2025 оной ойн түймэрнүүд - Оросто
| 2025 оной ойн түймэрнүүд - Оросто | |
|---|---|
 2025 оной ойн түймэрнүүд - Оросто | |
| Эзэлһэн газар |
 Орос Улас |
| Һара үдэр | 2025 оной февраль һараһаа |
2025 оной ойн түймэрнүүд — Оросто (ород хэлэн дээрэ Лесны́е пожа́ры в Росси́и в 2025 году́) — Оросой Холбоото Уласай газар дэбисхэр дээрэ 2025 оной январьһаа декабрь болотор хугасаа соо үргэлжэ ойн түймэрэй аһаһан ушарнууд.
Уридшалһан мэдээ
Ойн ажахын холбоото уласай агенствын мэдээсэһээр, сагай уларилһаа боложо, 2025 ондо ойн түймэрнүүд юрынхыдөө эртэ эхилжэ магадгүй[1]. Үбэлэй сагта бага саһанай ороһон ушарһаа Түбэй холбоото уласай тойрогто (ЦФО)-до еһо заншалаар апрелиин дунда бэшэ, харин март һарын тэн болотор байгаалиин түймэрнүүдые сарахаяа бэлэн болоод байха тухайнь захиралта үгтэбэ[2]. Мүн тиихэдэ түймэрэй носохо гээшэ, хүнэй үүсхэлһээ ехэнхидээ дулдыдадаг бшуу.
Ой модоной, тогтууритай ойн ажахы болон түймэрнүүдэй талаар мэргэжэлтэн Алексей Ярошенко «Газар дэлхэй хүн бүхэндэ хабаатай» гэһэн түсэлдөө:
2025 ондо түймэрэй аюулай улам олошоролгын гол шалтагууд гэхэдэ, Оросой ой модотой бүһэлүүрэй ехэнхи нютаг можонуудта сагһаа урид ерэһэн эртын хабар болон гүрэн түрын баруун зүгтэ ехэ ган гасуур болохо тухай уридшалһан мэдээгээр хүлеэгдэнэ. Үнэхөөрөө ган гасуурай болохо үгынь хабар зун хоёрой хэр бороотой байһанһаа ехэнхидээ дулдыдаха. Гэбэшье, нёдондоной хуурай намар, саһа багатай үбэлэй болоһон ушарһаа газарта хуряагдаһан шииг нойтоной ехэ дутагдалһаа болобо гэжэ мүнөө батаар хэлэхэ аргатайбди[3].
Түбэй, Урда, Волго шадар, Хойто Кавказай холбоото уласай тойрогуудта, мүн Алас Дурна зүгэй 30-аад шахуу нютаг можонуудта 2025 оной март һараһаа түймэрэй аюул дээшэлжэ магадгүй гээд уридшалан хэлэгдэнэ. Брянскын, Белгородой, Москвагай, Воронежой можонууд, Курскын, Орловскын, Смоленскын можонуудай баруун ба түб хубинууд үлүү ехэ аюулай бүһэлүүртэ ороно[4].
Мартын 14-эй мэдээгээр Оросой Холбоото Уласай гурбан субъектнүүдтэ түймэрэй аюулгүй байдалай тусхай гурим тогтоогдоо: Калининградай можын бүхы газар дэбисхэртэ, Краснодарай хизаарай хоёр нютагай засагай байгууламжада, Примориин хизаарай 14 нютагай засагай байгууламжада.
Оросой Холбоото Уласай найман субъектнүүдтэ түймэрэй аюултай хаһа нээгдэбэ: Краснодарай хизаарай бүхы газар дэбисхэртэ, Карачаево-Черкесиин, Кабардино-Балкариин болон Чечен Уласуудта, Белгородой, Астраханиин, Калининградай можонуудаар, Примориин хизаарай 18 нютагай засагай байгууламжануудта[5].
Түймэр саралгада мүнгэ һомололго
Для борьбы с лесными пожарами в 2025 году из федерального бюджета регионам предусмотрено почти 20 млрд рублей, что выше уровня 2024 года[6].
Түймэрнүүд — нютаг можонуудта
Амарай можо
2025 оной хабар нютаг можын бүхы дэбисхэр дээрэ түймэртэ эсэргүүсэлгын талаар онсо журам тогтоогдоһон байна. Май һарада Амарай можын Свободненскын аймагай ой модоной дэбисхэр дээрэ түймэр эхилээд, шанга һалхинһаа ба хуурай уларилһаа боложо, түргөөр һүжэрөөю Тэрэ тоодо замбуулинай онгосонуудай «Восточный» буудал шадархи Циолковский хотодо майн 13-да түймэр ойртожо ерэһэн байна[7].
Үбэр Байгалай хизаар
Апрелиин 7-ной мэдээгээр, нютаг можодо 58 мянган дүрбэлжэн модоной талмай дээрэ 32 түймэр соробхилжо байгаа. Түнгэхөөшын, Чернышевскын болон Шэтын аймагуудта онсо байдалай журам тогтоогдонхой байгаа[8].
Холбоото уласай хэмжээнэй онсо байдалай журам тогтоохо арга боломжо Үбэр Байгалай хизаарта зүбшэн хэлсэлгэ боложо байна гээд апрелиин 17-до Рослесхоз мэдээсээ. Апрель һарын мэдээгээр, 2025 оной эхинһээ хойшо Оросто бүридхэгдэһэн ойн түймэрнүүдэй дэбисхэрэй 60 % Үбэр Байгалай хизаарта байгаа[9].
2025 оной апрелиин 23-да Үбэр Байгалай хизаарта холбоото уласай хэмжээнэй онсо байдалай журам тогтоогдоо[10].
2025 оной майн 13-най байдалаар Үбэр Байгалай хизаарта 576 мянга гаран гектарта 45 ойн түймэр боложо байгаа. Ганса Шэтын нютагай засагай тойрогто 31 мянга гаран гектар шатажа байгаа бшуу. Оросой МЧС-эй абарагшадай бүлэг Сохондо, Яблоново болон Тургата гэһэн һуурин газарнууд руу эльгээгдээ. Мүн баһа Оросой МЧС-эй Ил-76 түхэлэй агаарай онгосонууд түймэр саралгада хабаадуулагдаһан байна[11].
Примориин хизаар
Февралиин һүүл — март һарада Примориин хизаарта хуурай, саһа багатай үбэлһөө, хүнэй буруу ябадалһаа, аргагүй олон түймэр хаа хаанагүй боложо эхилһэн байна. Шанга һалхин түймэрэй һүжэрэлгэдэ нүлөөлөө.
Ростовой можо
Апрелиин 2-то Батайск хотын шадархи Дабаһатай нуурай хажууда газарай нюруугай түймэр эхилээд, хуурай үбһэн, хулһан носоһон байна. Зэрлиг шубуудай уургайлдаг газарнуудта аюул үзэгдэбэ, харин тиихэдэ ехэ утааниинь Ростов-на-Дону хотодо хүрөө[12].
Тюмениин можо
Апрелиин 1-һээ нютаг можодо түймэрэй аюултай хаһын гурим нэбтэрүүлэгдээ. Тюмень хотодо «гал түймэрэй аюулгүй байдалые хангахын тула хотын ойнууд соо ажаһуугшадай байлга хизаарлаха тухай» тогтоол гараа[13].
Хабаровскын хизаар
Апрелиин 10-да Оросой Холбоото Уласай Байгаалиин нөөсын ба байгаали хамгаалгын сайд Александр Козлов 2024 ондо Оросой Холбоото Уласай ойн түймэрнүүдһээ ехээр хохидоһон табан нютаг можонуудай тоодо ородог, ойн жасын талмайн 3,3 % дээшэ газарта хохидоһон Хабаровскын хизаарай түймэрэй аюулда зорюулагдаһан зүблөө үнгэргөө[14].
Хакас Улас
Апрелиин 19-20-ой үдэрнүүдтэ уласай юһэн аймаг болон хотонуудта түймэрнүүд бүридхэгдэһэн, тэрэ тоодо хяналтаһаа гараһан хуурай үбһэ ногооной түймэрнүүд тэмдэглэгдэнэ[15].
Буряад Улас
Буряад уласта ойн түймэрнүүдһээ боложо, 2025 оной майн 13-һаа нютаг можын удха шанартай онсо байдалай журам тогтогдоо. Майн 13-най үглөөнэй байдалаар нютаг можо дотор 53 208 гектар ниитэ талмай эзэлһэн ехэнхидээ Баунтын эвенк болон Яруунын аймагуудта 22 ойн түймэр болоһон байна[16].
Ажаглалта
- ↑ Лесные новости | Рослесхоз (2025-02-12).
- ↑ "Рослесхоз ожидает лесные пожары в центре России в марте", 2025-02-12. 2025-03-14.
- ↑ Худший пожарный прогноз за последние пять лет (2025-02-26).
- ↑ "Из искры: лесные пожары могут начаться в 30 регионах уже в марте", 2025-02-21. 2025-03-14.
- ↑ Авиалесоохрана: О лесопожарной обстановке в России на 00:00 мск 14.03.2025 г.. НАНС (14 03 2025).
- ↑ Дмитрий Патрушев: Для борьбы с лесными пожарами в 2025 году регионы получат из федерального бюджета почти 20 млрд рублей - Арктикпост (2025-03-14).
- ↑ МЧС России.
- ↑ "В Забайкалье горит 32 пожара, с утра их было на три больше", 2025-04-07. 2025-04-07.
- ↑ "В Забайкалье из-за лесных пожаров могут ввести федеральный режим ЧС", 2025-04-17. 2025-04-17.
- ↑ "В Забайкальском крае ввели федеральный режим ЧС из-за лесных пожаров", 2025-04-23. 2025-04-23.
- ↑ МЧС России.
- ↑ "«Апокалипсис рядом с нами»: зарево пожара возле Батайска видно за километры", 2025-04-02. 2025-04-03.
- ↑ "Тюменцам запретят посещать городские леса. СПИСОК", 2025-03-26. 2025-03-26.
- ↑ "К глобальным таежным пожарам готовятся в Хабаровском крае", 2025-04-10. 2025-04-10.
- ↑ "Масштабные пожары охватили Хакасию", 2025-04-21. 2025-04-23.
- ↑ "В Бурятии в связи с лесными пожарами объявили режим ЧС", 2025-05-13. 2025-05-13.
Ссылкэнүүд
- ФБУ «Авиалесоохрана» разработан предварительный прогноз пожарной опасности в лесах России на март-май 2025 года
- Forest Monitoring Designed for Action // Global Forest Watch
|
Энэ материалай зохёохы эрхын эзэн — «РУВИКИ» — интернедэй шэнэ нэбтэрхэй толи» гэһэн АНО. Гансал «РУВИКИ» — интернедэй шэнэ нэбтэрхэй толи» гэһэн АНО-гой зүбшөөлөөр энэ материал бусад сайтнуудта хэрэглэжэ болоно. |