Дарковский Владимир Станиславович

Дарковский Владимир Станиславович
Дарковский Владимир Станиславович
Түрэһэн һара/үдэр	1987 оной декабриин 18
Түрэһэн газар	Буряад Уласай Сэлэнгын аймагай Сэлэндүүмэ тосхон
Хамаадал	Орос Улас
Сэрэгэй түрэл янзань	Тагнуулай гол хүтэлбэриин спецназ
Алба хэһэн жэлнүүд	1998 — 2000 онууд
Нэрэ зэргэ	; бага зэргын лейтенант
Хуби	торгон сэрэгэй тусхай үүргэтэй амяараа 14-дэхи бригада

Шалгагдаһан статья

Дарковский Владимир Станиславович (1987 оной декабриин 18-да түрэһэн) — оросой сэрэгшэн, торгон сэрэгэй бага зэргын лейтенант, Оросой Холбоото Уласай Баталан хамгаалгын яаманай Тагнуулай гол захиргаанай торгон сэрэгэй тусхай үүргэтэй амяараа 14-дэхи бригадын тусхай үүргэтэй хэсэгэй захирагша.

Оросой Холбоото Уласай Баатар (2023).

Намтар

Буряад Уласай Сэлэнгын аймагай Сэлэндүүмэ тосхондо 1987 оной декабриин 18-да түрэһэн.

Нютагайнгаа дунда һургуули дүүргээд, Улаан-Үдын ой модоной ажахын колледждо ороһон. Оросой Холбоото Уласай Зэбсэгтэ Хүсэнүүдэй зэргэдэ сэрэгэй алба хаадаг юм. 2008 онһоо 2011 он болотор агаараар добтолгын сэрэгэй тусгаар амяараа 11-дэхи бригадада хэлсээтэ бэшэгээр алба хаахадаа, парашюдаар 50 гаран һүрэлгэ хэһэн намтартай. Һүүлээрнь Оросой Холбоото Уласай Зэбсэгтэ Хүсэнүүдэй Юрэнхы штабай Гол хүтэлбэриин Хабаровск хотодо оршодог тусхай зорилготой тусгаар амяараа 14-дэхи бригада руу томилолго абаһан байна^[1]. Хойто Кавказда алуур дээрмын үзэгдэлтэй тэмсэхэ талаар хэмжээ ябуулгануудта хабаадагша. Прапорщигуудай һургуули дүүргэһэн.

2022 оной февралиин 24-һөө өөрынгөө сэрэгэй хэсэгэй бүридэлдэ Украин Уласта үнгэргэгэдэжэ байгаа сэрэгэй тусхай ябуулгада түрүүшын үдэрһөө хабаадана. 2022 оной апрель һарада ахалагша прапорщик Владимир Дарковский «Шэн зоригой түлөө» медаляар шагнагдаа^[2]. Һүүлээрнь Гэгээн Георгиин шалгарһанай шан тэмдэгээр — Георгиин IV шатын хэрээһээр, мүн тиихэдэ Эрэлхэг зоригой орденоор шагнагдаһан байха юм^[1].

Оросой Холбоото Уласай Юрэнхылэгшын зарлигаар 2023 оной майн 27-до сэрэгэй тусхай ябуулгын үедэ сэрэгэй уялга дүүргэжэ, эрэлхэг зориг, баатаршалга харуулһанайнгаа түлөө бага зэргын лейтенант Владимир Станиславович Дарковский Оросой Холбоото Уласай Баатарай нэрэ зэргэдэ хүртэбэ^[3]^[4]. 2023 оной июнь һарада № 1458 дугарай «Алтан одон» медаль баатарта Оросой Холбоото Уласай Баталан хамгаалгын сайд, сэрэгэй генерал Сергей Шойгу өөрөө барюулһан байна^[1].

Шагналнууд

Оросой Холбоото Уласай Баатарай «Алтан одон» медаль (№ 1458)
«Эрэлхэг зоригой орден»
«Шэн зоригой түлөө» медаль^[5]
Нангин Георгиин орденой шалгарһанай тэмдэг — Георгиин IV шатын хэрээһэн
«Байлдаанда шалгарһанай түлөө» медаль
«Дайшалхы нүхэсэл бэхижүүлһэнэй түлөө» медаль болон бусад^[1].

Ажаглалта

↑ ¹ ² ³ ⁴ Баясхалан Дабаин. Сергей Шойгу вручил Звезду Героя России спецназовцу из Бурятии (неопр.). burunen.ru (1 ноябрь 2023). Дата обращения: 4 ноябрь 2023.
↑ Военные из Бурятии, принимающие участие в СВО, получили государственные награды (неопр.). infpol.ru (10 апрель 2022). Дата обращения: 31 октябрь 2023.
↑ Участник СВО из Бурятии удостоен звания Герой России (неопр.). newbur.ru (11 июнь 2023). Дата обращения: 4 ноябрь 2023.
↑ Участник СВО из Бурятии удостоен звания Героя России (неопр.). ulan.mk.ru (11 июнь 2023). Дата обращения: 4 ноябрь 2023.
↑ Наградили медалью «За Отвагу» (англ.). Гордость Бурятии - сайт о Республике Бурятия. Дата обращения: 23 январь 2024.

[burunen-1] ¹ ² ³ ⁴ Баясхалан Дабаин. Сергей Шойгу вручил Звезду Героя России спецназовцу из Бурятии (неопр.). burunen.ru (1 ноябрь 2023). Дата обращения: 4 ноябрь 2023.

[2] Военные из Бурятии, принимающие участие в СВО, получили государственные награды (неопр.). infpol.ru (10 апрель 2022). Дата обращения: 31 октябрь 2023.

[3] Участник СВО из Бурятии удостоен звания Герой России (неопр.). newbur.ru (11 июнь 2023). Дата обращения: 4 ноябрь 2023.

[4] Участник СВО из Бурятии удостоен звания Героя России (неопр.). ulan.mk.ru (11 июнь 2023). Дата обращения: 4 ноябрь 2023.

[5] Наградили медалью «За Отвагу» (англ.). Гордость Бурятии - сайт о Республике Бурятия. Дата обращения: 23 январь 2024.

[1]

[2]

[3]

[4]

[5]