Тонконог Иван Власович
| Тонконог Иван Власович | |
|---|---|
 | |
| Түрэһэн һара/үдэр | 1913 оной августын 13 |
| Түрэһэн газар | Украин Уласай, Черниговын можын, Носовын аймагай, Селище һуурин |
| Наһа бараһан һара/үдэр | 1944 оной июлиин 18 |
| Наһа бараһан газар | Литва Уласай, Алитус хото шадар |
| Хамаадал | |
| Сэрэгэй түрэл янзань | ябаган сэрэг |
| Алба хэһэн жэлнүүд | 1934 он—1936 он, 1943 он—1944 он |
| Нэрэ зэргэ |
  |
| Дайн/байлдаан | Эсэгэ ороноо хамгаалгын Агууехэ дайн |
| Шангууд ба шагналнууд |
 |
Тонконог Иван Власович (1913 оной августын 13-да түрэһэн, Украин Уласай, Черниговын можын, Носовын аймагай, Селище һуурин — 1944 оной июлиин 18 баатарай үхэлөөр алдалан унаа, Литва Улас, Алитус хото шадар) — Ажалшад-Таряашадай Улаан Сэрэгэй сэрэгшэ, Эсэгэ Ороноо хамгаалгын Агууехэ дайнда хабаадагша, Зүблэлтэ Холбооной Баатар (1945). Торгон сэрэгэй ахалагша сержант.
Намтар
Иван Тонконог 1913 оной августын 13-да Черниговын можын Селище һууринда таряашанай гэр бүлэдэ түрэһэн юм. Үндэһэ яһанай шэнжээр — украин хүн. Дунда һургуулиин зургаадахи анги дүүргэһэн. Тэрэнэй һүүлээр Сибирь мордожо, Эрхүү можын Слюдянка хотодо түбхинэжэ, түмэр замай мастераар хүдэлмэрилөө. 1934 онһоо 1936 он болотор Ажалшад-Таряашадай Улаан Сэрэгтэ алба гараа. Сэрэгһээ табигдаһанайнгаа һүүлээр Слюдянка нютагаа бусаа. 1943 ондо сэрэгэй албанда дахинаа татагдаад, 3-дахи Белорусска фронтдо эльгээгдээ һэн[1].
Иван Власович 1944 оной июлиин 14-дэ дайшалхы сэрэгшэдэй бүлэгтэй хамта түрүүшынхидэй тоодо Алитус хото шадар Неман мүрэниие дайлалдан гаталжа гараад, дайсанһаа плацдарм буляажа эзэлээд, гитлеровецүүдэй олон тоото угтан добтололгонуудые һөөргэнь сохиһон байна. Июлиин 18-да торгон сэрэгэй ахамад сержант Иван Тонконог байлдаанай үедэ баатарай үхэлөөр алдалан унаһан байна. Тэрэл Алитус хотодо хүдөөлүүлэгдээ[1].
СССР-эй Дээдын Зүблэлэй Президиумэй «Улаан Сэрэгэй захирагшадай ба юрын алба хаагшадай бүридэлдэ Зүблэлтэ Холбооной Баатарай нэрэ зэргэ олгохо тухай» 1945 оной мартын 24-эй Зарлигаар «немец булимтарагшадтай фронтдо тэмсэхэ үедөө захиралгын дайшалхы даабаринуудые жэшээтэ бэрхээр дүүргэһэнэйнгээ түлөө, тиихэдэ Неман голые гаталхадаа харуулһан шэн зоригой ба баатаршалгын түлөө, баруун эрьедэнь плацдарм баряад байһанайнь түлөө» торгон сэрэгэй ахамад сержант Иван Тонконогто Зүблэлтэ Холбооной Баатарай үндэр нэрэ зэргэ наһа бараһанайнь хойно олгогдоо.
Дурасхаал
- Түрэл нютагтань Украин Уласай, Черниговын можын, Носовын аймагай, Селище һууринай гудамжа Иван Тонконогой нэрээр нэрлэгдэнхэй.
- Эрхүү можын Слюдянка хотын гудамжа мүн лэ Иван Тонконогой нэрээр нэрлэгдэнхэй.
- Слюдянкада Баатарай хүндэлэлдэ дурасхаалай самбар табигдаа.
- Эсэгэ ороноо хамгаалгын Агууехэ дайнһаа бусаагүй Слюдянкынхидай хүшөө дээрэ Иван Тонконогой нэрэнь һиилэгдэнхэй.
- Алитус хотодо Баатарай нэрэ хото сүлөөлэгшэдэй хүшөө дээрэ мүнхэрөө[1].
Шагналнууд
- Алтан Одон медаль
- Ленинэй орден
Ажаглалта
- ↑ 1 2 3 Герой Советского Союза Тонконог Иван Власович на сайте «Герои страны» Архивная копия от 27 июль 2020 на Wayback Machine.
Ссылкэнүүд
- Тонконог Иван Власович (ород хэлэн). Сайт «Герои страны».
