Минии жаргал
| Минии жаргал | |
|---|---|
| Минии жаргал | |
 2023 ондо Улаан-Баатар хотодо түрүүшынхиеэ хэблэгдэһэн номой гадар | |
| Жанр | Туужа |
| Эблүүлэн зохёогшо | Доржи Норбосампилович Сультимов |
| Эхэ бэшэгэй хэлэн | буряад |
| Түрүүшынхиеэ хэблэгдэһэн һара үдэр | 2023 оной намар |
«Минии жаргал» (ород хэлэн дээрэ «Моё счастье») — Оросой Холбоото Уласай габьяата зүжэгшэн, гүрэнэй Уран зохёолшодой холбооной гэшүүн, соёл урлалай болон уран зохёолой талаар Буряад Уласай шангай хоёр удаа лауреат болоһон Доржи Норбосампилович Сультимовай[1] уншагшадтаа зорюулжа бэшэһэн «Минии жаргал» гэһэн туужа 2023 ондо хэблэлһээ гараа.
Согсолбориин түүхэһээ
Доржо Сультимовай энэ туужа 2021 онһоо бэшэгдэжэ эхилһэн байна, «Сэлэнгэ пресс» гэһэн Улаан-Баатор хотын хэблэлдэ 2023 оной намар барлагдажа, удха зохёолой-уран һайханай ном боложо, анха түрүүшынхиеэ гараһан байха юм.
Туужа тухай
Уран зохёолшо Доржо Сультимов[2] «Минии жаргал» гэжэ туужа соогоо инаг хайра дуранай гайхамшагта хүсэн тухай һонирхолтойгоор зураглана. Энэ зохёолой гол дүрэнүүд гэхэдэ: Жаргал хүбүүн Мэдэг басаган хоёрой амидаралайнгаа ерээдүй тээшэ эрмэлзэһэн зорилгыень зохёол дотор автор элирхэйлжэ, урдань ушарһан түбэгтэй бэрхэшээлнүүдые этигэл найдалайнгаа, үнэн сэхэ зан абариингаа аша туһаар дабажа гараһан тухай найруулжа, уншагшадтаа дурадхаа.[3] Энэ туужа хадаа залуу, үнэн сэхэ хүн тухай, эндэ автор Жаргалай ажамидаралда ушарһан орёохон үйлэ хэрэгүүдтэ онсо өөрын шиидхэбэри абажа шадаха абари зан, һайн һанаа, арюун сэбэрые дуратайгаар зураглан харуулна. Иимэ арюун сэбэр, магад, үлүү ехээр этигэдэг сэдьхэл хэн хүмүүжүүлээ гээшэб? Тус асуудалда харюу үгэхэдэ; гансал ехэ энэрхы сэдьхэлтэй, дуратай эжы иимэ сэдьхэлтэй хүниие хүмүүжүүлхэ аргатай байгаа. Геройн наһанһаа ошожо байһан эжытэеэ һүүлшынхиеэ золгоһон хахасалгын үе уншагшадта ехээр һанагдамаар. Наһа бараһан эжыгээ яажа хүдөөлһэн тухайнь хөөрөөн хүнэй зүрхэ сэдьхэл хүдэлгэжэ, уншагшадай анхарал татахань дамжаггүй.
Согсолборидо оруулагдаһан зохёолнууд
Туужанууд
- Минии жаргал
- Сагай эрхэ