Дружинин Михаил Иванович

Рувикидэ иимэ обогтой ондоо хүнүүд тухай үгүүлэлнүүд бии Дружинин.

Дружинин Михаил Иванович
Түрэһэн һара/үдэр	1920 оной сентябриин 15
Түрэһэн газар	РСФСР, Твериин можо, Бежецкын хушуун, Демьянцево тосхон
Наһа бараһан һара/үдэр	1995 оной мартын 31
Наһа бараһан газар	Орос гүрэн, Москва хото
Хамаадал	СССР
Сэрэгэй түрэл янзань	Ябаган сэрэг
Алба хэһэн жэлнүүд	1939—1987
Нэрэ зэргэ
Дайн/байлдаан	Эсэгэ Ороноо хамгаалгын Агууехэ дайн Совет-япон дайн
Шангууд ба шагналнууд
РУВИКИ.Медиа дахи Медиафайл

Дружинин Михаил Иванович (1920 оной сентябриин 15-да түрэһэн, Твериин можын, Бежецкын хушуунай, Демьянцево тосхон — 1995 оной мартын 31-дэ наһа бараһан, Орос гүрэн, Москва хото) — зүблэлтэ сэрэгэй ажаябуулагша, Совет-япон дайнда болон Эсэгэ Ороноо хамгаалгын Агууехэ дайнда хабаадагша, торгон сэрэгэй генерал-полковник (1978 он). Зүблэлтэ Холбооной Баатар (1945 он).

Намтар

Дружинин Михаил Иванович 1920 оной сентябриин 15-да Калининай можын, Бежецкын хушуунай, Демьянцево һууринда (мүнөөнэй Твериин можын, Бежецкын аймаг) таряашанай гэр бүлэдэ түрэһэн юм.

Дунда һургуули дүүргэһэн.

Дайнай урдахи саг

Дружинин 1939 оной ноябрь һарада Ажалшад-Таряашадай Улаан Сэрэгтэ татагдаа. Тусгаар холбооной 215-дахи амяараа батальоной (буудалгын 156-дахи дивизиин) бага зэргын захирагшадай һургуули дүүргээ. Уданшьегүй энэл һургуулидаа бага зэргын сержант Дружинин курсантнуудай радиотаһагые ударидаа.

Эсэгэ Ороноо хамгаалгын Агууехэ дайн

Эсэгэ ороноо хамгаалгын Агууехэ дайнай эхилхэдэ, тэрэ фронт ошохоёо һанаһаншье һаа, тусгаар нөөсын буудалгын 11-дэхи бригадада эльгээгдэжэ, холбооной сэрэгэй албатаниие бэлдэдэг байгаа, теэд фронтдо эльгээгдэхын тула рапортнуудые үгэдэг һэн.

1943 ондо Бүхэсоюзна коммунис намай ВКП(б)-н бүридэлдэ ороһон байна.

Дружинин 1943 оной март һарада В. И. Ленинэй нэрэмжэтэ Москвагай сэрэгэй-бодолгын училищада эльгээгдэһэн, тэрэнээ 1944 ондо дүүргэһэн байха юм.

1944 оной май һараһаа Эсэгэ ороноо хамгаалгын Агууехэ дайнай фронтнуудта болоһон байлдаануудта хабаадаа. 1944 оной июниин 23-да Витебскын можын Замосточье һуурин шадар болоһон байлдаанда шалгараа.

Генерал-майор П. Н. Бибиков ахалагша лейтенант М. И. Дружининиие Зүблэлтэ Холбооной Баатарай нэрэ зэргэдэ хүртэһэн ушараар амаршална.

СССР-эй Дээдын Зүблэлэй Президиумэй 1945 оной мартын 24-эй Зарлигаар «немец булимтарагшадтай фронтдо тэмсэхэ үедөө захиралгын дайшалхы даабаринуудые жэшээтэ бэрхээр дүүргэһэнэйнгээ түлөө, тиихэдэ харуулһан шэн зоригой ба баатаршалгын түлөө» торгон сэрэгэй ахалагша лейтенант Михаил Иванович Дружинин Зүблэлтэ Холбооной Баатарай нэрэ зэргэдэ хүртөө, мүн Ленинэй орденоор болон № 3714 дугаарай «Алтан Одон» медаляар шагнагдаһан байха юм.

Тэрэ Гумбиннен-Гольдапска болон Зүүн Пруссиин дайшалхы ябуулгануудта хабаадаһан байна. Кёнигсбергын дайшалхы ябуулгануудай үедэ Дружинин комсомолой талаар торгон сэрэгэй буудалгын 19-дэхи дивизиин бодолгын таһагай даргын туһалагшын (бололгын таһагые даагша А. В. Пекарев) тушаалда байһан байна. Энэл тушаалдаа совет-япон дайнда хабаадаа. Тэрэ Порт-Артур хотодо дайгаа түгэсхөө.

Дайнай һүүлээрхи тушаалаар дэбжэлгэ

Дружининай хүүдөөлүүлгэ Москва хотын Кунцевын хүүр газарта.

1948 ондо Смоленскын сэрэгэй-бодолгын номногшодой һургуули, 1955 ондо М. И. Калининай нэрэмжэтэ Дээдын сэрэгэй багшанарай дээдэ һургуули, 1962 ондо Сэрэгэй ударидалгын түб зургаанай сэрэгэй академи, 1971 ондо В. И. Ленинэй нэрэмжэтэ сэрэгэй-бодолгын академиин дэргэдэ улас түрын бодолгын бүридэлэй ажалшадые дахинаа бэлдэлгын болон мэргэжэл дээшэлүүлгын академическэ курснуудые дүүргэһэн байна.

1948 оной декабрь һараһаа СССР-эй дайсанай авиацида эсэргүүсэһэн хамгаалалгын сэрэгүүдэй бодолгын хүтэлбэриин комсомолой ажалай талаар ахамад инструкторай тушаалда хүдэлмэрилөө. 1955 оной октябрь һараһаа даргын орлогшын, 1957 оной август һараһаа мотобуудалгын дивизиин бодолгын таһагай даргын тушаал эзэлээ. 1962 оной март һараһаа — СССР-эй Стратегическэ шэглэлтэй ракетнэ сэрэгүүдэй (Винница) 43-дахи ракетнэ сэрэгэй бодолгын таһагай даргын нэгэдэхи орлогшын тушаалда. 1963 оной февраль һараһаа бодолгын таһагай дарга — «Байконур» гэһэн зэбсэг туршадаг газарай бодолгын хубиин талаар даргын орлогшын тушаал эзэлээ. 1969 оной октябрь һараһаа —Киевэй сэрэгэй тойрогой бодолгын хүтэлбэриин даргын нэгэдэхи орлогшын тушаалда. 1973 оной октябрь һараһаа — Приволжын сэрэгэй тойрогой бодолгын хүтэлбэриин даргын тушаалда. 1975 оной июль һараһаа — Сэрэгэй Зүблэлэй гэшүүн — Алас Дурнын сэрэгэй тойрогой бодолгын хүтэлбэриин таһагые даагша. 1979 оной март һараһаа — Сэрэгэй Зүблэлэй гэшүүн — Алас Дурнын сэрэгүүдэй Ахамад захиралгын бодолгын хүтэлбэриин дарга. 1985 оной май һараһаа — К. Е. Ворошиловай нэрэмжэтэ СССР-эй Зэбсэгтэ хүсэнүүдэй Сэрэгэй ударидалгын түб зургаанай Сэрэгэй академиин бодолгын таһагые даагша.

«Офицеры» гэһэн уран һайханай фильмдэ сэрэгэй зүбшэлэгшэ.

Михаил Иванович Дружинин 1987 оной ноябрь һарада наһанайнгаа амаралтада гараа. ЦК КПСС-эй гэшүүндэ дэбшүүлэгшэ 1981 онһоо 1986 он болотор. РСФСР-эй Дээдын Зүблэлэй 9-11 зарлалнуудай арадай һунгамал (1974—1989) онуудта.

Дружинин Михаил Иванович Москвада ажаһуугаа, 1995 оной мартын 31-дэ наһа бараа. Кунцевын хүүр газарта 12-дохи участокта хүдөөлүүлэгдэнхэй.

Шагналнууд ба хүндэтэ нэрэ зэргэнүүд

• Алтан Одон медаль (СССР) (1945 оной мартын 24);
• Ленинэй орден (1945 оной мартын 24);
• Октябриин Хубисхалай орден (1980 оной сентябриин 12);
• хоёр, Эсэгэ Ороноо хамгаалгын Агууехэ дайнай I шатын орден (1945, 1985) онууд;
• Эсэгэ Ороноо хамгаалгын Агууехэ дайнай II шатын орден (1944 он);
• Ажалай Улаан Тугай орден (1966 он);
• гурбан, Улаан Одоной орден (1945, 1954, 1976) онууд;
• «СССР-эй Зэбсэгтэ хүсэнүүдэй бүридэлдэ Эсэгэ орондоо алба хэһэнэй түлөө» 3-дахи шатын орден (1976 он);
• медальнууд;
• гадаадын шагналнууд;
• Витебск хотын Хүндэтэ эрхэтэн (1964 он).

Зохёон бэшэлгэ

• Харуулнуудые саг һэлгэнэ (Сменяет время караулы). Хабаровск, 1980 он.

Дурасхаал

Ном зохёол

• «Военный энциклопедический словарь ракетных войск стратегического назначения» / Министерство обороны России.; Гл.ред.: И. Д. Сергеев, В. Н. Яковлев, Н. Е. Соловцов. — Москва: Большая Российская энциклопедия, 1999. — 632 с. — 8500 экз. — ISBN 5-85270-315-X. — С.170—171.

Ажаглалтанууд

Ссылкэнүүд

• Дружинин Михаил Иванович (ород хэлэн). Сайт «Герои страны».