- ↑ Указ Президента Российской Федерации от 26.11.2022 № 858 ∙ Официальное опубликование правовых актов ∙ Официальный интернет-портал правовой информации. publication.pravo.gov.ru. Дата обращения: 25 август 2025. Архивировано 14 ноябрь 2022 года.
- ↑ Жительница Бурятии получила звание «Мать-героиня» (англ.). baikal-daily.ru. Дата обращения: 25 август 2025.
- ↑ 1 2 Интернет-портал «Информ Полис online» (англ.). infpol.ru. Дата обращения: 25 август 2025.
- ↑ Имя многодетной мамы из Закаменского района внесено в Книгу Материнской славы (англ.). egov-buryatia.ru. Дата обращения: 25 август 2025.
Ссылкэнүүд
- Путин вручил знаки отличия матерям-героиням Людмиле Бадмаевой и Медни Кадыровой (ород хэлэн). iz.ru (23 май 2023).
- Дальневосточники получили госнаграды из рук президента (ород хэлэн). rg.ru (24 май 2023).
- Жительница Бурятии получила звание «Мать-героиня» (ород хэлэн). baikal-daily.ru.
Буряад Уласай эхэ-геройнууд | ||
|---|---|---|
 | ||
