Борсоев Владимир Бузинаевич

Борсоев Владимир Бузинаевич
Борсоев Владимир Бузинаевич
Түрэһэн һара/үдэр	1906 оной апрелиин 13
Түрэһэн газар	Холбот отог,; Эрхүүгэй можо, мүнөө; Баяндайн аймаг,; Оросой Холбоото Улас, Эрхүү можо, Усть-Ордын Буряадай тойрог
Наһа бараһан һара/үдэр	1945 оной мартын 8
Наһа бараһан газар	Польша,; Украин ССР, СССР
Хамаадал	СССР
Сэрэгэй түрэл янзань	артиллерия
Алба хэһэн жэлнүүд	1932—1945
Нэрэ зэргэ	торгон сэрэгэй полковник
Хуби	60-дахи арми
Захираа	танкда эсэргүүсэхэ торгон сэрэгэй хюдалгын артиллериин 7-дохи бригада
Дайн/байлдаан	Эсэгэ ороноо хамгаалгын Агууехэ дайн Курскын байлдаан;
	РУВИКИ.Медиа дахи Медиафайл

Владимир Борсоевой сээжэ бэеын дүрсэ Улаан-Үдэдэ

Влади́мир Бузина́евич Борсо́ев (1906 оной апрелиин 13 — 1945 оной мартын 8) — Эсэгэ ороноо хамгаалгын Агууехэ дайнда хабаадагша, Украинын 1-дэхи фронтын 60-дахи армиин танкда эсэргүүсэхэ торгон сэрэгэй хюдалгын артиллериин 7-дохи бригадын захирагша, торгон сэрэгэй полковник. Зүблэлтэ Холбооной Баатар (1965 ондо, наһа бараһанайнь һүүлдэ)

Намтар

Зүблэлтэ Холбооной Баатар В. Борсоев

Эрхүү можын Холбод тосхондо^[1] буряад малшанай гэр бүлэдэ түрэһэн. Буряад-Монголой АССР-эй намай ба засагай газарай ажал ябуулагша, Буряад-Монголой АССР-эй Дээдын Зүблэлэй Президиумэй 1940 оной июнь һараһаа 1941 оной апрель һара болотор түрүүлэгшэ байһан, Буряад-Монголой АССР-эй нэгэдэхи зарлалай Дээдын Зүблэлэй 1941 оной апрель һараһаа 1946 оной сентябрь һара болотор түрүүлэгшээр ажаллаһан Илья Бузинаевич Борсоевой түрэһэн ахань.

Зургаатайдаа үншэржэ, баян таряашадай хүлһэншэн боложо амидарха баатай байгаа.

Һургуулияа дүүргээд, Баяндайн аймагай Түхүм нютагай хүдөө ажахын коммунын түрүүлэгшээр һунгагдаа. 1930 онһоо Бүхэсоюзна коммунис намай (б)/КПСС-эй гэшүүн. Зүблэлтэ-намай һургуули дүүргээд, Эхирэд-Булагадай намай гүйсэдхэхы хорооной мэргэжэлтэнээр хүдэлмэрилөө.

Тиихэдэ 1932 ондо тусхай партийна абалгаар Ленинградай артиллериин училищида эльгээгдээ. М.В.Фрунзын нэрэмжэтэ Сэрэгэй академи 1941 ондо дүүргээ. Эсэгэ ороноо хамгаалгын Агууехэ дайнай фронтнуудта 1941 оной июнь һараһаа. Воронежой болон Украинын 1-дэхи фронтнууд, Курскын дугааг, Украинын Баруун эрье ба Карпатын бүһэ нютагуудые сүлөөлхэ тулалдаанууд, Висла мүрэнэй зүүн эрьеын Сандомирэй плацдармые эзэрхэн абалга, Краков болон Польшын олон хотонуудые сүлөөлэлгэ, Одер мүрэниие дайлалдан гаталалга ба Ратиборой эрид шанга добтолго – эдэ хадаа Владимир Борсоевой дайшалхы замай шатанууд болоно. Тэрэ гурба дахин шархатаһан байна.

Танкда эсэргүүсэхэ торгон сэрэгэй хюдалгын артиллериин 7-дохи бригадын захирагша байхадаа, торгон сэрэгэй полковник Борсоев гитлеровцүүдтэй тулалдаануудта бата бэхи, арга шадабаритай, баатаршалгатай, эрэлхэг зоригтой байһанаа харуулаа. Тэрэнэй ударидалга доро байһан сэрэгэй хубинууд Польшые сүлөөлхэдөө дайсадта туйлай ехэ сохилто хэһэн байна.

Торгон сэрэгэй полковник В. Борсоев 1945 оной мартын 8-да Одерэй плацдарм дээрэхи байлдаануудта хүндөөр шархатаад, шархануудһаань наһа бараа.

Тэрэниие Львов хотодо Алдар солын хада дээрэ хүдөөлһэн байна.

Шагналнууд

СССР-эй Дээдын Зүблэлэй Президиумэй 1965 оной майн 6-най Зарлигаар фашис булимтарагшадтай тулалдаануудта харуулһан эрэлхэг зориг, баатаршалгын түлөө торгон сэрэгэй полковник Владимир Бузинаевич Борсоев наһа бараһанай удаа Зүблэлтэ Холбооной Баатар гэһэн нэрэ зэргэдэ хүртэһэн.

Ленинэй хоёр орденоор (10.01.1944^[2]; 06.05.1965), Улаан Тугай (22.10.1943)^[3], Эсэгэ ороноо хамгаалгын дайнай I шатын орденоор (19.09.1945)^[4], Улаан Одоной орден (14.12.1941)^[5], «Дайшалхы габьяагай түлөө» (03.11.1944) медаль, болон бусад медальнууд, мүн америкын «Аша габьяата легионой офицерэй зэргэ» орден.

Дурасхаал

В.Б.Борсоевой һамганиинь 1946 ондо Хяагтын хизаар ороноо шэнжэлгын музейдэ нүхэрэйнгөө сэрэгэй китель бэлэглээ^[6].
1970 ондо В.Б.Борсоевто зорюулагдаhан СССР-эй хэлхеэ холбооной марка гараһан.
Улаан-Үдэ хотодо В.Б.Борсоевто дурасхаалай самбар тогтоогдоһон.
Баатарай нэрээр Улаан-Үдын ба Львов хотын гудамжанууд (мүнөө нэрэнь һэлгэгдэнхэй) нэрлэгдээ, тиихэдэ Усть-Ордаагай 1-дэхи һургуули Борсоевой нэрэ зүүдэг^[7].
Украинын Луганск можын Улаан гэрэл хотын нэгэ гудамжа В.Б.Борсоевой нэрэмжэтэ болоһон (Одон һуурин).
Зүблэлтэ Холбооной Баатар В.Б.Борсоевто 2014 оной август һарада Улаан-Үдэ хотодо тэрэнэй нэрээр нэрлэгдэһэн гудамжада оршодог хотын багахан сэсэрлиг соо хүшөө бодхоогдоо^[8].

Ажаглалтанууд

↑ Ныне исчезнувший населённый пункт в муниципальном образовании «Кырма» Баяндаевского района Усть-Ордынского Бурятского округа
↑ Наградные документы в электронном банке документов «Подвиг народа».
↑ Наградные документы в электронном банке документов «Подвиг народа».
↑ Наградные документы в электронном банке документов «Подвиг народа» (архивные материалы Центрального архива Министерства обороны Российской Федерации. Ф. 33. Оп. 686196. Д. 4063. Л. 3, 15, 16).
↑ Наградные документы в электронном банке документов «Подвиг народа».
↑ Китель героя хранится в кяхтинском музее.
↑ 100-летие Героя Советского Союза Владимира Борсоева отметили в п. Усть-Ордынский
↑ В Улан-Удэ открыт памятник Владимиру Борсоеву.

Ссылкэнүүд

[1] Ныне исчезнувший населённый пункт в муниципальном образовании «Кырма» Баяндаевского района Усть-Ордынского Бурятского округа

[2] Наградные документы в электронном банке документов «Подвиг народа».

[3] Наградные документы в электронном банке документов «Подвиг народа».

[4] Наградные документы в электронном банке документов «Подвиг народа» (архивные материалы Центрального архива Министерства обороны Российской Федерации. Ф. 33. Оп. 686196. Д. 4063. Л. 3, 15, 16).

[5] Наградные документы в электронном банке документов «Подвиг народа».

[6] Китель героя хранится в кяхтинском музее.

[7] 100-летие Героя Советского Союза Владимира Борсоева отметили в п. Усть-Ордынский

[8] В Улан-Удэ открыт памятник Владимиру Борсоеву.

[1]

[2]

[3]

[4]

[5]

[6]

[7]

[8]