Наньчан
| Наньчан хото ᠨᠠᠨᠴᠠᠩ ᠬᠣᠲᠠ |
|
|---|---|
| 南昌市 | |
| Наньчан хото | |
| Баи талмай | |
.png) |
|
| Улас орон |  БНХАУ |
| Можо | Цзянси можо |
| Можын хото | Наньчан хото |
| Газар нютаг | 7 402 км² |
| Хүн зон (тоол.) | 5 сая хүн |
| Сагай бүһэ | Хитадай саг (НЗНС+8) |
| Сахим газар | www.nc.gov.cn (хитадаар) |
Наньчан (Ганьцзян мүрэндэ уһанай боомто (Поянху нуурай һаба). Цзянси можын засаг захиргаанай түб мүн. Хүн зониинь 2 357 838 ажаһуугшад (2010), хотын захатай тоолобол 5 042 565 ажаһуугшад[1]. Тээбэриин уулзабари. Уласхоорондын ниидэхэ онгосын буудал.
Машина бүтээлгэ (тээбэриин, хүдөө ажахын, станок бүтээлгэ), нэхэмэлэй (хүбэн дабуунай), целлюлозо-саарһанай, химиин, хүнэһэнэй (тутарга сэбэрлэхэ, гурил тээрмэдэхэ, тоһоной) ажаүйлэдбэри. Уламжалалта дархалалгын үйлэдбэрилгэ.
Ехэ һургуулитай. Чжоу Эньлайн болон Чжу Дэгэй гэр-музейнүүд.
Суй уласай үедэ, Хончжу (洪州) гээд дахин нэрлэгдэһэншье, тиигээд мүнөөгэй нэрэтэй болобо. 1927 оной 8 һарын 1 Наньчанда Чжоу Эньлай болон Чжу Дэ хоерой ударидаһан буһалгаан болобо. Хитад хубисхалай түүхэдэ энэ огноо Хитадай арадай сүлөөлхэ армиин байгуулгын сэгээр тоосожо байна. 1949 оной һүүлдэ Наньчангай ажаүйлэдбэриин хүгжэл эхилбэ.
Хотын суурхаһан юумэнүүдэй дунда Гань мүрэнэй эрье дээрэ Тэн вангай танхим (анхандаа 653 ондо баригдаһан, 1926 галдагдажа 1989 ондо дахин баригданхай); Бада Шаньжэниин галерей (1624—1705 оной хоорондо амидарһан эртын Манжын Цин үеын Чжу Да нэрэтэй уран зурааша); Цинъюнь сэсэрлиг, Цзянси можын музей (1958 ондо байгуулагданхай, хитад эртын сагай юумэнүүдэй суглуулбаритай); Чжу Дэгэй хуушан һуудал; 1927 оной 8 һарын 1 үдэрэй Наньчангай буһалгаанай хүшөө дурасхал (1977—79 оной хоорондо баригданхай); Цзянси можын хубисхалай хохидогшодой хүшөө дурасхал (1953); сагаан гантигаар хэһэн Фан Чжиминиин хубисхалай мавзолей (1979).
Зурагай сомог
- Pavillion of Prince Teng frontview.JPG
Тэн вангай танхим (滕王阁)
- Nanchang Shengjin Ta 20120608-03.jpg
Алтан Утаһанай Субарга (绳金塔)
- Nanchang Qingyunpu 20120608-31.jpg
Бада Шаньжэниин галерей (八大山人纪念馆)
- Bronze Budda of Youmin Temple.jpg
Бурхан Багшын хүшөө
Зүүлтэ
- 23 July 2015 үдэртэ хандаһан.