Орешник (дайшалхы ракетын согсолбори)

Сүлөөтэ Нэбтэрхы Толи — Википеэдиһээ
Шалгагдаһан статья
«Орешник» гэһэн дайшалхы ракетын согсолбори
2024 ондо «Орешник» гэһэн дайшалхы ракетын согсолбориин «Урда зүгэй машина бүтээлгын заводоор» сохилто
2024 ондо «Орешник» гэһэн дайшалхы ракетын согсолбориин «Урда зүгэй машина бүтээлгын заводоор» сохилто
Туршалгын эхин 2024 оной ноябриин 21-дэ дайнай эрхэ байдалда
Гол техническэ тодорхойлолто

ябадалай хурдаан — 10 Мах
холонь — 5500 км хүрэтэр
толгойн хуби хубааһан гансын зорилго

дайшалхы ашаанай стандарт — зургаан блок

«Оре́шник» БРСД — дундада холын баллистическа ракетын системэ, анха түрүүшынхиеэ 2024 оной ноябриин 21-дэ Днепропетровск хотын Машина бүтээлгын урда зүгэй заводто (Южмаш) хамтаран добтолгын үедэ хэрэглэгдээ[1]. 2024 оной ноябриин 19-дэ Брянскын можын объектнүүдтэ добтолходоо ATACMS ракетэнүүдые, мүн 2024 оной ноябриин 21-дэ Брянскын болон Курскын можонуудые буудахадаа, Storm Shadow ба HIMARS гэһэн ракетэнүүдые хэрэглэһэн Украина болон НАТО нэгэдэлэй гүрэнүүдэй үйлэ ябадалда харюу болгон, ядерна зэбсэггүй туйлай ехэ абяанай хангалтатай баллистическа ракетын энэ системэ һомологдон эльгээгдэһэн байна[2].

Хэрэглэлгэ

[Заһаха | үндэһэн бэшэгые заһабарилха]

«Орешник» гэһэн дайшалхы ракетын согсолбори сэрэгэй үйлэ ябуулгын оршон байдалда амжалтатайгаар туршалга гараба гэжэ Оросой Холбоото Уласай Юрэнхылэгшэ Владимир Путин 2024 оной ноябриин 21-дэ соносхоо[3]. Украинын хамгаалгын-үйлэдбэриин согсолбориин эгээл томо объектнүүдэй нэгэн болохо Машина бүтээлгын урда зүгэй заводоор сохилто хэгдээ[4]. Гүрэн түрын толгойлогшын тайлбарилһаар, «мүнөөдэр байхада иимэ зэбсэгтэ эсэргүүсэхэ хэрэгсэлнүүд үгы», юундэб гэхэдэ «Орешник» хадаа Украинын Зэбсэгтэ хүсэнүүдэй ракетын үйлэдбэри 10 Мах ябадалай (агшан зуура 2,5-3 модоной зайн) хурдаар добтолһон байна[4]. 2024 оной ноябриин 19-дэ НАТО-гой зүбшөөрһэн Брянскын можо уласые ATACMS, мүн 2024 оной ноябриин 21-дэ Брянскын болон Курскын можонуудые Storm Shadow болон HIMARS ракетэнүүдэй буудаһанда харюу болгон, «Южмаш» буудаһан байна.

2024 оной ноябриин 21-дэ В. В. Путинай хэһэн мэдүүлгэ: «Энэ сагһаа хойшо… баруунай гүрэнүүдэй үүсхэһэн Украинада болоһон нютаг хизаарай зүрилдөөн дэлхэйн хэмжээнэй шэнжэтэй болобо».

Брянскын можодо британай Storm Shadow ба американ ATACMS зуураа баригдаа, хохидол ба һандарал үгы, харин Курскын можын сэрэгэй «Хойто зүг» бүлэгэй захирха пунктда добтолон буудалгын үедэ алуулһан ба шархатаһан хүнүүд бии гэжэ Путин мэдээсэбэ[4]. НАТО нэгэдэлдэ ородог гүрэнүүдэй эдэбхитэй хабаадалгагүйгөөр иимэ системэ хэрэглэхэ аргагүйнь тула, Оросой Холбоото Уласай Юрэнхылэгшын һэргылһээр, эсэргүүсэн зогсолго ондоо шэнжэтэй болобо:

Энэ сагһаа хойшо, урид нэгэнтэ бэшэ онсолһон ёһоор, баруунай гүрэнүүдэй үүсхэһэн Украинада болоһон нютаг хизаарай зүрилдөөн дэлхэйн хэмжээнэй шэнжэтэй болобо[4].

Оросой Холбоото Улас руу добтололгодо хабаатай гүрэнүүдэй сэрэгэй объектнүүдтэ добтолхо эрхэтэй байһанаа В. Путин һануулаа:

Манай сэрэгэй объектнүүдые добтолхо боломжо олоһон гүрэнүүдэй сэрэгэй объектнүүдэй урдаһаа бидэ өөһэдынгөө буу зэбсэг хэрэглэхэ эрхэтэйбди гэжэ тоолонобди. Мүн добтолгын булимтархы үйлэ хүсэлэнгүүдэй үргэдэхэ болоо һаа, бидэ баһал эрид шангаар, өөһэдтэнь адляар харюусахабди[5].

«Орешник» гэһэн дайшалхы ракетын согсолбориин Урда зүгэй машина бүтээлгын заводоор сохилто (2024 он)

Юрэнхылэгшэ Владимир Путин 2024 оной ноябриин 22-то Баталан хамгаалгын яаманай хүтэлбэритэй болон баталан ​​хамгаалгын һалбариин түлөөлэгшэдтэй уулзажа, «Орешник» гэһэн дайшалхы ракетын согсолбориин амжалтатайгаар туршалга гараһан ушараар амаршалаа. Тус системэ бүтээгшэдые болон түһөө түсэбынь зохёогшодые гүрэнэй шагналнуудта дэбжүүлхэ тухай мэдээсэбэ[6], мүн энэ зэбсэг олоор бэлдэжэ үйлэдбэрилхэ тухай шиидхэбэри абаһанаа соносхобо[7], мүн лэ Орос гүрэн хэрэглэхээр бэлэн системын нөөсэтэй гэжэ тэмдэглэбэ[8]:

«Орешник» гэһэн дайшалхы ракетын согсолбори — миин лэ туйлай ехэ абяанай хангалтатай баллистическа ракетын системэ бэшэ. Илангаяа ехэ хэмжээнэй, бүлэгэй хэрэглэлгэдэ, Орос гүрэндэ байһан болон бусад дээдын шанарай оносотой холо тудадаг системэнүүдтэй хамта хэрэглэгдэхэдээ, сохилтын гайхамшаг хүсэнһөө боложо, дайсанай объектнүүдээр эсэргүү хэрэглэлгын үрэ дүнгөөр гайхуулха, һүр хүсөөрөө стратегическэ зэбсэгүүдтэ адлирхуу байха. Харин үнэн дээрээ «Орешник» гэһэн системэ стратегическэ зэбсэг бэшэ[9].

"Орешник" гэһэн ракетын системэһээ гадна, Орос гүрэндэ энээндэ адлирхуу үшөө хэдэн зэбсэг ашаглагдажа байнхай, дунда ба богони холын зайда буудаха хэдэн ракетэнүүдые зохёохо ажал ябуулагдана[10].

Техникэ зүйн тодорхойлолто

[Заһаха | үндэһэн бэшэгые заһабарилха]

Южмашта болоһон добтолгын кадрнуудые шэнжэлһэн Оросой сэрэгэй мэргэжэлтэд «Орешник» иимэ шэнжэтэй гэжэ багсаалта хэһэн байна:

  • дундада холонь — 1000-һаа 5500 модо хүрэтэр зай;
  • ябадалай хурданиинь — 10 Мах (12 мянган км/ч);
  • толгойн хуби хубааһан гансын зорилго[11];
  • дайшалхы ашаанай хэб — 3-һаа 6 хүрэтэр термоядерна сэрэгэй блогуудтай, блок бүхэниинь 150 килотонно хүсэтэй[12].

«Орешник» — хатуу түлишэтэй ракетэ юм. Тэрээн дотор МБР РС-24 «Ярс» технологинууд хэрэглэгдээ. Тус согсолбори РС-26 «Рубеж» гээшын саашанхи хүгжөөлгэ болоно[12].

«Сэрэгэй хронико» гэһэн хэблэл ракетын ниидэжэ хүрэхэ сагые тодорхойлһон байна[12]:

«Орешник» гэһэн ракетын системэ хаана «хүрэжэ» шадахаб (2024 он)

Сохилто тухай мэдүүлгэ

[Заһаха | үндэһэн бэшэгые заһабарилха]

Юрэнхылэгшын хэблэл мэдэсээлэй секретарь Дмитрий Песковой тодорхойлһоной ёһоор, «Орешник» гэһэн дайшалхы ракетын согсолбориин ниидэхэһээ 30 минутын урда тээ Орос гүрэн ядерна аюулые багадуулхын тула добтолго тухай мэдээсэл Америкын Холбоото Штадууд руу түбэй шугам хэрэглэжэ автомат гуримаар дамжуулһан тухайгаа тайлбарилба[13].

Сагаан байшанай хэблэл мэдээсэлэй секретарь Карин Жан-Пьер гэгшын брифинг дээрэ хэлэһээр, Америкэ Украиные болон эб нэгэдэгшэ гүрэнүүдээ Оросой дундада холын ракетээр буудахаа байһан тухайнь һэргылэн дуулгаа[14].

Харюусалга

[Заһаха | үндэһэн бэшэгые заһабарилха]

Орос гүрэнтэй США зүрилдөө хэхэеэ эрмэлзэнэгүй гэжэ Пентагон мэдүүлбэ[15]. Тиибэш гэлэй, тус захиргаанай хэблэл мэдээсэлэй секретарь Сабрина Сингх гэгшын нэмжэ мэдээсэһэнэй ёһоор, «Орешник» хэрэглэлгэ Вашингтоной Украинада хандасын бодолгодо тогтоохын нүлөө үзүүлхэгүй гэжэ нэмэбэ[16].

Унгар Уласай Юрэнхы сайд Виктор Орбан НАТО нэгэдэлэй гүрэнүүдые Оросой ядерна хүтэлбэриин хубилалтада, мүн тиихэдэ «Орешник» гэһэн дайшалхы ракетын согсолбориин амжалтатайгаар байлдаанай туршалга гараһанда бодолтойгоор хандахые уряалаа:

……Оросой Юрэнхылэгшэ телевиденидэ гаража, ажаһуугшадтаа хандахадаа, Украинада иимэ зэбсэг үгэһэн гүрэнүүдые сэрэгэй зорилго гэжэ соносхохо эрхэтэйбди гэжэ тодорхойгоор хэлэбэ. Энэ зам — харилсаанай арга бэшэ. Орос гүрэн шэнги ороной энэ сэдэбээр юушьеб хэлэхэдэ, хэлэһэн соонь лэ ойлгохо хэрэгтэй[17].

"Ами наһа шэнэ аюулһаа хамгаалха" аргатай, Оросой дундада холын зайн ракетэнүүдые буудажа унагаадаг, агаарта хамгаалгын системээр хангахыень баруунай гүрэнүүдтэ Зеленский хандаһан байна[18].

Нэмэлтэ мэдээсэл

[Заһаха | үндэһэн бэшэгые заһабарилха]

Дайшалхы ракетын согсолбориин амжалтатайгаар байлдаанай туршалга гараһанай хойто үдэр Владимир Путинай дүрсэтэй болон «Орешник» ракетын зурагтай футболконууд интернет-дэлгүүрнүүдтэ бии болоһон байна[19].

Ажаглалта

[Заһаха | үндэһэн бэшэгые заһабарилха]
  1. ↑ "Путин рассказал об ударе баллистической ракетой «Орешник» по заводу в Днепре", 2024-11-21. 2024-11-21. 
  2. ↑ "Силы ПВО отразили украинский удар ATACMS по Брянской области", 19.11.2024. 2024-11-19. 
  3. ↑ "Путин сообщил об ударе баллистической ракетой по объекту на Украине", 21.11.2024. 2024-11-22. 
  4. ↑ 1 2 3 4 "Заявление Президента Российской Федерации". 2024-11-21. 
  5. ↑ "Путин заявил о праве ответных ударов по военным объектам других стран", 21.11.2024. 2024-11-21. 
  6. ↑ Путин пообещал наградить создателей системы "Орешник" (2024-11-22).
  7. ↑ Мир Президент РФ сообщил о принятом решении по серийному производству «Орешника» (2024-11-22).
  8. ↑ Путин заявил о запасе в РФ готовых к применению ракет "Орешник" (2024-11-22).
  9. ↑ Совещание с руководством Минобороны, представителями ВПК и разработчиками ракетных систем (2024-11-22).
  10. ↑ Путин сообщил о разработке в РФ еще нескольких подобных «Орешнику» систем (2024-11-22).
  11. ↑ ""Сбить невозможно". Что известно о ракете, которую представил Путин", 21.11.2024. 2024-11-21. 
  12. ↑ 1 2 3 "Что известно о новой баллистической ракете "Орешник"", 2024-11-22. 2024-11-23. 
  13. ↑ "Белый дом: США заранее уведомили Украину о предстоящем запуске "Орешника"", 21.11.2024. 2024-11-21. 
  14. ↑ "В Белом доме ответили на пуск российской ракеты "Орешник"", 21.11.2024. 2024-11-21. 
  15. ↑ "США не стремятся к конфликту с Россией, заявили в Пентагоне", 21.11.2024. 2024-11-21. 
  16. ↑ Иванов, Глеб. "Бежать и прятаться. В Киеве паника из-за удара «Орешником»", 22.11.2024. 2024-11-22. 
  17. ↑ "Орбан призвал Запад воспринимать запуск "Орешника" всерьез", 22.11.2024. 2024-11-22. 
  18. ↑ Владимир Зеленский попросил поставить системы ПВО, способные «оградить жизнь от новых рисков». (2024-11-22).
  19. ↑ "Футболка с Путиным и ракетой «Орешник» появилась на маркетплейсах", 22.11.2024. 2024-11-22. 


© Энэ материалай зохёохы эрхын эзэн — «РУВИКИ» — интернедэй шэнэ нэбтэрхэй толи» гэһэн АНО.
Гансал «РУВИКИ» — интернедэй шэнэ нэбтэрхэй толи» гэһэн АНО-гой зүбшөөлөөр энэ материал бусад сайтнуудта хэрэглэжэ болоно.
"https://bxr.ruwiki.ru/w/index.php?title=Орешник_(дайшалхы_ракетын_согсолбори)&oldid=152417" хуудаһанһаа абтаһан