Булгатай хада

Гора Соболиная
51°30′34″ с. ш. 104°07′17″ в. д.
Байһан газар	Эрхүү можо
Хажуудахи хото	Байкальск хото
Эгээл дээдэ газарынь	1004 м
Эгээл доодо газарынь	525 м
Хадаһаа һолжорхо замууд	18 2 хүнгэн 5 дунда зэргын бэрхэтэй 11 орёо бэрхэтэй
Эгээл томо зам	2100 м
Үргэдэг системэ	4 татаха уяатай замууд санашадта 2 тулгагүй үргэдэг системэнүүд
Унаһан саһанай тоогой хэмжээн	до 2 м
Сайт	baikalski.net

Булгатай хада (ород хэлэн дээрэ Гора Соболиная) — Байгал далайн эрьедэ оршодог Эрхүү можын Байкальск хотын хажууда байрлаһан хадаһаа санаар һолжорхо амралгын газар мүн. Үндэрэй илгаа 479 метр, 18 замһаа эгээл утань 2100 метр. Замуудай ниитэ утань 15 км тухай болоно.

Түүхэ

1969 ондо санаар һолжоржо бууха дуратайшуул Булгатай хада дээрэ түрүүшын зам гараараа отолжо гаргаһан байха юм. 1991 он болотор хэдэн гаталха замууд бии боложо, тэрэл жэлдээ түрүүшын татаха уяа харгы тодхогдоо. 1996 ондо «Могул», «Восточный» ба һуралгын ташаланууд зохёогдоо. Тэдэндэ 1999 ондо «Гребень» гэжэ налуу нэмэгдээ, санаар һолжорхо замуудые жэгдэлхэ немец машинанууд абтаа.

2000-аад онуудаар сноуборд-парк баригдажа, хэмэл саһа гаргадаг системэнүүд тодхогдоо. Далайн нюрууһаа 900 м үндэртэ 2013 ондо эдеэ хоол баридаг газар болон харалгын талмай нээгдээ.

Амаралгын газар оло дахин элдэб шангууд, шагналнуудта хүртэһэн юм. Тиихэдэ 2009 ондо Сибириин эгээл эрхим санаар һолжорхо амаралгын газар гэжэ тодороо, 2017 ондо «Гранд Байкал» гэһэн айлшадай буудал Орос гүрэнэй эрхим хадаһаа санаар һолжорхо амаралгын газарай айлшадай буудал гэһэн дипломдо хүртөө. Ташалануудай зохид тааралай түлөө, байгаалиин, зөөлэн уларилай, хүгжэнги дээдэ бүтэсэнүүдтэй байһан ттүлөө энэ амаралгын газарые «Сибириин Куршевель» гэжэ нэрлэдэг.

Амаралгын газар дэбисхэр дээрэ элдэб янзын сэнтэй айшадай 4 буудал баригданхай, спа-түб хүдэлжэ байдаг, аһалдан абиржа сэнгэхэ уяагай парк бии.

Замууд

Байгал далайн урда эрьеhээ хоёр модоной зайда, Эрхүү хотоhоо 140 км зайда, Хамар-Дабан хадын орьёлнуудай нэгэн болохо Булгатай хадада санаар һолжорхо замууд һуурияа эзэлээд байдаг.

• Һуралгын ташалангууд (хүнгэн) — 160 м;
• Тюбингын зам (хүнгэн) — 170 м;
• БКД-6 руу мухарин гаралга (дунда зэргын) — 270 м;
• Баруун зүгэй (дунда зэргын) — 500 м;
• Экстремалнуудай парк (дунда зэргын) — 670 м;
• Налуу (Пологая) (дунда зэргын) — 1000 м;
• Баунти (дунда зэргын) — 1000 м;
• Тойруу (Объездная) (хүндэ) — 170 м;
• Эксэ (Крутяк) (хүндэ) — 250 м;
• Ташуу (Косая) (хүндэ) — 320 м;
• Харгы (Дорога) (хүндэ) — 320 м;
• Слаломна буудал (хүндэ) — 500 м;
• Лесовозка (хүндэ) — 850 м;
• Зверева (хүндэ) — 920 м;
• Могул (хүндэ) — 1220 м;
• Юрэнхылэгшын (хүндэ) — 1500 м;
• Баруун хяра (хүндэ) — 1860 м;
• Зүүн зүгэй (хүндэ) — 2100 м.

Санаар һолжорхо замууд 6 үргэдэг оньһон түхёэрэглэнүүдтэй: һуралсалай газарта хүнүүдые һуулгаад ябадаг урадхал түхэлэй 2 траволаторнууд, бэшэ замууд дээрэ 4 бугельнэ үргэдэг оньһон түхёэрэглэнүүд хүдэлдэг. Аяншалагшадай хэрэгсэлгүйгөөр харалгын талмай руу ошохын тула һандалиин түхэлэй үргэдэг оньһон түхёэрэглэнүүд хэрэглэгдэдэг. Бүхы үргэдэг оньһон түхёэрэглэнүүдэй багтаамжа нэгэ часай туршада 2500 хүн болоно.

Үдэшын харанхы сагта ташалангууд гэрэлтүүлэгдэдэггүй, тиимэһээ үргэдэг оньһон түхёэрэглэнүүд гансал 17:00 болотор хүдэлдэг.

Уларил

Байкальскын уларил зөөлэн, үбэлэй дунда зэргын халуун хүйтэниинь -10 ℃ …-15 ℃ оршом. Саһатай үбэлнүүдтэ саһанай бүрхөөг хоёр метр болотор хүрэдэг. Апрель һарада саһанай бүрхөөг үшөөл нилээд ехэ зандаа байдаг, халуун хүйтэниинь -3 ℃-һаа доошоо буудаггүй.

Хадаһаа санаар һолжорхо хаһа 180 хоногой туршада болодог, ноябриин эхинһээ майн эхин болотор үргэлжэлдэг.

Зунай сагта амаралгын газарта элдэб хэмжээ ябуулганууд, фестивальнууд үнгэргэгдэдэг.

Ажаглалта

Энэ материалай зохёохы эрхын эзэн — «РУВИКИ» — интернедэй шэнэ нэбтэрхэй толи» гэһэн АНО.
Гансал «РУВИКИ» — интернедэй шэнэ нэбтэрхэй толи» гэһэн АНО-гой зүбшөөлөөр энэ материал бусад сайтнуудта хэрэглэжэ болоно.