Хадхуур Зүү (бүлгэм)
| Хадхуур Зүү (бүлгэм) | |
|---|---|
 «Хадхуур Зүү» | |
| Гол мэдээсэл | |
| Жанр | заншалта аялгатай ба өөрсэ маягаар гүйсэдхэн дуулаха рэп-бидүүд |
| Байгуулагдаһан жэл | 2011 оной хабар |
| Гүрэн | |
| Бии болоһон газар | Улаан-Үдэ |
| Лейблнүүд |
2 альбом («Зам», «Яда»), 3 видео («Holla back», «Газардороо», «Тэндэг»). |
| Бүридэл | Элджи (битмейкер) – Леонид Шаданов, Сонг (МС) – Сергей Биликтуев, Алихан Дзе (МС) – Алихан Дугарон, Санаа (бэк МС) |
Хадхуур Зүү (бүлгэм) («Хадхуур» — колючка, колючий, жалящий, «зүү(н)» — острие, игла. («Хатхур Зу» группа) (ород хэлэн дээрэ «колющие иглы») — заншалта аялгатай ба өөрсэ маягаар дуулаха рэп-бидүүдые буряадаар гүйсэдхэдэг бүлгэм.
Бүлгэм тухай
«Хадхуур Зүү» хадаа буряад хэлэн дээрэ рэп гүйсэдхэһэн түрүүшын бүлгэмүүдэй нэгэн болоно бшуу[1]. Эдэ хүбүүдые бүхы буряад интернет шагнадаг байха юм. Тэдэнэр рэп сохилтонуудые заншалта буряад аялгатай ба эхэ бэшэгтэеэ аб адли шүлэгүүдтэй холбодог байна. Тус бүлгэм 2011 ондо байгуулагдаа. Энэ хугасаа соогоо «Зам» ба «Яда» гэһэн хоёр альбом, хүгжэмэй зургаан клип гаргаһан. 2015 ондо бүлгэм Улаан-Үдэ, Эрхүү, Шэтэ хотонуудта гурбан ехэ тоглолто-концерт үгэһэн байна. Тэдэнэр «Улаан-Үдын ажаһуугшад» гэһэн шэнэ фильмдэ видео болон мэдээжэ найруулагша Солбон Лыгденовтэй клип буулгаһан байна.
- Бидэнэрэй рэп хэжэ эхилхэдэ, манай үгэнүүд нэгэ жэгдэ хүгжэмэй дабтаса доро хадхажа байһан зүүн мэтэ боложо хубилдаг, — гээд хүбүүд өөһэдөө тэмдэглэнэ.
Рэп наадажа, мүнгэ олохо гэһэн зорилго бүлгэмэйхид хэзээдэшье табяагүйбди гээд тэмдэглэдэг. Өөрсэ шэнэ юумэшье хэжэ байнабди гэжэ бододогүй. Гол зорилгонь — хэжэ байһан ажалаараа хүн зондо һайшаагдаха, түрэл буряад хэлэн дээрээ текстнүүдые бэшэлгэ. Олоной дунда, илангаяа залуушуул соо, түрэл хэлэеэ дэлгэрүүлгэ. Тиимэһээ:
— Маанадые шагнаад, хүн зон текстнүүдые сээжэлдэхэ гэжэ оролдоно, оршуулгануудыень бэдэржэ эхилнэ. Зариманиинь буряад хэлэндэ һуралгын курснуудта ябажа эхилһэн тухайгаа дуулгадаг, энээндэ бидэ ехэ баяртайбди!— гээд «хадхуур зүүтэй» хүбүүд онсолдог.
Бүлгэмэй бүридэл
- Элджи (битмейкер) — Леонид Шаданов,
- Сонг (МС) — Сергей Биликтуев,
- Алихан Дзе (МС) — Алихан Дугарон,
- Санаа (бэк МС).
Дуунай үгэнүүдэй ба хүгжэмэй авторнууд
- сохилтонууд — Эльджи,
- үгэнүүд — Сонг ба Дзэ[2].
Рэп тухай ойлгосо
Рэп хадаа нэгэ жэгдэ хүгжэмэй дабтаса доро уншалга болоно. Англи хэлэнһээ оршуулбал, «тоншолго, түерөөн, сохилто» гэһэн удхатай. Рэп — мүн лэ «хэлэхэ», «хөөрэлдэхэ» гэһэн удхатай[3].
Бодолоо сүлөөгөөр хэлэхэ арга
«Танай дуунууд юун тухайб? Тиигээд рэп хүгжэмэй жанр гээшэ танда ямар удхатайб?»[4] гэжэ асуудахада, бүлгэм байгуулагшад иигэжэ харюусаһан байна:
- Манай һанахада, рэп бусад хүгжэмэй жанрнуудһаа һанал бодолоо сүлөөгөөр хэлэхэ, харуулха талаараа илгарна. Тойроод байһан бүхы юумэн тухай хэлэнэбди: хүн зонууд, олониитэ, гүрэн түрэ тухай… Һайн ба муу, үнэн сэдьхэл ба урбалга, үнэн зүб байдал ба дарлалта, тамир ба элүүр бэшэ амидаралай шэнжэ түлэб тухай — эдэл даа манай сэдэбүүд. Дуран тухай хэлэбэл, бидэ энээн тухай хөөрэлдэнэгүйбди, гансал өөһэдтөө, хубидаа хадагалнабди.
Зохёохы ажалай гол удха, түсэбүүд
Бүлгэмдэ хабаадагшадай гол үзэл суртал — буряад хэлээрээ өөһэдыгөө хүгжөөлгэ, тэрэнээ улам мүлихэ. Энэ хэрэгтэ саг үргэлжын ажал ябуулжа байха хэрэгтэй гээд тэдэнэр тоолонод. Үндэһэн сонин «Буряад үнэндэ» үгэһэн интервьюдээ бүлгэмэй гэшүүд иигэжэ онсоло байха юм:
- Хэлэнэй талаар орёо асуудалнууд бии. Манай арадай зоной хэлэеэ мартахань хэндэшьеб даа хэрэгтэй, ехэ аша туһатай байна гэжэ бодонобди. Гэбэшье иимэ юумэнэй болохогүйн тула бидэ ямаршьеб даа оролдолго гаргаха ёһотойбди. Эгээл шухалань гэхэдэ, мүнөөнэй тогтожо байһан байдал тэсэхэ бэшэ, харин буряад арадайнгаа нэгэдэл, өөрсэ онсо шэнжэеэ сахиха, хадагалха, улам саашань хүгжөөхэ, саашадаа үхибүүдтээ дамжуулхын тула бидэнэртэ мүнөөдэр арга шадалаараа ажал абуулха хэрэгтэй. Манда арадайнгаа түүхэ, хэлэ, ёһо заншал мэдэхэ шухала.
Ажаглалта
На эту статью не ссылаются другие статьи Рувики. |
.svg){kind=link}