Тихомиров Владимир Андреевич

Тихомиров Владимир Андреевич
Тихомиров Владимир Андреевич
Түрэһэн һара/үдэр	1921 оной июлиин 11
Түрэһэн газар	Владимирай можын Меленковой аймагай Запрудье һуурин
Наһа бараһан һара/үдэр	1976 оной июниин 6
Наһа бараһан газар	СССР, Белорус ССР, Минск хото
Хамаадал	СССР
Сэрэгэй түрэл янзань	хоргодон дайлалдагша (партизан)
Алба хэһэн жэлнүүд	1939 он—1946 он
Нэрэ зэргэ
Дайн/байлдаан	Эсэгэ ороноо хамгаалгын Агууехэ дайн

Владимирска можын Меленковскын аймагай тоонто нютагтань, Запрудье һууринай байһан һуури газарта табигдаһан хүшөө

Тихомиров Владимир Андреевич (1921 оной июлиин 11 түрэһэн, Владимирай можын Меленковой аймагай Запрудье һуурин — 1976 оной июниин 6 наһа бараһан, СССР, Белорус ССР, Минск хото) — Зүблэлтэ Сэрэгэй подполковник, Эсэгэ Ороноо хамгаалгын Агууехэ дайнда хабаадагша, Зүблэлтэ Холбооной Баатар (1944).

Намтар

Минск хотын Зүүн зүгэй хүүр газарта Тихомировай хүдөөлүүлгэ.

1921 оной июлиин 11-дэ Запрудье тосхондо (мүнөөнэй Владимирска можын Меленковскэ аймаг) түрэһэн. Дунда һургуули дүүргэһэн. 1939 ондо Ажалшад-Таряашадай Улаан Сэрэгтэ алба хэхэеэ татагдаһан байна. Харьков хотын сэрэгэй эмнэлгын училищи 1941 ондо дүүргээ. Эсэгэ ороноо хамгаалгын Агууехэ дайнай эхинһээ — байлдажа байгаа сэрэгтэ дайлалдаа^[1].

Несвижэй шадар болоһон байлдаанда 1941 оной июлиин 28-да хүндөөр шархатаад, плендэ абтаа. Табадахи оролдолго хэжэ тэрэ зугадажа, хоргодон дайлалдагшадай отрядта хүрэжэ шадаа. Тэрэ юрын пулемётчик боложо дайлалдажа эхилээ. Бүлэгэй бүхы дайшалхы үйлэ хэрэгүүдтэ эдэбхитэйгээр хабаадалсажа, уданшьегүй хоргодон дайлалдагшадай кавалериин бүлэгэй захирагша, удаань хоргодон дайлалдагшадай кавалериин бүлэгэй захирагша болоо. Булэгэйнгөө ударидажа, немецүүдэй гарнизонуудта болон дайсанай сэрэгшэдэй ба офицернүүдэй тусхай бүлэгүүдтэ добтололго ябуулаа, хүүргэ дэлбэрүүлжэ, хэлхеэ холбоо таһалаад, автоколоннонуудые һандаргадаг байгаа. 1942 оной зун тус бүлэг Градовай (Ваупшасов) тусхай бүлэгтэй уулзажа, тэрээнээр дамжан «Ехэ газартай» холбоо байгуулаа. Дайсад Тихомировай бүлэй тушаа оло дахин хэһээлтын ажал ябуулһан, теэд тэдэнь бултадаа амжалтагүйгөөр түгэсэһэн байна. Тэрэнэй хүтэлбэри доро байһан отряд 1942 оной эсэстэ 300-аад хоргодон дайлалдагшадтай байгаа һэн. 1943 оной май һарада 700-аад хоргодон дайлалдагшадтай^[1] 12-дохи морин сэрэгэй хоргодон дайлалдагшадай шэнээр зохёогдоһон бригада болгогдоо.

Бүхыдөө Тихомировай бригада дайлалдаха үедөө 93 эшелонуудые замһаань гаргажа, 93 паровоз, 696 вагон, цистернэ болон платформануудые ашаглалгаһаа болюулһан, 2472 метр утатай түмэр замай харгынуудые, 6 түмэр замай ба 90 юрын хүүргэнүүдые, 8 танк, 167 автомашина дэлбэрүүлһэн байна. 1944 оной июнь һарада Улаан Сэрэгтэй хубинуудтай нэгэдэһэн^[1].

СССР-эй Дээдын Зүблэлэй Президиумэй «Беларусиин хоргодон дайлалдагшадта Зүблэлтэ Холбооной Баатарай нэрэ зэргэ олгохо тухай» 1944 оной январиин 1-эй Зарлигаар «дайсанай ара талада фашис добтологшодтой эсэргүүсэн тэмсэлгэ хэжэ ябахадаа захиралгын дайшалхы даабаринуудые жэшээтэ бэрхээр дүүргэһэнэйнгээ түлөө, мүн тиихэдэ сэрэгэй ябуулгада харуулһан шэн зоригой ба баатаршалгын түлөө, Беларусиин хоргодон дайлалдагшадай хүдэлөөнэй хүгжэлтэдэ тусхай алба хэһэнэйнгээ түлөө» Владимир Тихомиров Зүблэлтэ Холбооной Баатарай үндэр нэрэ зэргэдэ хүртэжэ, Ленинэй орденоор болон № 3669 дугаарай «Алтан Одон» медаляар шагнагдаһан байха юм^[2].

1945 ондо М. В. Фрунзын нэрэмжэтэ сэрэгэй академида һуралсалаа дүүргээ. 1946 ондо подполковнигой нэрэ зэргэтэйгээр сэрэгэй нөөсэ албанда табигдаа. Түрүүшээр Улаан-Үдэ хотодо ажаһуугаа, ажаллаа, һүүлээрнь 1948 онһоо Минск хотодо партийна ажал эрхилээ.

Тэрэ 1976 оной июниин 6-да наһа бараа, Минск хотын Зүүн зүгэй хүүр газарта хүдөөлүүлэгдээ^[1].

Шагналнууд

Алтан Одон медаль, Зүблэлтэ Холбооной Баатарай (1944 он)
Хоёр, Ленинэй орденууд
Эсэгэ Ороноо хамгаалгын Агууехэ дайнай I шатын орден
«Эсэгэ ороноо хамгаалгын Агууехэ дайнда хоргодон дайлалдагшада» I шатын медаль
«Эсэгэ ороноо хамгаалгын Агууехэ дайнда хоргодон дайлалдагшада» II шатын медаль
олон медальнууд^[1].

Дурасхаал

В. А. Тихомировай нэрээр Красная Свобода тосхоной гудамжа нэрлэгдэнхэй^[3].
Муром хотын бульвар Баатарай нангин дурасхаалда нэрээрнь нэрлэгдээ^[1].
Муром хотын 19-дэхи дунда һургуули мүн лэ В. А. Тихомировай нэрэ зүүжэ ябана^[4].
Тоонто нютагтань, Запрудье һууринай байһан һуури газарта хүшөө байгуулагдаа.

Ажаглалта

↑ ¹ ² ³ ⁴ ⁵ ⁶ Тихомиров Владимир Андреевич (ород хэлэн). Сайт «Герои страны».
↑ Указ Президиума Верховного Совета СССР «О присвоении звания Героя Советского Союза белорусским партизанам» от 1 января 1944 года // Ведомости Верховного Совета Союза Советских Социалистических Республик : газета. — 1944. — № 1 (261). — С. 1. Архивировано из первоисточника 6 декабрь 2021.
↑ Тихомиров Владимир Андреевич Архивная копия от 17 ноябрь 2015 на Wayback Machine.
↑ Уголок Славы Героя Советского Союза Владимира Андреевича Тихомирова.

Ном зохёол

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2
Всенародная борьба в Белоруссии. В 3 т. "Минск. «Беларусь». 1984.
Люди легенд. Выпуск 4. М., 1971.

[wh-1] ¹ ² ³ ⁴ ⁵ ⁶ Тихомиров Владимир Андреевич (ород хэлэн). Сайт «Герои страны».

[2] Указ Президиума Верховного Совета СССР «О присвоении звания Героя Советского Союза белорусским партизанам» от 1 января 1944 года // Ведомости Верховного Совета Союза Советских Социалистических Республик : газета. — 1944. — № 1 (261). — С. 1. Архивировано из первоисточника 6 декабрь 2021.

[3] Тихомиров Владимир Андреевич Архивная копия от 17 ноябрь 2015 на Wayback Machine.

[4] Уголок Славы Героя Советского Союза Владимира Андреевича Тихомирова.

[1]

[2]

[3]

[4]