Антуан де Сент-Экзюпери

Антуан де Сент-Экзюпери
Antoine de Saint-Exupéry
Ажал үйлэ:	уран зохёолшо
Түрэһэн үдэр:	1900 оной июниин 29(1900-06-29)[…]
Түрэһэн газар:	2-й округ Лиона[d], Рона[d], Франци
Эрхэтэнэй харьяалал:	Франци
Наһа бараһан үдэр:	1944 оной июлиин 31(1944-07-31)[…] (44 наһатай)
Наһа бараһан газар:	Рью[d], 8th arrondissement of Marseille[d], Марсель[d] или Газарай дундада тэнгис
Гарай үзэг:

Антуан де Сент-Экзюпери (Лион — 1944 оной июлиин 31) — Франциин уран зохёолшо.

Изагууртан гэр бүлэдэ түрөө. 1919‒1921 оной хоорондо Уран һайханай һургуулида һуража, 1921‒1923 оной хоорондо сэрэгэй алба гаража, үйлэдбэридэ хүдэлмэри хэбэ. 1926 ондо энгын эрхэтэнэй ниидэгшэ боложо, тэрэ ондошье «Ниидэгшэ» гэһэн туужаяа хэблэбэ. 1927‒1929 оной хоорондо Хойто Африкада аэродромой хүтэлбэрилэгшэ байгаа. «Урда шууданай» (француз хэлэн Courrier Sud, 1929) гэһэн романда пилодуудые эрхэтэдтэ зүршэлдүүлэн жэшэнэ. 1929‒1931 ондо Урда Америкэдэ, Африкада ниидэгшээр ажаллажа хүдэлээд, һүүлдэнь шалгагша-ниидэгшэ байгаа (1933‒34). 1931 ондо «Һүниин ниидэлгэ» (француз хэлэн Vol de nuit) гэһэн романаа хэблэбэ. 1939 оной «Хүмүүдэй замбуулин» (француз хэлэн Terre des hommes) номынь Франциин академиин санда хүртэбэ. Сент-Экзюпериин зохёолнууд хадаа ‒ һурбалжалгын ба ирагуу найрагай, гүн ухаанай шудхамал юм. 1939‒1945 оной Дэлхэйн хоёрдугаар дайнай үедэ Сент-Экзюпери сэрэгэй ниидэгшэ байгаад, фронтдо дайлалдажа ябаһан байна. Германиин фашистуудай Франциие эзэлһэнэй һүүлдэ (1940) АНУ-да ябажа, Эсэргүүсэлэй хүдэлөөнэй уран зохёолдо шухала һуури эзэлдэг «Дайнай ниидэгшэ» (француз хэлэн Pilote de guerre, 1942) ба «Барисаандахи бэшэг» (француз хэлэн Lettre à un otage, 1943) номуудые хэблэбэ. 1943 онһоо Хойто Африкада сэрэгэй ниидэгшэ байгаа; 1944 оной июлиин 31-дэ тагнаха ниидэлгэһээ бусажа ерээгүй. Сент-Экзюпериин «Бишыхан хан тайжа» (француз хэлэн Le Petit Prince, 1943) гэһэн онтохониинь тэрээндэ алдар соло дуудаба.

«Бишыхан хан тайжа» гэһэн номынь 1979 ондо В. Б. Намсараевэй буряад хэлэн дээрэ оршуулһан байна.