Игорь Стравинский

Игорь Стравинский
Ажал үйлэ:	хүгжэмэй зохёолшо
Түрэһэн үдэр:	1882 оной июниин 17(1882-06-17)
Түрэһэн газар:	Ораниенбаум
Эрхэтэнэй харьяалал:	Франци  Оросой эзэнтэ гүрэн  Америкын Нэгэдэһэн Улас
Наһа бараһан үдэр:	1971 оной апрелиин 6(1971-04-06)[…] (88 наһатай)
Наһа бараһан газар:	Нью-Йорк
Гарай үзэг:

Игорь Федорович Стравинский (1882 оной июниин 17, Ораниенбаум, мүнөөнэй Ломоносов, ‒ 1971 оной апрелиин 6, Нью-Йорк; Венецидэ хүдөөлэгдэһэн), ород хүгжэмэй зохёолшо ба дирижёр. Тэрэниие XX зуунай хүгжэмэй уралигай нэгэ томо түлөөлэгшэ гэжэ үзэдэг.

Эсэгэнь дуушан Федор Стравинский. Эртын наһандаа ород удха зохёолтой, уран зурагтай, театртай, хүгжэмтэй танилсаба. 9 наһанһаа фортепиано тоглобо, 18 наһанһаа өөрөө найрлалгын теориие һураба. Гансата Петербургын дээдэ һургуулиин хуулиин тэнхимдэ һураа (1900‒05). 1902 онһоо Римский-Корсаковһоо хэшээл абаа һэн, тэрэниие һүнэһэнэй аба гэжэ нэрлэбэ. 1908 ондо «Гайхалтай скерцо» ба оркестрдэ зорюулһан «Фейерверк» гэһэн фантази бэшээ, тус бүтээлнүүдөөр анхандаа анхарал татаба. Париста «Ород уларилай» байгуулагша Сергей Павлович Дягилев тэндэ Стравинскийдэ алдаршаһан «Хан шубуун» (1910), «Петрушка» (1911), «Арюун хабар» (1913) гэһэн баледүүдэй премьерые байгуулжа, тэрэниие ехээр дэмжэбэ. 1910 онһоо Париста, Швейцарида, Орос гүрэндэ (һамганай тугдамда) ажаһууба. 1914 онһоо Швейцарида һуурижажа, 1920 онһо Францида амидараад, 1939 ондо АНУ-да нүүбэ (1945 ондо Америкын харьяатан болоо). Хари орондо концертүүдые хэжэ (өөрынгөө зохёол, заримдаа М. И. Глинкын, П. И. Чайковскийн зохёолнуудые тоглоо), дэлхэйн хоёрдугаар дайнай һүүлдэ концертүүдынь маша үргэн хэмжээтэй болоо. 1962 ондо СССР-дэ концертүүдые харуулба.