Хантаев Василий Харинаевич

Хантаев Василий Харинаевич
Хантаев Василий Харинаевич
Түрэһэн һара/үдэр	1924 оной августын 19
Түрэһэн газар	Буряд-Монголой АССР, Усть-Ордагай Буряадай тойрог, Эхирэд-Булагадай аймаг, Байтаг нютаг
Наһа бараһан һара/үдэр	1990 оной апрелиин 29 (65 наһатай)
Наһа бараһан газар	Улаан-Үдэ, РСФСР, Зүблэлтэ холбоото улас;
Хамаадал	СССР
Сэрэгэй түрэл янзань	артиллери
Алба хэһэн жэлнүүд	1941 он—1947 он
Нэрэ зэргэ	бага зэргын сержант
Дайн/байлдаан	Эсэгэ ороноо хамгаалгын Агууехэ дайн

Улаан-Үдэдэ Василий Хантаевта сээжэ бэеын хүшөө

Хантаев Василий Харинаевич (1924 оной августын 19-дэ түрэһэн, Буряд-Монголой АССР, Усть-Ордагай Буряадай тойрог, Эхирэд-Булагадай аймаг, Байтаг нютаг — 1990 оной апрелиин 29 наһа бараһан, Буряад Улас, Улаан-Үдэ) — Эсэгэ Ороноо хамгаалгын Агууехэ дайнда хабаадагша, артиллерист, Зүблэлтэ Холбооной Баатар (1945).

Намтар

Буряад таряашадай бүлэдэ түрэһэн. Һургуулиин арбадахи анги дүүргээд, Эрхүү можын Эрхүү-Качуг гэһэн авто-замуудай хүтэлбэридэ тоологшын тушаалда хүдэлөө.

1941 оной июль hарада Ажалшад-Таряашадай Улаан Сэрэгтэ татагдаад, полкын hургуулида hурахаяа эльгээгдэбэ. 1942 оной август һараһаа Воронежэй болон 1-дэхи Украинын фронтнуудта сэрэгэй ябуулгануудта хабаадаа.

1945 оной апрелиин 26 — майн 2 болотор, 70-дахи механизированна Проскуровска бригадын (9-дэхи механизированна корпус, торгон сэрэгэй танкын 3-дахи арми, 1-дэхи Украинска фронт) артиллериин дивизионой 76 мм буугай захирагша, комсомол, бага зэргын сержант Василий Хантаев илангаяа Берлиндэ гудамжануудаар болоһон тулалдаануудта шалгараа. Байлдаанда шархатаһаншье һаа, гансаараа буу дээрээ үлэжэ, ябаган сэрэгэй урагшаа дабшахада һаалта хэжэ байһан зенитнэ буу даража, дайсанай хэдэн бронетранспортёрнуудые болон унаануудые һүнөөжэ шатааһан байна^[1].

СССР-эй Дээдын Зүблэлэй Президиумэй 1945 оной июниин 27-ой Зарлигаар «немец булимтарагшадтай фронтдо тэмсэхэ үедөө захиралгын дайшалхы даабаринуудые жэшээтэ бэрхээр дүүргэһэнэйнгээ түлөө, тиихэдээ харуулһан шэн зоригой ба баатаршалгын түлөө» торгон сэрэгэй бага зэргын сержант Хантаев Василий Харинаевич Зүблэлтэ Холбооной Баатарай үндэр нэрэ зэргэдэ хүртэжэ, Ленинэй орденоор болон № 7836 дугаарай «Алтан Одон» медаляар шагнагдаһан байха юм^[2].

Дайнай һүүлээр Сретенскын сэрэгэй ябаган сэрэгэй училищи дүүргээ. 1947 ондо албанһаа нөөсэдэ табигдажа, наhанайнгаа амаралтада гараа. 1951 ондо Эрхүүгэй партийна hургуули, 1961 ондо Новосибирскын дээдэ партийна hургуули дүүргээ.

Усть-Ордагай тосхондо совхозой захиралаар, Эхэрэд-Булагадай үйлэдбэриин хүтэлбэридэ экономистаар ажаллаа. Удаань Улаан-Үдэ хотодо СССР-эй Эрдэмэй академиин Сибириин таһагай филиалда эдэй-техническэ хангалгын ахамад инженерээр хүдэлмэрилөө.

1990 оной апрелиин 29-дэ наһа бараа.

Шагналнууд

«Алтан Одон» медаль (СССР) Зүблэлтэ Холбооной Баатар (1945 оной июниин 27)^[1]^[2].
Ленинэй орден (1945 оной июниин 27).
Эсэгэ Ороноо хамгаалгын Агууехэ дайнай I шатын орден (1985 оной апрелиин 6)^[3].
Улаан Одоной орден (1944 оной августын 17)^[4].

Дурасхаал

В. Х. Хантаевай сээжэ бэеын хүшөө Байтог нютагта тодхоогдонхой.
В. Х. Хантаевай нэрэ Байтогой дунда һургуули зүүдэг.
Усть-Ордагай тосхоной Зүблэлтэ Холбооной Баатарнуудай болон Алдар Солын орденой дүүрэн зүүгшэдэй аллей дээрэ В. Х. Хантаевта дурасхаалай самбар табигдаһан.
Улаан-Үдэ хотын гудамжа Баатарай нэрээр нэрлэгдэнхэй.
2015 оной майн 7-до Улаан-Үдэ хотодо Оросой Эрдэмэй академиин Сибириин таһагай Буряадай эрдэмэй түбэй байшанай дэргэдэ оршодог паркда Зүблэлтэ Холбооной Баатар Василий Хантаевай сээжэ бэеын хүшөө табигдаа^[5].

Үшөө тиихэдэ харагты

Сэрэгшэд-бурядууд, Зүблэлтэ Холбооной Баатарнууд

Ажаглалта

↑ ¹ ² Наградной лист в электронном банке документов «Подвиг народа» (архивные материалы Центрального архива Министерства обороны Российской Федерации. Ф. 33. Оп. 793756. Д. 51. Л. 93, 94)..
↑ ¹ ² Указ Президиума Верховного Совета СССР в электронном банке документов «Подвиг народа» (архивные материалы Центрального архива Министерства обороны Российской Федерации. Ф. 33. Оп. 686046. Д. 176. Л. 53)..
↑ Карточка награждённого к 40-летию Победы в электронном банке документов «Подвиг народа»..
↑ Наградные документы в электронном банке документов «Подвиг народа» (архивные материалы Центрального архива Министерства обороны Российской Федерации. Ф. 33. Оп. 690155. Д. 2670. Л. 3, 30, 31)..
↑ В Улан-Удэ открылся памятник Герою Советского Союза Василию Хантаеву — МК Улан-Удэ

Узуур үндэһэн

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в Российская книжная палата 87-95382

Ссылкэнүүд

Хантаев Василий Харинаевич. Сайт «Герои страны».

[нлГСС-1] ¹ ² Наградной лист в электронном банке документов «Подвиг народа» (архивные материалы Центрального архива Министерства обороны Российской Федерации. Ф. 33. Оп. 793756. Д. 51. Л. 93, 94)..

[ГСС-2] ¹ ² Указ Президиума Верховного Совета СССР в электронном банке документов «Подвиг народа» (архивные материалы Центрального архива Министерства обороны Российской Федерации. Ф. 33. Оп. 686046. Д. 176. Л. 53)..

[3] Карточка награждённого к 40-летию Победы в электронном банке документов «Подвиг народа»..

[4] Наградные документы в электронном банке документов «Подвиг народа» (архивные материалы Центрального архива Министерства обороны Российской Федерации. Ф. 33. Оп. 690155. Д. 2670. Л. 3, 30, 31)..

[В_Улан-Удэ_открылся_памятник_Герою_Советского_Союза_Василию_Хантаеву-5] В Улан-Удэ открылся памятник Герою Советского Союза Василию Хантаеву — МК Улан-Удэ

[1]

[2]

[3]

[4]

[5]