Бадмацыренов Жаргал Цыденович
| Бадмацыренов Жаргал Цыденович | |
|---|---|
 | |
| Түрэһэн һара үдэр | 1980 оной майн 28 |
| Түрэһэн газар | Буряадай АССР Ивалгын аймаг Оронго тосхон. |
| Эрхэтэнэй байдал | |
| Ажал ябуулгын янза | Уран һайхан кино эмхидхэгшэ, киногой зүжэгшэн, сценарист |
| Эхэ | Валентина Бадмаевна |
Бадмацыренов Жаргал Цыденович (1980 оной майн 28 түрэһэн, Буряадай АССР, Ивалгын аймаг, Оронго тосхон) — оросой хошонлогшо, шог зохёолшо, киногой зүжэгшэн, режиссер болон сценарист. «Похабовск. Обратная сторона Сибири» ба «Решала: Нулевые» гэһэн фильмүүдээр алдар суутай болоһон[1].
Намтар
Жаргал Бадмацыренов 1980 оной майн 28-да Буряад орондо түрэһэншье һаа, уданшьегүй эхэ эсэгэнь Саха (Яхад) Улас нүүжэ ошоһон, тэрэнэй үхибүүн ба эдир наһаниинь тэндэ үнгэрөө. Һургуулияа дүүргээд, шэрүүн Хойто зүгтэ үлэхэгүй гэжэ шиидээд, Улаан-Үдэеэ бусажа ерээд, Буряадай гүрэнэй университедэй[2] Зүүн зүгэй таһагта ороо, харин теэд тэндэ оройдоол нэгэ жэл һураа. Удаань Жаргал үшөө хоёр дахин түрэл дээдэ һургуулиингаа хананууд руу бусабашье, мэргэжэл абаһан тухай үнэмшэлгэ абаагүй, саашадаа энээ тухайгаа ехэтэ гэмшэдэг байһан юм. Гэхэ зуура, энэ хугасаада «Хүхюутэй, ухаатайшуулай» клубай оюутадай командын ажабайдалда эдэбхитэйгээр хабаадажа эхилээ. Нэгэ интервью соогоо зүжэгшэн:
суг һурадаг нэгэ нүхэрни намайе КВН-дэ хүсөөр татажа абаашаад, тайзан дээрэ гарахыемни баалаа бэлэй, - гэжэ хөөрөө
Теэд залуу хүбүүн бахардаагүй, харагшадта ехэ баяр баясхалан асаржа, ошо сасаһан мэтэ шог ёгто үгэнүүдые хэлэжэ эхилээ. Энэ сагһаа хойшо КВН тэрэнэй ажабайдалда таһаршагүй хубинь болоһон юм[3].
Уран бүтээлэй зам
2007 онһоо 2010 он болотор КВН-эй Ехэ лигын «Байгал» командын фронтмен байгаа, тэрэ олон тоото хүндэтэ шагналнуудта хүртөө: «Президентский КиВиН», «Маленький КиВиН в светлом». Энэ команда Буряадай залуушуулай суглуулагдамал командын болон «Иркутска.ру» хоёрой нэгэдэһэнэй дүнгөөр мүндэлөө. Хүбүүд хэдэн жэлэй туршада амжалтатайгаар наадажа, Дээдэ лигын хоёрдохи хахад финалда хүрэһэн байна.
25 наһатайдаа түрүүшынхиеэ уран һайханай талаар найруулагшын ажалда өөрыгөө туршаахадаа – «Чайник»[4] гэһэн шог ёгто зүжэг буулгаһан байха юм. Энэ фильм Улаан-Үдэ хотын дүрбэн нүхэд мүнгөө суглуулжа, машина абаха хүсэл бодолдо абтаһан тухайнь харуулна. Удаадахи уран бүтээлынь жэл болоод гараа. «Улан-Уdance»[5] гэһэн кинофильм өөһэдынгөө зохёон бүтээхэ арга шадабарияа харуулжа, Оросой ниислэл - Москва хотын дура буляажа, олондо мэдээжэ болохо гэжэ шиидэһэн буряад эстрадна бүлгэм тухай харуулна[6].
Бадмацыренов 2012 ондо анха түрүүшынхиеэ «На Байкал 2: На абордаж» гэһэн шог ёгто кинофильмдэ наадажа бэеэ туршаһан байна. Бүхыдөө Жаргал «Похабовск. Обратная сторона Сибири» ба «Решала: Нулевые», мүн тиихэджэ «Полярный», «Зона комфорта» и «Маньячелло»[7] гэһэн кинонуудай зургаан түсэлдэ наадаа.
Кино буулгагша Роман Асхаевай найруулан табиһан «Решала 2» (2015) гэһэн гэмтэ хэрэгэй драмын сценаристаар хүдэлөө, «Решала» (2012) фильмын үргэлжэлэл. Кино соо аха дүү хоёр тухай харуулагдана. Ахань, амжалта туйлаһан, нүлөө ехэтэй хуулишан Костантин дүү хүбүүн Кешые гэмтэ хэрэгэй бэрхэшээлнүүдһээ хододоо татажа гаргаха баатай байна.
«Би муу ёрын дүрэнүүдтэ дуратайб, тиимэ дүрэ наадаха хүсэлэнтэйб. Муу дүрэнүүд хододоо һайн дүрэнүүдһээ үлүү һонирхолтой байдаг, тэдэниие ажаглан харахада һонин. Илангаяа түхэл хубилдаг дүрэнүүдтэ. Илангаяа, муу ябадал хэжэ байһанаа, киногой эсэстэ тэрэнээ ойлгожо, зүб һайн болоһон. Жэшээнь, тэрэ шуналтай ангууша байһан аад, һүүлээрнь амитадай хамгаалагша болоһон тухай. Найруулан табилгын талаар хэлэбэл, үшөө нэгэ хүсэлэнтэйб – буддын шажанай сэдэбээр шажанай кинопритча буулгаха. “Хүн байгаалида нүлөөлнэ гү, али оршон тойронхи байгаали хүндэ нүлөөлнэ гү?” гэһэн асуудалда харюу олгохо фильм. Юрэнхыдөө, минии һанахада, шанартай кино буулгабариин үндэр дээдэ жэшээ хадаа «Титаник» болоно. Юундэб гэхэдэ тэрэ, хүн бүхэндэ ойлгосотой, хүн бүхэндэ һайшаалтай: кино шэнжэлэгшэдтэшье, юрын харагшадташье. Үшөө тиихэдэ энэ хадаа олзын хэрэг эрхилэлгын кино. Минии һанахада, эгээл ехэ бэлиг шадаби гээшэ үндэр шанартай олзын хэрэг эрхилэлгын кинофильм бүтээхэ арга. Энэл даа минии хэхэеэ һанаһан хүсэл»
Тэрэл жэлдэ ТНТ каналда Жаргалай хабаадалгатай «Полярный» гэжэ шог ёгто сериал гараа. Энэ киногой түүхын гол түбтэ хулгайшадай «ниитэ жаса» хадагалагдадаг мүнгэн дансынгаа нюуса үгэ мартаһан урданай бандит Витя Мясник байна. “Суг хүдэлдэг нүхэдэйнгөө” этигэхэгүйень тон һайн ойлгоһон Мясник Хойто зүг руу ябана, тэрэ аяншалгынгаа эхиндэ Полярный хотодо хүрэжэ ерэнэ. Эндэһээл тэрэнэй уршагта ябадалнууд эхилнэ. Бадмацыреновэй съёмкын талмай дээрэ суг хүдэлһэн нүхэдынь гэхэдэ, Михаил Пореченков, Иван Охлобыстин, Катерина Шпица, Ян Цапник[8] болон бусад байгаа.
2020 ондо Гарик Харламовай гол дүрэдэ наадаһан «Зона комфорта»[9] гэһэн сериалай премьерэ болоо һэн. Ниислэлһээ холо нютагта ажаһуудаг, олзын хэрэг эрхилэгшэ Ярослав Костров Норвегиин түрмэдэ ороно, харин бодото дээрээ тэрэнь эмнэлгын газарта адли байба. Гол дүрын гансал зохигүй байдал гэхэдэ, видео холбоогоор Орос гүрэндэ орхиһон амидаралдаа хабаадаха хэрэгтэй – бизнес эрхилхэ, дээрэмшэдтэй тэмсэхэ, үхибүүдээ хүмүүжүүлхэ. Жаргал Амаду Мамадаковтой хамта уридгүй аха дүү бандидуудые наадаа.
2021 ондо кино буулгагшын фильмографи шэнэ бүтээлээр - «Маниячелло»[10] гэһэн шог ёгто сериалаар дүүргэгдэбэ. Энэ түсэлдэ Жаргал ганса найруулагшын үүргэ дүүргээ бэшэ, харин гол рольнуудай нэгыень наадаа, киногой сценари бэшээ. Уран һайханай талаар эмхидхэгшэ нүхэрынь Александр Кузьминов энэ хэрэгые хүтэлбэрилхэдэнь туһалаа. Хүдөөгэй маньягай роль Владимир Барташевич наадаа, харин Бадмацыренов өөрөө сагдаа Саниин дүрэ гүйсэдхөө.
Фильмографи
Сценарист
- «Саня, газуй!» (сериал, 2021)
- «Маньячелло» (сериал, 2021)
- «Афера» (сериал, 2021)
- «Решала: Нулевые» (2019)
- «Эластико» (2016)
- «Решала 2» (2015)
- «Похабовск. Обратная сторона Сибири» (2013)
- «Буузы» (2013)
Режиссер
- «Маньячелло» (сериал, 2021)
- «Решала: Нулевые» (2019)
- «Буузы» (2013)
- «Улан-Уdance» (2011)
- «Чайник» (2010)
Зүжэгшэн
- «Маньячелло» (сериал, 2021)
- «Зона комфорта» (сериал, 2020)
- «Полярный» (сериал, 2019)
- «Решала: Нулевые» (2019)… Мормыш
- «Похабовск. Обратная сторона Сибири» (2013)
- «На Байкал 2: На абордаж» (2012)…бөө
Ссылкэнүүд
На эту статью не ссылаются другие статьи Рувики. |
.svg){kind=link}
- ↑ https://www.kinopoisk.ru/name/2383893/?utm_referrer=yandex.ru
- ↑ https://www.bsu.ru/wlcm/
- ↑ https://www.vokrug.tv/article/show/17379836451/?from=infinity&type=SuperView
- ↑ https://www.kinopoisk.ru/film/580644/
- ↑ https://ru.kinorium.com/729744/
- ↑ https://www.irk.ru/news/20111209/comedy/
- ↑ https://www.kino-teatr.ru/kino/acter/m/ros/375712/works/
- ↑ https://ru.kinorium.com/1707854/cast/
- ↑ https://ru.ruwiki.ru/wiki/Зона_комфорта_(сериал)
- ↑ https://www.kino-teatr.ru/kino/movie/ros/148440/annot/