Радиогой бүхэдэлхэйн үдэр
| Радиогой Бүхэдэлхэйн үдэр | |
|---|---|
 World Radio Day 2013. ЮНЕСКО-дахи түб байшан, Париж. | |
| Түхэл | Уласхоорондын |
| Ондоогоор | World Radio Day |
| Үшөө тиихэдэ | WRD |
| Тогтоогдоһон | ЮНЕСКО |
| Тэмдэглэгдэнэ | ООН-ой гэшүүд байһан гүрэнүүд |
| Һара\үдэр | 2 һарын 13 |
| Һайндэрлэлгэ | жэл бүри февралиин 13 |
 РУВИКИ.Медиа дахи Медиафайл | |
Радиогой Бүхэдэлхэйн үдэр (ород хэлэн дээрэ Всемирный день радио) (ЮНЕСКО-гэй бусад хуулита хэлэнүүд дээрэ: англ. дээрэ World Radio Day, Араб: дээрэ اليوم العالمي للإذاعة, испан хэлэн дээрэ Día Mundial de la Radio, Хитад: дээрэ 世界广播日, француз хэлэн дээрэ Le jour mondial de la radio) — февралиин 13, ЮНЕСКО-гэй юрэнхы ехэ хуралдаанаар баталан тунхаглагдаа.
Түүхэ
Радиогой Бүхэдэлхэйн үдэр байгуулха тухай бодол Испаниин радиогой академиин юрэнхылэгшэ Хорхе Альварестэ ерэһэн юм. 2008 оной январь һарада ЮНЕСКО ударидажа байһан юрэнхы захирал Коичиро Мацураһаа дэмжэлгэ абаһан байна.
2011 оной октябриин 19-дэ ЮНЕСКО-до болоһон Ехэ хуралдаанай 36 C/63[1] гэһэн тогтоолоор февралиин 13-иие «Радиогой Бүхэдэлхэйн үдэр» гэжэ соносхобо. Энэ үдэр 1946 ондо Нэгэдэмэл Үндэһэтэнэй Эмхи ООН-ой радио байгуулһан түүхэтэй. Анха түрүүн энэ дурадхал ЮНЕСКО-до баймга ажалладаг Испаниин түлөөлэгшэдһөө ороһон байха юм[2][3].
Саашадаа тус һайндэр жэл бүри тэмдэглэхэ, харилсаа холбооной энэ хэрэгсэлэй нэрэ хүндые дээшэлүүлхэ зорилготойгоор 2012 онһоо хойшо Испаниин радиогой академи Радиогой Бүхэдэлхэйн үдэрэй Уласхоорондын хороон байгуулха талаар ажал үүсхэн ябуулаа[4].
2013 оной январиин 14-дэ Нэгэдэмэл Үндэһэтэнэй Эмхиин Юрэнхы Ассамблей «Радиогой Бүхэдэлхэйн үдэр» тухай соносхолые албан ёһонойхёор баталба. Февралиин 13-иие «Бүхэдэлхэйн радиогой үдэр» гэжэ соносхоһон ЮНЕСКО-гой 36-дахи сессиин талаар Нэгэдэмэл Үндэһэтэнэй Эмхиин Юрэнхы Ассамблейн 67-дохи хуралдаан дээрээ тусхай тогтоол баталан абаа. Энэ үүсхэл мүн лэ Испанай Хаанта Уласһаа дурадхагдажа, ООН-до баймга ажалладаг Испаниин түлөөлэлгэтэ газараар дэбжүүлэгдэһэн байна[5].
Радиогой бүхэдэлхэйн үдэрэй сэдэбүүд
| Жэл | Сэдэб |
|---|---|
| 2021 | Шэнэ дэлхэй, шэнэ радио |
| 2020 | Олон янза |
| 2019 | Хөөрэлдөөн, тэсэбэри ба энхэ тайбан |
| 2018 | Радио ба тамир |
| 2017 | Радио - энэ ши |
| 2016 | Радио - гай тодхорой сагуудта ба онсо ушаралнуудай үедэ[6] |
| 2015 | Залуушуул ба радио[7] |
| 2014 | Эрэ эмын адли тэгшэ эрхэтэ байдал - радиодо[8] |
| 2013 | Радиогой Бүхэдэлхэйн үдэр 2013[9] |
| 2012 | Радиогой Бүхэдэлхэйн үдэр 2012[10] |
Үшөө тиихэдэ харагты
Ажаглалта
- ↑ Резолюция 36 C/63.
- ↑ Día Mundial de la Radio.
- ↑ Всемирный день радио | Организация Объединённых Наций.
- ↑ world radio day history.
- ↑ ООН официально утвердила Всемирный день радио | Организация Объединённых Наций по вопросам образования, науки и культуры.
- ↑ О Всемирном дне радио | World Radio Day 2016
- ↑ Всемирный день радио 2015
- ↑ Всемирный день радио 2014 | Организация Объединённых Наций по вопросам образования, науки и культуры.
- ↑ Всемирный день радио 2013 | Организация Объединённых Наций по вопросам образования, науки и культуры.
- ↑ World Radio Day 2012 | United Nations Educational, Scientific and Cultural Organization.