Илалтын үе саг
| Илалтын үе саг | |
|---|---|
 | |
| фестиваль[d] | |
| Начало проведения | 2019 оной |
| Расположение | |
| Место проведения | |
| Страна | |
| Сайт | времяпобеды.рф |
Илалтын үе саг (ород хэлэн дээрэ Вре́мя Побе́ды) — Эсэгэ ороноо хамгаалгын Агууехэ дайнда совет арадай баатаршалга тухай дурасхаал сахиха хэрэгтэ зорюулагдаһан уласхоорондын фестиваль, мүрысөөн. Москва хотодо 2019 онһоо хойшо үнгэргэгдэнэ. Гол һалбаринууд: дуунай урлал, хатарай болон театрай урлал[1].
Түүхэ
Энэ фестиваль 2019 ондо Эсэгэ ороноо хамгаалгын Агууехэ дайнай дурасхаал урлалай аргаар мүнхэлхэ зорилготойгоор байгуулагдаһан юм. Тус үүсхэл совет арадай баатаршалгада зорюулагдаһан зохёохы түсэлнүүдые дэмжэхэ, ургажа ябаһан залуу үетэндэ эхэ орондоо хайратай мэдэрэл түрүүлэн хүмүүжүүлхэ зорилготойгоор байгуулагдаа. Тус фестиваль жэл бүри Москва хотодо эмхидхэгдэдэг юм[1].
Энэ фестиваль 2023 ондо Соёлой эдэбхи үүсхэл гаргадаг Юрэнхылэгшын жасаһаа грантын тэдхэмжэдэ хүртэжэ, шэнэ хабаадагшадые татаха, мүрысөөнэй хэмжээ ябуулгануудай шанар дээшэлүүлхэ арга шадалтай болоһон байха юм[2].
Тодорхойлолто
«Илалтын үе саг» наадан хоёр шатаһаа бүридэнэ: уридшалан шэлэн абалгын шата болон хубиин хабаадалгатай түгэсхэлэй шата. Мүрысөөн гурбан гол шухала һалбаринуудтай:
- Дуунай урлал: дайнай ба Илалтын сэдэбтэ зорюулагдаһан дуунуудые гүйсэдхэлгэ, тэрэ тоодо Александра Пахмутова гү, али Марк Фрадкин гэхэ мэтэ совет хүгжэм зохёогшодой зохёолнуудые оруулан.
- Хатарай урлал: Эсэгэ ороноо хамгаалгын Агууехэ дайнай үеын үйлэ хэрэгүүдые харуулһан хатарай найруулганууд, тэрэ тоодо арадай ба мүнөө үеын хатарнуудые оруулан.
- Театрай урлал: түүхэтэ үйлэ хэрэгүүдээр гү, али сэрэгэй сэдэбтэ зорюулагдаһан уран зохёолнуудаар, жэшээнь, Константин Симоновай зохёолнууд дээрэ үндэһэлжэ табигдаһан драматическа үзэгдэлнүүд гү, али найруулганууд.
Шэлэн абалгын шата мартын 29-һөө апрелиин 25 болотор онлайн аргаар үнгэргэгдэхэ. Хабаадагшад мэдүүлгэеэ албан ёһоной сайт дээрэ оруулжа, тоглолтонуудайнгаа видео буулгабаринуудые шүүгшэдэй анхаралда эльгээнэ. Түгэсхэлэй шата Москва хотодо майн эхеэр, ехэнхидээ Илалтын һайндэрэй урдахана үнгэрдэг юм.
Хүгжэмэй соёл болон урлал дэмжэлгын болон хүгжөөлгын номнолой бюро, «Звезда Медиа» гэһэн хизаарлагдамал харюусалгатай бүлгэм, Валентин болон Тамара Кудиновтанай нэрэмжэтэ «География сердца» гэһэн буян үйлэдэлгын жаса тус фестивалиин эмхидхэгшэд болоно[1][3].
Фестиваль элдэб наһанай бүлэгтэ хабаадагшадые дэмжэнэ. Соёлой ажал ябуулагшадһаа бүридэһэн мүрысөө шүүгшэд уран һайханай хурса түхэлнүүд дээрэ үндэһэлжэ, тоглолтонуудые сэгнэнэ.
Фестивалиин түгэсхэлэй шата Москва хотодо май һарын түрүүшын үдэрнүүдтэ болоно[1]. Шэлэн абалга дабажа гараhан хабаадагшад мүрысөө шүүгшэдэй болон харагшадай урда гурбан һалбаринуудайнгаа хэмжээн соо бэлдэгдэһэн наадануудаа гаргажа тоглолтодо харуулна[4].
Фестивалиин орьёл хадаа гала-концерт болоно, тэндэ лауреадууд болон уригдаһан нэрэ солотой зүжэгшэд, дуушад, хатаршад тоглолто харуулна. Тоглолтодо шагнал барюулгын баяр ёһолол дахуулагдажа, илагшадта шангууд, дипломууд болон дурасхаалай шагналнууд барюулагдадаг заншалтай бшуу[1].
Тиихэдэ энэ фестивальда урлалай мэдээжэ ажаябуулагшад мастер-классуудые үнгэргэдэг, болбосоролой болон хүмүүжүүлгын хэмжээ ябуулганууд эмхидхэгдэдэг байха юм[5].
Хабаадалга
Фестивальда хабаадахын тула албан ёһоной сайтаар мэдүүлгэ оруулха хэрэгтэй. Мэдүүлгэ үгэхэдөө анкетэ дүүргэхэ хэрэгтэй, Эсэгэ ороноо хамгаалгын Агууехэ дайнай сэдэбээр зохёогдоһон нааданай видеобуулгабари үгтэхэ ёһотой байна. Тиихэдэ эмхидхэгшэд ажалай хоёр үдэрэй туршада мэдүүлгэнүүдые хаража үзөөд, баталхаяа хабаадагшадтай холбоо баридаг[1][6].
Фестивальда ямаршье наһанай хабаадагшад хабаадаха аргатай, һайн дураараа оролдогшодшье, мэргэжэлтэдэйшье хабаадажа болоно[7].
Ажаглалта
- ↑ 1 2 3 4 5 6 Официальный сайт фестиваля «Время победы» (ru). 2025-04-21 үдэртэ хандаһан.
- ↑ Президентский фонд культурных инициатив (ru). 2025-04-21 үдэртэ хандаһан.
- ↑ Время Победы.
- ↑ "Фестиваль-конкурс «Время Победы»". 2025-04-21.
- ↑ Открытый фестиваль-конкурс талантов «Время Победы» в Москве.
- ↑ Условия и стоимость фестиваля «Время Победы».
- ↑ Международный фестиваль-конкурс «Время Победы».
Ссылкэнүүд
- Официальный сайт фестиваля «Время победы» (ru). 2025-04-21 үдэртэ хандаһан.
- Президентский фонд культурных инициатив (ru). 2025-04-21 үдэртэ хандаһан.
- Фестиваль «Время Победы»
- В Кабардино-Балкарии прошел патриотический фестиваль «Время Победы»
|
Энэ материалай зохёохы эрхын эзэн — «РУВИКИ» — интернедэй шэнэ нэбтэрхэй толи» гэһэн АНО. Гансал «РУВИКИ» — интернедэй шэнэ нэбтэрхэй толи» гэһэн АНО-гой зүбшөөлөөр энэ материал бусад сайтнуудта хэрэглэжэ болоно. |