Соколов Борис Иннокентьевич
| Соколов Борис Иннокентьевич | ||||
|---|---|---|---|---|
 | ||||
| Түрэһэн һара/үдэр | 1953 оной октябриин 19 | |||
| Түрэһэн газар | Буряадай ниислэл хото Улаан-Үдэ | |||
| Хамаадал | ||||
| Нэрэ зэргэ | генерал-майор | |||
| Дайн/байлдаан | Афган дайн (1979-1989) | |||
| Шангууд ба шагналнууд |
|
|||
Соколов Борис Иннокентьевич (1953 оной октябриин 19-дэ түрэһэн, Улаан-Үдэ хото) — Зүблэлтэ сэрэгшэ, Афганистан Уласта сэрэгэй үйлэ хэрэгүүдтэ хабаадагша, Зүблэлтэ Холбооной Баатар, СССР-эй КГБ-н Туркестанай сэрэгэй тойрогой 40-дэхи армиин 108-дахи мотобуудалгын дивизиин тусхай таһагай мүрдэгшэ (Афганистанай Арадай засагта Уласта Зүблэлтэ сэрэгэй хизаарлагдамал бүлэг), капитан.
Намтар
1953 оной октябриин 19-дэ Буряадай ниислэл хото Улаан-Үдэдэ албатанай гэр бүлэдэ түрэһэн юм. Үндэһэ яһанай шэнжээр — ород хүн. 1977 онһоо КПСС-эй гэшүүн. Һургуулииин 10-дахи анги дүүргээд, Эрхүүгэй авиациин техникумдэ һураа. Машина бүтээлгын заводто хүдэлөө.
Зүблэлтэ Сэрэгтэ 1973 оной май һараһаа — Үбэр Байгалай сэрэгэй тойрогто сэрэгэйнгээ алба хаахаяа татагдаһан. Сэрэгэй албанhаа сэрэгэй hургуулида ороо. 1979 ондо Казаниин дээдэ сэрэгэй инженернэ училищи дүүргээ. Ленинградай сэрэгэй тойрогой инженернэ хубинуудта алба гараа.
1981 оной август һараһаа — СССР гүрэнэй КГБ-н органуудта ажаллаһан. Новосибирск хотодо СССР гүрэнэй КГБ-н сэрэгэй эсэргүүсэлэй тагнуулай дээдын курснуудые 1982 ондо дүүргээ. КГБ-н тусхай таһагуудта Ленинградай сэрэгэй тойрогой хубинуудта алба хэһэн байна.
1983 оной декабрь һараһаа хоёр хахад жэлэй туршада Борис Соколов Афганистанай Арадай засагта Уласай зүблэлтэ сэрэгшэдэй хизаарлагдамал бүлэгэй бүридэлдэ КГБ-н 108-дахи мотобуудалгын дивизиин тусхай таһагай мүрдэгшөөр алба хааһан байна. Бүхыдөө 269 хоног үргэлжэлһэн 64 сэрэгэй ябуулгануудта хабаадаһан байха юм. Байлдаануудай үедэ хоёр дахин снарядаар сохигдожо бүтүүгээр гэмтэһэн, түгдэрхэйгөөр шархаталга абаһан байна. Нютагтаа эртэхэн бусаха эрхэһээнь арсажа, баатарай нэрэ зэргэдэ хүртэһэншье һаа, албанайнгаа болзорой дүүрэтэр Афганистанда үлэһэн байна.
Зүблэлтэ Холбооной Баатар
Дээдын Зүблэлэй Президиумэй 1985 оной декабриин 10-най Зарлигаар «Афганистанай Арадай засагта Уласта уласхоорондын туһаламжа үзүүлхэ хэрэгтэ харуулһан шэн зоригой ба баатаршалгын түлөө» капитан Борис Иннокентьевич Соколов Зүблэлтэ Холбооной Баатарай үндэр нэрэ зэргэдэ хүртэжэ, Ленинэй орденоор болон № 11536 дугаарай Алтан Одоной медаляар шагнагдаһан байха юм.
Зүблэлтэ Холбооной Баатарай нэрэ зэргэдэ капитан Борис Иннокентьевич Соколовай дэбшүүлэлгэһээ[1]:
«Тэрэ бүхыдөө 269 хоног үргэлжэлһэн 64 сэрэгэй ябуулгануудта хабаадаһан. Ябуулгын үйлэ хэрэгүүдэй үедэ тунхарихагүй зүрхэ, шэн зориг, эрэлхэг зоригтой байһанаа харуулаа. Сэрэгэй хүшэр оршон байдалда тэрэ гүйсэд бата этигэлтэйгээр хэрэг үйлэдэжэ, алдуугүй шиидхэбэринүүдые абажа, сэрэгэйнгээ бүлэгэй захиралгын дайшалхы даабаринуудые жэшээтэ бэрхээр, амжалтатайгаар дүүргэлгэ нэгэнтэ бэшэ хангаһан байна»
1986—1991 онуудаар СССР Гүрэнэй аюулгүйн хорооной Москвадахи сэрэгэй тойрогой тусхай таһагта алба хааһан байна. 1992 онһоо Орос гүрэнэй Аюулгүй байдалай яаманай сэрэгэй эсэргүүсэлэй тагнуулай зургаануудта болон Оросой ФСК-да, удаань эдэй засагай эсэргүүсэлэй тагнуулай хүтэлбэридэ — Ородой Холбоото Уласай Аюулгүй байдалай федеральна албанай эдэй засагай аюулгүй байдалай дээдэ зургаанай таһагта алба хааһан байна. Тэрэ хари гүрэнүүдэй нэгэндэ Оросой ФСБ-н түлөөлэлһэн эрхэтэй зургаан хүтэлбэрилһэн байна. Оросой Гүрэнэй хамгаалалга хангагша хүтэлбэрилэгшын орлогшо байһан. Удаань Америкын Холбоото Штадуудта Оросой элшэн сайдай албанда ахамад зүбшэлэгшэ байгаа.
Шагналнууд
- Алтан Одон медаль (СССР)
- Ленинэй орден
- Улаан Одоной орден
- Медальнууд
Ажаглалта
- ↑ Соколов Борис Иннокентьевич — военный контрразведчик, Герой Советского Союза Архивная копия от 9 октябрь 2017 на Wayback Machine / Региональное объединение ветеранов военной контрразведки
Ссылкэнүүд
Соколов Борис Иннокентьевич (ород хэлэн). Сайт «Герои страны».