Воронцова Людмила Сергеевна

Сүлөөтэ Нэбтэрхы Толи — Википеэдиһээ
Боксёр
Людмила Воронцова
Russian boxer Lyudmila Vorontsova.jpg
Ниитэ мэдээсэл
Эрхэтэн

  Орос Улас

Түрэһэн үдэр 1999 оной февралиин 22
Түрэһэн газар тосхон Петропавловка, Буряад Уласай
Ажаһуудаг газар Улаан-Үдэ хото, Буряад Улас
Шэгнүүрэй анги хахад хүнгэн (57 кг хүрэтэр)
Людмилын дэбжэлгэ
Тулалдаанай тоо 29
Илалтуудай тоо 19
Нокаудүүд 0
Диилдэлгын 10
Гүрэнэй шагналнууд
Албанай шагналнууд
Медальнууд
Бокс
мүнгэн Улаан-Удэ 2019 57 кг
Албанай намтар (boxrec)

Людми́ла Серге́евна Воронцо́ва (1999 оной февралиин 22(1999-02-22) (27 наһатай), Петропавловка, Буряад Улас түрэһэн) — Орос гүрэнэй боксын тамиршан. Боксоор Оросой Холбоото Уласай суглуулагдамал бүлгэмые түлөөлдэг[1], Оросой Холбоото Уласай тамирай уласхоорондын зэргын мастер (2018)[2], Олимпиин Зунай наадануудта хабаадагша, мүнгэн шанда хүртэгшэ (2020), Дэлхэйн абарга (2019), эхэнэрнүүдэй хоорондо боксоор 57 кг шэгнүүрэй шэглэлдэ Оросой Холбоото Уласай абарга (2019), Бүхэроссиин спартакиадын абарга (2022), Уласхоорондын болон һайн дуранай үндэһэтэнэй мүрысөөнүүдтэ оло дахин илагша ба шангай һууринуудта хүртэгшэ.

Һайн дуранай тамирай дэбжэлгэ

1999 оной февралиин 22-то Буряад Уласай Петропавловка тосхондо түрэһэн юм. Хүнгэн атлетикээр болон тамирай тала баримталуулгаар бэеэ һоридог һэн. Арбан гурбатайдаа бэеэ хамгаалхын тула боксын бүлэгтэ ороһон байна. Түрүүшын һоригшо Жаргал Тасарунов байгаа.

Сибириин федерально тойрогой чемпионадта Людмила амжалтатайгаар хабаадажа, басагадай дунда Орос гүрэнэй чемпионадта орохо эрхэтэй боложо, тэндэ түрүүлжэ, тулалдаагаа сагһаа урид дүүргэһэн байна. Теэд эдир наһатай байһанһаа боложо, суглуулагдамал командын бүридэлдэ орожо шадаагүй.

Тэрэ 2016 ондо эдиршүүлэй дунда Орос гүрэнэй чемпионадта түрүүлжэ, тамирай мастерай нэрэ зэргэдэ хүртөө. 2017 он эдиршүүлэй бүлэг соо тамиршанай һүүлшын жэл байгаа. Орос гүрэнэй чемпионадта гурбадахи һуури, Европын чемпионадта түрүү һуури эзэлээ.

2018 ондо Улаан-Үдэдэ үнгэргэгдэһэн томошуулай Ород гүрэнэй түрүүшын чемпионадта тэрэ хоёрдохи һуури эзэлээ[3]. Тэрэл жэлдээ Уласхоорондын шатын тамирай мастерай зэргын хэмжээ дүүргээ. Тиигэжэ томошуулай суглуулагдамал команда руу уригдаа. Сентябрь һарада Польшодо үнгэргэгдэһэн уласхоорондын мүрысөөндэ хабаадажа, түрүү һуури эзэлжэ, эрхим оньһон дүршэлэй түлөө шанда хүртэһэн байна. 2019 оной апрель һарада Людмила Кемерово хотодо болоһон Оросой Холбоото Уласай чемпионадта илажа гараад, дэлхэйн тулалдаанда хабаадахаяа гүрэнэй суглуулагдамал команда руу уригдаа[4].

Улаан- Үдэдэ болоһон 2019 оной октябриин 3-һаа 13 болотор Эхэнэрнүүдэй дунда боксоор дэлхэйн 11-дэхи чемпионадта, Людмила Воронцова мүнгэн медальда хүртэжэ, мүрысөөнэй шүүгшэдэй илгарһан шиидхэбэреэр Нести Петесио гэжэ филиппинкада түгэсхэлдэ диилдээ[5].

Людмила Воронцова һоригшо Бадма Бадмаеваевай хүтэлбэри доро бэеэ һоридог, «Номто» гэһэн тамирай клубай түлөөлэгшэ юм.

2020 оной Олимпиин нааданууд

2021 оной июнь һарада Людмила боксоор Оросой Холбоото Уласай олимпиин командын бүридэлдэ 2020 оной Олимпиин наадануудта хабаадахаяа оруулагдаһан юм, тэрэ Уласхоорондын олимпиин хорооной (МОК)[6] тулалдаануудые харуулһан сэгнэлтын тоотой зохилдуулан, 57 кг хүрэтэр хэмжүүрэй 2021 оной июль һарада Токио хотодо Олимпиин наадануудта хабаадаа, зүгөөр түгэсхэлэй 1/16 хэмжээндэ Италиин Ирма Теста гэһэн боксер тамирша эхэнэртэ 1:4 тоосоогоор диилдээ[7].

2023 он

2023 оной март һарада Энэдхэгэй Нью-Дели хотодо эхэнэрнүүдэй хоорондохи дэлхэйн чемпионадуудта 57 кг хэмжүүрэй хэмжээндэ хабаадаад, Франциин Амина Зидани гэжэ дүршэлтэй тамирша эхэнэртэ тамирай шүүгшэдэй нэгэ дуугай шиидхэбэреэр (0:5) тоосоогоор диилдээ[8].

Ажаглалта

  1. ↑ Женская сборная России по боксу(неопр.). Сайт «Оросой Холбоото Уласай боксын Федераци». Дата обращения: 21 апрель 2023.
  2. ↑ Приказ «О присвоении спортивного звания „Мастер спорта России международного класса“» от 27.08.2018 г. № 125-нг(неопр.). MSRFinfo.ru. Дата обращения: 21 апрель 2023.
  3. ↑ Чемпионат России по боксу среди женщин-2018. Итоги и записи боёв. Дата обращения: 17 октябрь 2019. Архивировано 14 ноябрь 2018 года.
  4. ↑ Чемпионат России по боксу среди женщин 19-40 лет 2019 г. Кемерово Финалы. Дата обращения: 17 октябрь 2019. Архивировано 1 ноябрь 2019 года.
  5. ↑ Людмила Воронцова проиграла финал ЧМ филиппинке Петесио (ород хэлэн). www.infpol.ru. Дата обращения: 14 октябрь 2019. Архивировано 14 октябрь 2019 года.
  6. ↑ Людмила Воронцова поедет на Олимпиаду-2020! (ород хэлэн). Sport-RB.ru. Дата обращения: 11 июнь 2021. Архивировано 11 июнь 2021 года.
  7. ↑ Бокс на Олимпийских играх 2020: результаты всех поединков дневной сессии 24 июля(неопр.). vRINGe.com (24 июль 2021). Дата обращения: 25 июль 2021. Архивировано 25 июль 2021 года.
  8. ↑ Россиянки Екатерина Пальцева и Людмила Воронцова проиграли на чемпионате мира по боксу (ород хэлэн). Сайт «Чемпионат». (19 март 2023). Дата обращения: 28 апрель 2023.

Ссылкэнүүд

"https://bxr.ruwiki.ru/w/index.php?title=Воронцова_Людмила_Сергеевна&oldid=367843" хуудаһанһаа абтаһан