Буряад Уласай Гүрэнэй герб
Буряад Уласай Гүрэнэй герб, тэрэнэй зураг, хуулита зэргэ байдал ба албан ёһоной хэрэглэлгэ «Буряад Уласай Гүрэнэй герб тухай» хууляар тогтоогдонхой. Буряад Уласай Гүрэнэй герб хадаа гурбан үнгэтэ түхэреэн хүреэ (улас түрын тугай хүхэ-сагаан-шара үнгэнүүд) болодог. Хүреэгэй дээдэ захада – алтан соёмбо – мүнхэ амидаралай заншалта һүлдэ (наран, һара, гуламта). Хүреэгэй дунда – адли үргэнтэй хүхэ сагаан зуруудууд – Байгал далайн долгинууд, мүн нютагай байгаалида ушардаг сайбар ногоон ба хара ногоон үнгэтэй хадын мундарганууд. Хүреэгэй доодо хубиие хүхэ хадаг – Буряад ороной арадуудай хүндэмүүшэ наартай сэдьхэлэй һүлдэ хүреэлнэ, дундахи хубинь гербын табсан болоно. Хадагай нугалаанууд гербые дороһоонь хүреэлнэ. Үзүүрнүүдынь гербын хоёр тээһээ табсан дээрэ һанжан хушана. Гербын бүхы зүйлнүүд дүрбэн углуутай, доошоо үзүүртэһэн һүлдэ тэмдэгүүдэй хуягай зайда оршоно.
Хэрэглэхэ дүрим
Буряад Уласай Гүрэнэй гербын зураг үлгэгдэдэг гэбэл:
- Буряад Уласай Арадай Хуралай ба Буряад Уласай Толгойлогшын, Засагай газарай Захиргаанай, Буряад Уласай яамануудай ба албануудай, Буряад Уласай Засагай газарта мэдэлтэй бусад зургаануудай, Буряад Уласай Дээдын Шүүлгын газарай ба бусад сүүдүүдэй, Буряад Уласай нютагай өөһэдын хүтэлбэриин зургаануудай байшангуудта, мүн Буряад Уласһаа гадуур тэрэнэй түлөөлэлгэнүүдэй байшангуудта;
- Буряад Уласай Арадай Хуралай сессинүүдэй, Буряад Уласай Арадай Хуралай Зүблэлэй, Буряад Уласай Засагай газарай, Дээдын Шүүлгын газарай болон бусад сүүдүүдэй зүблөөнүүдэй үнгэрдэг заалнуудта, хүүгэдэй түрэлгэ болон гэр бүлэ бололгые гүрэнэй бүридхэлдэ абалгын газарнуудта;
- Буряад Уласай Арадай Хуралай, Буряад Уласай Толгойлогшын, Буряад Уласай Засагай газарай, Буряад Уласай Дээдын Шүүлгын газарай ба бусад сүүдүүдэй, Буряад Уласай яаманууд болон албануудай, Буряад Уласай нютагай өөһэдын хүтэлбэриин зургаануудай, мүн Буряад Уласай хуули ёһонуудаар тиимэ эрхэ абаһан улас түрын мэдэлэй үйлэдбэринүүдэй, эмхи зургаануудай ба эмхинүүдэй тамгануудта ба данса саарһануудта;
- Буряад Уласай гүрэнэй үнэтэ саарһанууд ба гүрэнэй шагналнуудай тэмдэгүүд дээрэ;
- Буряад Уласай Арадай Хуралай, Буряад Уласай Толгойлогшын, Буряад Уласай Засагай газарай албан ёһоной хэблэлдэ.
Буряад Уласай Гүрэнэй герб гүрэнэй засагай холбоото уласай зургаануудай Буряад Уластахи нютагай байгууламжануудай һүлдэ тэмдэгүүдтэ хэрэглэгдэжэ болодог.
Буряад Уласай Гүрэнэй гербын зураг буулгагдахадаа, хэмжээнһээ илгаагүй, һүлдэ тэмдэгэй иимэ зураглалда зохихо ёһотой гэбэл: «мүнгэлһэн таладань – хүхэ сэнхир үнгэ, мүнгэ, алта шэрүүлһэн сахариг, тиихэдээ хүхэ сэнхир үнгэнь нүгөө хоёрһоо хоёр дахин үргэн, сахаригта шүдэтүүлһэн хүхэ сэнхир, мүнгэн үзүүр оруулагдаһан ба тэрэнэй дээрэ гурбан ногоон хаданууд, дундахинь үндэр; сахаригай дээдэ талада – алтан соёмбын хүреэ, дээрэһээнь гурбан хэлэтэ дүлэн, доронь – хахад һара; захадаа сахаригынь хүхэ сэнхир хадагтай, хадагай хушуунуудынь сахаригые хажуу талаһаань хүреэлнэ.»