Иванов Игорь Сергеевич
| Иванов Игорь Сергеевич | ||||||||||
|---|---|---|---|---|---|---|---|---|---|---|
 | ||||||||||
| Түрэһэн һара/үдэр | 1920 оной июниин 8 | |||||||||
| Түрэһэн газар | Улаан-Үдэ, Буряад Улас, РСФСР | |||||||||
| Наһа бараһан һара/үдэр | 1998 оной июлиин 13 | |||||||||
| Наһа бараһан газар | Санкт-Петербург | |||||||||
| Хамаадал |
 СССР |
|||||||||
| Сэрэгэй түрэл янзань |
артиллери, далайн сэрэгэй флот |
|||||||||
| Алба хэһэн жэлнүүд | 1940—1970 онууд | |||||||||
| Нэрэ зэргэ | СССР-эй Далайн сэрэгэй флодой 1-дэхи зэргын капитан | |||||||||
| Дайн/байлдаан |
Эсэгэ Ороноо хамгаалгын Агууехэ дайн
|
|||||||||
| Шангууд ба шагналнууд |
|
|||||||||
Иванов Игорь Сергеевич (1920 оной июниин 8 — 1998 оной июлиин 13) — СССР-эй Далайн сэрэгэй флодой 1-дэхи зэргын капитан, Эсэгэ Ороноо хамгаалгын Агууехэ дайнда хабаадагша, Зүблэлтэ Холбооной Баатар (1943 он).
Намтар
Игорь Иванов 1920 оной июниин 8-да Верхнеудинск хотодо (мүнөөнэй Улаан-Үдэ хотодо) түрэһэн юм. Һургуулиин долоон анги дүүргээд, түмэр замай тээбэриин механикын техникумэй хоёр курс түрэл хотодоо дүүргэһэн байна.
1940 ондо Иванов СССР-эй Далайн сэрэгэй флодто албанда татагдажа, торпедистын мэргэжэлээр һургуули гараа.
Фронтдо
1942 оной декабрь һарада Номгон далайн ябаган уһан сэрэгэй суглуулагдамал бригадын бүридэлдэ Эсэгэ ороноо хамгаалгын Агууехэ дайнай фронтдо эльгээгдэһэн байна. Сталинградай тулалдаанда хабаадаа.
1943 оной октябрь һарын эхилхэдэ, торгон сэрэгэй старшина Игорь Иванов Белорус фронтын 61-дэхи армиин артиллериин сүмэрэн гаралгын 4-дэхи корпусой артиллериин 5-дахи дивизиин торгон сэрэгэй хүнгэн артиллериин 23-дахи бригадын торгон сэрэгэй 279-дэхи хүнгэн артиллериин полкын 1-дэхи батарейн тагнуулай отделениин захирагша болоод ябаа.
Днепр мүрэнэй түлөө байлдаанда онсо шалгараа[1].
Баатаршалга
Ивановай отряд 1943 оной октябриин 7-до Украинын ССР-эй Черниговын можын Репкинэй аймагай Любеч тосхоной хажууда Днепр мүрэн гаталһан байна. Удаадахи найман үдэрэй туршада Иванов өөрөө немецүүдэй хамгаалгын 15 шухала объектнүүдые оложо, тэдээние усадхахада, совет артиллериин буудалга тааруулһан байна. Байлдаануудта өөрөө хабаададаг һэн, Красный Рог тосхоной хажууда болоһон гар байлдаанда онсо шалгараа[1][2].
СССР-эй Дээдын Зүблэлэй Президиумэй 1943 оной декабриин 24-нэй Зарлигаар «немец булимтарагшадтай фронтдо тэмсэхэ үедөө захиралгын дайшалхы даабаринуудые жэшээтэ бэрхээр дүүргэһэнэй түлөө, тиихэдээ харуулһан шэн зоригой ба баатаршалгын түлөө» торгон сэрэгэй старшина Игорь Иванов Зүблэлтэ Холбооной Баатарай үндэр нэрэ зэргэдэ хүртэжэ, Ленинэй орденоор болон «Алтан одон» медаляар шагнагдаһан[2].
Дайнай һүүлдэ
1948 ондо Иванов Фрунзиин нэрэмжэтэ Ленинградай далайн сэрэгэй дээдын һургуули, 1952 ондо Далайн сэрэгэй флодой офицернүүдэй Дээдын тусхай ангинуудай онгосонуудай захирагшадай анги дүүргэһэн байна. 1970 ондо 1-дэхи зэргын капитанай зиндаатай болоһон Иванов сэрэгэй албаяа дүүргэжэ, амаралтада гараһан. Санкт-Петербург хотодо ажаһуугаа.
1998 оной июлиин 13-да наһа бараа, Санкт-Петербургын Хойто зүгэй булашада хүдөөлүүлэгдэнхэй[1].
Буряад орондо ба Запорожидо Ивановой нэрэ һургуулинуудта үгтэһэн юм[1].
Шагналнууд
- Зүблэлтэ Холбооной Баатар (1943 оной декабриин 24, № 2997 дугаарай «Алтан одон» медаль[2];
- Ленинэй орден (1943 оной декабриин 24)[2];
- Эсэгэ ороноо хамгаалгын дайнай I шатын орден (1985 оной апрелиин 6)[3];
- Улаан Одоной хоёр орден (1944 оной январиин 25[4], 1954 оной ноябриин 05[5]);
- «Шэн зоригой түлөө» медаль (1943 оной февралиин 7)[2];
- «Дайшалхы габьяагай түлөө» медаль (1950 оной ноябриин 15)[2];
- «Сталинград хамгаалһанай түлөө» медаль[6];
- бусад хэдэн медальнууд[1].
Ажаглалтанууд
- ↑ 1 2 3 4 5 Иванов Игорь Сергеевич. Сайт «Герои страны».
- ↑ 1 2 3 4 5 6 Наградной лист с представлением к званию Героя Советского Союза в электронном банке документов «Подвиг народа» (архивные материалы Центрального архива Министерства обороны Российской Федерации. Ф. 33. Оп. 686043. Д. 7. Л. 244).
- ↑ Карточка награждённого к 40-летию Победы в электронном банке документов «Подвиг народа».
- ↑ Наградной лист с представлением к Ордену Красной Звезды (представлялся к ордену Славы 3-й степени) в электронном банке документов «Подвиг народа» (архивные материалы Центрального архива Министерства обороны Российской Федерации. Ф. 33. Оп. 686044. Д. 3733. Л. 143).
- ↑ Информация из учётной карточки награждённого в электронном банке документов «Подвиг народа».
- ↑ Акт вручения медалей «За оборону Сталинграда» 5 ад РГК в электронном банке документов «Подвиг народа» (архивные материалы Центрального архива Министерства обороны Российской Федерации. Ф. 9621. Оп. 2. Д. 12. Л. 476).
Ном зохёол
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в Российская книжная палата 87-95382
- Криченивкер Е. М. Золотые Звезды воинов Бурятии. — Улан-Удэ, 1968.
- Навечно в сердце народном / Редкол.: И. П. Шамякин (гл. ред.) и др. — 3-е изд., доп. и испр. — Мн.: Белорусская советская энциклопедия, 1984. — 607 с. — 65 000 экз.
- Цыренов Д. М. Герои Бурятии. — Улан-Удэ. 1995.
- Мэдээжэ хүнүүд алфавидай ёһоор
- Санкт-Петербургда наһа бараһан
- Зүблэлтэ Холбооной Баатарнууд
- Ленинэй орден зүүгшэд
- Эсэгэ Ороноо хамгаалгын Агууехэ дайнай I шатын орден зүүгшэд
- Улаан Одоной орден зүүгшэд
- «Шэн зоригой түлөө» медаляар шагнагдагшад
- «Дайшалхы габьяагай түлөө» медаляар шагнагдагшад
- «Сталинград хамгаалалгын түлөө» медаляар шагнагдагшад
- «1941—1945 онуудай Эсэгэ ороноо хамгаалгын Агууехэ дайнда Германиие илаһанай түлөө» медаляар шагнагдагшад