Ажабайдалай орьёлдо

«Ажабайдалай орьёлдо»
«Ажабайдалай орьёлдо»
	2021 ондо хэблэгдэһэн номой гадар
Жанр	намтар тухай мэдээнүүдэй суглуулбари
Эблүүлэн зохёогшо	Б.Д.Балданов, Д.Р.Замбалова, Н.П.Будаева, Т.Б. Галсанова
Эхэ бэшэгэй хэлэн	буряад, ород хэлэн
Бэшэгдэһэн һара үдэр	2019-2021 онууд
Түрүүшынхиеэ хэблэгдэһэн һара үдэр	2021 он

Шалгагдаһан статья

«Ажабайдалай орьёлдо» (ород хэлэн дээрэ - «На высоте жизни») — Буряад Уласай Ахын аймагай өөһэдын хүтэлбэриин түрүүшын толгойлогшо болон Хүндэтэ эрхэтэн Валерий Раднаевич Монголовой намтар тухай мэдээнүүдэй буряад, ород хэлэнүүд дээрэ хэблэгдэһэн суглуулбари.

Суглуулбариин түүхэ

2017 онһоо эхилжэ, Ахын аймагай түбэй номой сангай хүдэлмэрилэгшэдэй болон гэр бүлынь үүсхэлээр согсолборидо орохо мэдээнүүд суглуулагдажа эхилээ.

2019 ондо эхэ бэшэгынь эрхилэгшэдэ тушаагдаа. 2019—2020 онуудай туршада эрхилэгшэ эхэ бэшэг дээрэнь ажаллахадаа, согсолбориин бүридэл гуримшуулан хинахаһаа гадуур, олон шэнэ толилолгонуудые, тэрэ тоодо өөрынгөө бэшэһэн баримтата зураглал оруулһан, нэмэһэн, һэльбэһэн байха юм. Мүн тиихэдэ В. Р. Монголовтой нэгэ үедэ ажаллаһан зонтой, түрэлхид болон нүхэдтэйнь, уласай аймагууудай толгойлогшонортой ба арадай ажахын элдэб һалбаринуудта хүтэлбэрилхы тушаалнуудта ябаһан ноёд, дарганартай уулзажа, хөөрэлдөөнүүдые эмхидхэһэн юм.

Суглуулан бэлдэгдэһэн согсолбориин эхэ бэшэг хэблэлдэ тушаагдаа. Ахын аймагай захиргаанай болон түрэл гаралнуудай мүнгэн туһаламжаар тэрэл жэлэй эсэстэ 250 хэһэгээр ном барлагдажа, нара хараһан байна.

2022 оной зун, В. Р. Монголовой түрэһөөр 75 жэлэй ойн баярта зорюулагдаһан хэмжээ ябуулгануудай үедэ, согсолборитой танилсуулга Ахын аймагай түб болохо Өөрлиг һууринда үнгэргэгдөө^[1].

Суглуулбариин бүридэл

СССР гүрэнэй һандаран һалажа байха хэсүү үедэ түрэл аймагаа толгойлжо, хүндэ хүшэр хаһа нютагаархинтаяа хамта дабажа гараһан, арад зоноо амжалтатайгаар хүтэлжэ, хадата нютагайнгаа шэнын түүхэдэ горитой ехэ хубитаяа оруулһан Ахын аймагай өөһэдын хүтэлбэриин түрүүшын толгойлогшо, Оросой Холбоото Уласай Хүндэлэлэй болон Эб нүхэсэлэй одонуудаар (орденуудаар) шагнагдагша, Буряад Уласай габьяата инженер, Ахын аймагай Хүндэтэ эрхэтэн Валерий Раднаевич Монголовой наһанай намтар тухай мэдээнүүд, ондо ондоо жэлнүүдтэ бэшэгдэһэн сэдхүүлшэдэй нэбтэрүүлгэнүүд: хөөрэлдөөнүүд ба зураглалнууд, мэдээсэлэй тэмдэглэлнүүд, мүн тиихэдэ өөрынь бэшэһэн статьянууд, нэгэ үедэ ажаһууһан зоной — нүхэдэйнь, суг ажалтанайнь болон түрэлхидэйнь дурсалганууд оруулагдаа.

Эрхилэгшын, аймагай засаг даргын оролто үгэнүүдһээ, В. Р. Монголовой намтар тухай толилолгоһоо, 7 томо бүлэгүүдһээ согсолбори бүридэнэ:

«Ахын РЭС-эй ажалша коллективтэ»,
«Бэрхэшээл болон гээлтэнүүдые дабан ажаһууха ба ажаллаха»,
«В. Р. Монголовтой хөөрэлдөөнүүд»,
«Шэнэдхэн хубилалгын хэрэгтэй үедэ»,
«Ахын аймагай түрүүшын толгойлогшо Валерий Монголовой шанда хүртэхын тула үндэһэн буряад барилдаагаар улас түрын урилдаан»,
«Валерий Раднаевич Монголовой статьянууд»,
«Валерий Раднаевич Монголовые һанан дурсан».

Согсологшод болон эрхилэгшэ тухай

Балданов Баир Дашеевич — согсологшо болон эрхилэгшэ, Оросой Холбото Уласай юрэнхы болбосоролой хүндэтэ хүдэлмэрилэгшэ, Буряад Уласай соёлой габьяата хүдэлмэрилэгшэ, Буряад Уласай эдэй засагай албанай эрхимлэгшэ 2011—2016 онуудта — «Ахын аймаг» гэһэн нютагай засагай байгууламжын засаг дарга
Замбалова Долгор Раднаевна — Ахын аймагай түбэй номой сангай таһагай дарга, Буряад Уласай соёлой габьяата хүдэлмэрилэгшэ
Будаева Новелла Пурбуевна — Ахын аймагай түбэй номой сангай библиограф, хүүгэдэй номой сангые даагша
Галсанова Туяна Бандановна — Ахын аймагай түбэй номой сангай номой саншан

Хэблэлэй түлөө харюусалгата нюурнууд:

Базарова Цыпелма Булатовна — Ахын аймагай түбэй номой сангай захирал, Буряад Уласай соёлой габьяата хүдэлмэрилэгшэ
Цыремпилова Светлана Леонидовна — Ахын аймагай түбэй номой сангай захирал

Ажаглалта

↑ https://vk.com/wall-177079949_2797

Ссылкэнүүд

https://unis.shpl.ru/Pages/Search/BookInfo.aspx?Id=8794842

[1] ttps://vk.com/wall-177079949_2797

[1]