Скоков Иван Андреевич
| Скоков Иван Андреевич | ||||
|---|---|---|---|---|
 | ||||
| Түрэһэн һара/үдэр | 1923 оной октябриин 15 | |||
| Түрэһэн газар | СССР, РСФСР, Шэнэ Николаевын можо, Черепановай аймаг, Шэнэ Николаевка тосхон | |||
| Наһа бараһан һара/үдэр | 1972 оной июниин 17 | |||
| Наһа бараһан газар | Искитим хото | |||
| Хамаадал | ||||
| Сэрэгэй түрэл янзань | артиллери | |||
| Алба хэһэн жэлнүүд | 1942 он—1947 он | |||
| Нэрэ зэргэ |
 |
|||
| Дайн/байлдаан | Эсэгэ ороноо хамгаалгын Агууехэ дайн | |||
| Шангууд ба шагналнууд |
|
|||
Скоков Иван Андреевич[1] (1923 оной октябриин 15-да түрэһэн, Шэнэ Николаевын можын, Черепановай аймагай, Шэнэ Николаевка тосхон — 1972 оной июниин 17-до наһа бараа, Новосибирскын можын Искитим хотодо) — Зүблэлтэ Сэрэгэй старшина, Эсэгэ Ороноо хамгаалгын Агууехэ дайнда хабаадагша, Зүблэлтэ Холбооной Баатар (1944 он).
Намтар
1923 оной октябриин 15-да Шэнэ Николаевын можын Черепановай аймагай Шэнэ Николаевка тосхондо (мүнөөнэй Черепановай аймаг, Новосибирскын можо) түрэһэн намтартай. Һургуулиин долоон анги дүүргээд, хамтын ажахыда хүдэлмэрилөө. 1941 ондо Ажалшад-Таряашадай Улаан Сэрэгтэ алба хэхэеэ татагдаһан байна. 1942 оной июль hараhаа — Эсэгэ ороноо хамгаалгын Агууехэ дайнай фронтнуудта[2].
1943 оной октябрь һарада ахалагша сержант Иван Скоков Воронежой фронтын СССР-эй 38-дахи армиин буудалгын 2-дохи бүридэлэй 232-дохи дивизиин артиллериин 676-дахи полкын үхэр буугай захирагша байгаа. Днепр мүрэнэй түлөө тулалдаанда шалгарһан. Иван Скоковай ударидалга доро байһан сэрэгэй хуби 1943 оной октябриин 7-до Днепр мүрэн гаталжа, Лютежэй плацдарм хүрөөд, тэрэниие барихын түлөө байлдаануудта эдэбхитэйгээр хабаадаа, немецүүдэй олон тоото угтан добтололгонуудые гэдэргэнь сохижо тулалдахадаа, дайсадта ехэ хохидол үзүүлээ[2].
«Днепр мүрэнэй түлөө байлдаануудта дайшалхы даабаринуудые жэшээтэ бэрхээр дүүргэһэнэйнгээ түлөө, тиихэдэ харуулһан эрэлхэг зоригой түлөө» Зүблэлтэ Холбооной Баатарай нэрэ зэргэдэ дэбжүүлэгдээ. СССР-эй Дээдын Зүблэлэй Президиумэй 1944 оной февралиин 9-эй «Улаан Сэрэгэй артиллериин офицернүүдэй болон сержантнуудай бүридэлдэ Зүблэлтэ Холбооной Баатарай нэрэ зэргэ олгохо тухай» Зарлигаар «немец булимтарагшадтай фронтдо тэмсэхэ үедөө захиралгын дайшалхы даабаринуудые жэшээтэ бэрхээр дүүргэһэнэйнгээ түлөө, тиихэдээ харуулһан шэн зоригой ба баатаршалгын түлөө» торгон сэрэгэй сержант Иван Скоков Зүблэлтэ Холбооной Баатарай үндэр нэрэ зэргэдэ хүртэжэ, Ленинэй орденоор болон № 4256 дугаарай «Алтан Одон» медаляар шагнагдаһан байха юм[2][3].
1945 оной Илалтын жагсаалда хабаадаа. 1947 ондо старшинагай зэргэтэйгээр сэрэгэй албанһаа нөөсэдэ табигдаа.
Подольскын индустриальна техникум дүүргээ. Буряад орондо, Черепаново, Искитимдэ ажаһугаа, ажаллаа. Тэрэ 1972 оной июниин 17-до наһа бараһан, Искитим хотын булашада хүдөөлүүлэгдэһэн[2].
Алдар солын III шатын орденоор ба олон медальнуудаар шагнагдаһан[2].
- Дурасхаал
Искитим хотодо Скоковай сээжэ бэеын хүшөө табигданхай[2].
Ажаглалтанууд
- ↑ В Указе о награждении званием Героя Советского Союза указан как Скопов Иван Андреевич
- ↑ 1 2 3 4 5 6 Скоков Иван Андреевич (ород хэлэн). Сайт «Герои страны».
- ↑ Указ Президиума Верховного Совета СССР «О присвоении звания Героя Советского Союза офицерскому и сержантскому составу артиллерии Красной Армии» от 9 февраля 1944 года // Ведомости Верховного Совета Союза Советских Социалистических Республик : газета. — 1944. — № 11 (271). — С. 1. Архивировано из первоисточника 23 январь 2022.
Литература
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2
- Криченивкер Е. М. Золотые Звёзды воинов Бурятии. — Улан-Удэ, 1968.
- Новосибирцы — Герои Отечества. — Новосибирск, 2010.
На эту статью не ссылаются другие статьи Рувики. |
.svg){kind=link}