Түймэр
| Түймэр | |
|---|---|
| Түймэр | |
| 2018 ондо Улаан-Үдэдэ түрүүшынхиеэ хэблэгдэһэн номой гадар | |
| Жанр | үхибүүдтэ зорюулагдаһан үгүүлэлнүүд |
| Эблүүлэн зохёогшо | Доржи Норбосампилович Сультимов |
| Эхэ бэшэгэй хэлэн | буряад |
| Бэшэгдэһэн һара үдэр | 2017 |
| Түрүүшынхиеэ хэблэгдэһэн һара үдэр | 2018 |
«Түймэр» (ород хэлэн дээрэ «Пожар» — Оросой Холбоото Уласай габьяата зүжэгшэн, гүрэнэй Уран зохёолшодой холбооной гэшүүн, соёл урлалай болон уран зохёолой талаар Буряад Уласай шангай хоёр удаа лауреат болоһон Доржи Норбосампилович Сультимовай[1] эдир уншагшадта зорюулжа бэшэһэн үгүүлэлнүүдэй «Түймэр» гэһэн согсолбори 2018 оной намар хэблэлһээ гараа. Оросой Холбоото Уласай габьяата уран зурааша Бальжинима Доржиев рассказуудай удхада тааруулжа, энэ ном зурагуудаар шэмэглээ.
Согсолбориин түүхэһээ
Доржо Сультимовай энэ согсолбори 2017 ондо бүридхэн суглуулагдаад, «НоваПринт» гэһэн үмсын хэблэлдэ 2018 ондо барлагдажа, үхибүүдтэ зорюулагдаһан удха зохёолой-уран һайханай ном боложо, анха түрүүшынхиеэ нара хараа. Тус согсолборидо үхибүүдтэ зорюулагдажа бэшэгдэһэн зургаан үгүүлэл оронхой.
Үгүүлэлнүүд тухай
Уран зохёолшо Д. Сультимовай эдир уншагшадта зорюулжа бэшэһэн «Түймэр»[2] гэжэ ном дотор үгтэһэн рассказууд соо хүүгэдэй хоорондохи харилсаанууд һонирхолтойгоор зураглагдаа. Үнэн сэхэ абари зан, һанаһан зориһондоо хүрэлгэ, ажамидаралда ушарһан орёохон үйлэ хэрэгүүдтэ онсо өөрын хандаса, шиидхэбэри абахынгаа урда бодожо үзэлгэ гэхэ мэтэ һонирхолтой зүйлнүүд, үйлэ хэрэгүүд эдир уншагшадай болон томошуулай анхарал татахань дамжаггүй.
Согсолборидо оруулагдаһан зохёолнууд
Үгүүлэлнүүд
- Удхатай сабхи
- Эрдэниин буруу
- Һургаали
- Түймэр
- Айлшан басаган
- Монсогорхон хомпеэд