Эхирнүүд (тэнгэриин бүһэлүүрэй тэмдэг)

Эхирнүүд (тэнгэриин бүһэлүүрэй тэмдэг)
Эхирнүүд (тэнгэриин бүһэлүүрэй тэмдэг)
РУВИКИ.Медиагай категори	Gemini (astrology)
Дугаар зааһан тоо	3
Урда тээхинь	Буха
Тэмдэглэлгэ	♊
Хуби болоно	тэнгэриин бүһэлүүр
Эхэ бэшэгүүд соо зураглагдана	Брокгауз ба Ефроной нэбтэрхэй толи, 1890—1907
Удаадахинь	Хабшаахай (тэнгэриин бүһэлүүрэй тэмдэг)
	Gemini (astrology)

Шалгагдаһан статья

Эхирнүүд — (ород хэлэн дээрэ - Близнецы́), (латаар Gemini) — зурхайн ойлгосо, тэнгэриин бүһэ дахаһан аймаг мүшэдэй тоогоор гурбадахи, Буха ба Хабшаахай хоёрой хоорондо байһан тэмдэг болоно. Хабарай үдэр һүниин тэнсэлгын сэгһээ тоолоходо эклиптикын 60°-һаа 90° болотор зайда байна^[1]^[2].

Майн 21-һээ июниин 20 гу, али июниин 21 болотор түрэһэн хүнүүд Эхирнүүдэй тэмдэгтэ хамаадана гээд тоологдоно, юуб гэхэдэ баруунай зурхайшадай үзэл хараагай ёһоор эгээ энэл сагта Наран Эхирнүүдэй тэмдэгтэ байна гээд тоологдодог юм^[3].

Эхирнүүдэй тэмдэгтэ байгаалиин махабад — Агаар тааралдана^[1].

Эхирнүүдэй тэмдэг Меркуриин одо гарагай ударидалга доро байдаг^[4].

Гар гараа барилсаһан эхир хүбүүдээр Эхирнүүдэй тэмдэг дүрсэлэн зураглагдадаг^[5].

Астрономиин ёһо гуримаар июниин 20-һоо июлиин 20 болотор Наранай байдаг Эхирнүүдэй багса мүшэдтэй Эхирнүүдэй тэмдэгые худхан һамаржа болохогүй^[6].

Домог шэнжэлэл

Эхирнүүдэй тэмдэгэй бии болоһонтой хэдэн олон үльгэр домогууд холбоотой:

Хизааргүй ехэ хүсэ шадалтай аха дүү Һарын бурхан болон Тамын эзэн Син ба Нергал хоёр тухай Шумерай үльгэр,

Диоскурнууд — Спартын хаан Тиндарейн мүнхэ бэшэ наһатай хүбүүн ба Зевс бурханай мүнхэ наһатай хүбүүн Кастор ба Полидевк хоёр тухай урданай грек домог,

Домогой ёһоор Рим хотын үндэһэ һуури табигша эхир хүбүүд Ромул ба Рем хоёр тухай домог^[5].

Ангилал

«Фастольфын часословой» Эхирнүүдэй тэмдэг, мүнөө Оксфордын ехэ һургуулиин Бодлиин номой санда; уран зурааша — Фастольфын мэдэгдээгүй Мастер; 1440—1450 онууд багаар

Эхирнүүдэй тэмдэгые тэнгэриин бүһэ дахаһан аймаг мүшэдөөр элдэб янзаар ангилдаг гэбэл, иимэ:

квадрантын гү, али жэлэй дүрбэн сагай талаар — хабарай сагай сангвиническа, халуун ба шиигтэй^[1]
триплицедүүдэй талаар байгаалиин махабадаар — агаарай (агаарай, халуун ба шиигтэй)^[1]
үдэр һүниин тэнсэлгын сэгэй талаар байһан газарай тушаа — хойто зүгэй^[1]
тригонуудай талаар] — Кроносой тригон үдэртөө, Гермесэй тригон һүниндөө^[2]
ударидагша одо гарагай талаар — Меркури^[4]
тэмдэгэй гарбалай талаар — хоёр бэетэй^[2]^[1], уг шанараа алдадаг гү, али хамтардаг^[1]
эрэ эхэнэрэй илгаагай талаар — эрэ^[2]
байха газар байрын талаар — Гермес бурханай байра^[2]
нютаг можын талаар — Каппадоки^[2]
хүнэй бэеын хубиин талаар — дала мүрнүүд^[2]
ниигэмэй мэдэлдэ оролгын талаар — захирагша^[1]
асцендент дээрэ байха сагай талаар — богонёор гү, али ташажа мандаһанай тэмдэг^[1]

Һүлдэ тэмдэгүүд

Эхирнүүдэй тэмдэгтэ ♊ һүлдэ тэмдэг тааралдана (зарим браузернуудай янзануудта буруугаар харагдажа магадгүй) Юникод соо арбатын 9802 дугаараар гү, али арбан зургаатын 264А дугаараар байдаг. Тиихэдэ HTML-кодто иимээр оруулагдажа болохо гэбэл:♊ гү, али ♊^[7].

Дүрсэлһэн зураглалнууд

Оросой 2003 оной «Эхирнүүд» («Близнецы») зоосо (хашарһан мүнгэн)
Оросой 2005 оной «Эхирнүүд» («Близнецы») зоосо (хашарһан мүнгэн)
Армян Уласай «Эхирнүүд» («Близнецы») гэһэн мүнгэн зоосо (хашарһан мүнгэн)
«Эхирнүүд» («Близнецы») гэһэн армян алтан зоосо (хашарһан мүнгэн)

Үшөө тиихэдэ харагты

Эхирнүүд (Близнецы) (багса мүшэд)

Ажаглалта

↑ ^1,0 ^1,1 ^1,2 ^1,3 ^1,4 ^1,5 ^1,6 ^1,7 ^1,8 Лилли У., 1999, с. 101—106
↑ ^2,0 ^2,1 ^2,2 ^2,3 ^2,4 ^2,5 ^2,6 Абдулманова И. В., 2021, с. 155—158
↑ Smith J. C., 2010
↑ ^4,0 ^4,1 Клавдий Птолемей
↑ ^5,0 ^5,1 Gemini (2023-06-22).
↑ Shapiro L. T., 1977
2023-08-16 үдэртэ хандаһан.

Литература

Shapiro L. T. The Real Constellations of the Zodiac(англ) // Planetarian : журнал. — International Planetarium Society, 1977. — Т. 6. — № 1. — С. 17—18. — ISSN 0090-3213.
Smith J. C. Pseudoscience and extraordinary claims of the paranormal : a critical thinker's toolkit. — Malden, MA: Wiley-Blackwell, 2010. — С. 52—53. — ISBN 9781405181235
Клавдий Птолемей Четверокнижие.
Абдулманова И. В. «Введение в астрологию» Павла Александрийского: особенности структуры и содержания // Самарский научный вестник. — 2021. — Т. 10. — № 4. — С. 155—158. — doi:10.17816/snv2021104204
Лилли У. Глава XVI. О двенадцати знаках Зодиака и их множественном делении // Христианская астрология, смиренно изложенная в трёх книгах = Christian astrology. — М.: Академия мировой астрологии и метаинформации, 1999. — С. 101—106. — 160 с.
Знаки астрономические // Советский энциклопедический словарь / Научно-редакционный совет: А. М. Прохоров (пред.). — М.: Советская энциклопедия, 1981. — С. 470. — 1600 с.
Zodiac // Малый Ларусс символов = Petit Larousse des symboles / Nanon Gardin, Robert Olorenshaw. — Larousse, 2011. — С. 655—659. — 680 с. — ISBN 978-2035969248

[Лилли_У.—1999——101—106-1] 1,0 ^1,1 ^1,2 ^1,3 ^1,4 ^1,5 ^1,6 ^1,7 ^1,8 Лилли У., 1999, с. 101—106

[Абдулманова_И._В.—2021——155—158-2] 2,0 ^2,1 ^2,2 ^2,3 ^2,4 ^2,5 ^2,6 Абдулманова И. В., 2021, с. 155—158

[Smith_J._C.—2010——-3] Smith J. C., 2010

[Клавдий_Птолемей———-4] 4,0 ^4,1 Клавдий Птолемей

[:0-5] 5,0 ^5,1 Gemini (2023-06-22).

[Shapiro_L._T.—1977——-6] Shapiro L. T., 1977

[7] 2023-08-16 үдэртэ хандаһан.

[1]

[2]

[3]

[4]

[5]

[6]

[7]