Аюрова Ольга Дашиевна

Ольга Дашиевна Аюрова
Гол мэдээсэл
Түрэһөөр нэрэ	Ольга Хунданова
Түрэһэн үдэр	1952 оной августын 27(1952-08-27) (73 наһатай)
Түрэһэн газар	Бэшүүрэй аймаг, Буряад Улас, Оросой Холбоото Улас
Гүрэн	СССР   Орос Улас
Мэргэжэлнүүд	оперно дуушан, хүгжэмэй багша
Эдэбхитэй жэлнүүд Дууша хоолой	1981 онһоо
Дууша хоолой	меццо-сопрано
Жанрнууд	оперо, романс, дуун
Коллективууд	Буряадай гүрэнэй оперо болон баледэй академическэ театр
Шагналнууд	Буряадай АССР-эй арадай зүжэгшэн Дуушадай М. Глинкиин нэрэмжэтэ Бүхэсоюзна мүрысөөнэй Нэгэдэхи шан Залуу дуушадай П.И.Чайковскийн нэрэмжэтэ Уласхоорондын VIII мүрысөөнэй Дипломант

О́льга Даши́евна Аю́рова (1952 оной августын 27(1952-08-27) (73 наһатай), Бэшүүрэй аймаг, Буряад Улас түрэһэн) — Оросой Холбоото Уласай буряадай оперын дуушан, Буряадай АССР-эй Арадай зүжэгшэн (1987), РСФСР-эй габьяата зүжэгшэн (1990), Г. Ц. Цыдынжаповай нэрэмжэтэ Буряадай оперо болон баледэй академическэ театрай гол дуушан.

Намтар

Ольга Дашиевна Аюрова 1952 оной августын 27-до Буряадай АССР-эй Бэшүүрэй аймагта түрөө..

1981 ондо Лениградай Римский-Корсаковой нэрэмжэтэ гүрэнэй хүгжэм дуунай дээдэ hургуули (мүнөөнэй-Санкт-Петербургын Гүрэнэй Н. А. Римский-Корсаковай нэрэмжэтэ консерватори) дүүргээ. Дээдэ hургуулияа дүүргэмсээрээ Буряадай гүрэнэй оперо болон баледэй академическэ театрай бүридэлдэ дуушанаар абтаhан байна. Ирагуу hайхан хоолойтой, дуулаха мэргэжэлдээ үндэр хэмжээнэй шадабаритай, бэлигтэй дуушан театрта хүдэлхэ үедөө бүхэдэлхэйн, Ородой жасаhаа элитэ дүрэнүүдые гүйсэдхэhэн байха юм.

1984 ондо М. И. Глинкиин нэрэмжэтэ дуушадай Бүхэзүблэлтэ мүрысөөндэ тэрэ хабаадаад, анха түрүүшынхиеэ бага танхимай хэмжээнэй дуушан-хабаадагша гэhэн hайшаалда хүртэhэн байна. Ольга Аюрова «бага танхимай хэмжээнэй дуун» гэhэн таhагта эрхим боложо шалгарhан байна (1-дэхи шагнал). Энээнhээ гадуур, И. Архипова, П. Лисициан, М. Пальм, М. Биешу, З. Долуханова, Г. Гаспарян гэгшэдhээ бүридэhэн шүүлгын бүлэг гансаарандань «М. И. Глинкын романснуудые эрхимээр гүйсэдхэhэнэй түлөө» гэhэн тусхай Хүндэлэлэй тэмдэг барюулhан юм.

1986 ондо оперын дуушан П. И. Чайковскийн нэрэмжэтэ залуу дуушадай Уласхоорондын VIII мүрысөөнэй илагша болоhон байна. Ольга Аюрова залуу дуушадай Ородой Холбооной I-дэхи болон Бүхэзүблэлтын I-дэхи ехэ нааданда амжалтатайгаар хабаадаа.

Сибирь болон Алас Дурнын, Ураалай, Ородой Холбооной урда зүгэй хотонуудта гастролёор ябаhан. «Монголдо Буряад ороной туйлалтануудай жэшээ дээрэ СССР-эй сёолой үдэрнүүдтэ», театртаяа 1978 ондо, 1989 ондо Москвада, Ленинградта үнгэргэhэн зохёохы тоосоонуудта хабаадаhан юм. Тэрэнэй һайхан дуу хүгжэм Монголдо, Францида, Хитадта болон Урда Солонгосто зэдэлhэн.

СССР-эй арадай зүжэгшэн Иван Семёнович Козловский 1989 ондо Москвада иигэжэ хэлэhэн байдаг:

Би тайзан дээрэ олон жэл дууланаб, харин Ольга Аюровагай харуулhан эды шэнээн ялас гэмэ Кончаковнае хэзээшье хараагүйб!

—

.

1987 ондо Буряадай АССР-эй арадай зүжэгшын нэрэ зэргэдэ хүртөө. 1990 ондо Ольга Дашиевна Аюровада Ородой Холбооной габьяата зүжэгшэн гэhэн нэрэ зэргэ олгогдоо.

Мүнөө дээрээ О. Д. Аюрова Зүүн-Сибириин гүрэнэй онол аргануудай болон хүтэлбэрилгын ехэ hургуулиин соёл шэнжэлгын болон ниитэ соёлой антропологиин тэмхимэй багша.

Театрай дүрэнүүд

• Марина Мнишек — М. Мусоргскийн «Борис Годунов» соо
• Маддалена — Дж. Вердиин «Риголетто» соо
• Любаша — Н. Римский-Корсаковой «Царская невеста» соо
• Ольга — П. Чайковскийн «Евгений Онегин» соо
• Полина и Графиня — П. Чайковскийн «Пиковая дама» соо
• Кармен — Ж. Бизегэй оперо соо
• Амнерис — Дж. Вердиин «Аида» соо
• Азучена — Дж. Вердиин «Трубадур» соо
• Кончаковна — А. Бородинай «Князь Игорь» соо.

Шагналнууд ба зэргэнүүд

• Ородой Холбооной габьяата зүжэгшэн (1990);
• Буряадай АССР-эй арадай зүжэгшэн(1987);
• М. И. Глинкиин нэрэмжэтэ дуушадай Бүхэзүблэлтэ мүрысөөнэй нэгэдэхи шангай лауреат (1984);
• П. И. Чайковскийн нэрэмжэтэ залуу дуушадай Уласхоорондын VIII мүрысөөнэй дипломант (1986).

Ажаглалтанууд