Эрэшүүлэй бүхэдэлхэйн үдэр
| Эрэшүүлэй бүхэдэлхэйн үдэр | |
|---|---|
 эрэшүүлые дүрсэлэн зураглаһан фотоколлаж | |
| Түхэл | Уласхоорондын |
| Хуулита ёһоор | Men's World Day |
| Тэмдэглэгдэнэ | ноябрь һарын түрүүшын долооной гарагай зургаанда |
Эрэшүүлэй бүхэдэлхэйн үдэр (ород хэлэн дээрэ Всемирный день мужчин) — ноябрь һарын түрүүшын долооной гарагай зургаанда тэмдэглэгдэдэг һайндэр юм. Сэтхүүлшэн, уран зохёолшо Джордж Кинделэй үүсхэлээр 2000 оной ноябрь һарада Вена хотын захиргаанай, ООН-ой Венада байһан таһагай хүтэлбэриин болон олон ондоо уласхоорондын эмхинүүдэй дэмжэлгээр байгуулагдаһан. М.С.Горбачёв Кинделэй урилгаар энэ хэмжээ ябуулгын суг байгуулагша, юрэнхылэгшэ болохоёо һайн дураараа дурадхаһан, эмхидхэгшэд тэрэниие зүбшөөһэн байна. [1][2][3]
Энэ һайндэр үргэн уласхоорондын анхарал татаагүй. Австрида албан ёһоор 2000-2004 ондо, Германида 2003 ондо тэмдэглэгдэжэ байгаа[4], һүүлдэ албан ёһоной бэшэ статустай болоһон.
2000-2006 онуудта Эрэшүүлэй бүхэдэлхэйн үдэрэй хэмжээндэ улас түрын, эрдэм ухаанай, олзын хэрэг эрхилэлгын, соёлой, урлалай эрхим хүнүүдтэ «Эрэшүүлэй бүхэдэлхэйн шагнал» жэл бүри барюулха ёһолол Венэ хотодо үнгэргэгдэдэг байгаа; Women's World Award гэһэн эхэнэрнүүдтэ зорюулагдаһан шагнал 2004-2009 онуудта мартын эхиндэ барюулагдадаг байһан байна. 2010 онһоо хойшо гендернэ бэеэ абалга тухай үзэл бодолой нүлөөн доро хоёр тусгаар шагналнуудай орондо нэгэ Дэлхэйн шагнал (The World Awards) олгогдожо эхилһэншье һаа, энэ һанал мүн лэ амжалтагүй байжа, уданшьегүй болюулагдаһан байха юм.
Ажаглалта
- ↑ Александра Егорова Всемирный день мужчин в 2023 году: история и традиции праздника(ород) // Комсомольская правда : сайт. — 2022.
- ↑ Исчезнувший праздник: Всемирный день мужчин(ород) // Радио Sputnik / РИА Новости : сайт. — 2022.
- ↑ Первого ноября отмечается Всемирный день мужчин (2008).
- ↑ Weltmännertag: Ein Tag mit vielen Missverständnissen