Григорьев Андрей Николаевич

Сүлөөтэ Нэбтэрхы Толи — Википеэдиһээ
Григорьев Андрей Николаевич
Андрей Григорьев (Герой России).jpg
Түрэһэн һара/үдэр 1989 оной майн 12(1989-05-12) (37 наһатай)
Түрэһэн газар Саха (Яхад) Уласай Нюрбын аймаг
Хамаадал

  Орос гүрэн

Нэрэ зэргэ оросой сэрэгшэн, ефрейтор
Дайн/байлдаан Сэрэгэй тусхай ябуулга
Шангууд ба шагналнууд Оросой Холбоото Уласай Баатар

Григорьев Андрей Николаевич Саха (Яхад) Уласай (Нюрбын аймагта түрэһэн) — оросой сэрэгшэн, ефрейтор, Украин Уластахи дайшалхы үйлэнүүдтэ хабаадагша, дуудалгын «Тута» нэрэтэй. Оросой Холбоото Уласай Баатар (2025)[1].

Намтар

Андрей Григорьев Яхадай Нюрбын аймагта олон хүүгэдтэй бүлэдэ түрэһэн юм[2]. Украинадахи дайшалхы үйлэнүүдтэ хабаадаһан. Тэрэнэй дуудалгын нэрэ — «Тута». Оросой Холбоото Уласай Зэбсэгтэ хүсэнүүдэй сэрэгэй «Алас Дурна» бүлгэмэй мотобуудалгын торгон сэрэгэй 39-дэхи бригадада алба хаадаг[3][4].

Һамгатай, табан хүүгэдые хүмүүжүүлнэ[5].

Баатаршалга

2024 оной ноябрь һарада Донецкын Арадай Уластахи Трудовое һууриниие эзэлэн абаха һэдэлгэ ВСУ-гай хэхэ үедэ Андрей Григорьев украин сэрэгшэтэй гар наншалдаанай байлдаанда ороһон байна. Дайсанай толгойн шлемдэ тодхогдоһон камера энэ тулалдаа буулгаһан байха юм. 2025 ондо энэ видеобуулгабари ниигэмэй сүлжээндэ бии болобо. Тиихэдэл тодорхойлолтонууд мэдэгдээ. Андрей Григорьевэй хөөрэһөөр, сэрэгшэ нүхэртэеэ Трудовое һууринда оросой туг тодхохо даабари үгтэһэн байгаа. Теэд энэ даабари дүүргэхэ үедөө нүхэрынь украин буудагшада алуулшоо. Тиихэдэнь бэеэ тушаахыень Григорьевые украин сэрэгшэ аргадаад туршаа[6], харин тэрэ дайсантай тулалдаанда орошоо[7]. Григорьев яхад хутагатай ябаһан байжа, тэрэнэйнгээ туһаар дайсаниие илаа. Украин сэрэгшэ тэрэниие дэлхэй дээрэхи эгээл эрхим сэрэгшэнши гэжэ нэрлээд, «аалиханаар ябахынь түлөө» тэрэниие гансаарынь орхихыень гуйгаа. Григорьев тэрэнэй гуйлта дүүргэһэн байна. Тулалдаанай һүүлдэ үшөө зургаан хоногой туршада дайсанай ара талада Григорьев гансаараа амидарха баатай болоо[8]. Оросой сэрэгшэ тэһэрдэг һомонуудай бутархайнуудһаа 14 дахин шархатаа, толгойнь дүйрэһэн байгаа. Сэрэгэй эмнэлгын газарта аргалуулаа.

Андрей Григорьевой илаһан ВСУ-гай сэрэгшын нэрэ мэдэгдэһэн байна. ВСУ-гай 71-дэхи бригадын сэрэгшэ, дуудалгын Кобра нэрэтэй, Одессын можодо түрэһэн, 30 наһатай Дмитрий Масловский байшоо[9].

«Сэрэгэй албанай үүргэ дүүргэхэ үедөө харуулһан эрэлхэг зоригой болон баатаршалгын түлөө» 2025 оной январиин 11-дэ Оросой Холбоото Уласай Юрэнхылэгшэ Владимир Путин Андрей Григорьето Оросой Холбоото Уласай Баатарай нэрэ зэргэ олгоһон байна[10].

Тэрэл үдэр Андрей Григорьевтой Саха (Яхад) Уласай Толгойлогшо Айсен Николаев уулзаа. Байлдагша - тон даруу зантай, өөрыгөө баатарби гэжэ тоолодоггүй залуу хүн байна гэжэ тэрэ тэмдэглээ. Баатаршалгыень харуулһан видеобуулгабариин үгы һаа, тэрээн тухайнь хэншье мэдэхэгүй һэн ха. Уулзалгын түгэсхэлдэ Айсен Николаев Андрей Григорьевто яхад шэнэ хутага барюулаа[11].

Андрей Григорьевой украин сэрэгшэнтэй тулалдаһанайнь видеобуулгабари американ миллиардер Илон Маск тайлбарилан хэлэһэн байна. Ниигэмэй «X» сүлжээндэ тэрэ иигэжэ бэшээ:

Гэнтэ элдэб ушарай болохо болоо һаа, минии унтадаг таһалгын хана дотор Дэлхэйн нэгэдэхи дайнай үеын траншейн хутага тодхогдонхой. 1917 ондо бүтээгдэһэн. Дүтын байлдаанда гар бууһаа дээрэ[12].

Шагналнууд

Ажаглалтанууд

  1. ↑ "Указ о присвоении звания Героя Российской Федерации ефрейтору Андрею Григорьеву". 2025-01-11. 
  2. ↑ Татьяна Цвенгер. Глава Якутска подарил Андрею Григорьеву снегоболотоход (ород хэлэн). yakutia.kp.ru - (11 январь 2025). Дата обращения: 11 январь 2025.
  3. ↑ Козлов, Иван. "Грыз зубами, бил ножом. Перед смертью солдат ВСУ восхитился якутским бойцом". 2025-01-11. 
  4. ↑ "Маск прокомментировал рукопашную схватку штурмовика из Якутии с военным ВСУ - Российская газета", 2025-01-04. 2025-01-11. 
  5. ↑ Российские ученые увеличили срок службы никелида титана с помощью наноструктурирования | Газета Балаково(неопр.). gazetabalakovo.ru. Дата обращения: 11 январь 2025.
  6. ↑ "Путин присвоил звание Героя России ефрейтору Григорьеву", 2025-01-11. 2025-01-11. 
  7. ↑ "Илон Маск прокомментировал схватку якутского военного с боевиком ВСУ", 2025-01-04. 2025-01-11. 
  8. ↑ "Путин присвоил звание Героя РФ бойцу Григорьеву, победившему в рукопашной - Российская газета", 2025-01-11. 2025-01-11. 
  9. ↑ Козлов, Иван. "Стонал напрасно. Боец ВСУ, погибший в схватке с якутом, не дождался помощи". 2025-01-11. 
  10. ↑ "Путин присвоил звание Героя РФ ефрейтору из Якутии Андрею Григорьеву". 2025-01-11. 
  11. ↑ "Глава Якутии встретился с героем Андреем Григорьевым, прославившимся на поле боя". 2025-01-11. 
  12. ↑ "Маск неожиданно высказался о схватке штурмовика из Якутии с военным ВСУ", 2025-01-04. 2025-01-11. 
  13. ↑ "Указ о присвоении звания Героя Российской Федерации ефрейтору Андрею Григорьеву". 2025-01-11. 
© Энэ материалай зохёохы эрхын эзэн — «РУВИКИ» — интернедэй шэнэ нэбтэрхэй толи» гэһэн АНО.
Гансал «РУВИКИ» — интернедэй шэнэ нэбтэрхэй толи» гэһэн АНО-гой зүбшөөлөөр энэ материал бусад сайтнуудта хэрэглэжэ болоно.
"https://bxr.ruwiki.ru/w/index.php?title=Григорьев_Андрей_Николаевич&oldid=347464" хуудаһанһаа абтаһан